تاج العشق👑

الفصل الاول

جالسة تجهز اشيائها للسفر الى دبي لاستكمال الدراسة هناك في منحة من الجامعة :
سالي بحزن:لسة برده مصممة تسافري يا بنتي
تاج بحنو :أيوة يا عمتو متقلقيش مش هتأخر عليكي الكام شهر اللي فاضلين في السنة و راجعة وبعدين هبقى اتصل عليكي على طول
سالي :خلي بالك من نفسك يا حبيبتي وكلي كويس و اقرأي قرآن
تاج بابتسامة مشرقة:ماشي يا سولي وابقي خدي الدوا بتاعك في معاده
سالي :حاضر يا حبيبتي متقلقيش عليا وخلي بالك من نفسك ومن دراستك
تاج :حاضر متقلقيش عليا....فين مالك يجي يودي الشنط و يوديني المطار
سالي :حاضر يا حبيبتي ثواني وهندهولك
وذهبت لتنادي ابنها لمساعدة تاج وإيصالها إلى المطار ...
جلست تاج وهي ممسكة بقلادتها تتأمل صورة تجمع اختها ووالدها وامها :
تاج في نفسها :متقلقش يا بابا هتخرج قريب وابقى مهندسة ...
قطع شرودها صوت مالك :
مالك :يلا يا تاج عشان نلحق الطيارة
تاج :اه يلا
"************************************
في مكان آخر في امريكا :
كريم ببرود:اممم وفاقت امتى بقى  ؟!
سيف:امبارح
كريم وهو يعتدل بجلسته :طب وهي؟!
سيف بأسف:لسة الدكتور بيقول احتمال تفوق قريب
كريم :طيب وهي تبقى مين بقى ؟
سيف : مش عارف الدكتور قال إنه جالها فقدان ذاكرة مؤقت ..
كريم :طيب افضل جنبها لحد ما تستعيد ذاكرتها وتابع مع الدكتور حالة امي وحالتها
سيف بفرحة داخلية:اه طبعا طبعا من عنيا ......طب والعميل اللي من دبي مين هيروح يمضي الصفقة معاه
كريم:متقلقش هروح انا واهو بالمرة ارتاح من زن ياسمين عشان عاوزة تقابل صُحابها هناك
سيف :طيب تمام استأذن انا بقى احجز التذاكر
كريم :سلام
**************************
جالسة في مكانها ..خائفة ... تائهة ...لا تعلم من هي ...واين توجد ..كل ما تعلمه ذاك الشعور بالحزن والخوف والغربة ....هي تشعر بالريبة فمن المؤكد أن كانت لديها أهل لكانوا اتو أو اطمأنوا عليها ...يقطع حديثها دخول الطبيب ليرى المريضة التي أمامها ...وينتهي ويذهب وتمر ساعات وهي على نفس الوضعية لا تتحدث لا تعلم شئ ..
حتى أتى ..نعم إنه هو الذي اطمئن عليها عندما استيقظت البارحة ....
سيف وهو يدخل :صباح الخير
لم تنطق بحرف تتابعه بعيناها ولكن لا تنطق بحرف
سيف :عاملة اي انهارده !؟
.......على فكرة انا مش عاوزك تخافي مني ....طب ممكن تقولي اي حاجة
هي وهي تحاول التحدث:اانا مين؟
سيف في نفسه :ما اجمل صوتها وما اجمل شكلها
سيف :انا سيف وبالنسبة لأنتي مين فأنا مش عارف احنا لاقيناكي في حدثة عربية ...من سنتين وكنتي في غيبوبة ولسة فايقة امبارح ...وعندك فقدان ذاكرة مؤقت..

"فقدان ذاكرة!؟!"
رنت الكلمة في مسمعها ماذا يعني بهذا؟
لحظة هل لدي أهل اذا؟!لما لم يبحثوا عني ؟!!

ظلت الأسئلة تزداد داخلها ولا يوجد إجابة

فارغة من الداخل شعور سئ ......استيقظت على صوت سيف ..
سيف محاولا تخفيف آلامها :ايه رأيك نخرج نتمشى يمكن ده يساعدك
هي :احنا فين ؟!
سيف :احنا في امريكا ...تعالي نخرج في أماكن حلوة كتير هنا
هي بإحراج :بس ....ااااا هروح كده
نظر لها سيف فهي مازالت ترتدي ثياب المشفى ...
سيف :لا عادي..تعالي معايا ...
لتذهب معه وتصل أمام باب غرفة من الغرف ...
سيف وهو يطرق على هذا الباب أو بمعنى آخر" بيطبل"
سيف وهو بيطبل على الباب:وعند بيت ام فاروق ....هاي هاي
لتفتح ياسمين الباب وهي تغني وتسقف :و الشجرة طرحت برقوق ..هاي هاي
سيف وهو بيخبطها على رأسها بخفة :قولتلك ميت مرة متغنيش صوتك وحش
ياسمين بشهقة مصطنعة :نعععععم انا اللي صوتي وحش برده 🙄
ثم نظرت لهذه التي تخفي ضحكتها بصعوبة ..