حب من طرف واحد

بارت ثالث

لكنه لا يغادر قلبي💔

لمى(طبعًا اني اسعد وحده يمكن جاي اعيش احلى لحظات عمري وي مهند بهاي المدة القصيرة.وهم صار عندي شله وهما مهند وفهد وشمس "شمس ماحبيتها مادري ليش وحسيتها ماتحب فهد ويمكن تخونه هم" إما روز مادوامت وبصراحه بالي كلش يمها وكلما اخابرها تتحجج عندي شك اكو شي وقررت اروح يمها اليوم عصر لانها نهايه سبوع ولازم اعرف روز شبيها واشوفها بعيني خابرت روز
لمى_لجججج نزلي فتحيلي باب صار ساعتين واكفه
روز_"انصدمت لمى جايه يمنًا ابد مو وكته😔"جيت حب جيت
روز(نزلت سريع وفتحت باب الها وأول ماشفتها ذبيت روحي بحضنها عبالك طفله ولكت أمها مادري ليش بديت ابجي حسيت لمى انصدمت ابتعدت عنها...
روز_هلا بيج حبيبتي نورتينا فوووتي لضلين كدام باب
لمى(تراا بعدني واكفه من صدمه اول مافتحت باب عبالك مو روز جمالها مختفي ضعفانه حيل وهالات يم عيونها وفوكها من حضنتني وبدت تبجي هنا تأكدت بيها شي جبير وعرفت شكوكي جانت بمحلها دخلت وكعدت بصاله روز راحت تحضر شغلات نأكلها هنا ابوها اجه يحجي وياي
ابو روز_بنتي لمى تعرفين شكد احبج وشلون اعتبرج من بناتي اريد اطلب شي منج يابنتي
لمى_تفضل عمو عيوني الك
ابو روز_بنتي روز صار سبوع متغيره مو هي نفسها وحتى شكلها وجسمها روز بهاي حالتها كسرت ظهري حتى ماتقبل تحجي ويانا شكد حاولت ماتقبل
لمى(كلش انقهرت على روز وعلى ابوها وبس ردت اعرف شبيها صديقتي مكسوره وضعفانه قوتها ماباقي)
لمى_عمو والله اني هم بالي يمها واليوم اجيت احجي وياها واعرف شبيها وانت ياعمو لاتعب روحك واهم شي لاتنسى علاجك تعرف روز شكد جانت تهتم بأوقاته...صعدت وي روز لغرفتها وسدينا باب اول ماكعدت كلت...
لمى_يلا ست روز احجي شبيج وتعرفين ممنوع جذب
روز(لازم احجي الها ماعندي غيرها تسمع مشاكلي وماكدر اكول لاهلي فقررت اصارح لمى...
روز_شوفي لمى راح احجيلج كلشي من بدايه"وبدت تحجي.....

هنا لمى في صدمه جبيره😳💔
لمى(الله لايخليكم بهيجي موقف ابددد اني بعد ماعرفت شنوو اسوي صديقتي وعمري وتؤامي طلعت كل هاي مده تحب صديق حبيبي هنا اني بس حضنتها اثنينا بدينا نبجي هي تبجي بسبب حبها واني ابجي على حظ صديقتي)
لمى_يعمري كافي تبجين مو والله كطعتي كلبي والله اعرف فدشي كلش صعب اني هم احب واعرف احساسج والله حقج فدوه لدموعج هذا هم نصيبج شنسوي حبيبتي كلشي ربج كاتبه بلكي فهد شخص مو زين والله بعدكم عن بعض بلكي ربج كاتبلج احسن منه
روز_اريده هو ماريد احسن منه اني احبه احبه لمى والله احبه اريده يالمى اريده😭
لمى(حالت روز كطعت كلبي بقيت يمها لحدما نامت من تعب من بجي رجعت واني مكسوره على صديقتي مكدرت اكول لمهند😔وكلت هسه لو اكول لمهند روز راح تزعل فسكتت وبيومها ماحجيت وي مهند ونمت من وكت...)
مهند(ماتتوقعون شلون بهاي مده قصيره شكد تغيرت حقكم والله لان اني هم مجنت اتوقع لمى صارت كل حياتي وهي وحيده بحياتي اخذت كلبي كلها واني بسبب حبي الها بديت اتقرب من ربي وبديت اصلي وبكل صلاه جنت ادعي لمى تكون نصيبي لمى غيرت حياتي هي اجت طلعت مهند من ظلام الى نور لمى حوريتي❤️)
فهد(جنت اشوف علاقه مهند ولمى واتحسر على روحي شلون حبيت شمس وهي تغيرت هلكد اصلا اذا مااخابرها هي ولا تسأل استمرينا هيجي دائما اني اسأل عليها شوي نحجي وتتحجج وتروح طبعًا بهاي فتره ام عيون"روز"اهواي جنت افكر بيها ماعرف ليش وحتى جم مره شفتها بحلمي وخاصاً سبوع ماشفتها ولمى كالت مريضه جنت بس اريد يبدي سبوع جديد واشوفها واحجي وياها...)