#شرف قيد التنفيذ (أثال)

البارت الخامس والثلاثين

#بقلم
#ايزابيل
#الـبـارت الخامس والثلاثين
#شـرف قـيـد التـنـفـيذ (أثال)
..
أثال

غسلت وجهي وطلعت ورا جان كاعد على الجربايه يلبس البسطال مالته

كتله :- عمار وين رايح يعني ميصير هيج يومين ماصارلك وتريد ترجع للدوام..

كام على حيله ابتسم وكال
_ماكدر ابقى أثال الوضع حيل خطر لازم اروح اشوف الجنود واطلع وياهم..

عقدت حواجبي
_وين تطلع

:-للمناطق الغربيه هناك صايره مجزره..

فتحت عيوني مصدومه
_صدك تحجي وانتَ مخاطر بحياتك وعايفني علمود شنوو والمن منو راح يفيدك..

راح للكنتور وطلع كم قميص وكف يخليهم بجنطته ويحاجيني
_محد يفيدني بس مثل ما العراق منطينه ارض نكعد بيهه واجب علينه نحمي هاي الأرض..

دموعي صارت بطرف عيني دنكت راسي ومسحت رموشي باوعلي وضحك :- هههههه صدك تحجين يابه كلمن يموت بيومه وبعدين مارايح وحدي وياي جنود وقاده تقبلينهه انتِ اكعد واسكت بالبيت والأنذال يدخلون لنص بيتنه يذلونه ويملكون ارضنه املاكنه اطفالنه نسوانه..

حضنته وكلت بشهكه
_ديربالك على نفسك وخليني كبال عينك ماريد اخسرك وانتَ اهلي وناسي وزوجي وكلشي املكه بهالدنيا..

باسني براسي وهمس
_لاتخافين راجعلج نشاءالله

طلع وكلبي ويا اندعيتله بكل خطوه الله يرجعه سالم الي والأبنه الي بالطريق..

سديت الباب ودخلت الغرفتي ماعرف ليش بوقتهه الله ذب عليه بجيي رغم مو اول مره
يروح للدوام بس اول مره ابجي على غيابه
بالساعه اني اناشغ

فرشت سجادتي ودعيت ربي يحمي الي ماعندي غيره اتيهه بدونه نمت وكعدت بليل خابرته..

طول يله رد
:-الوووو عمار

حسيت بي مرهق من صوته ونفسه المقطوع
_ها أثال وياج

_شخبارك وين انتَ هسه

_الحمدلله بخير بأحد مناطق الأنبار

بلعت ريكي وسألته
_شلونه الوضع

_لاتخافين كلشي بخير

ماتوقعته جان يجذب عليه من أسأله بخصوص هالموضوع ويكلي بخير وكلشي تمام..

أثال :- شوكت ترجع

تنهد وحجه بأسف
_سالفه رجعتي مطوله شهر شهرين احتمال اكثر

فتحت عيوني مصدومه
_صدك تحجي ليش شكو موتكول كلشي بخير..

عمار :- موبيدي هذا واقع مفروض علينه كلنه مو بس اني

صرخت بصوت عالي
:-يا واقع عماااار يا واقع اني مامستعده اخسرك اذا اتحبني وتريد خاطري عوف كلشي وتعال..