يوم جعلني اتزوج رغما عني "بعد التعديل"

الفصل الثاني عشر

هل اعترف لك اني عاشق متيم بك ...ام اظل بإنتظار كلمه منك تهدئ نيران قلبي التي تصرخ بإسمك ...
☆☆☆☆☆
هل ينقلب كل شئ رأس علي عقب ..ام هناك منقذ!؟؟؟
☆☆☆☆☆☆
اعتلت اثار الصدمه علي وجوهم جميعا ..عدا هذه الصغيرة التي تتسأل من تكون هذه ؟؟
ركضت تجاهها مردفه بسعادة...صفصف وحشتييني اووي
صفيه وهي تربت عليهاا بحنان ...وانتي كمان وحشتيني يادودو
ادهم وهو يقترب منهاا مقبلا يديها ...نورتينا ياست الكل
صفيه بحدة ..مش كنت صفيه من شويه ..هتفضل زي ما انت يا ادهم قليل الادب
ادهم بأبتسامه..بدلعك ياجمييل
صفيه بحدة ..اسكت يا ادهم مش طايقاك
ادهم ..ليه بس كدا
ليتدخل شريف في هذه اللحظه وهو يقبل يد الجدة ...ياأخي الست اتفجأت بجواز حفيدها حبيب قلبها عايزها تاخدك بالاحضان يعني
ادهم بتوعد ...اختفي من قدامي احسنلك
حسام وهو يقبل يد الجده ..حمدلله علي سلامتك ياست الكل
صفيه بثبات ..الله يسلمك ياحسام
نظرت لهم بتمعن ثم اردفت..
صفيه ..طلعيني ياهدي مش عايزة اشوف حد
لم تلتفت يمينا او يسارا فقط صعدت الي غرفتها بمساعدة حفيدتها
(نعم هذه الجدة صفيه ..ام والدتهم .فهي تحبهم كثيرا وتعتبرهم بمثابه ابناء لها تسكن بالاسكندريه ولكنها تأتي لتقضي معهم معظم وقتها تمتاز بالطيبه والحنان والذكاء ..ولكن كمثل اي جده او ام تتمني ان تري ابنها عريسا)
اشتد غضبا من اسلوب جدته فهو يعلم انها صعبه الارضاء سوف يعاني حتي ينال رضاها وسماحها علي فعلته مسح وجهه بباطن كفه وهو ينظر لها بتعب ويدور بعقله سؤال واحد ..كيف لكي ان تعلمي بما نمر به تنهد بقله حيله لينظر امامه لم يجد الا شريف لم يتمالك اعصابه اراد ان يفتك به حقاا لم يشعر بنفسه الا وهو يعطي شريف بوكس بقوة صدم شريف من رده فعله ولكنه يعلم صديقه جيدا عندما يكون غاضب ...تراجع بقوة اثار صفعته القويه
ليتدخل حسام سريعاا وهو يمسك بأدهم ....ف ايه يافهد اهدي كدا
ادهم بغضب ..ابعد ياحسااام من قدامي
حسام ...هتحل ايه انت بعصبيتك دي يعني
شريف متدخلا ..مهي كدا كدا كانت هتعرف ليستطرد بغضب...انا غلطان كنت سكت كان هيحصل ايه
ادهم ..لو مختفتش من قدامي دلوقتي هقتلك ياشريف
حساام بغضب ...متهدا بقا ياعم
كل ذلك تحت انظارها هي ويارا..متفاجأه من رده فعله لم تتصور ان يكون زواجهم عقبه لهذه الدرجه ..
تركهم ادهم وذهب للاعلي وهو ف قمه غضبه
خرج شريف من القصر
تقدم حسام منها قائلا ..متسبهوش لوحده انتي متعرفيش صفيه عنده ايه لتدخل يارا قائلا ..وانا كمان همشي يانور
نور .. بيأس ماشي يا يارا لتنظر لحسام قائله هو معزمهاش ليه
حسام بحزن ..زي ما انتي شايفه كل حاجه جت بسرعه لدرجه اني معرفتش حتي انزل ...المهم خليكي جمبه
تنهدت قائله..حاضر
حسام مستأذن ..عن اذنك انا بقاا
نور ..اتفضل
ظلت واقفه بعد رحيل حسام لا تدري ماذا تفعل ..هل تصعد للاعلي ..ام تظل مكانها ..حسمت قرارها وصعدت للاعلي
☆☆☆☆☆
كان يجلس وهو ينظر الي اللاشي ويدخن بشراسه يفكر ماذا يفعل بعد هذا الخبر..يظن الجميع سبب غضبه الكبير هذا جدته صفيه ..ولكن الحقيقه هذا الخبر الذي اتي له مثل العاصفه ..هو الان علي علم كامل انه يواجهه اكثر من شخص
دخلت هي بتوتر لا تعلم ماذا تفعل او ماذا تقول
لينظر لها بلامباله ..هتفضلي واقفه عندك كتير
نور وهي تغلق الباب بتوتر ..لا دخلت اهو
جلست علي طرف السرير وهي تنظر له ظلت هكذا للحظات
حتي قطع الصمت قائلا ..اخدتي كام صورة
لتقف هي وتقترب منه حتي اصبحت امامه مباشرة وتأخذن من فمه السيجاارة بقوة ..لتردف بقوة ..كفايه بقاا حرام عليك صحتك
ادهم بسخريه ..خايفه عليا
نور ...والله اكيد مش هفرح لما اشوف حد بيدمر نفسه بالبطئ قدامي
ادهم بحده ..ادهم الحديدي مبيدمرش يانور ...شكلك لسه مش عرفاني كويس
نور ..والله ياخويا انا معرفش غير ان غرورك وكبريائك دا هيوديك ف ستين داهيه
صدمت من رده فعله عندما وقف امامها بسرعه فائقه حتي كادت ان تسقط ولكن شعرت به وهو يمسكها من خصرها  ويقربها منه شهقت هي من رده فعله السريع
ليتفوه هو بفحيح افعي ...الداهيه دي اللي كلهم هيرحوهاا
عقدت حاجبيها متسائله ..هما مين ؟؟؟
ادهم بنفس نبرته متجاهلا سؤالها ...هدمرهم كلهم هخليهم يعرفو بجد انا ميين ويفكروا بدل المرة الف انهم بس يوجهوني او يقفو قصادي
نور بخوف ..ليه دا كله
نظر الي عينيها بعمق قائلا ..برائتك دي هتوديكي انتي في داهيه ..عايزك اقوي من كدا ..متخافيش من حاجه وافتكري دايما انت مرات ميين  ومتأمنيش لاي مخلوق في الدنيا غيري
نور بخوف ..كلامك بدا يخوفني اكتر ياادهم
شدد علي قبضته قائلا بحنان...متخافيش وانا معاكي محدش يقدر يعملك حاجه
نور بخوف ...هو ف حد عايز يأذيني
نظر لعينيها بعمق واردف ...طول ما انا لسه بتنفس وحتي وانا مش موجود ف الدنيا دي لازم تتأكدي من حاجه واحدة ان لو حد بس حاول يأذيكي يبقي يقول علي نفسه يارحمان يارحيم ليسترد بذئير فهد ..هقتلو
نور بتوتر..ايه مش موجود دي بعد الشر لتنتبه لنبرتها قائله ..اكيد مش هتمنالك الموت يعني ..وبعدين مش عايزاك تموت حد عشاني ياسيدي هيبقي موت وخراب ديار
ادهم بخبث ..مبتخافيش عليا يعني
نور بتوتر..تؤتؤ هخاف عليك ليه يعني ..وبعدين هو انت يتخاف عليك دا انت يتخاف منك
ادهم وهو يقرب وجهه من وجهها حتي اصبحت انفاسهم متخالطه ليهمس لها قائلا ..بتخافي مني
اضطربت من قربه هذا وطريقته ف الحديث حتي انها لم تستطيع الرد عليه
اقترب منها اكثر يستنشق عبيرهاا وانفاسه الساخنه تجعلها اكثر اضطراباا ليكرر سؤاله مرة اخري ولكن هذه المرة بأثارة اكثر ...بتخافي مني
لتهز هي رأسها سريعا بالنفي
ليظهر شبح ابتسامه علي وجهه وهو يقترب من ثغرها بخبث الفهد قبلها قبله سطحيه لم تستطيع الفرار فهو محكم قبضته عليها امسكت بتشيرته بقوة وهو يقترب اكثر ليلتقط فرولتيها ف قبله اذابتها ظل يقبلها بهدوء ونهم قبله. يعبر بهاا عن شوقه وحبه لهاا لم تستجب له في البدايه حتي تفاجأ من رده فعلها وهي تحيط عنقه بيديها ..استجابت له وهو يقبلها بعمق قربته منها بأستيحاء لاحظ هو استجابتها البدائيه ورجفه جسدها بين يديه لتشعر هي بيديه الخبيثه تعبث بمفاتنها هو جيد جداا ف جعلها تستسلم له ..هبط لعنقهاا يقبلهم بنهم ويثبت ملكيته عليها لم تستطيع جعله يتوقف .وهو لا يريد ان يتوقف ..
قاطعه صوت دق الباب ..تجاهله اول مرة ولكن الدق مستمر ..افاقت من غفوتهاا اثار ابتعاده ..ابتعد عنها وهو علي مضض وهو يلعن الطارق ..ليستمع الي صوت هدي القادم من خلف الباب ...ادهم افتح بقا عايزاك
ادهم بتأفف..هادمه اللذات
نور بحرج ..ابعد ياادهم
ادهم بخبث ..عايزاني ابعد بجد
نور وهي تدفعه بقوة ..اهاا بجدد
ادهم بأنزعاج ..خشي يازفته
لتدخل هدي منزعجه ..دا كله يا ادهم
ادهم بحدة..لخصي مش فاضيلك
هدي ببرأه ..ليه انتو كنتو بتعملو ايه
ادهم وهو يضغط علي اسنانه ...وانتي مال اهلك بت حشريه صح
هدي بغضب طفولي ...انا مش حشريه يا ادهم
نظر لها بغضب قائلا ..عندك حل من الاتنين لتقولي اللي عندك وتخلصي لتطلعي برة
تجهالته هدي موجه حديثها لنور وهي تنظر لها بمكر ...دا الحب ولع في الذرة علي الاخر واخدة بالك انتي لتنهي كلامها بغمزة
نور بغل ...انا اللي هولع فيكي
ادهم بغضب مماثل ..هدي اطلعي برة
كتمت ضحكاتها قائله ...خلاص خلاص نخش في موضوعنا لتستطرد قائله ..تيته عفاريت الدنيا بتتنطط قدامها ومش طايقاك يأدهم حاولت اهديها بس مفيش فايده بتقولي مش عايزة تشوفك ولا عايزة تشوف مراتك الحربايه اللي خطفتك منها
اتسع بوءبوء عيناها من الصدمه لتردف ....انا الحربايه وانا اللي خطفته كمان ..وانا مالي يالمبي
هدي بتفهم..هي فاهمه انك انتي اللي خلتيه يعمل كدا وميستناش لما ترجع من العمرة وحالفه لتوريكي ايام اسود من قرن الخروب انا جيت بقا احذركو عشان شكلها نويالكو علي نيه وحشه
ادهم ضاحكا ..وانتي بتصدقي اي حاجه تتقالك
هدي ..والله الحق عليا اني جيت قولتلكو حاجه
نور ..ولا تزعلي نفسك انا عندي الحل
هدي ..قولي ياام العوريف
نور بمكر ...بوصي هو اينعم مش طايقه اخوكي بس هاخد فيه ثواب واصلحه علي تيته صفيه ميرضنيش انا برضه خراب البيوت
نظرت لها هدي وهي تضع يديها علي خدها لتردف بخبث ..منا واخدة بالي انك مش طايقاه
ادهم بتوعد ...مش طايقناني هاا اصبري عليا
نور ملتفته لهدي قائله ..انتي تاخديني ليها اتعرف عليها وفهمها براحه واكدلها اني برضو مكنتش عايزة اتجوز بسرعه كدا وانه هو اللي استعجل وغصبني علي كل حاجه واني مظلومه والله ياحضرة القاضي ومش حربايه
هدي بأبتسامه ..حلو دا وكدا انتي نولتي رضاها خلاص
لينظر لهم ادهم نظره اخافتهم كثيرا ..
هدي بخوف ..بلاش النظرة دي والنبي
ليقف ويطلب من الاثنان الاقتراب
ليقتربو الاثنان علي مضض خائفين من رده فعله ليحاوطهم بذراعيه مردفا وهو ينظر الي هدي..اللي انت متعرفهوش بقاا
صفيه متقولش الكلام دا لان مفيش اطيب من قلبها .. وهي عارفه ومتأكده انك هتيجي وهتقولي كل حاجه ودا اللي هي عايزاه لينظر لنور فائلا بالنسبه للهانم اللي عايزة تروح تطلع شكل جوزها زي الزفت دا اول اختبار ليكي ياقطه عايزة تشوف ردة فعلك علي كلامها هيبقي ايه عايزة تعرف مراتي بتفكر ازاي ...هي مضايقه شويه من اللي حصل بس هي اكيد مقدرة ظروفي وعارفه اني مش هعمل الا الصح ..
لينظروا له الاثنين له بصدمه
هدي بأبتسامه بلهاء..هو الوحيد اللي فاهم دماغهاا
نور بأعجاب..انت اللي دماغك دي ايه
ادهم بغرور..اتمني تكوني عرفتي انا ابقاا مين
نور وهي تبتعد ..مغرور متكبر
هدي ..طب والعمل دلوقتي
ادهم ..انتو مكبرين الحوار ليه وهو مفيش حوار اصلا
نور ..طب هي بتعمل ايه دلوقتي
هدي ..سبتها بتنام
نظروا له الفتاتان وهو يأخذ مفتاح عربيته والفون
نور ..انت رايح فين
ادهم ..مشوار كدا مش هتأخر
هدي ضاحكه ..مش هتتأخر اللي هي هتيجي بكرة مثلا
نور بذهول ...دا بجد
ادهم وهو يخرج ..لا مش بجد متصدقهاش ليكمل موجهه كلامه لهاا ..مش هتأخر عليكي
هدي وهي تقترب منها بخبث ..مش هيتأخر عليكي هااا...مش عايزة تقوليلي بقا كنتو بتعملو ابه
نور بتوعد....هدي اطلعي برااا بدل متحول عليكي
☆☆☆☆☆☆☆☆☆☆☆☆☆☆
( في فندق من ارقي فنادق القاهرة ..)
كانت تجلس امامه تحتسي فنجان القهوة وهي تتلذذ بمذاقه بأستمتاع وتستمع الي الموسيقي الهادئه ليقاطع استمتاعها صوته الغاضب
هو ..والهانم جيباني عشان افضل ابص عليها
هي ..وانت تطول لتسترد انا هبقي مرات ادهم الحديدي يعني من دلوقتي تحترمني وتكلم عدل
ليردف هو بتأفف ..وانا عايزها عشان مش انا اللي تسيبو عشان سي ادهم دا
هي ...انت فين وادهم فين ياعصام متحطش نفسك في مقارنه معاه عشان اكيد خسران
عصام ...نهال لحد هنا وكفايه وخلينا ندخل ف المهم
نهال..اللي هو
عصام بمكر ...نور تبقا بتاعتي ازاي وانتي تجوزي ادهم ازاي
نهال ..سهله دي مش محتاجه التوتر اللي انت فيه دا
عصام ..سامعك
كادت نهال ان تتكلم ولكن قاطعها صوت فتاه قادم من الخلف مردفه ..هقولك انا ازاي
لتقف نهال ملتفته للصوت وهي تنظر لها بدهشه ..انتي
الفتاه ..ايه مكنتش متخيله تشوفيني اديكي شوفتيني
نهال متذكره عبارتها ..انتي واقفه هنا بقالك قد ايه
لم تعطيها اهتمام بل مددت يديها لتصافح عصام قائله ..اذيك ياعصام
عصام بذهول ..انتي مين وعرفتيني منين
☆☆☆☆☆☆☆☆☆☆☆☆☆
(في التجمع الخامس وخاصه ف فيلا شريف )
شريف ..بقاا ادهم الحديدي بنفسه جاي عشان يتأسفلي
ادهم وهو يقف ويقترب منه ..اتأسف لمين ياحيوان انا جاي عشان اكمل علييك ليستطرد بغضب ..بقا تعرف ان الحيه دي خرجت ومتجيش تقولي
شريف وهو يتراجع للخلف ..قصدك مين ياعم انت
ادهم بغضب ..علي بابا يلا
حسام متدخلا ..انا اللي قولتله يسكت دلوقتي مش معقول يعني دا صبحيتك انهاردا
ادهم بغضب ... انتو خليتو فيها صباحيه
شريف ..وانت عرفت منين
ادهم بحده ..منا لو اعتمدت عليك ياحيلتها عشان الاخبار كلها تبقي عندي يبقي هنام في العسل ليسترد بصرااخ فوووق ياشريف
حسام ..اهدي دلوقتي وخلينا نشوف هنعمل ايه
ادهم بتوعد ..تعرفلي مكانها وبتعمل ايه وبتكلم مين وبتروح فين كل حاجه عنها تبقي عندي مفهووم
شريف بغرور ..متقلقش معاك المخابرات كلها هناا
ادهم ..انا مش قلقان غير منك انت
حسام ..خلاص يا ادهم كله هيبقي عندك هو احنا اي حد ياجدع
شريف مازحا ..نورت يافهد ..الحق روح شوف نور لصفيه تعمل منها بتاتس محمرة
ادهم ..انا فعلا كنت ماشي ليسطرد وهو ذاهب ..جتكو القرف
شريف وهي يحك مؤخره رأسه ..وانا اللي كنت فاكره جاي يتأسفلي
☆☆☆☆☆☆☆☆☆☆☆☆
اتي الليل سريعاا بظلامه الدامس وبنجومه الساطعه