شعور الحب من فينا ماجربش انه يحب وينحب يعيش ايام حلوة مع شخص اختاره قلبه تعلق بيه وارتاحله ❤️
حتى لو كان هالشخص سيء وكل الناس واقفه ضد حبكم بس بعد القلب يحب معاش يهم من يكون او شن يكون ✊
فيه ناس قلبها ابيض ونظيف ونظرتها للكل بريئه بس بعد تنصدم وتنكسر تتغير ومستحيل ترجع زي قبل 💔
روايتنا تحكي على بنت عاشت حياتها في حلقه عيلتها ويوم طلعت منها وجربت شعور الحب ووثقت في شخص اللي فكرت انها ملكت العالم معاه تكتشف انه ابشع شعور وتفقد كل فكرة جميلة كونتها عالحب بس هل بتبعد او القدر بيرجعها لحبها ?!!
بطلنا عالمرة مختلف على كل ابطالنا اللي فاتو 😉
رواد:عمره 28سنه شخص سيء من كل النواحي طباعه حاده خدمته غلط في غلط مايهمه حد في الدنيا الا اخته مستعد يدير اي شي يجي على باله بس لمجرد التسليه
سعيد:مساعد رواد وصديقه الوحيد شخص طيب وعاحاله بارد جدا وديما هادي يعني هوا ورواد زي السالب والموجب
تالين:اخت رواد من بوه وتحبه هلبا متعلقه بيه
بوه فتحي:عنده مصنع البان
نوريه:مرت بوه مرا مسمومه ماتحبش الخير لحد تكره رواد موت وديما هيا وياه عراكات
مهاد:بطلتنا 18سنه تقرا ثالثه ثانوي بنوته هاديه هلبا ومنطويه ماتحبش تخالط حد غير عيلتها عندها زوز صاحبات بس
سحر ومروج:صديقات مهاد ويقرو معاها
امجد:خو فرح يحبها هلبا يخدم في محل مواد غذائية يحاول يلبي متطلبات حبيبته
خديجه:امهم ربه بيت
حميد:بوهم موظف في شركه حالتهم الماديه ضعيفه
فرح:بنت جيرانهم وحبيبت امجد بنت طماعه وتموت عالفلوس وبسببها بيصير هلبا مشاكل
كلنا تلاقينا مع اشخاص في حياتنا عن طريق الصدفه وبعد فتره نقولو "يامحاسن الصدف"
بس كيف لو كانت الصدف سيئه ودمرتنا وقتلت كل شي حلو 💔
تابعوني في روايه #مساوئ–الصدف
