حب من طرف واحد

بارت رابع

               ﻧَﻈَﺮُ ﺍﻟﻤُﺤﺐّ إلى ﺍﻟﻤُﺤبِ ﺳﻼﻡ

‏ﻭَﺍﻟﺼﻤﺖُ ﺑَﻴﻦ ﺍلعاشـقين  ﻛﻼﻡ

بعد مرور سنه
.
.
.
لمى(الحمدلله بدأ شغل مهند تزيد وطبعا حتى وشغله واصله لرأسه ماينسى يخابرني مرات مجرد يخابر يكول اريد اذكرج بحبي ويختمها ب"احبج حوريتي" مهند جان يستحق حبي واشكر ربي لان زرع حب مهند بكلبي ومااضن بيوم اكدر اعيش بدونه أما روز حياتها صارت تعيسه حيل وراه ماسمعت بفهد خطب شمس بس الله يساعدها😔...)
مهند(لمى اول مادخلت لحياتي وخلتني اتقرب من ربي الله فتحها بوجهي والحمدلله واليوم اخذت بيت اليه وللمى وراح اسويها مفاجاة الها حوريتي تستاهل كلشي حلو❤️...كمت خابرتها
مهند📞الو هلو حوريتي شلونج
لمى📞هلا حبيبي بخير مدام سمعت صوتك
مهند📞ياروح حبيبج شوفي حب راح ادزلج شي وراه ماتشوفينه رجعي خابريني
مهند(دزيت صوره البيت الها وراح تتفاجاة واخيرا اول خطوه خطيتها لحتى اوصل الها)
لمى(اتفاجأة من فتحت صوره ياربي شنو اني اعرف هذا مو بيتهم هذا يمكن مخربط وداز بلغلط)
لمى📞هلو حبيبي شنو هاي صوره دازها غلط مو
مهند📞لاعمري مو غلط هذا راح يكون بيتنا انشاءالله ونهايه سبوع حظري روحج راح اجيب اهلي ونيجي😻
لمى(يممممه كلبي راح يوكف اخيرا راح اصير لحب حياتي اخيرا راح اخذ الي احبه طبعًا بس سمعت مهند هيجي كال ذبيت موبايل على فراشي وبديت اكمز واصيح واهلهل واني اصلا نسيت مهند بعده بخط مناك اختي فتحت باب كالت
اخت لمى_ولج خبله شكو شبيج هسه جيران يجون علينا من صوتج
لمى(جريتها من ايدها وبديت احضنها واصيح اكثر)
لمى_ولج راااااح اتزوج مهند راح يجي يخطبني هاي سبوع ولجججج راح اخذ مهند واخيرا
لمى(اختي اصغر مني بسنتين وهي تعرف بحبي لمهند...المهم شغلنا اغاني وبقينا نركص ونغني كل بنت لو تكون بمكاني هيجي تسوي فدشي كلش حلو من تحب والي تحبه يكون رجال وكد وعده وآخر شي يجيج بخاتم💍هنا تحس من صدك حبك مجان غلط والله ينطي كل واحد الي يستحقه❤️والحمدلله مهند صار من نصيبي)
مهند(اول ماسمعت صوت حوريتي وهي تصيح و فرحانه من صدك دمعت عيني وشكرت ربي ودعيت الله يوفقني واخلي لمى دوم فرحانه ومااكسرها❤️)
لمى(قررت اكول لروز هاي سالفه بلكي خليت صديقتي تفرح وياي وكمت خابرتها...
لمى📞سلام ياحلو
روز📞هلا بتؤامي شلونج
لمى📞كلش تمام مدام داحجي وياج واكو موضوع راح تفرحين بي🙊
روز📞شنو شكووو
لمى📞ولج رااااااح انخطب مهند راح يجي ياخذني هااااي سبوع
روز_ههههههههه ولج طرشتيني أذني راحت ههههههههه مبروك يعمري الحمدلله مهند طلع كدها ويارب شايفه خيرها وربي تستاهلين مبروك تؤامي❤️
روز(واني بين احزان مكالمه لمى غيرت اجواء عليه من صدك فرحت لصديقتي لمى تستاهل من كلبي فرحت وصرت اضحك ومااذكر اخر مره شوكت جانت هيجي ضاحكه)
.
.
.
لمى(اليوم صرت لحبيبي اهلي وافقو وقرينا الفاتحه🙈يعني هاي هي مهند صار من نصيبي واليه بهاي يوم روز جانت وياي الحمدلله شفت صديقتي تضحك مثل ايام زمان بس من اجوي اهل مهند مع الاسف فهد جان وياهم وبس روز شافت فهد رجعت لحزنها وخاصاً وهو لابس خاتمه بيده ياربي افتحها بوجه صديقتي والله ماتستاهل هاي حب وهاي عذاب شنو ذنبها تحب شخص وهو يحب غيرها ياربي ساعدها💔)