#شرف قيد التنفيذ (أثال)

البارت الأول

#بــقــلم
#ايـــزابـــيـل
#البـــارت الأول
#شرف قيد التنفيذ 《أثال》
..
كل يوم بين حلم وأخر اراكَ النور بعد الظلام
الرخاء بعد التعب ..
منقذي بعد الألم
مأواي بعد التشرد ..ابتسامتي قبل حزني ..
حين احتاجك تظهر أمامي كألطيف تخطفني من عالمي المعتم لحضنك الأمن ..
ياسقم روحي  دوائهُ يدك الذي تستشعر يدي
قبلاتك على جبيني تنتشلني من وسط حفره اشواك حياتي ..
..
بلعت ريكي واني اباوع على حاله بابا المزريه
يروح ويرجع بالهول ويفرك براسه بتوتر ..

:- شسوي اني اخاف يعرفون مكاني شلون بيه ..

دنيا ليل والجو متكأب لازكه نفسي بالحايط وابجي طفله وماعرف شديصير ..

بس كل الي سمعته من بابا عدمو الرئيس صدام حسين وبابا جان يشتغل ويا وهسه الناس تفتر ورا ..وخايف على نفسه ..

كالت ماما :- بهاء اني ماعوف بيتي واطلع مستحيل اطلع من محافضتي وين تريد تشردنه انتَ نبقى ببيتنه وانتَ ابقى كاعد بالبيت ونشاءلله مايلكونك ..

بهاء :- ها يعني هيج تكولين ماطلع ..

سناء :- يي جوز اذا طلعت يلكفونك ابقى كاعد وساكت بالغرفه

مسح على وجهه وبلع ريكه باوعلي وكال
:- أثال روحي جيبيلي كلاص مي ..

هزيت راسي ب أي ورحت للمطبخ جبتله مي ..
بوقتهه جان عمري بحدود ال10 11 سنه

اخواني ثنين صغار يفترون وراي اخذتهم وكعدت العبهم بطلب امي ..

بقى وضعنه على ماهو لحد ما هدء الوضع وبدت الناس تنسى كلشي بابا كام يطب ويطلع عادي ..

بيوم جنت كاعده بالهول بيدي لعابه امشط شعرها دخلت علينه جوارينه اسماء هي شكره وطويله حلوه يعني ..

كعدت على القنفه واسمعهه تكول الأمي

:- والله يا ام رسول اني ماحبيت اضم عليج ولا كدرت اسكت اخاف ينهجم بيتي اجيتج حتى انتِ تضبين زوجج ..

بلعت ريكهه وكالت :- خير نشاءلله شبي زوجي

اسماء :- والله ياسناء وين ماطلع يفتر وراي للسوك للصالون وكل شويه ذابلي رقم ويحجي كلام بذيئ اني اعرفكم خوش ناس ومن زمان مجاورينه اهل حسب ونسب بس ماتوقعت هالتصرفات من زوجج اخاف نوب زوجي يشوفه ويعم عليه فدوه اروحلج احجي وي زوجج وفهمي خلي يبطل سوالفه .

امي عصبت من كلامهه وكفت وكالت بكل
غضب :- اسماء عيب عليج تجين تحجين هالكلام على زوجي وبنص بيتي ..

:- اني ماحاجيه غير الصح زوجج راح يهجم حياتي اخر انذار اذا مايبطل سوالفه اشتكي علي لو اكول الزوجي اخلي ينطي المقسوم .

تعاركت هي وامي وطلعت رغم كلام المره صح وامي تعرف هالشيء بس ماجانت تنطي ب بابا
رجعت للهول كعدت بالكاع حطت ايدهه على خدهه وتبجي ..