حب من طرف واحد

بارت ثاني

••
‏ياترى انا في بالك حتى لو ما حكينا🖤

بداية يوم وبداية سبوع جديد مع ابطال

روز(كعدت بسرعه سبحت وبدلت وخليت مكياجي نزلت سلمت على اهلي وبست رأس ماما وبابا وطلعت بسرعه حتى ما اتأخر من ازدحامات وبداية سبوع يكون ازدحام اكثر واني بلطريق خابرت لمى جاوبتني بصوتها الحلو
روز_صباحو يعمري
لمى_صباح عسل حبيبي شلونج
روز_كلش زين بعد دقايق راح اشوفج شلون مااكون زينه وين وصلتي عمري
لمى_يمه فدوه لبزونتي مابقى شي و اوصل للقسم
روز_ماشي حب راح اسد وصلت لكراج
لمى(واني امشي للقسم حسيت واحد يصيحني لان ماكو احد يمي انداريت وهنا حسيت اني من صدك اعيش تقرب مني
مهند_سلام عليكم
لمى_عليكم السلام تفضل اخوي رايد شي
لمى(ياربي شكد غبيه شنووو اخوي شهل ارتباك متت متت اخيرا اجه يحجي وياي)
مهند(كلش ضجت من كالت اخوي اني وين اخوها ياربي شهل حظ من صبح)
مهند_لا عيني بس اريد احجي وياج قبل محاضره وأدري بعد ساعه يلا راح تبدي محاضرتكم مغيرين جدولكم(طبعًا جذبت عليها حتى تقبل نكعد)
لمى_اي عيني تفضل بشنو تريد تحجي وياي
لمى(ياربي كلبي راح يووووكف متت بعد)
مهند_لمى طبعًا اني اول ماشفتج فدشي بيه تغير مو بس فدشي اني حياتي كلها تغيرت ومن بدايه اريد اكولج كلشي لان اريد ابدي وياج بدايه حقيقية اذا صرنا سويًا ماريد اخسرج بعدين لان ماكتلج كلشي بصراحه اني شخص جانو يسموني ابو علاقات وكل جامعه تعرف بيه ويمكن ماكو بنية ماحاجي وياها واني جان لازم اكون مرحله رابعه بس بسبب سوالفي بعدني مرحله ثانية بس وربي من يوم شفتج مهند تغير ١٨٠ درجه حتى اني انصدمت بروحي وكل علاقاتي نهيتهم صرت اتخيل روحي بس احجي وياج اني بصراحه معجب بيج ويمكن اصلا بديت احبج هم لان يومي صارت عباره عنج بس اذا ماعندج ثقه بيه عادي فكري او خلي نكون اصدقاء وتعرفي عليه واذا تريدين....(واني بعدني ممكمل كلامي هي كالت

لمى_اني اقبل اقبل(ياربي شهل غباااااء شبيه شبيه هسه ولد يكول ماصدكت يحظي🤦🏻‍♀️)ااااااه قصدي يعني اقبل نتعرف❤️
لمى(الحمدلله يارب طلع شعور متبادل بينا يعني شخص الي احبه هو هم يحبني)

روز(اول ماوصلت ماشفت لمى ياربي هاي وينها قبل شكددد كالت راح اوصل خابرتها ماردت دخلت اول محاضره وهي ماكو بصراحه بديت اخاف وبالي يمهم خفت صاير بيها شي جنت على نار بس انتظر يخلص محاضره مرت ساعه ونص واني بهاي مده يمكن "١٠٠"رساله دزيت الها وماكو رد بس دكتور اخذ حظوري مثل خبله ركضت ادور عليها ماضل مكان مادورت عليها حتى على كافتريا رحت لمى مااااكو اخر شي دافوت من يم حديقه هندسه شفت لمى كاعده وي واحد تقربت شوي شفتها كاعده وي شخص الي هي بدت تحبه ضحكت من كل كلبي وهي هنا شافتني رأسن كامت اجت يمي وجرت ايدي بس فرحه مرسومه على وجه لمى...
لمى_اعرفج على مهند
روز_هلا مهند اني روز توأم لمى😻
مهند_اهلين روز تشرفت بمعرفتج اني اترخص انتو اخذو راحتكم لمى من تخلصين محاضره خابريني❤️
روز(مثل اطرش بلزفه شنو خابريني شكو شكو عمي شصاير من ورايه)
روز_ولج احجي اشوووو شكو شنو كال هذا
لمى_ههههههه على كيفج شبيج مهند اعترف اليه🙈وطلع شعور متبادل بينا تخيلي مهند واني نكون سويااااااا ياااربي حققت دعائي
روز_ههههههههههه ولج لمى فضحتينااااا صوتج صوتج شوفي عالم كلهم يباوعون عليج وانتي مثل طفله تكمزين😂
لمى(شهل فشله اليوم شبيه روز رجعتني للواقع ومن فشله احس وجهي احترك رأسن كعدت على كرسي الي بلحديفه وأحس كل عيون عليه😳)
روز(كلش كلش فرحت لان شفت لمى هيجي فرحانه تستاهل وربي وبقينا نحجي وقررنا بعد يومين نحتفل بلمى ومهند لان صارو سويا😂احنا بنات هيجي عدنا طكات بس وحده يتحقق حلمها نسوي حفله)

فهد(اني احس روحي اسعد واحد بلعالم لان اني وشمس صرنا حبيبين صار سبوعين واحنا مع بعض شمس عيشتني احلى ايّام عمري واهتمامها خلتني ابتعد عن مهند وعن اهلي وحتى عن دراستي بس مع ايّام صارت مشاكل بينا وشمس بدت تتغير مو نفسها واليوم مهند عزمنا على كافتريا كال نحتفل بس هلكد فهمت منه واني اخذت شمس ورحنا....

روز(كاعدين اني ولمى ومهند واخذنا كيك صغير وي أكلات سريعه وعصائر بس مو مال ٣ نفرات اني سكتت واستحيت اسأل من لمى كعدت اصور روحي ولمى ومهند مشغولين يحجون مع بعض اي عيني مكبلين بعد منو يمهم😂هنا اني سمعت صوت كلش اعرفه بدت دكات كلبي يتغير ياربي هذا هو صديق مهند الي ماخذ عقلي وكلبي بس منو هاي بنية ويا...
فهد_سلاااام يجماعه شلونكم
مهند_هلا بأبو شباب جنا ننتظركم أعرفكم على صديقي واخويه فهد وحبيبته شمس
شمس_"بدلع"هلو بنات
لمى_هلا بيكم تشرفت اني لمى حبيبت مهند اوووو قصدي يعني
مهند_هههههههههه هاي هي اعترفتي وكلتي اكون حبيبت مهند😉
لمى(ياربي شكد استحي اني اول مره بحياتي احب ويصير عندي حبيبي مجاي اكدر اتعود🙊)
روز(احس روحي متت بلعت لساني بعد ماكدر اكول كلمه كلهم يضحكون ويسولفون واني سمعت صاعقه الي هزت كياني اني الي احبه يطلع عنده حبيبه واني حبي و وجودي بقيت ساكته وكاعده بس اباوع)
فهد(ياربي منو هاي الحلوه اشو هيجي كاعده ساكته ولا عرفتنا عن روحها شلون جمال شايله عيونها عبالك عالم ثاني وشكلها وحجابها وملابسها هادئه وبسيطه بس كلش حلوه...
فهد_ماعرفتونا عن هاي منو "وجان يقصد روز"
مهند_هاااا هاي روز تكون اقرب صديقه لحبيبتي وباوع على لمى شلون استحت من هاي كلمه🙊
روز(حسيت على روحي وكلت لازم اكون قويه ومااضعف كدامه وكفت بكل ثقه واني احس صرت جسد بدون روح
روز_هلا بيكم"ورأسن اختصرت بدون ماانطي مجال يحجون"يلا يا عصافير الحب ماناوين تقطعون الكيك تراا جعت
روز(بدوا يقطعون الكيك وكلهم فرحانين ماعدا اني كلبي ديموتني اشوف نظراته لشمس وحبه و اهتمامه وهي اصلا مو مهتمه ومامعبرته لازمه موبايل بيدها وبعالمها واني احترك بعالمي كمت اعتذرت منهم وطلعت بدون مااكمل محاضرات رجعت للبيت وأول مادخلت لاسلمت ولاشي كبل صعدت على غرفتي وقفلت باب وهنا كعدت بلكاع وبديت ابجي مثل طفله الي مضيعه ألعابها مادري شكد بجيت ماحسيت بروحي اله ع صوت صلاة مغرب كعدت وأحس جسمي متكسر كمت اتوضيت وبديت اصلي ودموعي تنزل بديت ادعي وادعي شنو ادعي مادري مجنت احس بروحي شنو اكول اذكر كلت ربي ليش اله اني ربي شسويتلك حتى حظي يكون هيجي بديت أعاتب ربي وابجي ادري سويت غلط وأدري الله مايبعدنا عن شي اله عنده حكمه بس جنت ضعيفه بوكته وكلش صعبه حب من طرف واحد تبقى تنتظره لايام واخر شي تشوف الي تحبه وي غيرك هذا مو حب من طرف واحد هذا اسمه نار من طرف واحد شكد جنت اخطط شلون من احجي ويا وشلون وشلون كلها بقت مجرد احلام وتخيلات