تاج العشق👑

الفصل الثالث

الفصل الثالث(تاج العشق)
****************
تاج :الو السلام عليكم
ياسمين :وعليكم السلام مين معايا؟!
تاج:الحج عبد الموجود موجود
ياسمين :ااه ازيك يا تاج عاملة اي؟!
تاج :اي ده عرفتيني بسرعة يعني
ياسمين :اصل انا معرفش في حياتي كلها عيال تافهة غيرك انتي وسيف فأكيد صوت بنت وبتهزر يبقى انتي
تاج:بطلي تفكري كتير كده غلط على صحتك يا ماما اهدي اهدي شوية
ياسمين :بتعملي ايه؟!
تاج: راحة انا وندى والاء زمايلي هنا عشان اشوف المواعيد اللي المفروض اغير على ايدي الغلبانة فيها ياختي واروح المكان غللي بذاكر فيه
ياسمين :انتي لحقتي بقى ليكي مكان بتذاكري فيه انتي مكملتيش اسبوع
تاج :احنا في وقت السرعة يا اوختشي
هنا هتف صوت الاء يصيح بصوت عالي :اوختشي؟!طب اقفلي البتاع ده وخليكي معانا شوية
تاج :في اي يا الاء براحة شوية
ندى :خلاص الاء عندها حق ده اولا ثانيا هتشحنيلي رصيد عشان انتي هتخلصيه
تاج :يلهوي على الصحوبية
سمعوا ضحكات آتية من الهاتف
تاج :معلش يا ياسمين صدعناكي
ياسمين :صدعتوني اي بس كملوا كملوا
تاج :طيب سلام بقى يا نيمو عشان داخلة على المستشفى
ياسمين :سلام
....بعد اغلاق الهاتف ..
ندى :عسل ياسمين دي
الاء :اه احلى من تاج طبعا
تاج: جماعة يلا بطلوا رغي وندخل
........بعد ربع نصف ساعة بالكثير كانت تاج تقف امام هذا الكافيه الهادئ والطاولات على عشب وبجانبهم المناظر الطبيعية الهادئة...
ندى :حلوة فكرة الكافيه ده وهادي كده لا وفكرته اول مرة اشوفها
الاء:مع ان زوقك وحش بس عملتي حاجة حلوة في حياتك واخترتيه
تاج :طب انا هقعد على الطربيزة دي وحطوا الحاجة دي هنا وروحوا هاتولي حاجة اشربها وحاجة اكلها
ندى :هو انتي جاية تاكلي ولا جاية تذاكري
....:وكمان مفجوعة يلهوي
نظروا جميعا الى ياسمين الواقفة امامهم مع هذا الشخص المدعو اخاها
تاج بعيون بريئة موشكة على البكاء كما تصنعت:لا انا جعانة عشان ما اكلتش حاجة من الصبح غير ساندوش واحد بس
نظرت ندى والاء لها بصدمة :نعممم
تاج ببرائة:هما كانوا اتنين يعني
الاء برفع حاجب :متأكدة
تاج ببرائة اكثر :ونص اتنين ونص وكلمة كمان مش هزود حاجة تاني
كريم موجها كلامه لياسمين :طيب كويس انك لاقيتي حد تقعدي معاه سلام انا عشان ورايا شغل
ياسمين: سلام
...بعد ذهاب كريم ....
ياسمين وهي تجلس :سيبك من الكذاكرة ابقي ذاكري بعدين يلا نطلب اكل
تاج :هيييييي
ندى :انا اللي هطلب للبت دي عشان بقت زي العجلة ولازم تخس فاسلطة كفاية عليها
تاج بضيق: ما تضربيني بالنار احسن الله
...جلست الفتايات يتحدثون ويتعارفون ويتقربون اكثر الى بعضهم البعض ويكونوا صداقات جديدة...
************************************
...(١).......:اه رقمها
.....(٢)....:طب وهما اتعرفوا على بعض ازاي مكنش لازم هي تدخل في اللعبة دي
....(١).....:متقلقش انا مش هعملها حاجة بس لو بس فكرت تلعب من ورايا متعرفش اي اللي هيحصلها
.....(٢).....:طيب سلام سلام
٭٭٭٭٭٭٭٭٭٭٭٭٭٭٭٭٭""٭
ياسمين :طيب ثواني يا بنات هرد على التلفون..