#شرف قيد التنفيذ (أثال)

البارت الرابع عشر

#بــقــلم
#ايـــزابــيــل
#البــارت الــرابع عــشـر
#شــرف قـيــد التــنفـذ (أثال)
..
أثال
بلعت ريكي بتوتر شتريد مني طلعت وياها ورحت للستقبال بس هي كاعده بيهه وتباوع بصرامه وقوه خفت من نضراتهه شتريد مني ...

أشرتلي بحاجبهه بمعنى اكعد بصفهه
ضغطت على العوجيه البيدهه وكالت
:- انتِ شكد عمرج ؟

كلت بصوت ناصي :- 18

احسهه نصدمت كالت بهمس
:- يادهر جايبلي فرخه من بغداد ومتزوجهه ادري يحضي جا كتلي وانه ازوجك تاج راسهه ..

علت صوتهه ورجعت كالت
:- يي حبوبه اهلج امج منين وشلون قبلو يزوجونج بهالطريقه ،،

عقدت حواجبي وكلت :- ياطريقه ؟!

باوعتلي بتك عين :- جا من راح عمار يخطبج بطرك روحى ماسألو اهلك وين عمامك اجدادك جايني وحدك تخطب مكطوع من شجره لو اهلج ..

قاطعهه صوت دخول عمار رفع حاجبه وكال الهه بمزح :- ها خديجه بدينه ،،

خديجه :- اسكت انتَ ارد اشوفن مرتك شلونهه جا غير انه حبوبتك وواجب عليه اختارلك واتخيرلك الزينه ..

عمار :- يي مو هي قطعه قماش وتختاريلي الزينه ههههه والله عليج سوالف ،،

خديجه :- لايحبوبه جا انه اكعد اعلمك ماتعرف انتَ النسوان بيهه الزينه والموش زينه

باوعلي وكال :- يي وشلون شفتيهه !؟

ذبت حسره وكالت :- والله انه ماكدر اكلك اذا بت اوادم لو لا لان هي البارحه اجت وماشفنه منهه شيء خاتله بغرفتهه مثل ام البزازين
بس هي حلوه بس اضنهه مضروبه سجين متعاركه وي احد ..

عمار :- ههههههههاي يي جا شعبالج اني من اخذ المره اريدهه خريجه سجون حتى بوكت الشدات توكفلي ..

دفعتني من كتفي رجعت ليوره بس همزين
تمالكت نفسي وماوكعت على ضهري ..

خديجه :- يا على بختك دعاين عليهه خاويه مسحونه روحهه هاي اذا ضربتهه راشدي ينقلونهه لقسم الكسور بعد وين تهد وياك لنص السلف ماتطلع بيهه ،،

عمار :- هسه احنه نضل خالين أثال تحت المجهر ونفصل بيهه لو نتريك ،،

خديجه :- لا يبعد كلبي امشينه نتريك وحقك بالزواج هذا يشهد ربي ادري شنهي الي بكلبك وبعقلك هم وحقكك حقكك ..

تنهد وباوعلي كال :- أثال كومي ،

من كال هيج نهضت بسرعه على حيلي عبالك اجتني صعقه كهربائيه وكفتني خديجه طلعت كبالنه تتوكه على عصاتهه تقرب يمي دنك راسه عليه وكال :- مثل ماتفقنه حلكج متفتحي ماريد اي مخلوق غيرنه يعرف الي بينه ،،

هزيت راسي وكتله :- نشاءلله اكيد ،

هز راسه وابتعد عني كم خطوه باوعلي
من فوك ليجوه وكال :- وبعدين لبسج غيري صح مستور ومابي شيء بس شفتي بنات عمي واخواتي كلهن دشداشه استر واحسن لان اكو ولد بالبيت ،،