تاج العشق👑

الفصل السابع

بعد ذهاب تاج و كريم :
يوسف :وانتي عاملة اي يا ديمة؟!
ديمة بدموع :انا ...انا مش فاكرة حاجة خالص من يوم الحادثة دي ومش عارفه افتكر
يوسف وهو يمسح دمعتها بحنية :شششش مش لازم المهم انك بخير ....
ديمة :طب انت بقيت كويس ...
قاطعهما مجئ سيف :
سيف :ديمة بقولك أن....
بتر كلماته عندما وجد أخاه يقف بجوارها ....
سيف :اي ده يوسف انت جيت امتى؟!!
يوسف :ازيك يا سيف عامل اي!!؟
سيف بابتسامة مبهمة :انا كويس المهم انت عامل اي ؟ ولحقت اتعرفت على ديمة كمان
يوسف بوجه عابس :اطلعي على اوضتك دلوقتي يا ديمة ونكمل  كلامنا بعدين ....
ديمة :بس .. .
يوسف : اطلعي يا ديمة دلوقتي وانا هقعد مع اخويا شوية.  ..
ديمة: اخوك؟!
يوسف : اطلعي على اوضتك يا ديمة
.....ديمة من أمامهم إلى غرفتها ...
سيف : انت عاوز اي يا يوسف؟!
يوسف ببرود اولا ديمة خط احمر ملكش دعوة بيها  ......
سيف :ازاي بقى ده انا وهي هنتخطب و....
يوسف :بس هي مخطوبة

سيف بإستهزاء :وماله تفركشها وتبقى مرات اخوك ..

يوسف : سيف ملكش دعوة بديمة ..

سيف وهو يسير متجها إلى غرفته :هنشوف الموضوع بعدين .....
__________________________________________________________
في غرفة التدريب:
كريم ببرود :اطلعي استريحي شوية فوق كفاية كدة انهارده ....
تاج وهي تنهج :ح..حاضر هطلع.  . ..

وذهبت من أمامه ليفتح هو هاتفه ليرى شئ ما. ......
كريم وهو يبتسم :حلو اوي اللعبة شكلها ابتدت
______________________________________________________________
كانت تسير لتسمع صوت ياسمين وديمة آتي من الغرفة.......

ديمة: طب احكي طيب ....
تاج وهي تدلف  للداخل:تحكي اي؟
ديمة بإبتسامة :تاج تعالي ...
تاج :في أي ؟
ياسمين :لا بس عاوزاني احكلها ازاي يوسف. سيف اخوات مش عاوزة تقتنع أنهم اخوات عادي ...
ديمة :مش مقتنعة انا الله ....
تاج :طب ثواني هروح اخد شاور واغير هدومي واجي ...
ديمة :تمام وانا هروح اشوفلنا حاجة تتاكل في البيت ده ...
ياسمين: تمام وانا هستناكوا هنا ....

.. ذهبوا وتبقت ياسمين بمفردها بداخل الغرفة .....لاحظت رنين هاتفها ...
ياسمين :الو
مالك :اي مش بتردي على طول ليه؟!
ياسمين: لا عادي اصلي عملاه صامت وكنت قاعدة مع تاج وديمة ...
مالك :امممم قولتيلي ....وانتي عاملة اي؟
ياسمين: تمام الحمد لله وانت اخبارك ايه ؟
مالك :ياسمين بقولك ...انا ...انا بحبك

......ساد الصمت فقد أصيبت الأخرى بدهشة ممزوجة بخجل من اعترافه الصادم لها ...
مالك:الو أيوة ديمة انتي معايا على الخط ؟.... طب بقولك انا جاي عندكوا قريب ...
ياسمين بخجل :قريب امتى يعني ؟!
مالك :مفاجأة مش هقولك امتى ..
*_________________________________________________________________*
في أثناء المكالمة نزلت ديمة إلى الاسفل لتنتقي الطعام لتتناوله مع صديقتها واختها ......
ديمة للخادمة :بقولك اي لو سمحتي
الخادمة :نعم يا هانم ...
ديمة :التلاجة منين ؟!
الخادمة:نعم يا فندم ؟!
ديمة :قصدي المطبخ منين ؟!
الخادمة :اه هناك اهو ....
...وأشارت لها ناحيته .....
....شكرتها ديمة واتجهت بأتجاه ما أشارت إليه الخادمة.....
بعد قليل من الوقت كانت ديمة يعتبر أخرجت ما بداخل الثلاجة من فواكه ...وبعثت الخادمة لتحضر لها بعض التسالي وأخرجت الأيس كريم من الثلاجة وجلست تاكل به هو وبعض الفواكه .....