تاج العشق👑

الفصل الثالث عشر

تاج بصدمة :مالك؟!! ازاي هو مش ابنها هو في ابن يقتل أمه ؟!

..كاد كريم أن يجيب عليها لولا رنين هاتفه ...
كريم :الو
.....

كريم بفرحة ودهشة واطمئنان :فاقت طب انا جاي على اقرب طيارة متقلقش ...

...بعد الانتهاء من المحادثة ...

كريم بفرحة وهو يحتضنها :والدتي فاقت يا تاج اخيرا ...يلا يلا روحي حضري نفسك هنسافر لها على اول طيارة ...

____________________________________________
نجلاء بعد سماعها لكل الحقيقة كاملة والتي حدثت في غيابها و اتفاقها مع فهد على كل شئ ...

فهد وهو يقبل كفي يديها : متزعليش كل حاجة هتبقى تمام ...

نجلاء:بس سيف ...سيف ده ابن اختي يعني زي ابني ...

فهد :كل انسان بيختار الخير اوالشر وهو اختار ملناش ايد في اللي بيحصل ...

نجلاء:عندك حق متقلقش عليا هعرف اتعامل معاهم ونعمل اللي اتفقنا عليه ...

فهد :أنا متأكد من كدة فعلا ...تصدقي ان تاج تصرفاتها زيك اوي ...

نجلاء :عارف من وهم صغيرين وانا كنت حاسة أنهم هيبقو لبعض ...وكمان كريم طبعه فيه منك ...

فهد : اه عارف عشان كدة مش بيحب يبص في وشي ...

نجلاء :على فكرة بيحبك بس بيكابر بس وكمان هو عارف جزء من الحقيقة مش الحقيقة كلها ...

فهد :عارف وبكرة يفهم كل حاجة ...مع أنه عارف كتير ...

نجلاء :ربنا يصلح الأمور ..

فهد وهو يقف ويجمع متعلقاته :طيب انا بقى همشي ومتقلقيش وقت ما تحتاجيني هتلاقيني ...

نجلاء :ابقى زورني كتير...

فهد :اكيد ...
______________________________________________
ديمة :لو مكانها هتسمعي كلام مين اللي فكراه بيحبك وعاوز مصلحتك ولا اخوكي اللي متأكدة انو بيحبك وعاوز مصلحتك؟ ....

ياسمين : انا لو كريم قالي اعمل اي حاجة هعملها حتى لو كانت الحاجة دي اني اسيب مالك ..

ديمة :عندك حق انا مستعدة اضحي بكل حاجة حتى لو هرمي نفسي للنار المهم ان تاج بخير ....

ياسمين:ربنا يخليهم لينا ...

______________________________________________

خرجت تاج من الغرفة بعد تبديل ملابسها واتجهت نحوهم ...

تاج :صباح الخير ...