part 11
تلفت سعيد وقعد يتفرج
انا وقفت:انتي كيف تخشي بالطريقه هدي وكاله بلا بواب هيا
مها ابتسمت بهزوة:اشيه وانا نقول خيرها السكرتيرة ماخلتنيش نخش
انا:تفضلي اطلعي برا
مها:لالا ياميمي ماعندكش حق تطرديني من مكتبك ولا شن رايك يا سعيد
قام حاجبه وماردش عليها
انا:اطلعي وبعد نكمل حالتي تقدري تخشي
مها ضحكت:اوك وطلعت
انا:اسفه عاموقف
سعيد:ماصار شي كملي دكتورة
بروده يقتل:اي زي ماقتلك حالتها النفسيه اهم شي غدوة خليها ترتاح وحاول تغيرلها رأيها
سعيد:تمام مشكور ربي يعاونك وطلع
خشت مها تغني والضحكه شاقه وجها
انا:احترمي المكان اللي انتي فيه افضل مانطلب الامن يطلعوك
مها:هدي بس ماكش في موقف يسمحلك تتكلمي بثقه
انا:وعلاش شن هوا موقفي
مها:صراحه لما سمعت انك قلتي لرواد تالين تكذب استغربت بس توا توضح كل شي
انا:وشن اللي تبين عندك
مها:مواعيد غراميه في مكان شغلك هلبا في حقك يا دكتورة
انا ضحكت:الاشياء اللي قعدا تصير هيا اللي هلبا على عقلك السادج يستوعبها
مها:احترمي نفسك لانه رقبتك في ايدي توا
انا:اعلى مافي خيلك اركبيه
مها:تمام يا مهاد انا وياك وهدي نقطه تسجلت ضدك انا كنت جايه نتناقش معاك بس وجود سعيد عندك وفر عليا هلبا حكي
انا:تمام مادام وفرتي كلامك تفضلي برا عندي مانخدم
مها:اكيد بالتوفيق بايي
انا سندت ظهري عالكرسي ونفكر اكيد رح تقول لرواد بس هوا عارف اني مستحيل نشوف لصاحبه او نخونه مايهمنيش انا مادرتش غلط
كملت خدمه وروحت طلعت عشا امس من الثلاجه وقعدت نستنا ونفس الشي ماجاش توقعته علق في الخدمه لين اشر هاتفي ولقيتها صورته هوا يتغدا مع حسان باعتتهالي مها وكاتبه"الاصل اصل ونوعدك نسترجعه في اقرب فرصه"
حدفت الهاتف عالحيط تكسر طارتلي بكل انا من ايام بس بديت معاه حياة جديده شن قصده بتصرفاته هدي اوووف. من غيضي لوحت الماكله كلها وكسرت الصحون وخشيت لبست ومشيت لحوشنا
روح رواد الساعه5خش للدار مالقانيش مشي للمطبخ شاف الدنيا المكسرة انصدم وقعد يتصل مافيش رد وهوا طالع عفس عالهاتف المكسر نزل:تالين
طلعت من دارها:نعم رودي
رواد:نزلت مهاد هنا
تالين:لا ماما عند خالي وانا من بكري في داري
رواد:تمام وطلع كيف بيركب سيارته شافني خاشه من البوابه
درست سيارتي ونزلت
رواد:وين كنتي
انا:نشوف في بابا
رواد:وماعندكش راجل تاخدي اذنه
انا:لما يفضالي
رواد:اركبي تو نتفاهمو
خشيت للدار طول ونغير
رواد:شن اللي صاير
انا:شن
رواد:انتي مكسرة هاتفك والمطبخ
انا:اها
رواد:والسبب
انا:مزاج
رواد:مانبيش نتعارك معاك ادوي زي الناس
قربت منه وشديت يده حطيتها عاقلبي:انا نحب بكل قوتي ومن نصيبي ربي جابني ضره مش قادرة نتحكم في غيرتي
رواد قعد مصدوم:عاودي
اناطلعت وخليته
لحقني:تعالي هنا تغاري من مها وحسان
انا باعصاب:نغار ايه نغار منهم ومن اختك ومن صاحبك تعرف علاش نغار لانهم خدوك لانهم عاشو معاك يشوفو فيك يضحكو معاك انا انحرمت منك ماسكرتش معاك سنه واختفيت من حياتي 6سنين ماشفتش وجهك غير في الحلم والخيال وتوا بعد بديت حقيقه مستكثرين عليا نقعد معاك يوم او يومين
رواد:بس
انا:مابسش خلاص اسكت ماتحكيلي شي برا اقعد معاهم تعشا وتغدا وارقد عندها معادش فارقه معاي
رواد:خلاص ياقلبي اهو قاعد معاك
انا:صدقني رح يجي يوم تبدا عندي زي السراب ماتحركش فيا ساكن
رواد:ليش الكلام هدا
انا:متاكدة منه زي مانشوف فيك توا قدامي
فات باقي اليوم وهوا يحاول يرضيني بوسات واحضان وورد وشكلاته وماخلى ماجابلي غير ارضي وانا شي
ثاني يوم الصبح
رواد:اميرتي
انا:نعم
رواد:ممكن تقبلي عزيمتي عالغدا اليوم
انا:حسب جدول اعمالي
رواد:شر عاخاطري نفوت عليك 1:30
انا:تمام معناها انت ترفعني للمركز
رواد:من عويناتي تفضلي هي
نزلت نضحك
امجد مقعمز يفطر:اطلقنا رهو نحب نفكرك
فرح:نعرف
امجد:وشن جايبك كل يومين عندي
فرح:وضعك مش عاجبني ونبي نصلحه
امجد شافلها:تصلحيه
فرح تلعب بشعره:ايه ياروحي نصلحه وترجع كويس زي قبل
امجد:مستاحشك
فرح:مش اكثر مني
امجد:بتقعدي واقفه
فرح:ايه مستعجله بنمشي بس جيت باش تفطر
امجد مزال يبيها تقعد معاه:والغدي
ضحكت فرح:لو فضيت حاضر نجي ونديرهولك
امجد وقف وقرب منها:ليش طلقتك انا
فرح:لانه احنا انتهينا
امجد:بس انتي مالكتني باللي فيا
فرح:وانت مش قادر تسامحني ولا انا قادرة نسامح روحي
امجد:بنمشي للمحل
فرح:تمام رد بالك على روحك وبلاش الشرب ارجوك
امجد:حاضر
طلعت فرح لخدمتها واتصلت بيا
انا:نعم
فرح:كأنك نسيتينا
انا:لا
فرح:امتا بنشوفك
انا:تعرفي مركز.....
فرح:ايه
انا:تعالي يوم الاربعاء الساعه 10
فرح:تمام
بعد ساعات
رواد:مزال زعلانه
انا:من قالك زعلانه
رواد:مانعرفكش
انا:عادي
رواد:بهي كلمتي مرت خوك
انا:قتلها تجيني الاربعاء للمركز
رواد:تمام شوفيها شن تبي وقوليلي وخوك!
انا:خيره
رواد:اظن فات وقت والمفروض تنسو مهاد انتي عارفه كيف يحبها وزابطه وضعه يعني مفروض تقدريه
انا:كان مفروض يحكيلي
رواد:ولو حكالك رح توافقي
انا:من قالك
رواد:هه نعرفك قداش تحبيه ومتعلقه بيه مستحيل ترفضي وبدليل انك يوم طلعنا قلتيلي لوح الوصل قبل نتزوجو
انا:اي
رواد:مش مستاحشاته
انا:هلبا
رواد:خلاص خلي الباقي عليا شن فيه ثاني
انا:شي
رواد:امك وبوك اليوم طلبتلهم شغاله من مكتب والاسبوع الجاي تكون عندهم تخدمهم وتقيم الحوش كله هما يرتاحو بس
انا:علاش دير في هدا كله
رواد:لاني نحبك ونبيك مرتاحه ووعدتك نحل كل شي
انا:شكرا
رواد:لا يا عسل الشكر هدا توريهولي في الليل عملي
انا:مستحيل تتغير
رواد:هيا قلبي نروحو
قعد معاي في الحوش ماطلعناش بكل
يوم الاربعاء
ممرضه:دكتورة عندك ضيفه
انا:خليها تتفضل
خشت فرح:صباحو مهاد
انا:اهلين تفضلي تشربي شي
فرح:لا شكرا. انا جايه بنقولك كلمتين وماشيه
انا:احكي
فرح:خوك تعرفي انه بدي يشرب
انا:نعم ومن امتا هدا 😨
فرح:من عرسك
انا:ياربي
فرح:وشغله بيضيع لاياكل لا يشرب دخان بس
انا:تشوفي فيه
فرح:اكيد انا نمشيله باش ياكل ونظف في الشقه
انا:لاحول ولا قوة الا بالله
فرح:انا بديت نشتغل ورح نردله كل اللي خديته منه بس نبيه يقعد كويس مهاد بالله عليك سامحيه رهو مدمر
انا:خلاص اليومين الجايات نمشوله
فرح:وليش مش اليوم
انا:بنكلم رواد نحكيله قبل
فرح:تمام خودي راحتك وكلميني سلام توا
انا اضايقت هلبا معقوله توصل بيه للدرجه هدي بيضيع روحه وانا مش رح نسمحله
وصلت عمتي سالمه ماشالله نفسيتها:السلام عليكم
انا:وعليكم السلام هي تفضلي
كملت معاها الجلسه وطلعت طول مشيت للمصنع نبي نحكي مع رواد ضروري
وصلت وخشيت نسمع في دوشه وصوت عالي خشيت نشوف رواد يتعارك مع واحد وخانقه قريب يقتله
انا:سيبه الولد بطلع روحه
رواد عيونه حمر وعروقه مرسومات في جبهته ورقبته:بري للمكتب ماتدخليش
انا:بهي سيبه وتعالا معاي
رواد:نحي يدك قتلك
انا:ارجووك حبيبي 🥺🥺
رواد سكر عيونه ودف الولد لين طاح:حسابنا مزال ماكملش ومشي معاي خشينا للمكتب بدي يعيط انتي شن جيبك هنا من امتا تجي
قربت منه وبسته:سوري بيبي 😊
رواد: 🤤 ترا عاوديها
انا نضحك:لا استحشتك
رواد:مش اكثر مني شن جايبك هنا
انا:نبي نحكي معاك
رواد:لو اتصلتي رهو جيتك اميرتي للمصنع معادش تجي متفقين
انا:حاضر
خدي جاكيت متعه وشد يدي:هي تعالي نحكو في حوشنا
في محل امجد:انا كنت صريح معاك من الاول
رانيا:استحشتك هلبا
امجد:نكذب عليك لو نقولك انا مش مش حاس بغيابك بس مانبيش نضرك
رانيا:خليك معاي بس وانا قادرة نسيك فيها وفي حبها
فرح:حاولو قبلك هلبا 😌
امجد:شن ديري هنا
فرح:جايبتلك الغدا ياعيوني
رانيا:علاش ماتبيش تطلعي من حياته اطلقتو رهو
فرح:لما يطلب مني هوا تو نطلع
رانيا:شن بعد الطلاق
فرح ضحكت:مانحبش نتناقش هلبا انا هيا حبيبي هاك خش كول
خدا منها امجد الكيس وخش للمحل
رانيا:انتي بدون كرامه
فرح:صححي وجهات نظرك برايك من اللي ماعندهاش كرامه وحدا تلحق في راجل قاللها انا معتبرك صديقتي ولا وحدا مهتمه بطليقها اللي يحبها موت
رانيا سكتت
فرح:نصيحه دوريلك حبيب بعيد علينا لاني مانحبش حد يقرب ممتلكاتي وامجد اهمها
رواد يلعب بشعري:يعني خلاص صافيه
انا:ايه
رواد:تبي تمشي معاها
انا:هكا اتفقنا
رواد:تمام براحتك عيوني
انا:حبيبي نسألك سؤال
رواد:لا
انا:بالله عليك
رواد:امم
انا:علاش تتعارك مع الولد اليوم
رواد لفت وجهه للتلفزيون وكأنه يتهرب من اجابتي:مشاكل في الخدمه حبيبي
انا:يشتغل معاك هوا
رواد:ايه
انا:بهي معادش تتعصب هلبا يبدا منظرك يخوف
رواد يضحك:حاضر
وجي اليوم اللي بنشوف فيه خوي ليا بالزبط عشرة شهور مش شايفاته ماقدرتش نرقد في الليل ومن الصبح دموعي عاخدي
رواد:خلاص ياقلبي من بكري تبكي
انا:خايفه
رواد:من شن خايفه
انا:كل شي مش مرتاحه بكل
رواد:انتي هدي روحك ومعادش تبكي ومش حايصير شي
طلعنا انا وياه حطني عندفرح وقعد يستنا فيا في كافي
فرح:الاحسن انه تتلاقو في شقته
انا:تمام هي نمشو
وصلنا فتحت الباب وخشت قتلي استني في الصاله وهيا مشتله للدار
امجد:وين مختفيه يومين
فرح:استحشتني
امجد:بلا بياخه حولي من قدامي
فرح:بس توا نبيك في موضوع مهم
امجد:قتلك حولي الفيلم جديد نبي نحضره
فرح سكرت التلفزيون:جايينك ضيوف
امجد:امشي اقعدي معاهم انتي
فرح:قتلك ليك انت
امجد:ايي علينا خيرك اليوم
فرح:هيا نطلعو
لبس امجد تيشرت ووقف:هي تفضلي
فرح:قبل تطلع اعرف اني نحبك موت وعاخاطرك نمشي للموت
امجد:بهي طلعو للصاله
لما شفته حسيت كأنه الدنيا وقفت بيه قعد يشوفلي بدون مايرمش ودموعه عاخده وحدا ورا الثانيه مرو قدامي كل ايامنا من لما احنا صغار امجد ديما معاي وجنبي متعلقه بيه هلبا رغم فرق السن بينا مش كبير بس يهتم بيا كأني بنته اللي نبيه يجيبهولي ومانذكرش في يوم زعلني بس
قعد يقدم لين وصلني:ميمي
انا معاش قدرت نتحمل اكثر حضنته بكل قوتي
امجد:وخيتي ياروحي
مانعرفش قداش ساعه قعدنا حاضنين بعض
امجد يبكي:اسفه سامحيني
انا:خلاص انسى اللي صار ياسر اللي فات
فرح تبكي:ياسر بالله عليكم قطعتولي قلبي
امجد زاد حضني:معاش تبعدي عليا بكل
انا:حاضر
قعدت معاهم ساعه ثانيه وبعدين:انا تاخرت لازم نروح
امجد:شن وضعك
انا:تمام مرتاحه
امجد:اوك ردي بالك على روحك
نزلت ومشيت للكافي قريبه من الشقه
رواد:شن صار
انا:مشت الامور
رواد:الحمد لله
امجد:رديتيلي اختي
فرح:نبيك مرتاح وديما تضحك
امجد لصق فيها:وتوا
فرح:نبي. نردلك كل اللي خديته منك
امجد:وانا مانبي شي
فرح:بس
امجد:لو ترديلي شي اقسم بالله معاد تشوفي وجهي باقي حياتك
فرح تبكي
امجد:خلاص ياسر
فرح:نحبك
امجد:وانا نموت فيك وبنردك وتحلمي مزال تبعدي عليا
فرح 😨😨
عندي انا ورواد جونا جميل جدا وارتحنا من مشاكلنا
فاتو 3شهور حياتي فيهم رائعه نتلاقى مع امجد ديما ونعوضو في الفترة اللي ماحكيناش فيها ورد فرح وانا وياها تصافينا
ورودي طول الوقت معاي
لحد جي اليوم المشؤووم 💔😩
متجمعين عند عمتي نوريه كلنا
انا نلعب في حسان ورواد جنبي يقولي نبي بنوتة حلوة زي خوها
تالين ومها جنب بعض
وعمتي وعمي يهدرزو
مها:مهاد كيف حال سعيد
انا تجمد الدم في عروقي. بس مستحيل نسمحلها تستفزني:مانعرفش
رواد:وشن دخل مهاد فيه الكلب هداكا
فتحي:اعرف شن تقول ياولد
رواد:بوي لو سمحت ماتدخلش انت مش عارف شي
تالين:انتي تشوفي في سعد يامهاد
مها:طبعا تشوف فيه وكل يوم تقريبا
انا:بلاش تخريف زايد
تالين مالا شن هدا وعطت الهاتف لرواد
انا:شن فيه
رواد وقف:الحقوني الثلاثه وركب لشقتنا
انا حطيت حسان وركبت نسمع في ضحك وراي بس خليت روحي عاديه لو حس اني خايفه رح يصدق الكلام
رواد:شن هدا وحدفلي الهاتف شفت الصورة كانت ليا انا وسعيد قدام المصحه وواقفين مع بعض ومش مبينه السيارة ولا عمتي سالمه مذكرة هدا اليوم كويس انا طلعتها برا واعطيته مجموعه ادويه باش ياخدهم وقعد يحكيلي انها مبسوطه في المركز
رواد:تبي تدوي ولا كيف
انا:سعيد جاب امه للمركز عندها غضروف وانا نديرلها في علاج طبيعي وين الغلط
رواد:والصورة
انا:والله خلي اللي واخدينها يحكولك انا مش مضطرة نبرر شي. مالياش علاقه بيه
مها:كيف ماليكش علاقه بيه وانتي تضحكي معاه
تالين:هدا علاش انتي دافعي عليه يومها وواثقه فيه
مها:حبيبي اسفه اني دسيت عليك بس
رواد:ادوي
مها:انا مشيت مرة للمركز ولقيته عندها في المكتب مسكراته وحتا السكرتيرة ماخلتنيش نخشلها وبعد خشيت بالقوة لقيتهم يضحكو وجوهم حلو بكل
انا مصدومة في كميه الحقارة
رواد حرفيا تحول لوحش عيونه بدو حمر:احكي شي مهاد قولي كلامهم كذب قولي حبيبي
انا بعدت عليه:لو واثق فيا مش حاتصدق كلامهم اكيد وانا قتلك مش حانبرر شي
رواد يعيط:كيف مش حاتبرري كيف الزح هدا صاحبي انتي وياه شنو ادوي
انا:اياك تفكر تتهمني بولا شي صاحبك امه مريضه عندي ومايخصنيش اي مشكله بينكم نتعامل معاه كاولد لمريضتي وبس
رواد:كيف تستقبليه
انا:ماعنديش حق نرفض حد انا دكتورة هدا واجبي
مها:ليش يختارك انتي من بين الكل ولا معاش فيه دكاترة غيرك 🙄
انا:انتي وحدا مريضه
رواد شد يدي بقوة حسيتها انكسرت:ادوي معاي انا علاش انتي بالذات
انا:مانعرفش بعد عليا
رواد:اطلعو برا
تالين غمزتلي وطلعو وسكرو الباب
انا نزلو دموعي طول:مصدقهم
رواد:تي بعيوني نشوف انا مافكرتش هكا يوم دافعتي عليه وقت اكدتي انه ماقربش تالين بس توا فهمت انه حبيبك وعايشين الجو انتي وياه
انا:مستحيل
رواد:تمشيله ولا وين تتلاقو ياواطيه الحمد لله انا الي .......
معاش تحملت وضربته كف بكل قوتي:انت احقر شخص ممكن نشوفه بكل حياتي بعد كل شي درتهولي جاي تشك فيا
رواد شدلي شعري بقوة:وين يا ماما غير راك تصدقي روحك خديتك بدل فلوسي وكسرت خشم خوك وبوك ورديتهولك زايطه في الفلوس سيارة ولبس انتي وعيلتك
معادش عرفت نرد شي حسيت كل الدنيا انهارت
رواد:ردي عليا
قعدت نشوفله وخلاص
بدي يكسر ويعيط ويبكي:ياحقيرة يا وسخه قعد يهز فيا لين طحت بين ايديه
اتصل بامجد:تعالى ارفع اختك معاش تلزمني
دقايق ووصل
تالين:اهلا
امجد:وين مهاد
تالين:فوق ان شالله مايكونش قتلها رودي بس
ركب امجد يجري شافني طايحه:شن درتلها ياحيوان
رواد:خود اختك واطلع من حوشي
قامني امجد وطول للعياده
لحقوه ماما وبابا
بعد ساعه د:متعرضه لصدمه سببتلها انهيار عصبي تقعد لغدوة راقده وبعدها روحو بيها
فرح:شن صايرلها
امجد:مانعرفش اتصل بيا راجلها وقلي تعالا روح باختك
بعد يومين
فرح:بهي احكيلي انا لو ماتبيش تقولي لخوك
انا:فرح ارجوك خليني بروحي
لبست وطلعت
امي:وين ماشيه
انا:لحوشي
امي:خلي نمشي معاك
انا:لا
فرح:تو نمشي معاها انا ياعمتي
انا شبحتلها
فرح:بدون نقاش احسن مانكلم امجد
طلعنا انا وياها ومشينا للحوش:اسمعيني بناخد لبسي وحجاتي مانبيش مشاكل مع حد منهم
فرح:تمام
نزلنا قابلتني مها:شن قاعد عندك هنا
انا فتتها وراكبه
تالين:لو تشوفي المفاجئه
مادورتهمش وركبت قعدت نرن في الجرس فتحتلي بنت
انا:منو انتي
البنت:انتي اللي منو ياحلوة انا مرت رواد
انصعقت معقولة
فرح:هدا حوشها
البنت:ااه انتي اللي كنتي ساكنه هنا
انا بهدوء:نبي ناخد حاجاتي
البنت:انا جمعتهملك كلهم بصراحه رواد كان يبي يلوحهم بس اقنعته انه يردهملك حرام
انا:شكرا
البنت فتحتلي الباب:تفضلي تلقيهم داخل
خشيت وقلبي بيوقف ندعي صحتي ماتخونيش لحد نطلع من هنا
خديت كل شي ولما بنطلع نسمع في صوته
رواد:ريان
ردت عليه:بيبي عندنا ضيوف
رواد شبحني:انتي شن جايه ديري هنا
ريان:تاخد لبسها حبي شن اتفقنا
رواد:معاش نبي نشوف وجهك ووعد مني نكرهك في حياتك حاندمك عاليوم اللي قررتي فيه تخونيني
انا:دير اللي تبيه معادش يهمني بس يجي يوم وتندم عاكل شي ووقتها تعرف انه فات الوقت
رواد:اطلعي برا
انا:حسبي الله ونعم الوكيل
رواد:انتي طالق طالق طالق
خدت مني فرح السيارة لاني معاش قادرة نسوق
قعدت اسبوع مانطلعش من داري بكل "استغربت في روحي مااضايقتش هلبا ولا بكيت حاسه انه فيه شي انكسر بس مش بهاديكا للاهميه ممكن لاني انوجعت مرات من رواد وليا فتره حاسه انه بيصير شي مش كويس بكل بس عارفه روحي ماغلطتش ومادرتش عيب فامايهمنيش والخيرة فيما اختاره الله"
جي امجد في الليل وحكتله فرح انه رواد طلقني واصر انه نحكيلهم السبب
انا:اسمعو انا بنقول اللي صار وصدقوني غير الشي هدا مافيش
امجد:قولي
حكيتلهم كل شي من لما تالين قالت انه اغتصبها لحد صوروني معاه وحكو لرواد وشن دارلي هوا
بابا:لعنه الله عليه هالكلب
امجد:غدوة نمشي نرفع قضيه باش يثبت الطلاق وحسابه معاي
انا:لو سمحت انساه ربي ياخدلي حقي منهم
امجد:تي كيف نخلوه يتبلى عليك ونسكتو
انا:مش بتسافر عاخاطر الشركه
امجد:اي بس مش قبل نحل مشكلتك
انا:مشكلتي محلوله انا اطلقت وخلاص بنثبتو الطلاق في المحكمه وخلاص رواد صفحه وسكرتها
حميد:اي ياولدي فكنا من المشاكل معاهم بوه صاحبي وخلينا ننهوها بالمعروف حتا لو هوا غلط فينا احنا بنجو خير منه
امجد طلع مش عاجبه الكلام
بعد اسبوع اطلقت رسمي جوني عمي وعمتي يتأسفو وقالو انه احنا عيله وعمي مضايق هلبا من تصرفات ولده
هه عليك هم كيف سكرنا سنه نطلقو 💔 حسبي الله ونعم الوكيل في كل حد ظلمني ربي ياخد حقي
قعدت الشهر الاول في الحوش وبعدها رجعت للمركز
سحر:نورتي ميمي
انا ابتسمت:تسلمي حبيبتي
مروج:كيف حالك
انا:كويسه وانتم وين رانيا
سحر:فوتيها احسن الفرخه هدي دماغها فاضي
انا:خيرها
مروج قرصت سحر:اسكتي
سحر:لا مش ساكته خليها تعرف انا مانحبش ندس عليها شي هدي رانيا قالت انك رخيتي بيها ورديتي لخوك مرته وجوكم مليح مع بعض وهيا طلعتيها برا
انا معادش هامني شي: براحتها
سحر:اي هكا نبيك مادوريش حد اللي بيمشي يامحلا فراقه
فطرت معاهم وخشيت لمكتبي نستنا في حالاتي اللي ليهم شهر يستنو فيا
الساعه11 كملت مع عمتي سالمه وطلعتها
سعيد:ممكن نحكي معاك لحظه دكتورة
انا:تفضل للمكتب
سعيد:اللي سمعته صح
انا:ايه اطلقت من رواد
سعيد:انا بنمشيله ونرفع امي تحكيلهم.
انا:مافيش داعي تقلل قدر امك وترفعها لناس زي هادو صدقني رواد رح يهينك وينسا اي عشره بينكم
سعيد:بس بسببي حياتك ادمرت
انا ضحكت:خلينا واقعيين وانت مش براني عارف كويس طريقه زواجنا انا وياه كيف كانت وقداش تعبنا يمكن ربي رحمني توا وبعده عليا نصيبي نطلق الحمد لله عاكل شي
سعيد:اسف مرة ثانيه
انا:ولا يهمك مافيش اي مشكله
سعيد:كيف صحة امي
انا:ماشالله تحسن واضح عليها
سعيد:مشيت لرواد امس
انا:بهي
سعيد:قالي انك مادافعتيش على روحك ولا بررتي الصور
انا:فعلا ماحكيتش شي لانه هوا مش واثق فيا اصلا علاش نتعب روحي مع شخص زي هدا بهي حطني انا عاجنب انت شنو صاحبه اللي تفديه بروحك قبل ديما يحكيلي عليك معقوله بالبساطه هدي صدق علينا
سعيد:عندك حق
انا:خلاص رواد معادش يعنيلي شي ولو يخلق روحه من جديد معاد نرجعله
سعيد:خربتلك حياتك
انا:لو سمحت معادش تفتحلي الموضوع هدا هيا خاربه من بدايتها
سعيد:تمام نستاذنك وطلع ومن هداكا اليوم معادش شفته دار لامه سواق
فاتو باقي الشهور ورميت العدة ورجعت لحياتي الطبيعيه سيارتي البسيطه وحوشنا الدافي حنان ماما وبابا وسعادتي معاهم معوضيني هلبا هلبا على اللي صار او الاصح ارتحت لانه هدي الحياه اللي تعودت عليها حياة الفيلات والغنا مش ليا هدا المستوى اللي نبيه ويناسبني
طبعا لايخلو الامر من كلام الناس المحبط مطلقه وتطلع وتخش ودايره سيارة وعلاش اطلقت قبل تسكر عام ولادارت صغار لا شي ومن هالقبيل
من يوم اطلقت معادش تلاقيت مع رواد بكل بس الباين مش ناسي شي اكثر من مره يبعتلي في مسجات انه رح يخربلي حياتي ويدمرني
الساعه7:45طالعه في سيارتي ماشيه للشغل وصلت تلاقيت مع رانيا:صباحو
ردت من غير نيه:صباحك
انا:ربي يهديك ياصاحبتي وخشيت وسيبتها
سكرتيره:اليوم عندك المريضه سالمه بس وبعدها د:ابراهيم طالبكم في اجتماع
انا:تمام
خشيت للمكتب و 😱😱....يتبع
