#شرف قيد التنفيذ (أثال)

البارت الثامن

#بــقــلم
#ايـزابــيــل
#البــارت الثــــامــن
#شـــرف قــيـد التنفـيـذ (أثال)
..
اگشــخ بـيـش وانـــه مفـــارك معـــدل
شــمـا البــس واجيــب هــــدوم احـس
رويحـتي مبـهـذل ♡ 
..
أثال

كل ساعه وكل دقيقه كل فعل ورده فعل بذاك اليوم انخزن بذاكرتي ماكدر اصيح ولا اكدر
احرك نفسي ماحس بس جسمي ينسحب .

عضيت ايده صرخ ودفعني رغم جانت ضلمه وماكو ولا بصيص نور بس عرفته صدام الحقير
حاولت اركض ولحكني ..

اركض بكل سرعتي احس قطار الموت يركض وراي فتحت باب الغرفه وسديته بسرعه ووكفت علي هو ضل يدك على الباب ويصيح
نداريت على كيف وقفلته بالمفتاح ..

احس رجليه نشلن وكعت للكاع ضميت رجليه بين راسي اني شجابني هنا ؟! شسويت بروحي

لزمت ركبتي احس الهوى شح خليت ايدي
على الكاع وتلمست مكاني وين ذبيت نفسي
على الكاشي حضنت نفسي وابجي بهدوء بس دموعي توكع ..

وهذا الي اسمه صدام مازال يعيط ويصيح ويكسر بالباب يريد يفتحه ..

اكيد سكران لان اني شتميت بي ريحه مقرفه
مستحيل ابقى هنا من باجر اطلع ..

مادري شلون كدرت اغمض عيوني وانام بذاك اليوم بس نمت وكعدت ب5 العصر على صوت رويدا ..

رويدا :- شمه دكعدي حبي صارلج شكد نايمه البارحه سهرانه شنو ،

فركت عيوني ورفعت راسي لميت شعري ورا اذاني تجاهلت وجودهه وطلعت للحمام الي يصير برا بصف المطبخ دخلت غسلت وجهي وطلعت ..

الكافي هوسه هواي  بي ناس من الصنفين ..
باوعت لرويدا كاعده بصف واحد تحجي ويا
وتطك بالعلج ..

دخلت للغرفه وركعت الباب بقوه وكفت كبال المرايه باوعت على حلكي بي أثر ايده نكسرت ايدك نشالله ،،

بهل اثناء نفتح الباب عبالي وحده من البنات وضليت واكفه بمكاني لحد ماسمعت صوت صدام

باوعتله ورجعت كم خطوه للخلف بلعت ريكي
بخوف احس ملك الموت يوكف على راسي من اشوفه

باوعلي بنظرات ثاقبه فصلتني تفصل ابتسم بستهزاء وكال بهمس :- يجي يوم توكع البزونه بوكر الذئب ،،

كلت بكلبي اذا قصدك على نفسك ف غمهه النفسك امدا الذئب الي تشبه نفسك بي ..

طلع وركع الباب بقوه زفرت بنفس وكعدت على الجربايه اليوم بليل لازم اطلع من هالمكان
مستحيل ابقى  .

اذا بقيت معناها اخط طريق موتي وعذابي بأايدي بس وين اروح ؟ هسه خلي اطلع والله كريم احسن مابقى بهل المستنقع مال الزبل ،،

ورا ما بدت الناس تسحب نفسهه ويفرغ المكان ب4 الفجر ضبط سدينه باب الكوفي والبنات
هالمره كلهن راحن للملهى وياهن صدام .