فتحت عيونها وهي تشعر ببعض الصداع البعض من الصور لأشخاص لا تتذكرهم جيدا تهاجمها ...مر بعض الوقت وهي تمسك برأسها التي بدأت الذكريات في مهاجمتها بصورة فجائية ...ولكن لا هي لا تتذكر لماذا أتت إلى هنا في الأساس ...نظرت إلى يمينها لتجد اختها تنام بعمق ..نعم تعرفت عليها ....ظلت تنظر إليها الأخرى وبعيونها سؤال واحد اين أباها ؟....تململت الأخرى في الفراش لتفتح عيناها وتطل بهما على وجه شقيقتها ....ابتسمت ديمة حينما رأتها تستيقظ ولكن تفاجأت حينما وجدتها تجلس على الفراش بصورة سريعة وتضع يدها على وجهها و...
تاج بدموع وقلق بادي على وجهها :ديمة انتي انتي كويسة حاسة بحاجة ؟طب ط....
ديمة مقاطة ايها بمرح : خلاص ايه بالعة راديو
تاج :انتي فكراني ؟!
ديمة :اه افتكرت اومال بابا وباسم فين ؟!
صمتت تاج ولم تجب فكيف لها ان تخبرها بأن أباها فارق الحياة ؟..وان باسم ما هو إلا مخادع ومزيف يعمل للاشرار (كما تعتقد )
ديمة بقلق :في أي يا تاج بابا جراله حاجة ؟!
تاج بدموع :بابا ..بابا ..مات
ديمة بصدمة :ايه ؟
تاج : متزعليش هو اكيد في مكان احلى من هنا بكتير و..وبعدين انتي لازم تدعيله
ديمة بوجه خالي من التعابير ودموعها تنساب بصمت :وباسم ؟!
تاج :م معرفش مشفتوش من ساعتها ...
ديمة وهي تنهض :انا هروح الحمام ....
تاج وهي تمسك بيديها :عشان خاطري يا ديمة متعمليش كده في نفسك انتي طول عمرك قوية ...انا انا عارفة انك كنتي متعلقة ببابا اوي بس عشان خاطري متسبنيش وتمشي ...انا مليش غيرك يا ديمة ....ديمة لو سمحتي ...متعيطيش انتي انتي لازم تقفي على رجلك عشان عمتو ومالك و...و...وباسم كمان ...
ثم نهضت واحتضنتها ....
ديمة وهي تجلس على الارض وتبكي بصوت مرتفع يمزق القلب من الحزن :كان دائما واقف جمبي يا تاج ...مكانش في غيره معايا ...لما ماما ماتت كان هو اكتر واحد حزين واكتر واحد موجوع من فراقها بس ... بس كان بيحاول ميبينش ده وقعد يحكيلي حاجات كتير عنها ومع اني كنت صغيرة وخلاني عرفت اقف جانبك بعدها كان هو احسن سند ليا انا انا مش عارفة حتى افتكر هو مات ازاي أو امتى انا ...انا مش عارفة اشرحلك انا قلبي واجعني اوي يا تاج ...
...
...ثم تعالت شهقاتها رغما عنها وهي تحاول كتمها ...
تاج وعباراتها تنساب على وجهها:عيطي يا ديمة عيطي يا حبيبتي انا معاكي ومش هسيبك ...
ديمة بشهقات عالية ودموع تنساب من مقلتيها :ليه سابوني ...كلهم سابوني ..انا مش هقدر استحمل كدة لوحدي ...
تاج وهي تربط على ظهرها :شششش انا معاكي ومش هسيبك ..
ديمة وهي تبتعد عنها :طب ممكن تسيبيني لوحدي شوية انا هقوم اخد دش وهبقى كويسة متقلقيش...
تاج :حبيبتي ادعيله بالرحمة هو هيفضل معانا انا عارفة أنه صعب عليكي بس استحملي الحادثة مر عليها اكتر من سنتين ...
ديمة بابتسامة باهتة : متقلقيش هبقى كويسة انا هقوم اصلي متقلقيش عليا .
تاج :حاضر همشي بس عشان خاطري متعيطيش ...
ديمة : حاضر
...قامت تاج وعدلت من وضعية حجابها و ذهبت إلى غرفتها ......
.................................................................
....................
ابدلت تاج ملابسها وادت فرضها ونزلت الى الاسفل لتجدهم جميعا عدا ديمة على طاولة الطعام ....أشار لها كريم لتجلس بجواره فجلست دون نقاش ....علامات الحزن كانت ظاهرة بوضوح على وجهها ..... حاول سيف تخفيف من الحزن قليلا ...
سيف مازحاً :بقولك يا تاج
تاج وهي تنظر إليه بعد أن انتشارها من دواما ذكرياتها مع والدها واختها :نعم
سيف :هو متعرفيش تخلي البت دي (أشار ناحية ياسمين )تتحجب زيك كده ؟ولا العرض ده على البنات بس
ياسمين بصدمة :نعم!! قصدك اي يعني ؟
سيف ببرائة مصطنعة :ولا حاجة انا ما قولتش حاجة
ياسمين بغضب:انت قصدك أن انا مش بنت ؟
كريم بصوت واطي لسيف :الحق نفسك قبل ما تكلك
سيف :جهز نمرة الإسعاف يابني
ياسمين :بتقولوا اي ها وبعدين متهربش يا سيف و رد عليا ...
سيف :يا بنتي انتي اختي فطبيعي تكوني ست البنات مش اي بنت والسلام ...
ياسمين :صدق اتثبت انا كدة
سيف بغرور :اومال هو انا اي حد والسلام
ضحكت تاج بشده على هذه العائلة الجميلة .....
أنت تقرأ
تاج العشق👑
De Todoبنت عايشة مع عمتها بعد وفاة ابوها واختفاء اختها وبتسافر لاتمام دراستها ....فتقابل هناك قدرها ... بقلمي آية أحمد هلال 🌺
