#شرف قيد التنفيذ (أثال)

البارت الثاني

#بـــقــلم
#ايـــزابــيــل
#البـــارت الثـــانـي
#شـــرف قيد التنفيـذ (أثال)
..
وشبدينة
انباگت احلام الصغر  منه وبچينة
وردنة نبدي من جديد وما بدينة.
...
بان

صباحاً الساعه _8_

كعدت على صوت المنبه  بدلت ملابسي وطلعت حضرت ريوك امي وسديت الباب
وراي صار بوجهي جوارينه راكب سياره ..
بيضه بيك اب عاليه جبيره ..

واخواته السابعه مربعات وكاعدات ليوره ..

شافني صاح عليه :- صباح الخير اوصلج وياي ..

ابتسمت وكتله :- تسلم 

هو سمين حيل بحيث من تتحرك السياره يروح يمنى يسره يهتز كله اموت من الضحك علي يسمونه ابو اليابس لان يبيع خبز يابس هو واخواته السبعه ..

عبرت من يمه ورحت لدوامي دخلت للجامعه صار بوجهي احمد وكف بصفي :- صباح الخير بان

:- هلاو احمد صباح النور

احمد :- اكلج الملزمه الي لخصهه النه دكتور جعفر ممثل القاعه مانطاني نسخه منهه بلكي مالتج استنسخهه ..

بان :- اي تدلل باجر اجيبهه وياي ..

مشه من يمي واني دنكت على جنطتي ادور موبايلي اريد اخابر امي اشوفهه كعدت لو لا
حسيت انفاس حاره لطخت بوجهي ..

درت وجهي مفجوعه صار كدامي دكتور غسان
ابتسمت وكلت :- صباح الخير دكتور

ابتسم وكال :- صباح النور أأا شنو جان اسمج

:- بان

رفع حاجبه وكال :- بان ليش واكفه هنا بعد 10 دقايق تبدي محاضرتكم ..

أشرت بأيدي وجاوبته :- هسه راح ادخل

هز راسه ومشى من كدامي نظراتي طارت ليمه لحد مابتعد ودخل لغرفه العماده ..

حسيت على نفسي وسديت جنطتي ورحت ركض للقاعه كعدت بالستول مالتي جان مكاني
اول وحده ليكدام ابد ماحب اكعد بالاخير لان الاخير كلهه سوالف وضحك ويخلصوها شقه وسوالف بايخه ..

طلعت كتابي وضليت اراجع لحد مادخل دكتور غسان وكلنه كمنه جنت اباوعله وابتسم ..
هالدكتور ينهضم بسرعه عكس الي قبله حتى
يتساهل ويانه بالمحاضرات ..

بده يشرح والكل مندمج مخليه عكس ايدي على الستول وكفي على خدي واهز برجلي
هاي الوضعيه ابد مابطلهه دوم من اكعد اسويهه وياما وياما ترزلت بسببها ..

طبعا العاده الي عند الدكاتره كلهم وتقريباً كل الطلاب تنزعج منهه بحيث يوهم الطلاب انو هو ديكتب ويشرح وبغفله يلتفتت علي ..

وهذا الشيء سوا دكتور غسان ولكفني اني وكعدتي ذب القلم وكال :- بان ليش ماتنتبهين

عدلت كعدتي :- لا دكتور منتبهه ..