((أبن الريف))

بارت__7

قصة (أبن الريف)... (الجزء السابع)

رواء : ماما كالت لبابا خل نشوف  رواء .
بس بابا كاللها شمعرف رواء بمصلحتها.
رواء متعرف بحياتها وهذا خوش ولد.
بس ما كلت هيج لأحمد .
مرت أيام وأني جنت خايفه حيل.
وأحمد خطيه جان تعبان حيل لأن بيته جديد.
وجاي يرتبون بيه.
وحالتهم الماديه مو حيل زينه.
أحمد :جنت دايخ وما أعرف ما شسوي.
لأن مجان عندي فلوس .
كلت أحسن أخطبها ومن يتحسن وضعي ازوجها.
اني كلت لرواء كالتلي ماشي.
بس كالت  اني خايفه من أبوي.
كتلها اذا على خالي .
يحبني وما أعتقد يرفضني.
بس رواء مدري شبيها عبالك مستسلمه.
المهم اني رحت للدوام و رجعت تعبان حيل.
خابرتني رواء كالت أكلك أحمد .
اليوم يمكن صديق أبوي الضابط يجي .
وأهله يجون علينه.
علمودي.
أحمد : من كالتلي هيج تخبلت .
كتلها هسه نجي أني واهلي عليكم.
رواء: أجو جماعة بابا.
باوعت من الشباك شفت الولد فطير ومايع .
تخبلت كلت معقوله أعوف أحمد وازوج هذا المايع.
أجو طبو .
ماما : كومي جيبي عصير شيء .
رواء : كمت سمعتهن يحجن يكولن ما شاءالله حلوه. ومرتبه.
صبيت عصير وديته الهن وبس يباوعن عليه..
حتى فشلت رحت لغرفتي كاعده.
دايخه كلت ياربي طلعني من هالورطه.
بابا صاحلي رواء تعاي أشو رحت والولد كبالي .
كالي تعاي شوفي الولد لأن الدين حلله.
اني شفته ما عجبني وحتى لو عجبني.
أني ما أزوج غير أحمد حبيبي.
المهم هم راحو.
واجه بابا عليه بنتي شنو رأيج بيه.
رواء : بابا شنو هذا أني ما أريده يتموع ما شفته .
عبالك بنيه اني ما أريد هيج واحد.
أني جنت اتحجج هو صح مايع بس مو حيل.
بابا : الولد ما بيه وما نلكه أحسن منهم ويدللونج .
وتعشين أحسن عيشه .
حتى يمنا ما تيعشين.
هم يحبون المره ويدللونها.
رواء : بابا أني هسه ما أريد ازوج.
بابا : انتي هسه عمرج  24سنه.
بابا بعد ماكو أحد يجي.
رواء : لا يجي .
بابا : مو أنتي كلشي بكيفج عاد .
تره طلعتيها من طعمتها.
رواء : اني كمت أبجي ورحت لغرفتي.
بابا لحكني.
بابا : بنتي أني غير أريد مصلحج .
ذوله أهل مال وجاه.
وما نلكه أطيب منهم .
رواء : ما جاوبته.
بابا : صدك أنتي ما تفتهمين أني كتلهم باجر.
جيبو السيد وتعالو حنى نعقد.
رواء : بابا أني ما أريد ازوجه ما عجبني.
ما أكدر أعيش وياه.
كول لصاحبك البنيه ما تريد تزوج.
ما أكله وفكري بالموضوع وراح أكله.
انطينه مهله أسبوع.
رواء : كتله ماشي خل أفكر.
أني كلت بس خل أخلص حتى أحمد يجي.
خابرت أحمد : يمعود وينك بابا راد ينطيني.
وانتو ماكو .
أحمد : ايي وشكال .
رواء : كال أتفقنا نرجعلهم الجواب بعد أسبوع.
أحمد : خوش بالليل نجي.
أحمد : رحت حجيت ويه أبوي.
أبوي : كل عقلك خالك ينطيك.
أحنه ناس فقره وعلى كد حالنا .
وهم يدرون ناس عدها فلوس.
واني أخاف اروح وخالك يفشلني.
أحمد : لتخاف يحبني حيل .
ويحترمني حيل ما أتصور ما يقبل بيه.
أبوي : أبني انت على نيتك .
والله لو مزوج بنت عمك أحسن الك الف مره.
أحمد : بابا  مالي نفس بيها واني معجب.
ابنت  خالي وما أريد غيرها.
أحمد : قنعته ورحنا على بيت خالي.
طبينا عالبيت خالي تلاكنا هلا هلا بيكم.
تخبل عليه هلا بأبني وهلا بأبني .
اني فرحت من شفته هيج وزادت ثقتي.
صار خالي يحجي ويه أبوي.
ويكله أبنك مثل أبنا.
وابنك أخلاق ومن هاي السوالف اني الا عركت😅😰.
من الخجل😂😂.
أبوي : أكلك ابو رواء أحنه اليوم جيناك بشغله.
خالي : ايي تفضلو.
أحمد : بذيج اللحظه باوعت على رواء اوف تخبل..
بس جانت علامات الخوف على وجهها.
أبوي : اليوم جينا نريد بنتكم رواء لأبنا أحمد.
وبنتكم خوش بنيه واحنه نريدها.
على سنة الله ورسوله.
أحمد خالي وجهه نكلب ويباوع على رواء.
خالي : والله يا أبو أحمد ما أعرف شكلك.
بس تعذرني منكدر وراء متريد تزوج.
أحمد : ما جنت متوقع من خالي هيج.
يكول يعني رفضنا وما نطانا مجال .
وفشل ابوي وسكته .
المهم فشلنا خالي ومجنت متوقع منه هيج.
أبوي طلعنا من يمهم وضل يحجي عليه..
مو كتلك ما ينطيك ما كتلك يدورون ناس طاكه.
أحمد : ما عرفت شجاوبه .
أبوي : مدام هيج سوه وفشلني بعد يحلم اطب بيته.
أحمد : اني وصلت وخابرتها.
رواء اشو ابوج هيج سوه ويانا وفشل أبوي.
خل يرفض بس مو هيج يتعامل ويه أبوي.
الصراحه أني جنت حاط  خالي بالعين الجبيره.
رواء : أحمد ما أعرف بابا قافل على أبن صديقه.
أحمد : وانتي تقبلين.
رواء : انفتح الباب واني جاي أحجي ويه أحمد.
أحمد : سمعت صوت خالي. رواء ويه منو تحجين.
انطيني الموبايل.
ها تحجين ويه أحمد جيبي الموبايل ونسد الخط .
رواء : بابا لزمني وكال أني أكول ليش .
ما تريدين تزوجين منا وجاي بعد مبايل ماكو.
وتزوجين غصبا عليج زين وانعل لأبوج لأبو تربيتج.
رواء : أني بقيت أبجي.
بابا : احنه الصوج من عدنا دللناج هوايه..
وهذا اني حسبته مثل أبني وتالي.
يحجي وياج من وره ظهري .
الا أدمره واخيسه بالسجن.
رواء : لا بابا لا شتريد أسويلك بس .
ما عليك بأحمد .
بابا : لعد اليوم راح أرجع جواب .
وباجر يجون ونعقد وتخطبين وتزوجون بأسرع وقت.
رواء : بابا اني ما أريده الله عليك أرحمني.
بابا : بعد رحمه ماكو لأن من دللناج طلعت عينج.
رواء : تعصبت ومعد أحس بنفسي.
بابا اني ما أزوج غير أحمد.
بابا : تزوجين وغصبا عليج وهذا الي طلعتي تموتين.
عليه الا ادمره صدك الناس.
ما بيها أمان .
شكد جنت أحبه وحسبته مثل أبني .
وهو جان يحبج ويحجي وياج أني اله.
رواء : والله ما عليه بابا.
وشتريد أسويلك بس ما عليك بأحمد.
رواء : أني خفت من بابا حيل.
لأن جان يحجينا شيسوي مرات بالسجناء من يضوج.
كلت أخاف يموته علمودي واني ما أتحمل.
أعيش بدونه.
أحمد : أني ما أعرف شسوي.
أخابرها مغلق.
يا ربي شلون ورطه .
شسوي شعمل .
أحس شيء أدز أمي عالساس تروح عليهم.
قنعت أمي وراحت حتى تشوفلي الوضع..
رواء : دك بابنا طلعت ماما وعمتي جايه علينا.
طبت بالبيت .
بابا : اذا جايه  علمود رواء .
رواء شغلتها أنتهت.
عمتي : لا لا أصلا اني بالبدايه ماقبلت .
بس هم أصرو  واني كتلهم لا تروحون بس أحمد لح.
على ابوه واجو عليكم..
المهم عمتي كالت وين وصلتو.
بابا كاللها اليوم العصر يجون ونعقد.
عمتي : عالخير وشايفه الف خير حبيبتي .
أحمد : أنتظر بأمي شو طولت شعدها.
أجت ها يمه بشري
ولك شبشر رواء اليوم يعقدولها.
أحمد : ها والله ما أخليهم وشيصير خل يصير
أمي : دير بالك تتعده على خالك تره تعرفه.
شلونه ولا تسوينا مشاكل نلكالك الف مره بمكانها.
أحمد : يمه شدتحجين أني ما أريد غير رواء.
وأني أعرف شسوي اليوم.
رواء : أمي أجت عليه وكالتلي ترتبي.
حتى العصر يجون الجماعه .
رواء : شترتب يا ماما اني ما أريده.
ماما : اسكتي تره والله ابوج يسوي مشكله.
شيكول سوي وتعرفينه ما يتحمل أبوه.
رواء : أني خفت ما أقبل ويسوي شيء لأحمد.
غير أموت اذا صار شيء لأحمد بسببي.
أجه العصر أمي أجت يلا كومي بدلي.
تره هسه يجون ورتبي نفسج.
كعدت ويه بابا وماما ننتظرهم.
وماكو .
شنو السالفه محد يعرف.
بابا : خابرهم .
بابا : ها ابو ياسر وين انت.........

اليوم طولت الجزء.
شكرا لكم جميعا ولتواجدكم .
اتمنى من الكل يثبت وجوده بلايك دعما لنا .
مساء أّلَنِوٌر وٌأّلَسِـروٌر حًبًأّيِّبًيِّ أّنِيِّ أّسِـفُـةّ عٌلَى 
تٌـأخِـيِّر أّلَقُصّـهّ