((أبن الريف))

بارت__الأخير

قصة (أبن الريف )..... (الجزء الثامن والأخير )

كعدت ويه بابا وماما ننتظرهم.
وماكو .
شنو السالفه محد يعرف.
بابا : خابرهم .
بابا : ها ابو ياسر وين انتو  ؟؟
جايين بالطريق عشر دقايق ونوصل.
رواء : من كال هيج حسيت نار نزلت على كلبي.
حسيت نفسي راح أموت معقوله .
أحمد يتخلى عني بهالسهوله.
أحمد : أني ما أعرف شسوي.
منا رواء راح تعقد أحس نفسي بنار.
كلت أحسن شيء اروح اكوللهم أني أحب رواء.
واني أتزوجها .
رواء : انتظر وانتظر وماكو أي خبر من أحمد.
الى أن دك بابنا كلت يارب هذا أحمد.
طلع بابا سمعته يكول هلا بيكم تفضلو تفضلو.
أني من كال هيج حسيت نفسي.
عبالك راح أموت مو ازوج.
أجو كعدو جبتلهم عصير.
رواء : عوذه ياسر شلون يباوع فوك ليجوه .
نفسي لعبت منه من البدايه.
المهم أجه السيد واني عيني عالباب.
أنتظر بأحمد كل شويه أكول هسه يطب.
رحت للمطبخ حتى أودي كلاصات العصير.
لحكني بابا .
بابا : اي شيء تسوينه او تحاولين.
ترفضين تره أحمد اخيسه بالسجن قسما بذات الله.
أني هزيت براسي كال يلا تعاي وراي .
وراح.
أني رحت لكيت السيد.
كاعد بابا صاحلي كعدت بصف بابا.
السيد : بنتي تقبلين تزوجين من ياسر..
رواء : باوعت على بابا ..
خزرني بعيونه.
أني كتله ايي موافقه .
وافقت لأن خفت على أحمد .
المهم عقدنا .
وباركولنا .
رواء : ياسر ما صدك فرحان.
وره ربع ساعه أشو طب أحمد للبيت.
أجه سلم وكال .
أني أحب رواء وما أقبل أحد يزوجها.
ابو رواء : أحمد أطلع بره أطلع من بيتي..
فوك حسبتك مثل أبني وسكنتك يمي.
هيج تسوي صدك الناس مايبين بيها الخير.
أحمد : خالي أني أحترمك واقدر موقفك ويايه...
بس أني أحب رواء.
ياسر : أسمع اكلك انت رواء صارت مرتي..
واذا أشوفك بعد أكسر رجلك.
رواء :أني خفت على أحمد على يسوون بيه ذوله.
كتله أحمد روح أني ما أحبك أني بعد أزوجت .
وصرت زوجة ياسر.
رواء : من كتله هيج عيونه طككت.
أحمد : من كالتلي رواء هيج.
أحس قتلت كل مشاعري.
تمنيت لو ميت ولا هاي اللحظه.
عفتهم وطلعت.
بس طلعت ما أحس بنفسي أمشي بدون وعي.
رواء : احجي ويه نفسي..
اسفه احمد بس علمودك هيج سويت.
ابو ياسر :  ابو رواء هذا مهر 3 ملايين.
والذهب أحنه نجيبه كامل باجر .
وخل تستعجل بالجهاز لأن نريد نزوجهم ونخلص..
بابا : ايي والله .
ابو ياسر : اذا لحكنا بهذا الأسبوع نكمل كامل.
رواء : ياسر بس يباوع عليه بزعت منه كمت وطلعت.
وره ما راحو..
رواء : ماما  هذا شبيه بس يباوع  .
ماما : غير معجب بيج.
رواء : 😞😞.
رحت لغرفتي أبجي يارب.
خلصني من هذا الزواج يارب أني ما اريد هذا الزواج.
أحمد : رحت للبيت طافره روحي..
أهلي أجو شبيك شبيك.. ما جاوبتهم.
أحس الدنيا طلعت من عيني..
معقوله رواء تزوج غيري.
ما أصدك معقوله هي ما تحبني.
هي كالت ما أحبك أحمد ..
أحس نفسي مصدوم .
رواء : ماما أجت عليه بنتي.
بعد انتي تزوجتي واقبلي بالواقع بعد انتي صرتي.
شخص وارتبطتي بشخص .
لا تبقين تفكرين بأحد ثاني.
تره من هسه بعد ما يفيدج غير زوجج وهو يستر عليج.
رواء : كلام ماما بس كلبي يكول لا.
ماما أخذتني للسوك وأخذت غراض وملابس ..
وكملنا بس عبالك مو زواج.
معقوله زواجي هيج يكون تعيس ..
ليش ياربي 😔😔.
رواء : ثاني يوم أجه ياسر وامه جابو الذهب.
أهوايه جايبين محبسين وكلاده ....وكامل ومبايل.
بس ما دخلن عقلي 😔.
ما أحس بطعم بيهن صح حلوات .
بس ما بيهن طعم.
أحمد : بقيت على هالحاله لا أكل ولا شرب.
ودوام أنتهيت كامل .
أهلي تخبلو عليه لأن حالتي حيل صارت مو زينه.
رواء : أفكر يا ترى أحمد شنو جاي يسوي.
اوف مشتاقتله مشتاقه لحنيته لكلامه الحلو.
رواء فتحت المبايل لأن شكله حلو.
فتحت أشو وره دقايق شخص خابرني..
مكتوب عليه حبييي 😒.
رواء عرفت هذا العريس 😠.
جاوبت
ياسر :  هلو حبيبتي شلونج.
رواء : تمام .
ياسر : دومج ها شلون المبايل عجبج.
رواء : ما أعرف هسه فتحته 😂.
ياسر : حبيبتي أوف متشوق أيمت نكون سوه.
رواء : هذا شبيه .
ما توقعت هيج بسرعه هيج يحجي.
لأن هاي اول مره نحجي..
وبده يحجي أني من شفتج حبيتج.
وعجبتيني اني بس ساكته وأسمع.
واني اددللج ومن هاي السوالف 😕.
ها وينج مجاوبين.
رواء :  اي.
ياسر : شنو أيي متحجين.
رواء : أني أستحي بعدني .
ياسر : معقوله تستحين من زوجج ليمت تبقين هيج.
رواء : بده يحجلي سوالف عيب .
اني ستحيت حيل وما توقعته هلكد جريء.
معقوله هذا الي ما يحجي من جان يمنا.
هيج جريء.
رواء : كملت وسديت المبايل.
المهم مر يوم.
وسوينا خطوبه واخذت بدله حمره اوف شكد حلوه.
بس أكون هاي خطوبتي أني وأحمد.
اجه ياسر كعد يمي واشاقى وياي.
أني جنت ما أطيقه ما أتحمله بس هذا صار واقع.
ولازم أتحمل بعد.
رواء : اوف جنت بس أريد الخطوبه تخلص.
لأن لعبت نفسي . ضجت حيل اختنكت.
المهم خلصت اوف الحمدلله أحس نفسي أرتاحيت.
رحت أخذت دوش وغيرت ملابسي.
وكعدت لزمت المبايل كلت خل أخاب أحمد .
لأن حيل مشتاقتله وما متعوده هيج ما أحجي وياه.
تذكرت كلام ماما من كالت أنتي بعد صرتي زوجة شخص.
وارتبطتي ولا تبقين تفكرين بأحد.
كلت لا لا ما أخابر خل أعود نفسي..
اخاف أتصل ويسمعني بابا واسويله مشكله.
رواء : تقريبا بديت أتقبل الواقع .
المهم ...كملت واشتريت ملابس وغراض كامل.
وهم أنطو خبر لبابا كملو شغلهم.
وبعد باجر نزوج.
سوينا حنه وعزمت بنات عمي وعماتي وبنات عماتي..
بس أهل أحمد ما عزمناهم.
الصراحه بهذا اليوم فرحت حيل وتونست.
مو لأن راح اتزوج بس من أجن البنات.
نسني كل شيء وبالكوه خلني أركص واندمجنا حيل.
يعني ما حسيت باليوم الا خلص تعبت حيل.
كعدت الصبح تريكت .
بس عبالك أكو شيء بداخلي مخنوكه .
أحمد مكطوعه أخباره كلت أحسن خل ينساني.
أجو اخذوني للصالون.
وطولت حيل بالصالون ..
خلصت ورجعوني للبيت.
أحمد : سمعت اليوم زواج رواء.
أنوب حالتي زادت بالكوه أكل اللكمه.
من أكل أغص بيها.
نفسي لعبت من الحياة .
وخاصة من كالتلي ما أحبك.
لو كاتلتني أحسن من هاي الكلمه.
كلت أكوم وأشوفها لأخر مره.
رواء : أجه العصر واجو أخذوني.
كعدنا بالسياره أني وياسر ليوره.
ويمكن الي يسوق أخوه .
بالطريق يتغزل بيه ويهمس بأذني واني جامده.
ما أحجي كلشي أذا فدنوب أبتسلمه.
السياره جاي تمشي وشفت أحمد واكف يباوع علينا.
وصدفه جان ياسر متقرب متي ويهمس بأذني.
أني من شفته كلبي صار يدك سريع.
باوعتله نظرته نظرت عتب .
أني أبتسمت بوجهه.
أحمد : شفتهم .
شفتهم شلون يهمس بأذنها بس هي ما جانت فرحانه.
من شافتني أبتسمت معقوله هي تحبني.
بس جذبت عليه .
أخاف أهلها غصبوها.
عيونها من باوعت عليه أحسهم باوعن بشوق.
أحمد : كلت لنفسي يا شوق يا حب .
انت جاي تقنع نفسك وصرت تحلل بكيفك.
هي كالت ما أحبك وأني أزوجت بعد.
رحت للبيت بس أفكر اليوم رواء تنام ويه هذا.
اليوم رواء هذا يحضنها هذا وهذا وهذا.
جنت مشوش حيل.
رواء : وصلنا البيت .
شويه أغاني وركصو.
صار العشه تعشينا وشويه فضت الناس.
وياسر كالي يلا كومي.
كمت رحنا لغرفتنا.
هو نزع الجاكيت واجه عليه.
رواء أنتي شلون طالعه يا نساني يا اليسا..
ومن هاي السوالف.
أجه باسني و ..... ...... .. و............ .
هو نام قبل لا ينام كتله الحمام وين.
دلاني ونام.
أني أستحقرت نفسي لأن معاملته مدري شلونها.
ماكو لا حنيه لا شيء .
بس يدور يكمل حاجته.(اسف على هذا اللفظ #عمر)
رحت للحمام شغلت الدوش وأفكر .
معقوله هيج تنتهي حياتي هيج .
أني قررت أعدل نفسي واحاول أدمج نفسي وياه.
كعدت الصبح لكيت ياسر كاعد ..
دك الباب طلعت بنيه كالت تتريكون هنا.
ياسر كاللها ايي.
رواء : منو هاي .
ياسر : هاي مرت أخوي فايق أسمها نجلاء ..
رواء : ☺☺..
مر أسبوع واني على هالحاله فقط بغرفتي.
ياسر أجه عليه رواء من اليوم تطلعين تتشتغلين..
ماشي حبيبتي اني كتله ماشي.
طلعت ترتبت لبست دشداشه مرتبه وشويه ضيكه.
لكيتهم يشتغلون أني طبيت كتلها عمه أغسل البيت.
لأن جنت ما أعرف منين كالت أغسليه.
لفيت الشال على شعري .
و غسلت البيت وطلع يلمع 😊.
أني بديت أندمج وياهم .
بس هاي نجلاء ما جانت راحه ...
جانت شويه تذبلي كلام بس جنت ما أسمع اسوي.
نفسي طرشه .
لأن أعرف بس مشاكل.
مرت أيام واسابيع وأشهر وأني .
تقريبا نسيت أحمد .
وأني الحمدلله هسه حامل.
ورحت لبيت أهلي .
وسألت ماما على أحمد كالت رجعو لميسان.
وسمعت يمكن مزوج بس مو أكيد
كتلها من منو كالت يمكن من بنت عمه وحده .
لأن أم أحمد أجت علينه قبل أسبوع.
وحجتلنا وكالت تزوج لان اختهم مزوجينها..
وتزوج علمود أمه ما تكدى تشتغل
رواء: اني فرحت من سمعت تزوج .
لأن شلون ما تزوجت وعشت حياتي.
لازم هو يعيش حياته.
رواء : المهم وره يوم اجه ياسر أخذني.
وجان حيل فرحان بالحمل.
ومرت أشهر وصار عندي ولد.
ولحيت على ياسر نسميه أحمد .
صح هو ماقبل بالبدايه بس لحيت عليه وقبل .
هو ما جان يعرف ليش هيج سميته.
بس حبيت كلت بلكت يطلع مثل أحمد.
مرت سنه عليه.
مرات أتذكر أحمد واتذكر كلماته .
بس ارجع وأكول انسيه يا رواء ... الى هنا تنهتي قصتنا

( العبره من القصه ليس الزواج نهاية المطاف حتى  لو
كنتي تحبين شخص غير زوجج مرات القدر يحكم مو أنتي لازم تتقبلين الواقع وما نسوي اشياء لا فائده منها
وعليج ان تحبي زوجج وتبنين حب وياه لأن هذا الحل الوحيد للعيش ونصيحه لكل بنت أن لا تمشي وره هواها وقلبها وتدمر حياة بأشياء لأ تنفع فقط تضر )

مًسِآء آلَنِوٌر وٌآلَسِروٌر وٌعٌطِر آلَزٍهّوٌر حًبًآيَبًيَ ❤
فُدٍوٌةّ آريَدٍ تٌفُآعٌلَ لحًتٌﮯ اسِتمًر بًنِشُر آلَقُصّصّ
حًبًآيَبً  قُلَبًيَ ❤