حب من طرف واحد

بارت اول

‏" أردتُ أن نكون معاً ، تحت أي إحتمال "

بداية يوم جديد بنسبة للأبطال وهي بداية حياتهم
بجامعة

فهد_كعدت من نوم على رن منبه(ياربي تعال روح لدوام وهذا اول يوم🤦🏻‍♂️)كعدت سبحت وبدلت وخابرت مهند حتى اكعده لان اعرف بي اخر من يكعد رن مرتين وماكو رد رجعت دكيت رد...
فهد(ها مهند اكعد يلا ماتعرف اليوم اول يوم بنسبه اليه)
مهند(خير خير شكو من صبح واحد اول شي يصبح وبعدين دوام كله كلاوات اني انجحك بطريقتي😌)
فهد(مهند تعرف بيه ماامشي مثلك ديلا اكعد نص ساعه واكون يمك وماريد تتأخر باي)
مهند_ياربي جان ناقصني صديق🤦🏻‍♂️

روز_كعدت على احلى كلام بدنيا شفت بابا يم رأسي ويمسح بيده على شعري ويكول اليوم اول يوم لاميرتي بحياتها الجديده كعدت بست رأسه وكتله يااحلى أب بعالم
أب_بنتي اريدج من اول يوم تكونين كد هذا تغير وراح تشوفين أشكال وأنواع ناس بلبدايه راح اضوجين وتكرهين الدوام لكن مع ايّام اذا لكيتي صديقات زينات راح تحبين الدوام ولاتنسيني اي شي تحتاجين اني اول شخص راح اسمعج يا أميرتي👑
روز(بعد ماسمعت كلام بابا حسيت بقوة واتحمست ابدي بيومي بكامل مشاعري بسته وكعدت سبحت واختاريت احلى ملابس عندي حتى يعكس قوتي وخليت مكياجي يومي طبعًا تعلمت من خلصت سادس😂ونزلت سلمت على اهلي وطلعت اخذت سياره بابا ورحت لدوام....)

فهد(رحت ورى مهند لاول مره اشوفه متحضر من وكت طلعت تهديدي يمشي ويا🤣رحنا كبل لجامعه اول مادخلت حسيت بشعور غريب اول مره ادوام وياي بنات وبحياتي ماحاجي وي بنية يعني جنت من نوع أفضل دراستي على علاقات الحب وخاصاً وكت سادس قطعت علاقاتي حتى وي ربعي بحيث بس دراسه والله وفقني وانقبلت "هندسه نفط"وصلت للقسم واني دكات كلبي مختلف على خوف على ارتباك ومهند بس يمشي ويسلم على هاي بنية وهذيج بنية كلش ضوجني بس ماحجيت شي لان اعرف بي من هذا نوع المهم اول مادخلت جانت محاضره دتبدي واني مدام شاطر اكيد اكعد بلبدايه حتى اجذب انتباه الدكتور بدت محاضره وفجأة بعد ٥ دقايق اندكت الباب هنا جانت الصدمة......

روز(يااااربي شهل ازدحامات مجنت اعرف هيجي راح اتأخر ولحدما وصلت ولكيت مكان حتى اخلي بي سياره وكت محاضره صارت واني لحتى مااتاخرت اكثر نسيت كلشي حولي وكلت لازم اوصل لمحاضره بسرعه لبست جنطه ولزمت تنوره بيدي وركضت شكد سمعت يكولون شوفو شوفو هاي خبله وثاني يكول يابويه شنو هاي عبالك دتهرب المهم مااهتميت لاحد كل همي اوصل للمحاضره وصلت للقسم وسألت على شعبه مالتي طبعًا اني طالبه "علوم" دخلت لشعبه ولحظي بعده دكتور مجان واصل رحت لحتى اكعد واني بلكوه اتنفس من ركض اشو وحده مدت بطل مي اليه انداريت شفت ملاك على هيئه إنسان برائه بوجه ينطيك طاقه ايجابيه اخذته لبطل وشكرتها وراها مديت ايدي
روز_هلو اني روز
لمى_هلو عمري اني لمى
روز(انصدمت اكثر يعني هم اسم حلو وهم الشكل حلو)
روز_تشرفت وشكرا اهواي
لمى_اليه شرف عمري ولو شي بسيط بس من شفتج بلكوه تتنفسين خفت كلش ورأسن اجيت اساعدج خوما مريضه؟
روز_ههههههه لالالا جنت اركض حتى الحك على محاضره وطلع دكتور مجاي بعده
روز(بقينا نحجي اني ولمى وتعارفنا اكثر وطبعا محاضرتين محد من دكاتر موجود رحنا اني ولمى على كافتريا وبدينا نحجي ونسولف حسيت روحي اعرف لمى من زمان وهي بنية كلش هادئه وبسيطه على عكسي تماماً اني كلش مزاجيه لدرجه ٣مرات خليت اني ولمى نغير مكانًا ياما ماارتاح او اشوف نظرات واضوج المهم ولمى بس تبقى تضحك على مزاجيتي😤...