((أبن الريف))

بارت __4

قصة (أبن الريف )... (الجزء الرابع)

لكيته كاعد عالكرسي ومنطي ظهره للباب.
تعرفون انتو الضباط شلون كعدتهم تخوف.
وصلته والله كلبي يريد يوكع.
سلمت عليه بالكوه جاوب.
خالي : ليش هيج أحمد .
سألت عليك بالمعهد درجاتك جاي تنزل.
أحمد : الحمدلله بهاي ولا بغيرها.
أحمد : خالي مشتاك لأهلي و24 ساعه أفكر بيهم.
ما أكدر أقره.
خالي : حاول تشد حيلك..
وشتحتاج تره اني مثل أبوك.
وسمعت تريد تروح باجر لميسان.
أحمد : ايي والله.
خالي : هاك 100 خرجيه الك وهاي 50 لأمك .
أحمد : لا والله ما يصير ما أخذهن.
خالي : اني مثل أبوك ترفضهن مني انت طالب وتحتاج.
كلشي مصاريف . واعتبرهن دين ومن تتعين رجعهن .
أحمد : من كالي هيج فرحت.
كتله ماشي اذا هيج.
وشكرته جان يحبني حيل واني هم أحبه .
رواء : جنت أحب اشوف أحمد .
بالبيت من يروح جنت أضوج أهوايه .
وما جنت احجيله بس بكلبي .
أحمد : صعدت فوك بس الصراحه.
مثل الثلج نزل على كلبي .
كلت بس لا علمود رواء.
وكلت بعد ما أسوي هيج شغلات بالبيت ومقابيل أهلها.
رحت لغرفتي.
لزمت الكتاب أريد اقره ما كدرت .
كلت أحسن شيء أخابر رواء.
أتصلت جاوبت.
هلو رواء
رواء : هلا أحمد.
أحمد : شلونج شكو ماكو.
رواء : ماكو شيء .
أحمد : راح اروح باجر بعد تسوين المن ريوك من الصبح.
رواء : 😱😱 ابقى نايمه.
أحمد : يعني جنتي علمودي تكعدين.
رواء : لا علمود خطيه انت تروح بدون ريوك.
أحمد : 😂😂.
رواء : شكد تبقى هناك.
أحمد : يومين وارجع.
رواء : ها خوش .
احمد : يلا أخاف ضوجتج روحي نامي.
رواء : لا يمعود يا ضوجتني بالعكس ..
أحمد : بقينا نحجي ساعه تقريبا .
سألتها كتلها ما معجبه بشاب بهالفتره.
رواء : 😂😂 لا .
أحمد : لا صدك .
رواء : مدري أكو شخص شوي عاجبني.
أحمد : شوي.
رواء : 😂😂😂 اي.
أحمد : من كالت هيج أحترك دمي 😠😠.
يلا راح اروح.
رواء : وين شبيك .
أحمد : هيج ضجت..
رواء : اتشقى وياك حيل مو شوي 😂.
أحمد : من كالت هيج فرحت كتلها أني هم معجب.
ببنيه حيل بس أستحي أكوللها.
رواء : بس لا سحر الي اتصلت عليك.
أحمد : يا سحر هاي ولج .. معجبه بوحده داخله كلبي
رواء : امممممم.
أحمد : اييييي.
رواء : يلا أحمد روح نام باجر وراك دوام .
من غير شيء درجاتك نازله مدري من وره شنو.
أحمد : ههه من وراج 😂.
رواء : أني شعليه.
أحمد : لا لا خطيه معليج.
المهم خلصنا حجي ورحت عالفراش أفكر بيها.
الصراحه دخلت كلبي وبديت كلبي ينبض الها.
ما ادري بنفسي الا نمت .
كعدت الصبح ترتبت ولبست ملابسي.
لكيت رواء كاعده طبيت لكيتها مبتسمه.
كتلها شبيج.
رواء : راح أخلص منك فرحانه.
أحمد : اخاف فرحانه لأن شفتيني.
رواء : عابت مو شايفه مهند 😂.
أحمد : مهند بيش كيلو 😂.
رواء : بكيفك.
أحمد : كتلها أدعيلي عندي أمتحان صعب وما قريت.
رواء : موفق بس ليش ماقريت ولك.
أحمد : عالساس أقره بالليل بس ما صارلي واهس.
رحت للمعهد أمتحنت .
يعني جاوبت بس مو حيل زين.
بس غشيت من صاحبي.
خابرت أبوي كتله بويه بعد ساعه ونص أطلع من بغداد.
كال هلا بيك وليدي راح أكول لأمك .
راح تفرح حيل.
أني طلعت لبيت خالي حتى أخذ غراضي.
طبيت أشو البيت مابيه كل أحد.
صعدت لغرفتي أخذت غراضي.
ومن نزلت لكيت رواء واكفه بالباب.
رواء : ها أحمد راح تروح.
أحمد : ايي.
رواء : عفيه لا تتأخر.
أحمد : ليش ولج .
رواء : أخاف ماما تتخربط وبابا بالدوام.
أحمد : لا ان شاءالله ميصير كلشي.
رواء : ان شاءالله.
صدك شلون جاوبت بالامتحان ؟؟.
أحمد : زوين 😂.
رواء : 😂😂😂.
أحمد : يلا باي أني اروح سلميلي عالكل.
لأن مابقى وكت.
طلعت واني عيني عليها أباوع عليها احس عيونها.
تكلي أبقى.
رواء : طلع وضجت حيل أباوع عليه ويباوع عليه.
عبالك عشاق 😂😂.
هو يمكن أحنه صدك هيج 💜💜.
لا لا عشاق شنو.
أحمد : طلعت للكراج طلعت بالسياره.
واخيرا راح ارجع لديرتي.
بالطريق نمت لأن بالليل ما نمت لأن.
جنت أحجي ويه رواء.
كعدت مابقى اوصل.
المهم وصلت لديرتنا اوف شلون ريحتها تخبل.
طبيت على بيتنا.
لكيت أبوي رحت عليه حبيته من أيده وراسه.
ورحت على أمي هم حبيتها من أيدها.
شكد جنت مشتاقلها.
حسيت نفسي طاير من الفرحه.
صدك ماكو اجمل من حضن الأم.
واجتني أختي .
خطيه شلون صايره من الشغل.
شوفتهم الغراض فرحو حيل.
وخاصة ميار فرحت حيل.
المهم كعدنا وبدينا نحجي على خوالي.
أني طلعت أفتر اشوف ربعي.
رحت على بيت عمي.
سلمت عليهم..
من رحت هناك شفت بنيه حلوه حيل .
سلمت عليها بس شلون بنيه كلام واخلاق.
رجعت عالبيت سألت أمي.
كالت هاي بنت عمك .
شنو عجبتك.
أحمد :لا بس من متغيره حيل و تبين خوش بنيه.
أمي : اذا عجبتك نأخذها الك.
أحمد : يمه ما تسكتين.
أمي : يمه احمد أجه عليها ولد.
وابوك كال لعمك انريدها لأحمد.
لأن بنيتهم حلوه واخلاق وبنت عمك أحسن من الغربه
أحمد : شنو بكيفكم تسوون انتو.
من كالكم اني أريدها ها.
أمي :كلنا هاي أحسن من الغربه.
وعبالنا تريد أنت .
رحت لأبوي كتله يابا ليش هيج..
كال شنو كتله نهيت على بنت عمي .........

انتظرونا غدا بجزء خامس.

مۣۗـۙسۣۗـۙآوُوُوُوُء حۣۗـۙبۣۗـۙآيۣۗہبۣۗـۙ قۣۗـۙلَبۣۗـۙيۣۗہ ❤
وُآلَلَهۣۗہ آنۣۗـۙيۣۗ آنۣۗـۙسۣۗـۙفۣۗـۙةّ عۣۗـۙلَى تۣۗـۙأخۣۗـۙيۣۗہر♥
آريۣۗہد تۣۗـۙفۣۗـۙآعۣۗـۙلَ فۣۗـۙدوُةّ حۣۗـۙبۣۗـۙآيۣۗہبۣۗـۙ قۣۗـۙلَبۣۗـۙيۣۗہ ❤

فظلا دعم وتصويت اذا مشفت تصويت احذفها للقصه حسب ارائكم وتفاعلكم استمر... تحياتي للجميع