part4
امجد متكي عالصالون ومسكر عيونه
فرح جنبه:جايبني باش ترقد ولا كيف
امجد:اششش نبي هدوء مانبيش نسمع صوتك
فرح:بهي علاش مكلمني
امجد:هكا نبيك جنبي ساكته ماتقوليش شي بس ريحتك ونفسك
فرح:مزال تحبني وقربت منه
خنقها بقوة:حتا بعد غدرتيني مزال نرتاح بقربك وهالقلب يبيك جنبه ودفها
فرح تتلمس في رقبتها:يعني تحبني
امجد: على قد حبي مش حانرحمك حانذوقك المر
فرح خايفه وقفت
جبدها من يدها: خليك هكا ماتبعديش وماتفكريش تطلعي من هنا
فرح:بس انا لازم نروح ماما شويه وتبدا تتصل قتلها مش حانعطل
امجد:ساعه بسم ليا ايام مش شايف النوم سكر عيونه ورقد
قعدت فرح تتفرج عليه وبعدين خدت هاتفه وتفتش فيه"مش تكرهه شن دخلها بهاتفه سبحان الله 😂"
بعد ساعه فاق وخلاها تروح
مهاد مقعمزه في دارها تفكر وبعدين بعتت مسج لرواد"حبيبي كيفك استحشتك"
بعد ربع ساعه بعتلها"حالي كويس "
مهاد:عادي تحكيلي خيرك متغير معاي صايرتلك مشكله في خدمتك او شي
رواد:لا شغلي تمام التمام 😊
مهاد:مش ملاحظ انك متغير معاي هلبا
رواد:معليشي انا مشغول نحكو وقت ثاني
مهاد حدفت الهاتف:انا حماره نكلم فيه اووف
بعد كم يوم
حسن:اهلين بيك
امجد:كيف حالك ياعمي
حسن:بخير والله شخبارك انت والعيله
امجد:والله جايك في طلب وان شالله ماتردنيش
حسن:انعم ياولدي
امجد:انا جاي نخطب بنتك على سنه الله ورسوله
حسن:والله شن بنقولك انت جار وسامع انها فسخت من فتره
امجد:سمعت كل شي نصيبات
حسن:وجاي تخطب بروحك
امجد:لا والله حبيت نعرف رايك بنجيب بوي واقاربي
حسن:كان عليا انا والله مانلقى خير منك لكن الراي للبنيه نسألوها ويردو عليك خوتها
امجد:ان شالله خير هي نستاذنك ياعمي
حسن:اقعد تعشا معانا
امجد:صحتين السلام عليكم وطلع
حسن خش للحوش:وينك يامرا
فتحيه:نعم منو كان عندك
حسن:هدا امجد ولد حميد
فتحيه:وخيره
حسن:يبي يخطب بنتك هالمغضوبه
فتحيه:وامتا سمعو انها فسخت
حسن بصوت عالي:ومن ماسمعش بيها دارتلي العار ولد عيلة وناس ترده وتحشمني قدامهم ترا توا تفتح فمها وتقول مانبيش
فتحيه:وانت ناوي تعطيها لولد خديجة
حسن:وخيره ولد محترم وخدام على راسه
فتحيه:بس
حسن:عارفك انتي وبنتك عينكم فارغه ماتبو الا الفلوس لكن قوليلها هدا راجلها وخش قربع باب الدار
ركبت فتحيه لبنتها:يانهاري شن درتي في روحك غير علاش سيبتي خطيبك
فرح:شن فيه ياماما
فتحيه:جي خطبك ولد حميد
فرح سكرت عيونها بقهروعرفت انه امجد مش ناويلها خير:وانا موافقه
فتحيه:ااه قولي من لاول انتي تبيه وهدا علاش خربتي خطوبتك
فرح:ماما خليني بنرقد
قتحيه:بنوت مايطلع منكم
مقعمزين في المستودع
رواد يدخن:قتلك انا مايجو الا بالعين الحمرا
امجد:وهيا هكا حانذوقها المر
رواد:ربي يعاونك 😉
امجد:شن مافيش بضاعه اليوم
رواد:ماشالله انت مجتهد بديت توزع اكثر من الكل
امجد:نبي نجمع فلوسي باش ندير العرس و......
رواد:لالا مادورهمش بكل خليهم في وقتهم
امجد:مالا اعطيني خلي نتوكل
ورد حسن على امجد بالموافقه ودارو مقابلة شرعية
فرح مقعمزة ترعش والخوف تملك منها
امجد:معقولة خايفه مني
فرح:لاني عارفاتك مش ناويلي خير
امجد:ظالمك ?
سكتت
امجد:معناها جهزيلي روحك كويس
فرح:نردلك كل شي خديته بس خليني بالله عليك
امجد:فات الوقت معاش نبيك تردي شي
فرح:راضي تتزوج وحدا تكرهك
امجدومن قالك اني واخدك زوجه ليا ياحلوة انتي حاتكوني ابشع من الخدامه ههههه
فرح:نهون عليك
امجد:تهوني يا قلبي تهوني وطلع
فرح انهدت حاولت معاه بكل الطرق بكرامته بقلبه وحتا بأهانته بس مصر على قراره
فتحيه:بوك قال بيدير عرس طول مايبيش لا بيان لا فضانيه
فرح:اللي هوا
فتحيه:هدا كله حب فيه هالفرخ ماعنده شي رهو اخرتك تسكني في دارمع امه وبوه
فرح:ياماما ياسر تعبتيني خلاص انا بناخده وراضيه بكل شي
فتحيه:ربي يهديك
سحر:انا قتلك فوتيه الكلب هدا
مهاد:معادش كلمته
سحر:كثر خيرك والله 🙄
مهاد:وااك مابردك علاش ديريلي هكا
سحر:ماك تكسري الرقبه تي سيبي امه قبل مايفوتك هوا
مهاد:شن قصدك انتي سامعه حاجه
سحر: تذكري يوم جاك في الكليه وبعدها خشينا المحاضره
مهاد:اي بهي
سحر:لما طلعت نكلم في ماما شفته واقف على مها
مهاد:مها!!!
قامت هاتفها وطلباته
سحر:تي سكري يامهبولة
مهاد:اسكي الو
رواد:اهلا بالطفله
مهاد:طفلة!
رود:اها شن جوك
مهاد:من وين تعرف مها
رواد:مها
مهاد بصوت شبه عالي:ايه وين تعرفها
رواد:قصدك مها خطيبتي
لحظات مرت على مهاد حست كل جسمها تجمد ومعاش سمعت غير دقات قلبها
سحر تهز فيها:خيرك ميمي ردي عليا ياحليلي شن جاك
مهاد بصوت متقطع وشهقات:قق قا. لي مهااا خ خطيبتي
سحر:شنو خطيبته
مهاد:سيبني معاش يبيني فوت معاي وقت وخلاص تم وقتي خلاص معاش شي شي انا انا وقعدت تبكي بقوة
سحر حضنتها:غير اهدي بالله عليك وراس وخيتي طز فيه هوا. خاسرك
الساعه11
طالعه سحر:السلام عليكم
امجد:اووو مشفشفه عندنا
سحر:مابردك
امجد:واقعك 😂
سحر:اسمع بالله شوف ميمي كل شويه
امجد:علاش خيرها مريضه
سحر:ايه تعبانه شويه
امجد:بهي حاضر من جايك انتي ولا نروحو بيك
سحر:لالا بابا وصل هيا سعيده
امجد:سعيده وخش لداره غير شاف هاتفه يضوي قفله ورقد
رواد:اموري
سعيد:حاجه مش فاهمها
رواد:اللي هيا
سعيد:علاش كلمتها من الاول مع انها كانت رافضاتك
رواد:من يوم بدينا صحبه تفهم فيا من حواجبي
سعيد:في هدي دماغي وقف لاني مش لاقيلها سبب
رواد تنهد بقوة:خليها للوقت
سعيد:ربي يهني
رواد:وانت امتا ناويلها
سعيد:مازال
روح رواد للحوش
تالين:يااهلا
رواد:امورتي شن الجو
تالين:مش تمام بكل
رواد:تي علاش
تالين:موده صارعتني من بكري تبكي قالت كيف تخطب غيرها
رواد:وهيا علاش ماتبيش تقتنع اني مانحبهاش
تالين:وانا شعرفني
رواد:فوتيها وشن مزعلك تاني
تالين:خطيبتك اللي دارت بيا صحبه وكل شويه تتصل تهدرز
رواد ضحك:كان نعرف شن عاجبك انتي
تالين:عاجبني خويا العسل بنقيمله عرسه
رواد:وربي نتعب معاك يافرخه
صباحا
فاقت مهاد وفي عقلها مقتنعه انه رواد قاللها هكا بس بصاره ويبي يحرق دمها
دوشت ولبست ودارت كحل وروج ورفعها بوها للكليه
مروج:اهي جت ياحماره
سحر:حي والله ماتوقعتها تجي
مهاد:صباحو بنات
مروج:كيف حالك
مهاد:تمام
سحر:ميمي خيرك
مهاد:شي اللي قالهولي مستحيل اكيد يبصر يبيني نغار بس رواد يحبني يابنات والله يقولي ماتحلميش ياخدك غيري
سحر:بس هوا ياخد غيرك
قرصتها مروج
سحر:ايه خليها تعرف الحق ميمي افتحي عيونك صح اول مره تحبي بس ماتقعديش غبيه هلبا رواد واضح انه تافه ويتعب مع الجنس اللطيف ويمكن انتي بس اعجاب وبعدها فاتك لما ماحصل منك شي
مها دفتها:انتي شن تخرفي معاش تحكي عليه هكا
مروج:غير اهدو يابنات خيركم الناس تتفرج علينا
سحر:هدا الواقع وانتي وراحتك غدوة توقفي على كلامي ومشت وسيبتهم
جت مها:مورننق بنوتات
مروج:كملت 🤦♀️
مهاد تشبحلها وساكته
مها:ماباركتوليش
مروج:على!!
مها:انخطبت وعرسي قريبا
مهاد:من خطيبك
مها:رواد فتحي ال......
مروج:ربي يهنيكم هيا ميمي وخدتها من يدها
امجد في محل:هيا اختاري
فرح:انت علاش دير هكا
امجد:مانبيش نقص عليك شي خلي امك تعرف اني مش ناقص
فرح:مانبيش شي
امجد خدي خاتم وشدلها يدها بقوه لبسهولها:جميل
فرح:نبي نروح
امجد:تمام
خدي الخاتم ومعاه طاقم ذهب وساعه وطلعو
فرح تبكي وتعيط:انت شن في دماغك
امجد شبحلها عاجنب:الناس تتفرج علينا ضمي فمك
فرح:مانبيش نتزوجك افهم شن ماتحسش انت وحدا كارهاتك وبتاخدها وعااساس عايش الدور وتاخد في الدبله
امجد ولا كأنه سمع حاجه شغل اغاني ويسوق ويغني
وصلها قدام الحوش تفضلي
فرح:امجد ارجوك
اشرلها بيده تنزل
بعد كم اسبوع
مهاد مع صاحباتها في الكليه
مروج:تعالي ناخدلك كريب تحبيه
مهاد:لالا ماخاطريش
شافو رواد
سحر:ايح علينا
مشتله مهاد تجري:رواد
رواد بملل:اووه الواحد معاش يجي هنا ويرتاح
مهاد:علاش بس اظن عندي حق نعرف السبب
رواد:قداش عمرك انتي
مهاد:بلا جو انت عارف عمري 19
رواد شدلها خدها:صغيرونه تقدريش تفتحي حوش وانا طلباتي هلبا عليك
مهاد:ومها تقدر توفرهملك
رواد:شي مايخصكش ميمو ومعاش تسمحي لخيالك يمشي بيك لبعيد
مهاد مسحت دمعتها:ربي يهنيك
قعد يشوف لعيونها:نبي منك وعد
مهاد:هه مزال عندك وجه تطلب
رواد:اعتبريه رجاء "مانبيش حد يناديك ميمو وردي بالك من العيون الحلوات هادو"
مهاد:تمام ومشت
سحر:شن قالك
مهاد: صغيره قالي انتي صغيره
مروج:خلاص طز فيه
سحر:توا عرس خوك ولا الهي معاه
مهاد:هدا الثاني مش عارفه قصته كيف بياخدها بعد سيباته
سحر: نصيبه
روحت مهاد تحاول تتماسك نفسها قدام امها واقاربها
بعد اسبوع
امجد:تعالي يافرخه
مهاد:ياودي خيرك تشوف في الحوش معبي
امجد:اركبي لداري بسرعه
مهاد:شن تبي نجيبلك
امجد:غير اركبي اهو لاحقك
مهاد:اوف وركبت لداره فتحت الباب 😍😢
امجد حضنها:شن رايك
مهاد:جبتهولي"قفطانشافاته في محل وقعد خاطرها تشريه"
امجد:مش انا اللي نخلي وحيدتي خاطرها في حاجه
تعلقت في رقبته:ربي يخليك ليا ياكل دنيتي
امجد:مش ناسي السبب اللي مضايقك ومخليك ماترقديش الا ومخدتك غارقه بالدموع بس تو نفضالك
مهاد:وين مزال بتفضا بيا بعد تاخد حبيبة القلب 😏
امجد: معاش تقولي حبيبة القلب لانها ماتهمنيش
مهاد:مالا علاش بتتزوجها
امجد: تو تعرفي بعدين
مهاد:امتا بتحلق هالغوفه
امجد:الخميس باذن الله 😁
فرح تبكي
اختها:بهي طالما ماتبيشي علاش وافقتي عليه
فرح: خليني
اختها:شن خليني هدي امك قتلي انك طول الوقت تبكي شن فيه بالزبط لو صاير بينكم شي قوليلي من توا
فرح:مش صاير شي والله انا قعدا بنت هدا اللي تبوه انتم
اختها:وطي حسك يسمعك خوك يقتلك امجد كويس ومحترم هدا نصيبك ارضي بيه وياسر بكي. عيونك بدو زي الباندا عروس راك اغسلي وجهك والبسي بنرفعك لمركز يديرولك اقنعه وتصبغي شعرك
يوم الخميس:
خش امجد للخيمه
قاملها الطرحة وباس عاراسها:مبروك عليك انا
فرح تحاول تبتسم بالسيف ودموعها محبوسات في عيونها
قعدو شويه وطلعو مشو لحوش اهله وكلتها امه السكر وبعدها رفعها لحوشه مأجر في نفس الشارع
خش امجد يضحك ويغني:انستي ياعروسه
فرح ترعش:نبي نغير
امجد:تعالي هي دخلها للدار شن رايك فيها
فرح تبكي:حلوة
امجد:علاش تبكي بهي
فرح:شن بدير فيا
امجد:يعني اكيد مش حانقتلك 🤗 لكن نبيك قويه وتتحملي
حانعطيك الخيار في شي واحد بس
فرح:شنو
امجد يمرر في يده عاكتفها العريان:تبينا نعيشو ليلتنا زي اي زوجين ولا نبدو من توا
فرح وخرت:شن قصدك
امجد:نفهم انك رافضه تمام غيري والحقيني وطلع
فرح:ياربي ساعديني
مهاد رجعت لنفس وضعها الكئيب تتفرج عارسائلها مع رواد وتبكي
اما رواد ولا مفكر فيها حتا عايش حياته مع خطيبته
امجد بعد صلو مع بعض:ديريلي ناكل بنموت جوع
حطتله من عشاهم وبتخش للدار شدلها يدها:مش كلب ناكل بروحي
فرح:مش جعانه
امجد:قابليني من قلك كولي
قعمزت قدامه تلعب بصوابعها
امجد:حاتكوني في الحوش هدا خدامه تنظفي وطيبي وتاكلي بس ماليكش علاقه باي شي فيه
فرح بصدمة:نعم
امجد:زي ماقتلك ماليكش عندي اي حق نكلم اللي نبيها ونخش مع اللي نبيها
فرح:طلقني كان بذلني
امجد:هيا نوضي نردك لحوشكم ونطلقك
فرح 😦😦
امجد بصوت عالي:نوضي كان عندك جرأة ترجعي لبوك ويشوف فضيحتك وصورك اللي وصلوني اول ماخشيت للحوش 😊
فرح:انت شن طينتك
امجد:طينت واحد لعبت بيه فرخه .....🔞
فرح:احترم نفسك انت عارف ماحد غيرك قرب مني
امجد:شن عرفني ماشفت شي انا 😉
ناضت تبكي خشت للدار وسكرت على روحها بالمفتاح
اما امجد كمل ماكلته بكل برود وخش رقد في الدار الثانيه
بعد 6شهور
سحر:شن جوك اليوم
مهاد:الحمد لله جي الدكتور
سحر:لالا مزال تعالي نفطرو
مهاد:هي وين مروج
سحر:قالت بتتاخر عندها مراجعه في الاسنان اليوم
مهاد:ااه بهي
قعمزو يفطرو وبعدين طلعو خشو للقاعه ويستنو في الدكتور
خشت مها:صباحكم
ردو عليها
مها:طبعا عرسي الاسبوع الجاي وكلكم معزومين والشباب تفضلو عالغدا يوم الاثنين
مهاد شدت في يد سحر بقوة تحاول ماتبينش ضعفها قدام حد
سحر:اهدي ميمي وحياتي ماتبكي
مهاد تتنفس بقوة:يارب قويني
مها:باش تجي مهاد تنوريني
مهاد ابتسمت:اكيد اول الحضور ان شالله ربي يهنيك ونشوفو صغاركم
مها:يارب وطلعت
سحر:مووت ترفعها هالكلبه
فرح تغسل في ماعين سمعت الحوش انفتح
امجد يضحك عالهاتف:زي ماقتلك يا عسل نتلاقو في نفس الشقه واللي تبيه حاضرين
نزلو دموعها وتأسفت على حالها اللي من شهور ماتغير فيه شي راجلها يسهر مع البنات ويروح يرقد ولما تناقشه توصل للضرب والاهانه كرهت روحها وحست قداش توجع وقت انسان تحبيه من كل قلبك وتسيبيه بدافع انك لقيتي اغنى منه
قطع سرحانها امجد:هيي وين هايمه
فرح:ااه فيه شي
امجد:شن درتي الغدا
فرح:درت رز وسلايط ودجاج
امجد:بهي حطيلي شن تستني عندي مشوار
فرح:مهم للدرجه هدي 😏
امجد:هلبا
فرح:لوحدا من الضايعات
امجد:وانتي شن دخلك الهي في خدمتك وفمك مسكر
فرح:ماتعبتش مزال تبي تعذبني طلقني بهي
امجد:حياتك بتفوت هكا لين تموتي والطلاق امسحيه من تفكيرك
فرح:نكرهك
قرب منها باسها بقوة لين جرحها: وانا نكرهك موت
قعمز يتغدا
وقفت قدام المرايا تتفرج على روحها منظرها لايمت للعرايس بصفه وجها اصفر عيونها تحتهم هالات من كثر البكي ضاعفه هلبا رقبتها علامات حمرا من بوسات امجد شفايفها مجروحات وينزفو "شن يافرح شفتي لوين وصلك طمعك والفلوس اللي عمولك عيونك طول عمرك تحلمي تتزوجي واحد غني ويعيشك ملكه هالحلم خلاك تكسري اكثر شخص حبك ضحى بكل شي عاخاطرك راتبه كله بين يديك مافيش شي يقعد في خاطرك واول مالقيتي اغنى منه رميتيه لاهمك قلبه ولا احساسه بس ربي طيحك بسرعه وكسرك قدامه وخلاك تحت رحمته مسح كل ذره حب ليك في قلبه وبدلها كره هدي اخرتك حاتقعدي هكا لين تموتي خسرتي امجد ومش رح يعوضك شي"
خش امجد:اطلعي بنرقد ومتعشيين عند امي
فرح:حاضر وطلعت
في الليل
امجد:يما صاحبي عرسه الاربعاء وعازمكم انتي و مهاد
خديجه:وخيرها امه ماتجي تعزم
امجد:امه متوفيه ومرت بوه وضعه مش تمام معاها
خديجه:مني صاحبك هدا
امجد:رواد اليي
مهاد بهدوء:انا انعزمت عليه العرس ونبي نمشي
امجد:علاش من عزمك
مهاد:مرته تقرا معاي ودايرينه عرس واحد
امجد:اها خلاص تو نرفعك
مهاد:ومرتك بتمشي
امجد:لا فرح ماتحبش الاعراس
خديجه:شن تقرر بدلها انت اسألها كان تبي تمشي ارفعها معانا
شبحلها امجد وقام حاجبه
فرح:لالا ماخاطريش ياعمتي برو انتم
بعد كم يوم في صالة العرس
مقعمزين مهاد وسحر ومروج
مهاد:اكيد حايطلع غزال
سحر:ياريت نقدر نزرعلك بدل الحب في قلبك كره
مهاد:حتا انا نتمنى نكرهه
مروج:تو يجي يوم وتكرهيه بقناعتك وبكامل قوة
مهاد:اووف
سحر:امتا بيجي الهم خلينا نروحو
شويه صوت المنشطه:المتحجبه تلبس العريس بيخش
مهاد قلبها وكأنه بطلع صاحباتها يهدو فيها
انفتح باب الصاله وخش رواد بكل ثقه واناقه الابتسامه شاقه وجهه وصل في عروسته قاملها الطرحة وباسها
مهاد نزلت منها دمعة:يارب
سحر:كلمي خوك هيا نروحو
مهاد وقفت لبست عبايتها وحطت وشاحها:خلي نهنيهم قبل
سحر:لاتهنيهم ولا شي
مهاد مشت جيهتهم:الف مبروك ياعروسه
مها بدلع وشادة في يد رواد:الله يبارك فيك حبيبي عقبالك يارب ميمو
رواد شافلها
مهاد:ان شالله وانتي حيه وتحضري وتلفتت طلعت
سحر:ارتحتي توا غير تزيدي تحرقي في قلبك
مروج:بالعكس خليه يفهم انه معادش يهمها
سحر:خوك برا هيا روحو بيا حتا اني
ركبو في السياره
امجد:شن جو العرس
سحر:عادي عرس يعني
امجد:مابردك من يسال فيك انتي
سحر:ماسألتنيش وجاوبتك حره عاد
امجد:براده من قالك روحي معانا
سحر:ومزال بنبات عندكم امي وبوي في الجبل
امجد:وااك
سحر:عااساس بتبات معانا يعني
مهاد:مرتك وين
امجد:مع امي في الحوش
وصلو نزلو يضحكو وامجد يضرب في سحر
فرح تتفرج وقلبها ولع نار 🔥
خديجه:شن جو العرس
مهاد:كويس هي تعالي نبدلو سحر
امجد:بسرعه بديرولي عشاي رهو
سحر:غير اعبى مش واكل في العرس
امجد:ماكليت شي وجعان
سحر:اهي مرتك
امجد شبحلها وضحك:بري اقلبي وجهك ماطول لسانك
سحر:مش اليوم ولا امس خشت للدار
مهاد:انتي شن تحاولي ديري
سحر:شي 😇
مهاد:مرته مقعمزة
سحر:شفتها ومش هامتني
مهاد:ربي يهديكم هيا تعالي نديرو العشا
خديجه:انا بنخش نرقد تصبحو على خير
امجد:وانتي بخير تي هيا يا هم انتي وياها
سحر:وطي صوتك بوك راقد
امجد:من قالك
سحر:اهبل
لوالها ايدها ورا ظهرها وقعدو يضاربو ويضحكو ولا حاسبين فرح معاهم
مهاد:بالك تتحشمو وتفنص في خوها
امجد:احم عادي شن درنا احنا وقعمز ياكل
قعدو يهدرزو ويضحكو
فرح ماقالتش كلمه تتمنا الوطا تنشق وتبلعها
"مافيش اسوأ من موقف المرا لما راجلها يقلل قيمتها واحترامها قدام الناس ويتصرف كأنها مش موجوده"
سحر:مش مروح
امجد:مخليهالك واسعه وعريضه هيا نوضي وطلع
مهاد:تصبحي عاخير
فرح:وانتي بخير
خش للحوش
فرح:اهانتك وتصرفاتك الزفته معاي وسكتت عليها بس حركاتك الرخيصه انت وصاحبتك هدي ولا حبيبتك قدام اهلك بطلها
امجد:وانتي حيه مافيش رخاص
فرح:لا فيه انت ياحقير ماتفهك. قدام امك دير في حركات زي وجهك
امجد تعصب وضربها بعنف
عند العرسان 🤵👰
مها:لوف يو بيبي
رواد: حليلي عالجمال 🤤😍 مانتحملش انا ره دفها عالسرير وو
لحد هنا و نوقفو ونمشو للوقت لبعد 6سنين من حياة ابطالنا ونشوفو شن صار معاهم ..... يتبع
