يوم جعلني اتزوج رغما عني "بعد التعديل"

الفصل العشرون

*انت من جعلني حقا اشعر ولاول مرة اني املك شيئا ثمينا وهو قلبك..💜
*ورغم قسوتك وكبريائي ...عشقتك🌸
☆☆☆☆☆☆☆☆☆☆☆☆☆☆☆☆☆☆☆☆
اشراق شمس يوما جديد ..دخلت اشعه الشمس مخترقه الستار الي الغرفه لتضئ الارجاء وتعطي منظر جذاب لبنيتهاا ..كانت تستند علي صدره وهي بين احضانه تنظر له ..تتفحص كل انشا به ..تسرح في تفاصيل وجهه الحاده بعض الشئ وضعت يديها علي ذقنه تتفحصهما في انجذاب ..لم تعي لتلك الابتسامه التي ارتسمت علي وجهها بلا ادراك منها ..ظلت يديها تتفحص معالم وجهه لتصل لشفتيه ...شعرت به يتحرك قليلا لتبعد يديها علي عجله وهي تريح رأسها علي صدره تمثل النوم مرة اخري .....
شعر بجميع تحركتها ولكنه تركها تفعل ما تريد ..نظر اليهاا بأبتسامه ماكرة قائلا ....وانا اللي بقول عليكي شاطرة في التمثيل
لم تحرك جفنيهاا وكأنها لم تسمعه ..
اقترب من وجهها وهو يقول ..انا عارف انك صاحيه
فتحت عيناها علي مسرعيهم لتلاقي وجهه
نظر لها بحب قائلا ..صباح الخير يافراوله
ابتسمت له وهي تقترب منه مقبله وجنتيه قائلا...صبااح الخير
تفاجأ هو من فعلتها لكنه شعر بسعاده طاغيه بأنها تبادله بعض من حبه لهاا
ادهم بحب ...يا احلي صباح في حياتي
اقتربت منه وهي تلوي شفتيهاا بدلع ...اه من واخده بالي عشان كدا بتزعلني
احاط خصرها مقربها له قائلا ..مقدرش ازعل حبيبي الصغنن
نظرت بأبتسامه لتردف بذهول ...لا انا مش متعودة علي الحب دا كله براحه عليا
ضحك قائلا ...اتعودي
اردفت بدلال ..بس اللي بيحب حد ميزعلهوش لتسترد ببعض من الحزن ..زعقتلي جامد وقولتلي ابعدي ومتكلمنيش
ادهم بخبث ...انا لازم اصالحك تاني علفكرة
نور بخجل..تؤتؤ
تنهد قائلا ...وهو في واحدة كبيرة عاقله تعمل اللي انتي عملتيه
اردفت سريعا ...انا مش كبيرة يا ادهم ولا عاقله وانت عارف كدا كويس
ابتسم بقله حيله قائلا ...المصيبه ان انا عارفه وبحاول اكدب نفسي واقول عاقله
اردفت قائله بدلال ...انا كنت بهزر معااك
لمس علي شعرها برقه قائلا ...خوفت عليكي ليكون حصلك حاجه بجد انتي مش عارفه كان ممكن يحصلي ايه
شعرت بنبرته الدافئه وهو يعبر عن حبه لها بكل الطرق عيناه تحكي الكثير والكثير لمسه يديه تجعلها تشعر بالامان تشعر وكأنها تريد الا تخرج من احضانه مطلقا ..تريد قربه الابدي تشعر بأحاسيس لم تشعر بها سابقاا ...اردفت وهي تنزل رأسها للاسفل ..اسفه مكنش قصدي مش هعمل كدا تاني
رفع رأسها بسبباته قائلا بحده ...مش عايز اسمعك بتتأسفي لاي حد ولا حتي لياا انتي مرات ادهم الحديدي يعني ترفعي راسك لفوق وتعملي اللي انتي عايزاه وانا متأكد انك هتعملي الصح ليسترد بحب ..هزري براحتك ياصغنن
انه يعلي من شأنها يمدها بالطاقه والقوة ابتسمت قائله بمكر ..اهزر براحتي يعني
ضحك عليها قائلا ..هتولعي في البيت المرادي ولا اي
تكلمت سريعاا وهي تبتسم بسعاده ..اسكت يا ادهم كنت عامله امبارح كيكه شكولاته حلوة اووي كنت مستنياك تيجي عشان تاكلها لتسترد بحزن بس حصل اللي حصل بقا
ابتسم علي طريقه سردهاا للموقف قائلا ..والصغنن بيعرف يعمل كيكه
زفرت بحنق قائله ..صغنن صغنن انتي شايفني صغيرة اووي كدا
تنهد قائلا ..يمكن انا اللي كبير عليكي شويه
نظرت له قائله ...كبير ايه بس دا انت قمر
ضحك عليها بشده قائلا ..انتي بتعاكسيني ولا ايه
ابتعدت عنه سريعا  ذاهبه للحمام لتردف قائله ...انا بس اللي اعاكسك هاا
ابتسم بخبث قائلا ..طب متيجي نعيد امجاد الليله السابقه
اغلقت باب الحمام سريعا وهي تتفوه بضجر ..بقيت قليل الادب اووي يا ادهم
☆☆☆☆☆☆☆☆☆☆☆☆☆☆☆☆☆
تململت في فراشها بضجر اثار رنين الهاتف المزعج ..امسكت هاتفها بغضب وهي تضعه علي اذنها قائله ...نعم ياسرين
سرين بأنفعال ...انتي لسه نايمه لحد دلوقتي
نهال ...وانتي عايزة ايه مني اصحي براحتي ياستي
سرين بخبث ..مع علينا عدي عليا قبل متروحي لادهم مش هوديكي ايديكي فاضيه
نهال ..قصدك ايه
سرين بخبث ...معقول يعني تروحي من غير هديه
نهال ...طيب اما نشوف هديتك لتسترد قائله ..صح البنت اياها هتروح امتا القصر
سرين ..في اسرع وقت ..كله هيحصل بسرعه مش هنستني كتير
نهال بأستفهاام ..ايه اللي غير رأيك بسرعه كدا ؟؟
سرين ..مش قولتلك الاسئله الكتيرة مش حلوة
نهال بغضب ...انتي اللي تصرفاتك مش مفهومه
سرين ...انا مش فاضيالك دلوقتي سلام
اغلقت معاها لتقف الاخري بغضب فهي تشعر وكأنها لعبه بين يد احدهم
وقفت ذاهبه من غرفتها الي المطبخ لكن استوقفهاا سماع صوت قهقهااات والدتها العاليه لتعقد حاجبيهاا بأستغراب فهذه ليست عادات والدتها ولكن السؤال الاهم مع من ؟؟!
ذهبت ببطئ تجاه غرفتهاا لتقف بالقرب من الباب تحاول سمااع اي شئ لكن بلا جدوي اصبحت والدتها تثير بهاا الشكوك خاصه بعد رؤيتها بالفندق حزمت امرهاا وقررت الدخول لاستكشااف ما هي الكذبه الجديدة لوالدتها
فتحت الباب بسرعه وهي تدخل عليها
تفاجأت كوثر من منظر نهال لتردف قائله بالهاتف بتوتر ..طيب ياناهد ياحبيبتي هكلمك بعدين
نظرت لها نهال بأستفهام قائله  بهمس...ناااهد!!!
كوثر بأنفعال ..انتي ازاي تخشي عليا كدا يابنت ..
نهال ... هو انتي كنتي بتكلمي مين
كوثر بغضب ..يخصك ايه كنت بكلم مين
نهال ...والله اصل اللي يسمع صوت ضحكك ميقولش انك بتكلمي ناهد خالص
كوثر بتوتر ..قصدك ايه
نهال ..ولا حاجه
تنهدت الاخرة قائله ..هتعملي ايه انهاردا
ابتسمت لها نهال قائله ..هروح عند ادهم القصر
كوثر بتعجب ...ادهم!!!
نهال ..اه ادهم فيها حاجه دي
كوثر ...جتك وكسه افتكرتي ادهم بعد ما تجوز
نهال ...ما لو العلاقه بينك وبينه كويسه مكنش حصل دا كله
كوثر ...لا ياحبيبتي دي شطارة وانتي مش شاطرة
نهال ...شطارة اممم مش عايزة تقوليلي بقاا ادهم بيكرهك ليه ومبيطقناش ليه
اعتدلت كوثر مبتعدة عن السرير قائله ...يوووه بقا يانهال مش هنخلص بقا من الحوار دا
نهال ...لا مش هنخلص انا لازم افهم ايه اللي حصل
كوثر ...مش مهم اللي حصل .
انهت جملتها وهي تترك لها الغرفه وتذهب
لتردف نهال قائله ..وانا بقا اللي هعرف كل حاجه ياكوثر هانم...
☆☆☆☆☆☆☆☆☆☆☆☆☆☆☆☆☆☆☆
""في فيلا في التجمع الخامس""
كانت تقف امام المرآه تمشط شعرهاا.. لتسرح بوضعها مع شريف وكيف لها ان تتقبل كل شئ وكأنه يسيطر علي عقلها بالكامل او انه لا يوجد حل اخر
سمعت طرق الباب لتأذن له بالدخول
يارا ..اتفضل
دلف شريف الي الداخل قائلا بمرح ..صباح الخير ياعسل
ابتسمت له لا اراديا قائلا ..صباح الخير ياشريف
اقترب منها قائلا ..دا احنا شكلناا داخلين علي ايام لووز
ضحكت الاخري قائلا ..اه كلها اكشن زي امبارح كدا
اقترب منهاا ممسك يديهاا لتقف امامه وهي تنظر لعيناه وكأنها تري بها الكثير وتحكي الاكثر
ليردف هو قائلا ...دي حياتي يا يارا
اندهشت هي قائله ...انا كدا دماغي لفت انا بحسب احنا في الحوارات دي عشان الناس اللي عايزة تأذي نور وادهم
شريف ...ادهم اخويا وصاحبي واتربينا مع بعض حياته هي حياتي انا وادهم وحسام واحد
يارا ..فهمت
شريف ...محدش يقدر يعملك حاجه انا موجود
يارا بقله حيله ..لحد امتا موجود
قرب وجهها من وجهها قائله ..لاخر العمر ياحبيتي
ابتسمت له بحب ليحتضن بكفه وجهها مقتربا من ثغرهاا ليطبع عليهما قبله رقيقه لتتحول في اقل من ثانيه لعميقه.. ليحيط خصرها بيده الاخري مقربها منه كثيرا
قربت يديها الصغيرة من وجه لتحتضن وجهه مستجيبه له ليقبله بعمق وهو يحااول انا يبث لها كما هو يحبهاا ويعلمهاا انها ليست كغيرهاا فهي له هو فقط كما يقول ختامها مسك ...فهي الاخيره بالنسبه له
ولكن لا تدوم اللحظات اللطيفه كثيراا ...اعلن هاتفه عن مكالمه وااردة
لتبتعد عنه سريعاا وهي تلهث بشده ...لعن الهاتف ومن يكلمه في هذه الساعه ..
وضع الهاتف علي اذنيه قائلا ...ياصباح القرف علي دمااغك
حسام بغضب ..ولا لم نفسك يلا
شريف بغيظ...لو جتلك هعمل منك كفته
حسام ..اتصدق انا غلطان اني كلمتك
شريف ...ايوة متتصلش بيا تااني بقاا
حسااام ..هو في ايه ليه كل اللي بيتجووز مبيكونش عايز يعرفني تاني ...
شريف بحده....خف من علي نفوخي عايز ايه
حساام ...ربع ساعه وتبقي هنا عندنا شغل مهم ومستنينك علي الفطار
اغلق شريف في وجهه حسام قائلا ..هادم اللذات
نظر حوله لكنه لم يرا يارا ..ليردف قائلا ..منك لله ياحسام الكلب
☆☆☆☆☆☆☆☆☆☆☆☆☆☆
""في قصر الحديدي""
نظر للهاتف بغضب وهو يتوعده لتأتي هي قائله بأبتسامه ..في ايه مالك
حسام بغضب ..الاستاذ شريف بيقفل السكه في وشي
جلست وهي تضحك قائله ...ودا اللي مخليك متعصب اووي كدا
نظر لها قائلا ...انا مش عارف كل اللي بيتجوز بيتحول ليه
هدي مازحه..يعني للحلو ولا الوحش
حسام ..هو لو للحلو هبقا عامل زي الست المطلقه كدا
ضحكت هي بشده علي تشبيه لينظر لابتسامتهاا بأعجااب قائلا ..وانتي عملتي ايه في الثانويه
هدي بمضض ..مرحله وخلصت
حسام ..مالك اضايقتي كدا ليه دي كانت سنين حلوة حتي
هدي بضجر ..علي الاخر
حسام ..هتخشي كليه ايه
هدي ..هندسه
حسام ..شكلك هتنورينا الفترة الجايه كتير في الشركه
هدي ..ان شاء الله لتسترد قائله..هستناك تعرفني كل حاجه في الشغل
كاد حسام ان يتحدث ولكنه صراخ نور الراكضه اوقفه
هبطت السلم بسرعه فائقه وهو ورائها يرتدي بنطلونه فقط
وقفت خلف الاريكه وهي تأخذ انفاسهاا
ليردف هو بضجر ..هوريكي يانور شكلك محرمتيش من اخر مرة
نظرت لها هدي قائله ...عملتي ايه
نور بضحك ..قفلت عليه بابا الحمام تاني
حسام بسخريه ...صلاه النبي احسن هو كان في  اولاني
ادهم بغضب ..هعمل منك بوفتيك ياحساام اخرس
حسام بقله حيله ..حسام بقا ملطشه
نقل نظره لها قائلا ..هتيجي بالادب ولا اجيلك انا
نور بدلع ..دومه
ابتسم لها قائلا ..طب تعالي
ذهب لها راكضه لترتمي بأحضانه وهي تحيط خصره بيديها
ادهم ...مش هتهمدي بقاا انا حاسس اني متجوز طفله عندها 10 سنين
نور بأبتسامه..تؤتؤ انا لسه بسخن بس
ادهم بحب...ايه هتعملي ايه تاني ...هو انا قولتلك براحتك بس مش للدرجه دي
نور بدلال...هتشوف بنفسك يابيبي
كل ذلك تحت انظار حسام وهدي الذين ينظرون لبعضهم بين الدقيقه والاخري بذهول
لتردف هدي مقلده اياهاا ..يابيبي
حسام ...دا مش ادهم اللي انا اعرفه انتي عملتي فيه ايه
ابتعد عنهاا وهو يقول ..هطلع اكمل لبس وانزل
ابتسمت له قائله ..اشطاا
اعطها ظهره وهو يتجهه للسلم قائلا ..اشطا يا قشطه
نظرت لهم نور بأبتسامه عريضه قائله وهي تذهب لتجلس بجانب هدي ..امال فين تيته صفيه
حسام ..صفيه!!
نظرت له هدي بأبتسامه صفراء ..قصدها صفصف
نور بقلق ..في ايه ياشباب قلقتوني
حسام ...من موقعي هذا بقولك اقلقي
هدي ...قولي يارب
نور بحده  ..في ايه ..ومش عايزة لف ودوران
اندهش حسام وهدي من نبرتها فنور ليست بتلك الحده
حسام ..من عاشر قوم بقا
هدي ..عندك حق والله بقت بتخربش
نور ..انا مستنيه حد يرد عليا اهو
حسام ..انا مش عارف ابدا منين
نور ..من اي حته بس افهم
هدي ..بوصي يانور ادهم لما كان بينقذنا امبارح موت واحد من رجاله حسان ولما عرف اللي عملو فيكي وازاي اصلا اتجرئ يهجم علي البيت قعد يضرب فيه جامد وراح ضربه بالرصاص شريف بقا كان هيموت راح حسام موت اللي كان هيموت شريف
فتحت عيناها علي مسرعيها وضربات قلبها تزداد رويدا رويدا
لتسترد هدي قائله ...تيته صفيه اتعصبت جامد وحلفه متكلم ادهم ولا حسام ولا تسمع صوتهم ولا تشوفهم وعايزة ترجع اسكندريه
تركتهم سريعاا وهي تصعد السلم سريعاا متجهه لغرفتها
هدي بوجه طفولي ...هو انا كدا هولع الدنيا
حسام بسخريه  .. لا خالص ..اعتبريها ولعت
دخلت سريعاا لتجده يقف امام المرأه ينهي ارتداء ملابسه ليردف قائلا ...ايه ياحبيبتي انا كنت نازل اهو
اغلقت الباب بغضب ومعالم وجههاا لا تبشر بخير ابدا ..
نظر لها بأستفهام قائلا ..في ايه يانور مالك
اقتربت منه لتقف امامه وهي تردف ...قتلت ليه يا ادهم كاد ان يتكلم لكن اوقفته بسبباتها قائله ...يمكن دا كان عادي عندك قبل متتجوزني مكنش بيهمك حد ولا حاجه لكن دلوقتي ليه عملت كداا
ادهم بهدوء متفهم موقفها...انا عهدت نفسي اني عمري مهقتل تاني من ساعت متجوزتك ...لكن مقدرش اشوف عيلتي بينها وبين الموت خطوة ومعملش حاجه
فرت دمعه هاربه من عينيها قائله ..وعيلتك مش عايزة تشوفك قاتل يا ادهم لو مش عشنا عشان لما يبقي عندنا بيبي ميبقاش ابوه قاتل متدمرش نفسك وتخلي الشر والدم حواليناا محاوطناا دايماا ..عشان خاطري عشان خاطر ربنا ..كفايه يا ادهم
نظر لها بحب فهذه اجمل هديه اعطاه اياه ربه ...فقد رزقه حبهاا وخوفها وحنانهاا رزقه اياها لتبعده عن الاشياء السيئه الذي كان يفعلها بالماضي وتوجهه اللي طريق النور بنورهاا وهنا تذكر رؤيته وتفسيره للنور الذي كان يأخذ بيده ..
ادهم بأسف...ممسكتش  اعصابي وعشان خاطر ربناا وخاطرك وخاطر ابننا اللي هيجي انا هبعد عن دا كله ...اتمني ربنا يسامحني
مسكت بيده قائله ..ربنا غفور رحيم استغفره وهو عمره مهيردك ابداا هيستجيب وهيغفرلك انت بس روحله وانت علي يقين من الاجابه خليك دايما واثق انه هيغفرلك ويستجبلك وانا عند حسن ظن عبدي بي 💜
ادهم بحب ..انتي جايه من فين من الارض ولا من السما ..انا ربنا رزقني نعمه هفضل كل يوم احمد ربنا عليهاا
ابتسمت له بخجل لتسترد قائله .. تيته صفيه يا ادهم
تنهد قائلا ...صفيه طول ما هي مضايقه مش هترضي تكلم حد ولا تسمع لحد الاحسن ان احنا نسيبها تهدي وبليل هنطلعلها
نور ..هتطلعلها انت وحسام
ادهم ...انتي الخير والبركه
نور ..متثبتنيش يا ادهم انت اللي غلطت وانت اللي هتعتذر
ادهم ..انا عمري متأسفت لحد في حياتي
نور ..ودي نقطه جديده لازم تعرفها لما تتأسف علي غلط عملته دا بيكبرك في نظر اللي قدامك
ادهم ...وانا مبيهمنيش حد ولا يهمني هو شايفني ازاي
نور ..طب وصفيه وهدي وانا
ادهم ..انتو قلبي مستعد اعمل اي حاجه عشانكوا
نور ..خلاص هتتأسف لصفيه بليل
ادهم علي مضض ..حاجه تانيه ياسنيوريتا
نور ...تؤتؤ مرسي
ادهم ..طب يلا قدامي علي تحت شكل شريف جه
نزل الاثنان  وهو يحضن كفهاا بحنان طاغي وهو يأخذ بيديها للاسفل
نظرت هدي لحسام قائله ...هي فين النار ياشربيني
حسام ..انتي شيفاها ماسكه فيه ازاي اللي يشوفها من شويه يقول القيامه قامت
شريف متدخلا ..دا الفهد ياجدع نظر له حسام وهدي بأستفهام ليسترد هو قائلا ...هو ايه الحوار
حسام ..لا انت نام وهنبقي نصحيك
ادهم وهو يجلس ...هو انا كل يوم هلقيكو عندي ولا ايه
شريف ..اذا كان عجبك
ادهم ضاحكا ..بارد لينقل نظره ليارا قائلا ...منتي روحتي معاه في الاخر اهو
يارا برزانه...الواحده ملهاش غير بيت جوزها
نظرت لها نور بأستغراب قائله ...انتي مش صاحبتي لااااا
هو عمل فيكي ايه
شريف ...اطلعي منها انتي بس
نور ..ملكش دعوة
شريف ...وانتي ملكيش دعوة
ادهم....بااااااس ايه ناقر ونقير ليسترد موجهاا كلامه لشريف بحده ..قوم خدها قلمين احسن
هدي ..وحدوووه
الجميع ..لا اله الا الله
هدي مازحه ...استهدو بالله كدا شيطان ودخل بينا
حسام ضاحكا ...شيطان ايه بس استهدي انتي بالله
هدي ..في ايه يا حسام هيقومو يضربو بعض
شريف مازحاا  ...متلم حريمك ياعم ادهم الله
ادهم وهو يهم واقفا .. دا انا اللي هقوملك ومش هيعرفو يلموك من تحت ايدي
شريف ...بهزر ياعم انت مبتهزرش يعني
حسام مازحااا....يعك الدنيا ويقولك بهزر
شريف بضجر موجها حديثه لحسام ...ليك يوم هتروح مني فين يعني
ادهم بنفاذ صبر ....انتو مش هتجيبوها لبر وانا جعان فيين الفطارر
هدي ..السفرة جاهزة
ادهم ..طب يلا
.......
ترأس ادهم الطاوله بجانبه نور والجمب الاخر هدي ويليهم علي الجانبين حسام وشريف ويارا
مر الوقت سريعاا لينهي الجميع افطاره ليجلسو يحتسوا القهوة
نظر حسام لادهم قائلا ..عايزك في موضوع مهم
ادهم وهو يأخذ قهوته ..طب هات شريف وتعالي
ذهب الشباب الي غرفه المكتب ..ترأس ادهم المكتب قائلا ...في ايه
حسام ..ركز معايا كدا عشان اللي هقوله كتير وشديد الخطوره
شريف مازحا ..اخد بالك من شدديد الخطورة دي
حسام بحدة ..هقوم اضربك
شريف وهو يكتم ضحكاته ...خلاص اتفضل
ادهم  مقاطعا بأبتسامه ..سامعك يامعلم
حسام ..اول حاجه كدا بالصلاه علي النبي سرين بتخطط مع نهال وعصام عشان يوقعو الدنيا بينك انت ونور
ادهم ..شريف عايزة كل تفصيله عن عصام دا
استرد حسام قائلا ..عشان قال ايه نهال تتجوزك وهو ينتقم من نور عشان سابته ورفضته عشانك هو مفكر ان نور خاينه اللي فهمتو ان حد شافك انت ونور مع بعض في المكتب قبل الجواز
ادهم...اللي شافنا يوومها نهال والسكرتيره ..شريف عايز اعرف لو كانت هاله السكرتيره ليها يد في الحوار دا ..كمل ياحسام
حسام...المهم يعني سرين هتبعت واحدة تبعهم تمثل انها الخدامه الجديده وبطريقه ماا الصورة هتظهر لنور كالاتي انك خاين ومع مين مع الخدامه ودا قريب جداا ...امنع تعين اي حد الفترة دي ؟؟
ادهم بمكر ..لا خليها تيجي
شريف ..انت اتجننت هنجبها ليه واحنا عارفين اللي وراها
ادهم بخبث ..عايز اتأكد من حاجه كدا
حسام ..انت حر بس صدقني انت هتدخل نفسك في مشاكل انت في غني عنها
ادهم ...كمل
حسام ..احمد الشناوي
ارجع ادهم ظهره للخلف بأريحيه وهو يشعل سجاره ..مش ابو نور  عاارف
شريف وحسام في فم واحد ...نعم
ادهم ...انا عارف كل حاجه عن نور
شريف ...نور لو عرفت هتبقي مصيبه
ادهم بقلق..ودا اللي انا خايف منه
حسام ..طب ازاي مش بنته
ادهم ..الموضوع بقاله سنين والسر دا ادفن مع السنين  اللي عنده الاجابه  احمد الشناوي نفسه ...
☆☆☆☆☆☆☆☆☆☆☆☆☆☆☆☆☆
كانت تجلس الفتيات بالصاله يأخذون اطراف الحديث لتردف يارا ..علاقتك بأدهم بقت حلوة اووي
نور بأبتسامه ..اعترافلي بحبه انا مبسوطه اووي
هدي ..وانتي قولتيله ايه
نور ..هاا
يارا ..قولتي ايه
نور ..ولا حاجه
هدي ..غلسه يعني مفيش واحدة وانا كمان بحبك يادومه
نور ..انا فعلا بحبه حاسه اني مقدرش اعيش من غيره...هو امااني وحمايتي هو حبيبي
يارا بحب ..يا سيدي يا سيدي
هدي ...ثواني بس انتي جايه تقوليلنا احنا الكلام دا
يارا ..بت انتي باردة والله الراجل بيعمل حاجات كتيرة عشانك وانتي ولا هنا
هدي بصياااح ...يييي فااتت عني ازااي دي انا مش فاهمه نسيت ازاي بجد
نور ..في ايه
هدي ..عيد ميلاد ادهم ال30 بكره
ابتسمت نور ابتسامه واسعه ..قائله انا هعترفله بحبي بكره ...بس احنا ورانا شغل كتير اووي لازم بكره يبقي مميز
يارا وهدي ..واحنا معااكي
هدي بحماس ..هنعمل ايه
كادت ان تتحدث ولكن دق الباب اوقفها
ذهبت الخادمه لفتح الباب لتدخل الاخري بضجه كبيرة
نهال ..ساعه عشان تفتحو
نظرت لها نور بتعجب من طريقتها ومن هويتها لتتسأل قائله ..مين دي
تنهدت هدي قائله ..نهال بنت خالتي كوثر ادهم مبيطقهاش ولا هي ولا امها مش عارفه ايه اللي فكرها بينا
اقتربت منهم نهاال بدلال ..صباح الخير
هدي ..صباح الخير يانهال اتفضلي
نهال ..اخبارك ايه يادودو
هدي ..الحمدلله
نظرت نهاال للاخرين قائله ..مش تعرفينا
هدي ..اعرفك علي مين يانهال محدش في مصر ميعرفش نور صورها هي وادهم ماليه الدنيا وانتي كنتي في الفرح ويارا صحبتها اكيد شوفيتها معايا في الفرح
نهال ...انا قصدي نتعرف اكتر يعني لتوجهه حديثها لنور ...بس الميكب كان محتاج يتظبط شويه في الفرح يانور
نور بحدة ..مأخدتش رايك
نهال بتفاخر ..انا بقول رأيي المهني انا كنت مدير بيوتي سنتر كبير وافهم كويس في الحاجات دي
يارا بسخريه ..لا مهو ظاهر علي وشك
شعرت قليلا بالغضب ولكنها تماسكت نفسهاا فهي لم تصل لمرادها بعد ..
نظرت للارجاء قائله ..امال فين دومه حبيبي
اندفعت نور قائله ...حبك برص وعشره خرص يابعيده
وقفت نهال وهي تنظر لنور بقرف ..لوكال اووي انا مش عارفه ادهم بصلك علي ايه يعني  ..سوفااج
نور موجهه كلامها لهدي ..انا بتهان في بيتي صح
انهت جملتها وهي تهجم عليها وتمسكها من شعرها بشده بينما هدي ويارا تحاول فك هذا الشجار قبل ان يصل صوتهم لادهم
نهال من بين صياحها ...صحيح وانا هستني ايه من واحدة بنت حرام
تركتها نور في غضب قائله ..اتصدقي انتي ااقل من اني انزل مستوايا ليكي ...اطلعي برااا
نهال ببرود..معلش هي الحقيقه صعبه شويه
لم تتحمل حديثهاا القاتل فصفعتها بكامل قوتهاا قائله اطلعي برااا
نظرت لها بغضب وهي تخرج بعض الاوراق من شنطتهاا قائله ...القلم دا هرده اضعااف
خرج ادهم والشباب سريعاا اثار صوت نور العالي ولكن كانت خرجت نهال
اقترب الشباب في قلقل ليردف ادهم قائلا ..في ايه ...مالك ايه اللي حصل يانور ؟؟
تركته يتحدث وذهب للاوراق المبعثره ارضاا
امسكت الورق بيد مرتعشه وكل الانظار موجهه اليها
فتحت عيناها علي مسرعيها بينما لم تستطيع ان توقف هطول الدموع من عينيها و...........
☆☆☆☆☆☆☆☆☆☆☆
متنسوش الفوت والكومنت 💙
رأيكو دايما يهمني💋
المواعيد بعد كدا يوم اه ويوم لا ..اتمني تكونو مبسوطين 😊
See you soon💜💜