((أبن الريف))

بارت__3

قصة (أبن الريف ) ... (الجزء الثالث)

أتصلت جاوبتني.
رواء : ها.
أحمد : شلونج.
رواء : زينه شعندك متصل .
أحمد : حبيت أسأل عليج.
رواء 😒 تسلم.
أحمد : رواء تره هاي الظهر خابرتني.
والله أول مره تتصل بيه واني أصلا أسمها.
الظهر يلا عرفته.
رواء : وأني شعليه بيها.
أحمد : هاااا.
رواء : أحمد نعسانه أريد أنام .
أحمد : اوك .
أحمد : كعدت الصبح لكيتها مسويه.
أني بدلت ملابسي وطلعت ما تريكت.
رحت للمعهد كلش ضايج .
أجتني ذيج الطالبه تتنعوص 😂.
ها أحمد شلونك.
ردت أكفر بيها.
كتلها شرايده.
كالت مرايده شيء حبيت أسأل عليك.
أحمد : أني سكتت مجاوبت ..
ومشيت وخليتها.
رحت للكافتريا كعدت شربت عصير.
كملت محاضرات.
ورحت للبيت.
طبيت للبيت لكيت مرت خالي سلمت عليها.
ورحت لغرفتي أبدل .
رجعت لكيت الغده حاضر بس رواء ماكو.
تغديت وكملت وشربت جاي 🍵.
ورحت لغرفتي وهي ما أجت .
بس من طبيت لغرفتي سمعت صوتها.
الصراحه أني دراستي صارت قليله مو مثل قبل .
لأن رواء شغلت تفكيري.
أني لزمت المبايل خابرت على أبوي .
ها بويه شلونك مشتاقلك والله.
الحمدلله انت شلونك ما تجي ياوليدي.
أحمد : ان شاءالله الخميس أجي .
اني ذاك الأسبوع ردت أجي مرت تخربطت وما جيت.
ابوي : اي عفيه أبني.
أحمد : أمي شلونها صحتها شلونها.
ميار شلونها.
أبوي : بخير بس مشتاقاتلك حيل.
أحمد : اني هم والله.
أبوي : يلا أني طالع بمجلس بعدين نتخابر .
أحمد : ماشي.
أحمد : بالبيت كاعد ضوجه شتغلت عندي فوول .
اشتاكيت لديرتي لأبوي لأهلي لأصدقائي هناك.
نزلت جوه لكيت رواء جوه كتلها شلونك كالت.
زينه انت شلونك ..
أحمد : أني طالع للسوك محتاجين شيء..
لأن راح اروح أجيب غراض لأهلي لان الخميس.
طالع عليهم.
رواء : ها لا ممحتاجين شيء سلامتك.
أحمد : من كتلها الخميس اروح أحس..وجهه تخربط.
أني رحت للسوك .
أريد أخذ شيء بيدي لأهلي..
أخذت لأبوي دشداشه مو كلش زينه.
لأن مجان فلوس.
وأخذت لأمي وميار هم كل وحده دشداشه.
رجعت للبيت .
رواء : ها شجايب لأهلي.
أحمد : والله بس دشداشات 😂.
خالتي : ذؤقك حلووو.
رواء : كلش بس بأستهزاء 😲.
أحمد : اي خالتي أني ذؤقي كلش.
حلو وأعرف أختار .
من كلت هيج رواء طكت 😂.
اني رحت لغرفتي.
اجه الأربعاء أني من الصبح كعدت أقره.
رحت تريكت وطلعت للدوام..
رحت أخذت محاضرات.
ورجعت بالطريق.
أفكر بيني وبين نفسي.
معقوله رواء تحبني ومعجبه بيه..
بس انت يا أحمد تحبها ومعجب بيها.
بس فكرت اذا حبتني وردت ازوجها..
خالي ينطينياها.. ولك أحمد انت شتخربط.
يا حب يا زواج عوف هاي السوالف والتهي.
بدراستك وأهلك.
وصلت للبيت لكيت رواء جاي تغسل .
ياربي شلونها تخبل .
فاتحه الشعر شعرها يخبل .
بقيت أباوع عليها صفنت.
رواء : هاي شبيك شو دايخ.
أحمد : كلت بكلبي الي يشوف هالجمال .
شلون مايدوخ.
أحمد : لا ماكو شيء هيج.
فشلتني وطبيت جوه 😂.
رجعت للمطبخ خالتي بالحمام..
طلعت بالحوش على رواء.
رواء : ها شرايد .
أحمد : تعاي سويلي غده جوعان.
رواء : ها اوك هسه .
أحمد : شكو ماكو هي تغسل ونحجي.
لأن ماكو أحد.
كالت ماكو شيء كالتلي شخبار صاحبتك سحر.
أحمد : يا سحر ولج.
رواء : الله الله شكد فقير.
أحمد : والله ما حجيت وياها بعد من ذاك اليوم.
رواء : ليش.
أحمد : شفت ناس ضاجو وتقدير وحب الهم .
بعد ما حجيت وياها.
رواء : ها 😁😁.
احمد : اييي ..
أحمد : يلا تطلع خالتي وتشوفني على هالحاله عيب.
رواء : ديله روح لازمتك.
أحمد : اشو رواء من أحب أحجي وياها واريد.
أتقرب منها تصير ثكيله براسي..
أجت خلت غده .
جاي تخلي أني ما أدري شلون غمزتلها.
هي أبتسمت وصدت وجهها عليه.
تغديت وره شويه أجت عليه ولك شنو هاي.
أحمد : شنو.
رواء : 😉.
أحمد : 😂 هيج.
رواء : عيب الواحد ما يغمز بس لزوجته لو حبيبته.
أحمد : هاا 😂 يجوز انتي ..... وسكتت
رواء : اني شنو .
أحمد : كتلها ما أكول بس أني وصلت الها الفكره.
ما أدري عاد أفتهمت لو لا.
أني رحت لغرفتي نمت ما كعدت لل 5 العصر.
شفت أحلام تخبل اني وراء عالساس مزوجين .
وكاعدين بميسان اني وياها... يعني حلم جان يخبل.
قريت شويه ما أدري الا فاطمه بنت خالي .
تعال تعشه.
رحت تعشيت وخالي هم جان موجود .
واني جنت أكل وعيني على رواء.
ومرات أكبسها هي هم تباوع عليه.
فديتها تخبل.
أحمد رحت لغرفتي علمود أقره لأن الخميس
جان عندي أمتحان علمود أمتحن وأطلع..
بقيت أقره .
الا راسي صار يؤجعني ..
كعدت اريد ارتاح ...
دك باب غرفتي طلعت لكيت رواء.
رواء : أكلك أحمد بابا يصيحلك .
كتلها أوكي.
أحمد : ياربي خالي شيريد مني.
بس لا شك بيه لو خالتي شافتني.
من غمزت 😉 لرواء.
نزلت طبيت عليه بس كلبي يدك ما أعرف شسوي .
لكيته كاعد عالكرسي ومنطي ظهره للباب.
تعرفون انتو الضباط شلون كعدتهم تخوف.
وصلته والله كلبي يريد يوكع.
سلمت عليه بالكوه جاوب.
خالي : ليش هيج أحمد ............

سؤال اليوم ( شنو توقعاتكم ابو رواء يكول لأحمد صاحب التوقع الصحيح سوف يتم أعطاء لايك على تعليقه ونشر اسمه)
انتظرونا غدا بجزء جديد

مَسٓاءُ.. آلَنِوٌروٌآلَسِروٌر حًبًآيَبًيَ آنِيَ آسِفُةّ عٌلَﮯآلَتٌخِيَر
حًبًآيَبً قُلَبًيَ آريَدٍ تٌفُآعٌلَ ع القصه وتصويت قوي لحتى استمر بنشرها ❤😘