تاج العشق👑

الفصل الثاني

كانت تسير في الشارع لتتفاجئ بهذه السيارة القادمة نحوها بسرعة كبيرة وانتهى بها الأمر في هذا الظلام ..
*****************
كان يسير بالسيارة هو وياسمين ليلاحظوا تجمع الناس في هذا المكان ..
كريم :ثواني يا ياسمين هنزل اشوف في اي وجاي
ياسمين :دي شكلها حادثة انا هنزل معاك
كريم :طب يلا بقى عشان منتأخرش
ذهبوا إلى هذا التجمع الهائل من الناس حولها فوجدها ملقاة على الأرض في عالم اخر ..
ياسمين :يلا ناخدها على المستشفى يا كريم بسرعة
كريم :بس..
ياسمين :بسرعة يا كريم
اقترب وحملها وذهب بها إلى سيارته الخاصة ثم إلى المشفى..
******************************
في المشفى..
الدكتور:هي كويسة الحمد لله بس في شوية ردود كده وكسر بسيط في الزراع الايمن
كريم: ويستغرق الكسر ده وقت قد ايه بظبط كدة؟!
الدكتور :من ٦ل١٢اسبوع بالكتير ويا ريت متحركش أيدها كتير و برده عاوز تبقى تيجي هنا تغير على أيدها على مدار الاسابيع القادمة ومظنش أنها هتاخد وقت كتير اوي
ياسمين :نقدر ندخلها ؟!
الدكتور :اه هي قربت تفوق من البنج
كريم :طيب شكرا
الدكتور:العفو ده شغلي عن اذنكوا
وذهب الطبيب..
ياسمين :انا عاوزة ادخل ليها
كريم :احنا عملنا اللي علينا يعني هي كانت من عيلتنا
ياسمين:كريم انا عاوزة ادخل اطمن عليها
كريم بتأفف :حاضر ماشي اتفضلي
ذهبوا إلى غرفتها وبقى هو بالخارج يتحدث بالهاتف وجلست ياسمين بجانبها تستمع إلى ما تهلوس به حتى فاقت من البنج ..
تاج :انا فين ..
ياسمين :انتي في المستشفى في عربية خبطتك و..
بدأت تقص إليها كل ما حدث وما قاله الطبيب ..
تاج :يالهوي على النحس ده انا لسة جاية امبارح
ياسمين بضحك:عادي عادي انا كمان لسة جاية بس انهارده
تاج بإبتسامة متعبة بعض الشئ :انا تاج وانتي
ياسمين:ياسمين عاوزة تتصلي على حد ؟!
تاج :يا سواد ألسواد يا با رشدي كمان الموبايل ضاع
ياسمين بضحك:شوفتي بقى ...الظاهر عليكي أن ملكيش في دور العيانين ده كتير
تاج :مبحبش قاعدة المستشفيات اصلا
ياسمين :طب هو اهلك فين
تاج بأسى :بابا اتوفى من سنتين واختي مش لاقينها وماما ماتت من وانا لسة ١٥سنة
ياسمين :اومال عايشة لوحدك ؟!
تاج:انا اصلا من مصر جاية هنا تبع دراسة وقاعدة مع عمتي في مصر
ياسمين :طيب مش حافظة رقم حد خالص كده
تاج :ممممممم...اتصلي ب***********
ياسمين وهي تضغط على هاتفها للاتصال:رقم مين ده ؟!
تاج:رقم عمتي..شكلنا هنبقى صحاب
ياسمين :التلفون بيرن ..هنبقى صحاب يبقى اتلم المنحوس على خايب الرجا
مالك بتساءل:أيوة سلام عليكم مين معايا ؟!
ياسمين وهي تعطي الهاتف لتاج :خدي حد رد
جائت تاج لتأخذ الهاتف بيدها الشمال..
تاج بصوت منخفض :اي الحول ده
تاج وهي تجيب:أيوة السلام عليكم
مالك :وعليكم السلام مين معايا؟!
تاج :ده انا يا مالك ..تاج
مالك :اه تاج
تاج:اديني عمتي
مالك :بس ده مش رقمك ؟!
تاج :يا عم اديني عمتي بقى
مالك وهو يعطي الهاتف لوالدته :طيب خلاص براحة مستعجلة على ايه
تاج :اخلص
سالي:ازيك يا تاج يا حبيبتي عاملة اي
تاج بضحك:عاملة حادثة😹😹
سالي بخضة:نعم ازاي انتي بتهزري صح ؟!
تاج :لا والله يا سولة عاملة حادثة اصل انا كنت ..
وبدأت تحكي عليها كل ما حدث وانها فقدت هاتفها . .
سالي :طيب احنا هنجيلك
تاج :ملوش لزوم تيجي انا بس عاوزة موبايل 🙂
سالي :طب ما احنا هنيجي ليكي
تاج :لا انتي متتحركيش من مكانك عشان متتعبيش وكده
سالي:وهتعب ليه يعني انا لسة في عز شبابي
تاج:وأبو الشباب كمان بس خليكي في البيت وابعتيلي ملوكة بالتليفون الجديد
سالي بغيظ :حاضر يا اختي
وأغلقت الهاتف بوجهها..
تاج وهي تنظر الى ياسمين :بتحبني اوي..
ياسمين :ما هو واضح ..مين ملوكة دي بقى ؟!
تاج :لا ده واحد مش واحدة ويبقى ابن عمتي
ياسمين:حلو ؟
تاج :اممم يعني
كريم وهو يدخل:منخطبهولك كمان يا ست ياسمين
ياسمين :لا مش للدرجادي ده انا بقول رأيي بس متفهمنيش صح
نظر كريم لها شزرا ثم وجه أنظاره إلى التي تجلس معهم في صمت تتابع ما يحدث وقال:الف سلامة على حضرتك
تاج بابتسامة صغيرة :متشكرة لحضرتك
كريم بلا مبالاة:ممكن تمشي دلوقتي لو عاوزة
ياسمين:اه وتعالي هنوصلك ..
نظر كريم لأخته بغيظ ..
تاج :لا عادي انا ممكن اتصرف
ياسمين: هتتصرفي ازاي يعني وانت شنطتك و موبايلك ضاعوا ..تعالي متقلقيش مش هناكلك
نظرت تاج إلى هذا الذي يقف يتصنع الرضا
تاج :مش عارفة لو مش هزعج الاستاذ
كريم وهو ينظر لياسمين :متقلقيش متعود على الازعاج ...ثم أكمل وهو يخرج من الغرفة وهو يضع يده في جيبه : يلا عشان ورايا شغل ..
تاج بصوت منخفض لياسمين :مين التنح ده ؟!
ياسمين وهي تضحك :التنح ده يبقى اخويا ..موز صح ؟!
تاج :اه يعني بس ضخم اوي كده شبه التلاجة
ياسمين :بس بس خلاص كفاية ضحك ويلا احسن التلاجة تيجي ااااااقصدي كريم يجي
تاج يلا يا ختي ...
كان يقف بالخارج ينتظر خروجهم من الغرف و كان يهدأ من غضبه قليلا حتى لا ينفجر بهم...
بعد قليل وصل الجميع الى امام السكن الخاص بها ..
تاج :انا متشكرة لحضرتك يا استاذ كريم سلام يا ياسمين ..
ياسمين :اي مش هشوفك تاني ولا اي ده انا لما صدقت لقيت واحدة في تفاهتي ...
ندى وهي تأتي بإتجاههم :اي يا تاج في اي
تاج :معاكي التليفون
ندى :اه معايا ليه ؟!
تاج:سجلي رقم ياسمين ...ياسمين دي ندى زملتي هنا في السكن مليها رقمك
ياسمين :اه ماشي الرقم *******
ندى :اه سجلته
تاج بصوت مهزوز كأنها على وشك البكاء :طب يلا عشان عاوزة انام
ذهب كريم وياسمين الى بيتهم ...وذهبت تاج و ندى الى السكن واخبرت ندى والاء بما حدث وذهبت للنوم بدون كلمة اخرى ..
★★★★★★★★★★★★★★★★
كريم :اي مالك؟!
ياسمين :مش عارفة مش مطمنة شكلها مش عاجبني
كريم بلا مبالاة:عادي يعني تلاقيها زعلانة على شنطتها والموبيل بتاعها
ياسمين بضيق:لا هي مش مادية للدرجاتي
كريم بسخرية:وانتي عرفتي منين ؟انتي لسة عارفاها من كام ساعة
فضلت ياسمين الصمت فكيف لها ان تجيب  وهو على حق ...لكن لالا يمكن ان تكون تاج هكذا ..ولكن كيف عرفتي ؟!هناك بعض الاشخاص يدخلون القلب سريعا وتاج من هذه الاشخاص ..فلقد احببتها ...
كريم :سرحتي في اي ؟!
قاطع هذه المحادثة الدائرة بين القلب الطيب والعقل المنطقي صوته ..
ياسمين :هاا لا ولا حاجة
كريم :اممم ماشي انزلي يلا وصلنا ..
★★★★★★★★★★★★★★★★★★
صوت شهقات مكتومة الصوت حتى لا تخرج من غرفتها ..تبكي ولكن لما تبكي ...ااااه هل ربما لأن هذه السيارة التي كانت تركبها كانت نفس الماركة التي كان بها ابيها واختها ..اختها !!كم اشتاقت لها ..هل هي على قيد الحياة ام لا ..انها صغيرتها التي لطالما احبتها وفرحت لها لان الله قد كان رزقها بالشاب الذي يحبها والذي كان سيصبح زوجها بعد اسبوع من الحادث ..ولكن اين هو فهو ايضا كان معهم بالعربة ايمكن ان يكون قد توفى ..لا لا لا لا فلم يكن  له جثمان ........
ظلت تفكر حتى غابت في نوم عميق تحلم احلامها الوردية
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
اممم هل هي بخير ام ماذا لماذاكان يبدوا عليها انها قد تنفجر في البكاء اذا ما سألها احدهم ما بك ! ....هل هي مجنونة ام ماذا؟!
هل خافت من السيارة او انها خافت منه؟!
كيف لها ان تخاف منه وهو لم يفعل لها شئ..
ولكن لماذا يفكر بها ؟!..اثبت يا كريم حتى لا تموت بحبها ...
هكذا كان يفكر حتى غط في النوم العميق مرة اخرى...
٭٭٭٭٭٭****************
سيف :سمااااا
سما :نعم في حاجة
سيف :مش عاوزة تخرجي؟!
سما :وده بمناسبة اي تخرج مع واحدة مش عارف اصلها ولا فصلها الا لو كنت هتلعب بيها شوية وترميها ..انا مش لعبة يا استاذ سيف
...
سيف سريعا:خلاص خلاص والله ما اقصد انا بس..كنت عاوزة اقعد معاكي شوية ..
سما :انا راحة عند طنط مامت استاذ كريم اشوفها
سيف: تشوفيها ازاي يعني ؟!
سما :عادي انا قعدت معاها سنتين اجي فجاة كدة اسيبها لوحدها ؟..لا انا هروح ليها
سيف في نفسه :دي مجنونة دي ولا اي
سيف بصوت عالي :طب انا هاجي معاكي اطمن عليها عشان دي خالتي برده...
سما وهي تخرج من الصالون بلا مبالاه:وانا مالي ومالك
سيف لنفسه:شكلها هتبقى مهمة صعبة اوي..
(سما تبقى البنت اللي كانت في غيبوبة في الفصل اللي فات هو ده الاسم اللي اختاروه ليها)
***************************************
كده الفصل التاني خلص ...
يا ترى اي اللي مخبيه القدر للأبطال وهو خطيب ديمة(اخت تاج) ليه ايد في الموضوع استنوا الفصل الجاي بقلمي \آية أحمد هلال