#ﺷﺮﻳﻌﺔ_ﺍﻟﻌﺸﻖ
ﻧﻮﺭﺍ ﻧﺎﺻﺮ
#ﺑﺎﺭﺕ٢٣
ﻓﻲ ﺷﺮﻳﻌﺔ ﺍﻟﻌﺸﻖ ....
ﺳﺄﺣﺪﺛﻚ ﻋﻦ ﻣﻘﺪﺳﺎﺗﻲ ﺍﻟﺨﻤﺲ ..
ﻋﻴﻨﺎﻙ ... ﺑﺴﻤﺔ ﺷﻔﺘﺎﻙ ... ﺩﻑﺀ ﺣﻀﻨﻚ ... ﻋﺸﻘﻚ ....
ﻭ ﺧﺎﻣﺴﻬﺎ ﺍﻧﺖ ﻭ ﻛﻞ ﻣﺎ ﻓﻴﻚ ﻭﺣﻮﻟﻚ ....
ﻣﺪﻳﺖ ﺍﻳﺪﻱ ﻟﻮﺟﻬﻲ ﺍﻓﺮﻛﻪ ﺑﻜﺴﻞ ﺍﺭﻳﺪ ﺍﺻﺤﺼﺢ ﺷﻮﻳﻪ ، ﺍﻟﺒﺎﺭﺣﺔ ﻣﺎﻧﻤﺖ ﺯﻳﻦ ﺍﺑﺪ ﺑﻘﻴﺖ ﺍﺗﻘﻠﺐ ﺑﻔﺮﺍﺷﻲ ﻓﺘﺤﺖ ﻋﻴﻮﻧﻲ ﻣﺮﻏﻤﺔ ، ﻭﺑﻨﻔﺲ ﺍﻟﻮﻗﺖ ﺍﺗﻤﻨﻰ ﺍﻧﺴﻰ ﺍﻟﻲ ﺻﺎﺭ ﺍﻟﺒﺎﺭﺣﺔ ﺑﺲ ﻣﺎﺩﺍ ﺍﻛﺪﺭ ﺍﻧﺴﻰ ، ﻭﻟﻮ ﺷﻤﻴﺼﻴﺮ ﻣﺮﺍﺡ ﺍﻧﺴﻰ .
ﻋﺒﺎﻟﻚ ﻛﻠﻤﺎﺗﻪ ﺑﻌﺪﻫﻪ ﺗﺮﻥ ﺑﺄﺫﻧﻲ ﻭﻋﺒﺎﻟﻚ ﺩﻳﻜﻮﻟﻬﺎ ﺍﻟﻲ
ﺑﻜﻞ ﻟﺤﻈﺔ ﻭﺛﺎﻧﻴﻪ .. ﻭﻫﺎﻟﺸﻲ ﻳﻌﺬﺑﻨﻲ ﻭﻳﺪﻣﺮﻧﻲ ..
ﻫﺪﻭﺀ ﻣﻮ ﻃﺒﻴﻌﻲ ﺑﺎﻟﺒﻴﺖ ﻻﻥ ﻓﺮﻏﻮﺍ ﺍﻟﻨﺎ ، ﻋﻮﺩ ﻋﺮﺳﺎﻥ ﺟﺪﺩ ﻋﺸﺘﻮﺍ ﻭﺣﺘﻰ ﻧﺎﺧﺬ ﺭﺍﺣﺘﻪ ، ﺣﺴﻴﺖ ﺑﻨﻔﺴﻲ ﻭﺣﻴﺪﺓ ﻻﺑﻌﺪ ﺍﻟﺤﺪﻭﺩ ﻭﺍﻋﺼﺎﺑﻲ ﻣﺘﻮﺗﺮﺓ ﺷﻮﻳﻪ ، ﻇﻠﻴﺖ ﻣﺘﻤﺪﺩﻩ ﺑﻔﺮﺍﺷﻲ ﻣﻜﻤﺖ ﻟﺤﻈﺎﺕ ﻭﺍﻧﻲ ﺍﺳﺘﻮﻋﺐ ﻭﻳﻦ ﺟﻨﺖ ﻭﻭﻳﻦ ﺻﺮﺕ ؟ ﻭﺷﻮﻥ ﺭﺍﺡ ﺍﺗﺄﻗﻠﻢ ﻭﺷﺴﻮﻱ
ﻛﻮﻣﺔ ﺍﻓﻜﺎﺭ ﺍﻗﺘﺤﻤﻦ ﻣﺨﻴﻠﺘﻲ ﺑﻨﻔﺲ ﺍﻟﻠﺤﻈﺔ ..
ﺟﺮﻳﺖ ﻧﻔﺲ ﺑﻀﻴﻖ ﻭﺃﻟﻢ ، ﺭﻓﻌﺖ ﺭﺃﺳﻲ ﺑﺎﻭﻋﺖ ﻉ ﺍﻟﺴﺮﻳﺮ ، ﺷﻔﺖ ﺻﻔﺎﺀ ﻧﺎﻳﻢ ﻋﻠﻰ ﺑﻄﻨﻪ ﻭﺑﺎﻗﻲ ﺑﺲ ﺑﺎﻟﺒﺠﺎﻣﻪ ...
ﺩﺭﺕ ﻭﺟﻬﻲ ﺣﺴﻴﺖ ﻫﺎﻻﻧﺴﺎﻥ ﻏﺮﻳﺐ ﻋﻨﻲ
ﺃﻧﻲ ﺷﻮﺭﻃﺖ ﻧﻔﺴﻲ ﺍﺫﺍ ﺍﻭﻝ ﻳﻮﻡ ﺧﻠﺺ ﻫﻴﺞ
ﺷﻠﻮﻥ ﺣﺘﺨﻠﺺ ﺑﻘﻴﺔ ﺍﻻﻳﺎﻡ ﻭﻳﺎﻩ ؟
ﺍﻟﺘﻔﺘﺖ ﻋﻠﻴﻪ ﻣﺮﺓ ﺛﺎﻧﻴﻪ ، ﺻﻔﻨﺖ ﻟﺤﻈﺎﺕ ﻭﺍﻧﻲ ﺍﺑﺎﻭﻉ ﺍﻟﻪ ﻓﻜﺮﺕ ﺑﺄﻟﻒ ﺷﻐﻠﺔ ﺑﻬﺎﻱ ﺍﻟﻠﺤﻈﺔ ، ﺣﻠﻔﺖ ﻳﻤﻴﻦ ﻭﺍﻧﻲ ﺑﻌﺪﻧﻲ ﻋﺮﻭﺱ ﺍﻻ ﺍﻧﺪﻣﻪ ﻋﻠﻰ ﺍﻟﻲ ﺳﻮﺍﻩ ﺑﻴﻪ ، ﺳﻬﻠﺔ ﻳﺘﺪﻟﻞ ﺍﻧﻲ ﻣﻮ ﺯﻫﺮﺍﺀ ﺍﻟﻲ ﺟﺎﻧﺖ ﺗﺴﺘﺠﺪﻱ ﺍﻟﻨﻈﺮﻩ ﻣﻨﻪ
ﻻ ﺍﻧﻲ ﺑﻨﺖ ﺍﻟﻴﻮﻡ ﻣﻮ ﺑﻨﺖ ﺍﻟﺒﺎﺭﺣﺔ ﺍﻟﻲ ﺍﻧﻜﺴﺮﺕ ﺑﻴﻬﺎ ..
ﺣﺴﻴﺖ ﺑﻲ ﻇﻞ ﻳﺤﻮﺱ ﻭﺑﺪﺍ ﻳﻜﺢ ﺑﻌﺪﺕ ﻧﻈﺮﻱ ﻣﻨﻪ ، ﻭﺭﺟﻌﺖ ﻟﻠﻔﺮﺍﺵ ، ﻣﺪﻳﺖ ﺍﻳﺪﻱ ﻓﻮﻙ ﺭﺍﺳﻲ ﺳﺤﺒﺖ ﺍﻟﻔﻮﻥ ﻣﺎﻟﺘﻲ ..
ﺑﺎﻭﻋﺖ ﻟﻠﺴﺎﻋﻪ ٩ ﻭﻧﺺ ، ﺑﻌﺪﻩ ﺍﻟﻤﻮﺑﺎﻳﻞ ﺑﻴﺪﻱ
ﻇﻞ ﻳﺮﻥ ﺑﺎﻭﻋﺖ ﻟﻠﺸﺎﺷﺔ ﺍﺷﻮﻑ ﻣﺎﻣﺎ ﺗﺘﺼﻞ
ﻳﺎﺗﺮﻯ ﺩﺗﺤﺴﻴﻦ ﺑﺄﻟﻢ ﺑﻨﺘﺞ ﻳﺎ ﻣﺎﻣﺎ ﺑﻬﺎﻟﻠﺤﻈﺔ ﻟﻮ ﻻ ؟
ﺗﻨﻬﺪﺕ ﺍﺭﻳﺪ ﺍﺳﺤﺐ ﺍﻟﻐﺼﺔ ﺍﻟﺠﺎﺛﻤﺔ ﻋﻠﻰ ﺻﺪﺭﻱ
ﻣﺎﺭﻳﺪ ﻣﺎﻣﺎ ﺗﺤﺲ ﺍﻧﻮ ﺍﻧﻲ ﻣﻮﺟﻮﻋﺔ ، ﻓﺘﺤﺖ ﺧﻂ
ﺳﻠﻤﺖ ﻋﻠﻴﻪ ﻭ ﺑﺎﺭﻛﺘﻠﻲ
_ ﻣﺎﻣﺎ ﺯﻫﺮﺍﺀ ﻧﻜﺪﺭ ﻧﺠﻲ ﻫﺴﻪ ؟
ﺟﺎﻭﺑﺘﻬﺎ : ﻣﺎﻣﺎ ﻫﺴﻪ ﻛﻌﺪﺕ ﺑﺲ ﺧﻠﻲ ﺍﻛﻮﻡ ﻣﻦ ﺍﻟﻔﺮﺍﺵ ..
_ ﺧﻮﺵ ﻣﺎﻣﺎﺗﻲ ﻟﻌﺪ ﻓﺪ ﺳﺎﻋﻪ ﻭﺍﺟﻲ ﺍﺟﻴﺒﻠﻜﻢ ﺍﻟﺮﻳﻮﻙ
_ ﻣﺎﺷﻲ ﻣﺎﻣﺎ ﺣﻜﻮﻡ ﻫﺴﻪ ..
ﺳﺪﻳﺖ ﺍﻟﺨﻂ ﻣﻦ ﻣﺎﻣﺎ ﺳﻤﻌﺖ ﺻﻮﺕ ﺻﻔﺎﺀ
ﺣﻤﺤﻢ ﻭﺣﺠﻪ ﺑﺼﻮﺕ ﻧﻌﺴﺎﻥ : ﺻﺒﺎﺡ ﺍﻟﺨﻴﺮ
ﻣﺎﺭﺩﺕ ﻳﺒﻴﻦ ﻋﻠﻴﻪ ﺍﻧﻮ ﺍﻧﻲ ﻣﺘﺄﺛﺮﺓ ﺑﺴﺒﺐ ﻟﻴﻠﺔ ﺍﻟﺒﺎﺭﺣﺔ
ﺑﺲ ﻏﺼﺐ ﻋﻨﻲ ﺟﺎﻭﺑﺘﻪ ﺑﺒﺮﻭﺩ ﻭﺑﺪﻭﻥ ﻣﺎ ﺍﺑﺎﻭﻉ ﺍﻟﻪ
: ﺻﺒﺎﺡ ﺍﻟﻨﻮﺭ ...
ﻛﺎﻡ ﻣﻦ ﺍﻟﻔﺮﺍﺵ ﺑﻜﺴﻞ ﻭ ﺭﺍﺡ ﻟﻠﺤﻤﺎﻡ ﺍﻟﻲ ﺑﺪﺍﺧﻞ ﺍﻟﻐﺮﻓﻪ ﺳﻤﻌﺖ ﺻﻮﺕ ﺍﻟﻤﻲ ﻳﻨﺰﻝ ﻣﻦ ﺍﻟﺪﻭﺵ ... ﻛﻤﺖ ﻟﻤﻠﻤﺖ ﺍﻟﻐﺮﻓﻪ ﻭﻃﻠﻌﺘﻠﻲ ﺩﺭﺍﻋﺔ ﺑﻴﻀﻪ ﺣﻀﺮﺗﻬﺎ ﻭﺧﻠﻴﺘﻬﺎ ﻉ ﺍﻟﺴﺮﻳﺮ ..
ﻃﻠﻊ ﻇﻞ ﻳﺒﺎﻭﻉ ﻋﺒﺎﻟﻪ ﻣﺤﻀﺮﺓ ﺍﻟﻪ ﻣﻼﺑﺲ
ﻣﻦ ﺷﺎﻑ ﻣﺎﻛﻮ ، ﺭﺍﺡ ﻫﻮ ﻃﻠﻌﻬﻢ ..
ﺍﺧﺬﺕ ﺍﻟﺒﺮﻧﺺ ﻭ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻓﺮﺷﺖ ﺍﺳﻨﺎﻧﻲ ، ﻃﻠﻌﺖ ﻟﻜﻴﺘﻪ ﻣﻤﻮﺟﻮﺩ ﺑﺎﻟﻐﺮﻓﻪ .. ﺑﺪﻟﺖ ...
ﺗﻮﺟﻬﺖ ﻟﻠﻤﻴﺰ ﺗﻮﺍﻟﻴﺖ ﻧﺸﻔﺖ ﺷﻌﺮﻱ ﻭﺳﺸﻮﺭﺗﻪ ﻭﺳﻮﻳﺘﻪ ﺑﺮﻡ .. ﻣﻜﻴﺠﺖ ﻭﺟﻬﻲ .. ﻭﺍﻧﻲ ﻋﻠﻰ ﻫﺬﺍ ﺍﻟﺤﺎﻝ ..
ﺳﻤﻌﺖ ﺻﻮﺕ ﻣﺎﻣﺎ ﺟﻮﺍ ﻫﻲ ﻭﻋﻤﻪ ﺍﺳﺘﻤﺮﻳﺖ ﺍﻛﻤﻞ ﻣﻜﻴﺎﺟﻲ ..
ﺑﻌﺪﻧﻲ ﻭﺍﻛﻔﺔ ﻛﺒﺎﻝ ﺍﻟﻤﻴﺰ ، ﺍﻧﻔﺘﺤﺖ ﺍﻟﺒﺎﺏ ﻭﺩﺧﻞ ﺻﻔﺎﺀ
ﺑﺎﻭﻋﻠﻲ ﺛﻮﺍﻧﻲ ﻭﺍﻧﻲ ﻣﺸﻐﻮﻟﺔ ﺍﺭﺗﺐ ﻧﻔﺴﻲ
ﺗﺠﺎﻫﻠﺘﻪ ﻟﺤﻈﺎﺕ ، ﺣﺴﻴﺘﻪ ﺩﻳﺒﺎﻭﻉ ﻋﻠﻴﻪ ﺑﺘﺮﻛﻴﺰ
ﺑﺎﻭﻋﺘﻠﻪ ﺑﺒﺮﻭﺩ .. ﻭﺍﻟﻤﻌﻨﻰ ﺷﻨﻮ ﺗﺮﻳﺪ ؟
ﻫﻮ ﻛﺎﻝ : ﺍﺫﺍ ﻛﻤﻠﺘﻲ ﻳﻼ ﺗﻌﺎﻟﻲ ﺍﻧﺰﻟﻲ ﻳﺮﻳﺪﻭﻥ
ﻳﺴﻠﻤﻮﻥ ﻋﻠﻴﺞ ﺣﺘﻰ ﻳﺮﺣﻮﻥ ..
ﺧﻠﻴﺖ ﺍﻻﻏﺮﺍﺽ ﺍﻟﻲ ﺑﺄﻳﺪﻱ ﻉ ﺍﻟﻤﻴﺰ ﻭﺍﻧﻲ ﺳﺎﻛﺘﻪ ﻣﺎﻧﻄﻘﺖ ﻭﻻ ﺣﺮﻑ ..
ﻫﻮ ﺗﻘﺪﻡ ﺑﺎﺗﺠﺎﻫﻲ ﻟﺰﻣﻨﻲ ﻣﻦ ﺍﻛﺘﺎﻓﻲ ﻭﺩﺍﺭﻧﻲ ﻋﻠﻴﻪ
ﺣﺴﻴﺖ ﺑﺎﻻﺛﺎﺭﺓ ﻟﻠﺤﻈﺎﺕ ، ﺗﻨﻔﺴﺖ ﺑﻌﻤﻖ ﻭﺗﺼﻠﺐ ﺟﺴﻤﻲ ﺣﺎﻭﻟﺖ ﻛﺒﺖ ﺍﻻﺣﺴﺎﺱ ، ﺭﻓﻌﺖ ﺭﺍﺳﻲ ﺍﺑﺎﻭﻉ ﺑﻮﺟﻬﻪ ﺑﻤﺮﺍﺭﺓ ..
ﺭﻓﻊ ﺣﺎﺟﺒﻪ ﻭﻛﺎﻝ : ﻣﺜﻞ ﻣﻮﺻﻴﺘﺞ ﺍﻟﺒﺎﺭﺣﻪ
ﻭﺷﺪﺩ ﻉ ﻛﻼﻣﻪ ..
ﺑﺎﻭﻋﺘﻠﻪ ﺑﻄﺮﻑ ﻋﻴﻨﻲ ﻭﺧﺮﺕ ﺍﻳﺪﻳﻪ ﻣﻦ ﻋﻠﻰ ﺍﻛﺘﺎﻓﻲ ﻭﺣﺠﻴﺖ ﺑﻘﻠﺒﻲ : ﻫﻪ ﻫﺬﺍ ﻫﻢ ﻣﺼﺪﻙ ﺑﻨﻔﺴﻪ
ﺍﻧﺘﻈﺮ ﺍﺫﺍ ﻣﺎ ﺍﺧﻠﻲ ﻫﺎﻱ ﻋﺠﺮﻓﺘﻚ ﻋﺪﻡ ﺍﺩﻟﻞ ..
ﻛﺎﻡ ﺍﺧﺬ ﺧﺼﻼﺕ ﺷﻌﺮﻱ ﺍﻟﻨﺎﺯﻟﺔ ﻋﻠﻰ ﺻﺪﺭﻱ
ﻭﺧﻼﻫﻦ ﻭﺭﻩ ﺍﻛﺘﺎﻓﻲ .. ﻛﺎﻝ ﺑﻨﺒﺮﺓ ﺍﻗﻨﺎﻉ ..
_ ﺯﻫﺮﺍﺀ ﺍﻧﺖ ﻣﺰﻋﻼﻧﻪ ﻣﻨﻲ ﺻﺢ ؟
ﺑﺎﻭﻋﺘﻠﻪ ﻭﻫﺰﻳﺖ ﺭﺍﺳﻲ ﺑﻤﻌﻨﻰ ﻻ ..
ﻛﺎﻝ ﺍﺣﺠﻲ ﻟﺘﺒﻘﻴﻦ ﺳﺎﻛﺘﺔ .. ﻣﺎﻳﻌﺠﺒﻨﻲ ﺳﻜﻮﺗﺞ ﺍﺑﺪ ﻭﺍﻟﻲ ﺩﺍ ﺍﺳﻮﻱ ﺍﻧﻲ ﻋﻠﻤﻮﺩﺝ ﺗﺮﺍ
ﺗﻤﺘﻤﺖ : ﻣﺎﻛﻮ ﺷﻲ ﻳﻨﺤﺠﻲ ﺻﻔﺎﺀ ﺍﻧﻲ ﻣﻘﺪﺭﺓ ﻣﻮﻗﻔﻚ ﺧﻠﺺ ﻟﺘﻈﻞ ﺗﻠﺢ ..
ﻛﺢ ﻭﻛﺎﻝ : .. ﺍﻧﺖ ﺑﻨﺖ ﻋﻤﻲ ﻭﺍﻧﻲ ﺻﺪﻛﻲ ﺍﺣﺒﺞ ﻭﺭﺍﺡ ﺍﺩﻟﻠﺞ ﺑﺲ ﻣﺤﺘﺎﺝ ﻭﻗﺖ .. ﻭﺍﻱ ﺷﻲ ﻳﺼﻴﺮ ﺑﻬﺎﻱ ﺍﻟﻐﺮﻓﺔ ﺣﻴﺒﻘﻰ ﻭﻣﻴﻄﻠﻊ ﻫﻴﺞ ﺍﺭﻳﺪﺝ ..
ﺑﺎﻭﻋﺘﻠﻪ ﺑﻌﺪﻡ ﺗﺼﺪﻳﻖ ﻭﺭﻛﺰﺕ ﺑﻨﻈﺮﺍﺕ ﻋﻴﻮﻧﻪ ﺑﺘﺤﺪﻱ ..
ﺣﺠﻴﺖ ﺑﺪﺍﺧﻠﻲ : ﻛﺬﺍﺏ ﺍﻧﺖَ ﻣﺎﺗﺤﺒﻨﻲ ﺍﻧﻤﺎ ﺗﺤﺐ ﺣﺒﻲ ﺍﻟﻚ ﻭﻋﻠﻰ ﻫﺎﻻﺳﺎﺱ ﺗﻘﺪﻣﺖ ﺍﻟﻲ ﻭﺧﻄﺒﺘﻨﻲ ..
ﺗﻤﻨﻴﺖ ﺍﻛﻮﻝ ﻫﺬﺍ ﺍﻟﻜﻼﻡ ﺑﻮﺟﻬﻪ ﺑﺲ ﻣﺎﻛﺪﺭﺕ ﻻ ﻳﻜﻮﻝ ﺍﻧﻲ ﻣﻬﺘﻤﺔ ﺍﻟﻪ .. ﺧﻠﻲ ﻣﻔﻜﺮ ﺍﻧﻮ ﻫﻮ ﺍﺧﺮ ﻫﻤﻲ ..
_ ﺍﻋﺮﻑ ﻭﺍﻧﻲ ﻣﻮ ﻃﻔﻠﺔ ﺣﺘﻰ ﻛﻠﺴﺎﻉ ﺗﻮﺻﻴﻨﻲ ﻣﻮ ﻋﻠﻰ ﻣﻮﺩﻙ ﺑﺲ ﻋﻠﻤﻮﺩ ﻣﺎﻣﺎ ﻭﺑﺎﺑﺎ ﻣﺎﺭﻳﺪ ﺍﺷﻐﻠﻬﻢ ﻭﺑﺎﻻﺧﻴﺮ ﻫﻮ ﻫﺬﺍ ﺍﺧﺘﻴﺎﺭﻱ ﻣﺤﺪ ﺟﺒﺮﻧﻲ ﻋﻠﻴﻪ ..
ﺗﻨﻬﺪ ﻭﺑﻘﻰ ﺳﺎﻛﺖ ..
ﺭﺟﻌﺖ ﺍﻧﻲ ﺍﻛﻤﻞ ﻣﻜﻴﺎﺝ ، ﺍﺧﺬ ﺍﻟﻔﺮﺟﻪ ﻣﻦ ﺍﻳﺪﻱ ﻭﺧﻼﻫﺎ ﻋﻠﻰ ﺍﻟﻤﻴﺰ ﻛﺎﻝ ﻛﺎﻓﻲ ﻋﺎﺩ ﺗﺮﺍ ﺻﺮﺗﻲ ﺣﻠﻮﺓ ... ﻭﺭﺟﻊ ﺩﺍﺭﻧﻲ ﻋﻠﻴﻪ ﻭﻛﺮﺻﻨﻲ ﻣﻦ ﺧﺪﻱ ..
ﺧﻠﻴﺖ ﺍﻳﺪﻱ ﻋﻠﻰ ﺧﺪﻱ ﺍﻓﺮﻙ ﻣﻜﺎﻥ ﺍﻟﻜﺮﺻﺔ ﻭﺗﺮﻛﺘﻪ ﺑﺪﻭﻥ ﺍﺟﺎﺑﺔ ﻭﻧﺰﻟﺖ ﺷﻔﺖ ﻣﺎﻣﺎ ﺣﺴﻴﺖ ﺍﻧﻲ ﻣﺤﺘﺎﺟﻪ ﺣﻀﻨﻬﺎ ﻣﻊ ﺍﻧﻮ ﺍﻟﺒﺎﺭﺣﻪ ﺍﻧﻲ ﻣﻔﺎﺭﻛﺘﻬﺎ ﺣﻀﻨﺘﻬﺎ ﻭﻛﻤﺖ ﺍﺑﺠﻲ ﺍﻧﻲ ﻣﺎﺣﺠﻴﺖ ﺑﺲ ﺩﻣﻮﻋﻲ ﺣﺠﺖ ﻛﻞ ﺷﻲ ..
ﺭﻓﻌﺖ ﺭﺍﺳﻲ ﺗﺒﺎﻭﻉ ﺑﻮﺟﻬﻲ ﻭﻫﻴﻪ ﻣﺴﺘﻐﺮﺑﺔ ..
ﻫﻤﺴﺘﻠﻲ : ﺷﺒﻴﺞ ﻣﺎﻣﺎ ﻣﻮ ﻫﺬﺍ ﺍﻟﻴﻮﻡ ﺍﻟﺠﻨﺘﻲ ﺗﺘﻤﻨﻲ
ﻭﻫﻴﺎﺗﺞ ﺗﺰﻭﺟﺘﻲ ﺍﻟﻲ ﺗﺤﺒﻲ ﺷﺒﻴﺞ ﻳﻮﻡ ﻟﺘﺨﻮﻓﻴﻨﻲ
ﻋﻠﻴﺞ ﺯﻫﺮﺍﺀ ؟
ﻇﻠﻴﺖ ﺍﺑﺎﻭﻉ ﺍﻟﻬﺎ ﻭﺍﻣﺴﺢ ﺑﺪﻣﻮﻋﻲ ﺳﻠﻤﺖ ﻋﻠﻰ ﻋﻤﻪ ﻭﺑﻮﺳﺘﻬﺎ ، ﻋﻤﻪ ﻛﺎﻟﺖ ﺷﺒﻴﺞ ﺩﺍﺩﻩ ﺍﻡ ﺯﻫﺮﺍﺀ ﻣﺎﺑﻴﻬﺎ ﺷﻲ ﺟﻨﻬﻪ ﺍﻟﻌﺎﻓﻴﺔ ..
ﻫﻤﺴﺖ ﺍﻧﻲ
: ﺑﻠﻲ ﻣﺎﻣﺎ ﺑﺲ ﺍﺷﺘﺎﻗﻴﺘﻠﺞ ..
ﺍﻟﺘﻔﺘﺖ ﺻﻔﺎﺀ ﺍﻳﺪﻩ ﺑﺠﻴﺒﻪ ﻭﻣﻀﻴﻖ ﻋﻴﻨﻪ ﻳﺒﺎﻭﻋﻠﻲ
ﻣﺎﻣﺎ ﺿﺤﻜﺖ : ﻧﺰﻭﻝ ﻋﻠﻴﺞ ﻳﻮﻡ ﻋﺒﺎﻟﻲ ﺑﻴﺞ ﺷﻲ ﻫﻴﺎﺗﻨﻲ ﻳﻤﺞ ﺷﻮﻛﺖ ﻣﺘﺮﻳﺪﻳﻦ ﺗﻌﺎﻟﻲ ﺍﻛﻴﺪ ﺻﻔﺎﺀ
ﻣﻴﻤﻨﻌﺞ ﻣﻮ ﺻﻔﺎﻭﻱ؟
ﻇﻞ ﻳﺤﻤﺤﻢ : ﻻ ﻋﻤﻪ ﺷﻠﻮﻥ ﺍﻣﻨﻌﻬﺎ ﻫﺬﺍ ﺣﻘﻬﺎ ﺷﻮﻛﺖ ﻣﺘﺤﺐ ﺗﺮﻭﺣﻠﻜﻢ ﺑﺮﺍﺣﺘﻬﺎ ..
_ ﺍﻱ ﺑﻌﺪ ﻋﻠﻮﻳﺶ ﻫﺎﻟﺒﺠﻲ ﻳﺎ ﺍﻣﻲ ..
ﺗﻨﻔﺴﺖ ﺑﻌﻤﻖ : ﻣﺎﻛﻮ ﺷﻲ ﻭﺍﻟﻠﻪ ﻣﺎﻣﺎ ..
ﺑﻌﺪﻫﺎ ﻛﻌﺪﻧﺎ ﺗﺮﻳﻜﻨﺎ ﻭﺧﻠﺼﻨﺎ ، ﻃﻠﻌﻨﻪ ﻣﻦ ﺍﻟﻤﻄﺒﺦ
ﻣﺎﻣﺎ ﻛﺎﻟﺖ ﺗﻌﺎﻟﻲ ﺯﻫﺮﺍﺀ ﻭﺍﺧﺬﺗﻨﻲ ﻉ ﺟﻬﻪ
ﺑﺎﻭﻋﺖ ﺷﻔﺖ ﻋﻴﻮﻥ ﺻﻔﺎﺀ ﺟﺎﻧﺖ ﻣﺤﺎﻭﻃﺘﻨﻲ ﻳﺒﺎﻭﻉ ﻋﻠﻴﻨﺎ ﻣﻦ ﺑﻌﻴﺪ ..
ﺩﺭﺕ ﻭﺟﻬﻲ ﻣﻨﻪ ﻭﺑﻘﻴﺖ ﻳﻢ ﻣﺎﻣﺎ ﻭﻫﻴﻪ ﻇﻠﺖ
ﺗﻮﺻﻴﻨﻲ ﻛﺎﻟﺖ ﺩﻳﺮﻱ ﺑﺎﻟﺞ ﻉ ﺻﻔﺎﺀ ﻭﻉ ﻧﻔﺴﺞ .. ﻭﺻﺘﻨﻲ ﺍﻫﺘﻢ ﺑﻨﻈﺎﻓﺘﻲ ﺍﻟﺸﺨﺼﻴﺔ ..
ﺑﻮﺳﺘﻨﻲ ﺣﻀﻨﺘﻬﺎ ﺣﻴﻴﻞ ﻋﺒﺎﻟﻚ ﺑﺲ ﺍﻓﺮﻍ ﻗﻬﺮﻱ ﺑﻬﺎﻟﺤﻀﻦ ﺍﻟﺪﺍﻓﻲ ..
ﻳﻠﻠﻪ ﻣﺎﻣﺎ ﺍﻧﻲ ﺍﺭﻭﺡ ﻣﺜﻞ ﻣﻮﺻﻴﺘﺞ ﺗﻤﺎﻡ ..
ﻋﺪﻟﺖ ﺷﻌﺮﻱ ﺑﻴﺪﻫﺎ .. ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﻱ ..
ﻭﻃﻠﻌﺖ ﺭﺍﻗﺒﺘﻬﺎ ﺣﺪ ﻣﺎ ﺭﺍﺣﺖ ..
ﻭﺭﺍﻫﺎ ﺟﺘﻲ ﻋﻤﻪ ﺟﺎﻧﺖ ﻳﻢ ﺻﻔﺎﺀ ﺑﻮﺳﺘﻨﻲ
ﻭﻛﺎﻟﺖ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻭﻋﻠﻰ ﺯﻭﺟﺞ ﺑﻨﺘﻲ ﻭﻟﻮ ﺍﻧﺖ ﺣﺒﺎﺑﻪ ﻣﺘﺘﻮﺻﻴﻦ ﻓﺪﻭﺓ ﻟﻬﻠﺨﻠﻘﻪ ﺍﺧﺬﻭﺍ ﺭﺍﺣﺘﻜﻢ ﺑﺎﻟﺒﻴﺖ ﺗﻤﺎﻡ ..
ﻫﺰﻳﺖ ﺭﺍﺳﻲ ﻭﻫﻤﺴﺖ ﺍﻥ ﺷﺎﺀﺍﻟﻠﻪ ﻋﻤﻪ
ﻃﻠﻌﺖ ﻭﺳﺪﻳﺖ ﺍﻟﺒﺎﺏ ﻭﺭﺍﻫﻪ ..
ﺭﺟﻌﺖ ﺩﺍﺍﺻﻌﺪ ﺣﺴﻴﺖ ﺍﺣﺪ
ﺩﻳﻤﺸﻲ ﺳﺮﻳﻊ ﻭﺭﺍﻳﻪ ﻋﺮﻓﺘﻪ ﻫﻮ ﻣﺎﻟﻠﺘﻔﺖ ﻭﻛﻤﻠﺖ ﻃﺮﻳﻘﻲ ..
ﺍﺟﺎﻧﻲ ﺻﻮﺗﻪ ﻳﺤﺠﻲ ﺑﺸﻚ : ﺃﻣﺞ ﺷﺮﺍﺩﺕ ﻣﻨﺞ؟
ﺍﻟﺘﻔﺘﺖ ﻋﻠﻴﻪ ﺑﺎﻭﻋﺘﻠﻪ ﻟﺤﻈﺔ ﻭﺩﺭﺕ ﻭﺟﻬﻲ ﻗﺒﻞ ﻻ ﺍﺟﺎﻭﺑﻪ ﻭﺍﻧﻲ ﺍﺻﻌﺪ ﻉ ﺍﻟﺒﺎﻳﺎﺕ ﺑﺒﺮﻭﺩ ﺣﺠﻴﺖ : ﻣﺮﺍﺩﺕ ﺷﻲ ﺑﺲ ﻭﺻﺘﻨﻲ ﻭﺭﺍﺣﺖ ﻟﻴﺶ ﺗﺴﺄﻝ؟
_ ﻣﺎﻛﻮ ﺷﻲ ﺭﻭﺣﻲ ﺑﺪﻟﻲ ﻫﺬﺍ ﺛﻮﺑﺞ ﻣﻦ ﻳﻤﻲ ﺍﺧﺘﻨﻜﺖ ﻣﻨﻪ ﺛﻜﻴﻞ ﺷﺪﻋﻮﻩ ﻋﻠﻴﺞ ..
ﺍﻟﺘﻔﺘﺖ ﻋﻠﻴﻪ ﺗﻨﻬﺪﺕ ﻭﺗﺮﻛﺘﻪ ﻭﺍﻧﻲ ﺻﺪﻙ ﺍﺧﺘﻨﻜﺖ ﻣﻦ ﺍﻟﺪﺭﺍﻋﺔ .. ﻓﺘﺖ ﻟﻠﻐﺮﻓﺔ ﻗﻔﻠﺖ ﺍﻟﺒﺎﺏ ﻭ ﻧﺰﻋﺘﻬﺎ
ﻃﻠﻌﺘﻠﻲ ﺩﺷﺪﺍﺷﺔ ﺧﻔﻴﻔﻪ ﻭﻟﺒﺴﺘﻬﺎ ..
ﺭﻓﻌﺖ ﺷﻌﺮﻱ ﻭ ﻧﺰﻟﺖ ﺧﺼﻞ ﻣﻨﻪ ﺍﺑﺎﻭﻉ ﻟﻨﻔﺴﻲ
ﻛﻠﺶ ﻻﻳﻜﻠﻲ ﺷﻌﺮﻱ ﻣﻴﺶ ﺛﻠﺠﻲ ﻳﻌﻜﺲ ﻋﻠﻰ ﻟﻮﻥ ﻋﻴﻮﻧﻲ ﻭﺭﻏﻢ ﺍﻟﺤﺰﻥ ﻭﺍﺿﺢ ﺑﻨﻈﺮﺍﺗﻲ ﻟﻜﻦ ﻣﻨﻄﻴﻨﻲ ﻣﻨﻈﺮ ﻛﻠﺶ ﺣﻠﻮ .. ﺗﻨﻬﺪﺕ ﺍﺗﻤﻨﻰ ﺍﻛﺪﺭ ﺍﺧﻔﻲ ﻫﺬﺍ ﺍﻟﺤﺰﻥ ﻭﻣﻮ ﻫﺎﻱ ﺻﺒﺎﺣﻴﺔ ﺍﻟﻌﺮﺱ ﺍﻟﻲ ﺟﻨﺖ ﺍﺗﻤﻨﺎﻫﻪ ﺍﺑﺪ ﺑﺲ ﺷﺴﻮﻱ ﻫﺬﺍ ﻧﺼﻴﺒﻲ ﻣﺎﻛﺪﺭ ﺍﻏﻴﺮ ﺑﻲ ﺷﻲ ..
ﻃﻠﻌﺖ ﻣﻦ ﺍﻟﻐﺮﻓﺔ ﻭﻧﺰﻟﺖ ﺟﻮﻩ ﺷﺎﻓﻨﻲ ﺻﻔﺎﺀ ﻇﻞ ﺻﺎﻓﻦ ﻋﻠﻴﻪ ﺍﺑﺪ ﻣﻨﺰﻝ ﻋﻴﻨﻪ ﺣﺴﻴﺖ ﻧﻈﺮﺍﺗﻪ ﺩﺗﺨﺘﺮﻗﻨﻲ
ﺑﺎﻭﻋﺘﻠﻪ ﺑﻨﻈﺮﺍﺕ ﺑﻤﻌﻨﻰ ﺷﻜﻮ ﻟﻴﺶ ﺗﺒﺎﻭﻉ ..
ﻫﻮ ﺣﺲ ﻋﻠﻰ ﻧﻔﺴﻪ ﻭ ﺍﻧﺘﺒﻪ ﻫﺰ ﺭﺍﺳﻪ ﻭﺩﻧﻚ ﻳﻠﻌﺐ ﺑﺎﻟﻤﻮﺑﺎﻳﻞ ..
ﺳﻮﻳﺖ ﻧﻔﺴﻲ ﻣﻤﻬﺘﻤﺔ ﺑﺲ ﺍﺣﺲ ﺍﻟﺤﺰﻥ ﻳﺘﺪﻓﻖ ﺑﺪﺍﺧﻠﻲ ﻭﻗﻠﺒﻲ ﻣﻠﻴﺎﻥ ﺛﻘﻮﺏ ﻭﻳﻨﺰﻑ ، ﻓﺘﺤﺖ ﺍﻟﺘﻠﻔﺰﻳﻮﻥ ﻃﻠﻊ ﻛﺎﺭﺗﻮﻥ ﻧﻴﻠﺰ ﻛﻌﺪﺕ ﺍﺗﻔﺮﺝ ﺷﻮﻳﻪ ﺍﻧﺘﺒﻬﺖ ﺻﻔﺎﺀ ﻳﺒﺎﻭﻋﻠﻲ ﻭﻳﺒﺘﺴﻢ ..
ﺑﺎﻭﻋﺖ ﺑﻌﻴﻮﻧﻪ ﺍﺑﺘﺴﻤﺖ ﺍﺑﺘﺴﺎﻣﺔ ﺟﺎﻧﺒﻴﻪ ﻭﺩﺭﺕ ﻋﻠﻰ ﺍﻟﺘﻠﻔﺰﻳﻮﻥ .. ﻭﺍﺟﺎﻧﻲ ﺻﻮﺗﻪ ..
_ ﻋﺒﺎﻟﻲ ﺑﺲ ﺍﻧﻲ ﺃﺑﺎﻭﻉ ﻛﺎﺭﺗﻮﻥ ﻭﺫﻧﻲ ﺍﺧﻮﺍﺗﺞ ﻏﺮﻓﺘﻬﻦ ﺑﺼﻒ ﻏﺮﻓﺘﻨﺎ ﺩﺍﺋﻤﺎ ﺍﺳﻤﻊ ﺻﻴﺎﺣﻬﻦ ﻣﺮﻳﻢ
ﺗﺮﻳﺪ ﻛﺎﺭﺗﻮﻥ ﻭﻋﺒﻴﺮ ﺗﺮﻳﺪ ﻃﻮﺑﻪ ..
ﻋﻜﺪﺕ ﺣﺎﺟﺒﻲ ﺷﺒﻲ ﻫﺬﺍ ﺑﻌﺪﻳﻦ ﺗﺬﻛﺮﺕ ﻏﺮﻓﺔ ﻋﺒﻴﺮ
ﻭﻣﺮﻳﻢ ﺑﺼﻒ ﻏﺮﻓﺘﻨﺎ ﻋﺰﺯﺯﺯﺍ ﺷﻜﺪ ﻋﻴﺐ ﻣﻌﻨﺎﻫﺎ
ﺳﺎﻣﻊ ﻛﻞ ﺳﻮﺍﻟﻔﻬﻢ ﻭﻫﺎﻱ ﻋﺒﻴﺮ ﺍﺫﺍ ﻏﺮﺩﺕ ﺗﻨﺴﻰ ﺣﺘﻰ ﻧﻔﺴﻬﺎ ..
ﻛﻤﺖ ﻋﻠﻰ ﺣﻴﻠﻲ ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ، ﺍﻟﺪﺷﺪﺷﺪﺍﺷﻪ ﺷﻮﻳﻪ ﻻﺯﻛﺔ ﻋﻠﻰ ﺟﺴﻤﻲ ، ﺣﺴﻴﺖ ﺑﻨﻈﺮﺍﺗﻪ ﻛﻤﺖ ﺍﺳﺤﺐ ﺑﻴﻬﺎ ﻭﺍﻋﺪﻟﻬﺎ ..
ﻫﻮ ﻛﺎﻝ ﺍﻱ ﻫﺎﻱ ﺣﻠﻮﺓ ﻣﻮ ﺫﻳﺞ ﺍﻟﻤﺪﺭﻋﺔ ..
ﺧﻠﻴﺖ ﺍﻳﺪﻱ ﻋﻠﻰ ﺻﺪﺭﻱ ﻭﺣﺠﻴﺖ : ﻣﺪﺭﻋﺔ ؟ ﺗﺮﻩ ﺍﺳﻤﻬﺎ ﺩﺭﺍﻋﺔ ..
_ ﺍﻱ ﺷﻤﺪﺭﻳﻨﻲ ﻫﻴﻪ ﻣﻦ ﻛﺪ ﻣﺎﺛﻜﻴﻠﺔ ﺟﻨﻬﺎ ﻣﺪﺭﻋﺔ ﻣﺎﻝ ﺍﻟﺠﻴﺶ ..
ﻇﻞ ﻳﺒﺎﻭﻋﻠﻲ ﻳﺘﺄﻣﻞ ﻣﻼﻣﺤﻲ ﺟﻨﺖ ﻛﺎﺗﻤﺔ ﺍﺑﺘﺴﺎﻣﺔ ﺩﺭﺕ ﺍﺭﻳﺪ ﺍﺭﻭﺡ ﻟﺰﻣﻨﻲ ﻣﻦ ﺍﻳﺪﻱ ﻭﺭﺟﻌﻨﻲ ﻉ ﺍﻟﺘﺨﻢ ..
ﻛﺎﻝ ﻭﻳﻦ ﺭﺍﻳﺤﺔ ﻛُﻌﺪﻱ ﻫﻨﺎﻧﻪ ..
ﻛﻤﺖ ﻋﻠﻰ ﺣﻴﻠﻲ ﻣﺮﺓ ﺛﺎﻧﻴﻪ : ﻻ ﺍﺭﻳﺪ ﺍﺭﻭﺡ ﻟﻠﻐﺮﻓﺔ ﺍﺗﻤﺪﺩ ﺷﻮﻳﻪ ﺗﺮﻳﺪ ﺷﻲ ؟
_ ﺗﻤﺪﺩﻱ ﻫﻨﺎﻧﻪ ﻳﻠﻪ ﻭﺑﺎﻭﻋﻲ ﻉ ﺍﻟﻜﺎﺭﺗﻮﻥ ..
_ ﻻ ﺍﺭﻳﺪ ﺍﺻﻌﺪ ﺍﺧﺎﺑﺮ ﻣﺎﻣﺎ ..
_ ﺗﺨﺎﺑﺮﻳﻬﺎ ﺷﺘﻜﻮﻟﻴﻠﻬﺎ ﻫﺴﺘﻮﻩ ﺟﺎﻧﺖ ﻳﻤﺞ ..
_ ﻭﺍﻧﺖ ﻟﻴﺶ ﺧﺎﻳﻒ ﺷﻌﺒﺎﻟﻚ ﺍﻛﻮﻟﻠﻬﺎ ﻳﻌﻨﻲ ؟
ﻗﺒﻞ ﻟﻴﺠﺎﻭﺑﻨﻲ ﻣﺸﻴﺖ ﻓﺘﺖ ﻟﻠﻤﺮ ﻭﺩﺍ ﺍﺭﻳﺪ ﺍﺻﻌﺪ ﻓﻮﻙ
ﺣﺴﻴﺖ ﺧﻄﻮﺍﺗﻪ ﻭﺭﺍﻳﻪ ﻳﻤﺸﻲ ..
ﻭﺍﺟﺎﻧﻲ ﺻﻮﺗﻪ : ﺗﺮﻩ ﻣﺨﺎﻳﻒ ﻣﻦ ﺷﻲ ﺧﻠﻴﻬﺎ ﺍﺑﺎﻟﺞ ﻫﺎﻱ ..
ﻭﻋﺒﺮﻧﻲ ﻭﺻﻌﺪ ﻗﺒﻠﻲ ..
ﻭﻛﻔﺖ ﺑﻨﺺ ﺍﻟﺪﺭﺝ ﺗﺮﺩﺩﺕ ﺑﻴﻦ ﺍﺻﻌﺪ ﻭﺑﻴﻦ ﺍﻧﺰﻝ ﺑﻌﺪﻫﺎ ﻗﺮﺭﺕ ﺍﻛﻤﻞ ﻃﺮﻳﻘﻲ ﻭﺍﺭﻭﺡ ﻟﻠﻐﺮﻓﺔ ﺍﺣﺴﻦ ﺩﺍﺍﺷﻮﻑ ﺍﺧﺮﺗﻬﺎ ﻭﻳﺎﻩ ..
ﻓﺘﺖ ﻟﻠﻐﺮﻓﺔ ﺷﻔﺘﻪ ﻭﺍﻛﻒ ﻳﻢ ﺍﻟﺸﺒﺎﻙ ﻋﻠﻰ ﺻﻮﺕ ﺑﺎﺏ ﺍﻟﻐﺮﻓﺔ ﺍﻟﺘﻔﺘﺘﻠﻲ ﺑﺎﻭﻋﺘﻠﻪ ﻭﻧﺼﻴﺖ ﻭﺗﻮﺟﻬﺖ ﻟﻠﻤﻴﺰ ﺑﺎﻭﻋﺖ ﻋﻠﻰ ﺭﻭﺣﻲ ﺷﻮﻳﻪ ﻭﺑﺎﻭﻋﺘﻠﻪ ﺑﺎﻟﻤﺮﺍﻳﻪ ﺷﻔﺘﻪ ﻭﺍﻛﻒ ﻳﻢ ﺍﻟﺸﺒﺎﻙ ﻣﻨﻄﻴﻨﻲ ﻇﻬﺮﻩ ..
ﻧﺰﻟﺖ ﺷﻌﺮﻱ ﻭﺗﻮﺟﻬﺖ ﻟﻠﺴﺮﻳﺮ ﺗﻤﺪﺩﺕ ﻭﻛﻠﺒﺖ ﺻﻔﺢ ..
ﺳﻤﻌﺖ ﺣﺮﻛﺎﺗﻪ ﺍﺟﻪ ﺗﻤﺪﺩ ﻳﻤﻲ ﺟﺮﻳﺘﻬﺎ ﺣﺴﺮﺓ ..
ﻟﺰﻣﻨﻲ ﻣﻦ ﺧﺼﺮﻱ ﻭﺩﺍﺭﻧﻲ ﻋﻠﻴﻪ ، ﻗﺸﻌﺮﻳﺮﺓ ﻟﺰﻣﺖ ﻛﻞ ﺟﺴﻤﻲ ﻋﻠﻰ ﺍﺛﺮ ﻟﻤﺴﺘﻪ ..
ﻇﻞ ﻳﺒﺎﻭﻉ ﺑﻌﻴﻮﻧﻲ ﻋﺎﻛﺪ ﺣﻮﺍﺟﺒﻪ : ﺷﻨﻮ ﻫﺎﻱ ﺍﻟﺤﺴﺮﺓ ﺑﻌﺪ ؟
ﺑﻠﻌﺖ ﺭﻳﻚ ﻛﻮﺓ ﻗﺎﻭﻣﺘﻪ ﺧﻠﻴﺖ ﺍﻳﺪﻱ ﻋﻠﻰ ﺯﻧﺪﻩ
ﺩﻓﻌﺘﻪ ﻭﻛﻌﺪﺕ ﺣﺎﺟﻴﺘﻪ ﺑﻨﺒﺮﺓ ﺍﺣﺘﺠﺎﺝ ؛ ﺷﻨﻮ ﺗﺮﻳﺪ ﺗﺤﺎﺳﺒﻨﻲ ﺣﺘﻰ ﻉ ﺍﻟﻨﻔﺲ ؟
ﺭﻓﻊ ﺍﻳﺪﻩ ﻟﺮﺍﺳﻪ ﻛﺎﻝ ﻻ ﻳﺎﺑﻪ ﻋﻠﻰ ﺷﻨﻮ ﺍﺣﺎﺳﺒﺞ ﻋﻠﻰ ﺍﻟﻨﻔﺲ ﺍﺧﺬﻱ ﺭﺍﺣﺘﺞ .. ﻭﻃﻠﻊ ﻣﻦ ﺍﻟﻐﺮﻓﺔ ..
ﺗﺄﻓﺄﻓﺖ ﻭﺷﻤﺮﺕ ﺭﻭﺣﻲ ﻋﻠﻰ ﺍﻟﺴﺮﻳﺮ ..
ﻛﺮﺍﺭ : ﺟﻨﺖ ﻳﻢ ﺍﺻﺪﻗﺎﺋﻲ ﻭﺭﺟﻌﺖ ﺑﻮﻗﺖ ﻣﺘﺄﺧﺮ ﻣﻦ ﺍﻟﻠﻴﻞ ﺩﺧﻠﺖ ﻟﻠﺒﻴﺖ ﺷﻔﺖ ﺍﻣﻲ ﻛﺎﻋﺪﺓ ﺗﻨﺘﻈﺮﻧﻲ ﺑﺎﻟﻄﺮﻣﺔ ﺭﺣﺖ ﺍﻟﻬﺎ ﺑﺴﺮﻋﺔ
_ ﻫﺎ ﻳﻮﻡ ﺷﻤﮕﻌﺪﺝ ﻫﻨﺎﻧﻪ ﺑﺎﻟﻠﻴﻞ ؟
ﺿﺮﺑﺘﻨﻲ ﻋﻠﻰ ﺯﻧﺪﻱ ﻭﺣﺠﺖ ﺑﻨﺘﺮ : ﻭﻳﻨﻚ ﺍﻧﺖ ﺍﺗﺼﻞ ﺑﻴﻚ ﻣﺘﺠﺎﻭﺑﻨﻲ ؟
ﻣﺪﻳﺖ ﺍﻳﺪﻱ ﻟﺠﻴﺒﻲ ﻃﻠﻌﺖ ﺗﻠﻴﻔﻮﻧﻲ ، ﺧﻠﻴﺖ ﺍﻳﺪﻱ ﻋﻠﻰ ﺭﺍﺳﻲ : ﺍﻭﻭﻭ ﺩﺷﻮﻓﻲ ﻃﺎﻓﻲ ﺷﺤﻦ .. ﻭﺧﻠﻴﺖ ﺍﻟﻔﻮﻥ ﺑﻮﺟﻬﻪ ﺩﺗﺸﻮﻓﻪ ..
ﺩﺍﺭﺗﻠﻲ ﻇﻬﺮﻫﺎ ﺗﺮﻳﺪ ﺗﻔﻮﺕ ﻭﺣﺠﺖ ﺑﻨﺒﺮﺓ ﺯﻋﻞ ..
_ ﻟﻌﺪ ﻣﺎﻛﻮﻟﻚ ﺷﻨﻮ ﻋﻨﺪﻱ ﺍﻟﻚ ﻣﻦ ﺑﺸﺎﺭﺓ ﻭﻟﻲ ﻧﺎﻡ ﻭﺍﻟﺼﺒﺢ ﺍﺣﺠﻴﻠﻚ ..
ﻟﺤﻜﺘﻬﺎ ﻉ ﺍﻟﺒﻴﺖ ﻟﺰﻣﺖ ﺍﻳﺪﻫﺎ : ﻻ ﺍﺑﻮﻭﺱ ﺍﻳﺪﺝ ﺍﺣﺠﻲ ﻭﺍﻟﻨﺒﻲ ﻣﺎ ﺍﺻﺒﺮ ﻟﻠﺼﺒﺢ .. ﺗﺪﺭﻳﻦ ﺑﻴﻪ ﻣﺜﻞ ﻋﺒﺎﺱ ﺍﻟﻤﺴﺘﻌﺠﻞ ..
_ ﻣﺸﻜﻠﺘﻚ ﻫﺎﻱ ﺣﺘﻰ ﻣﺮﺓ ﺛﺎﻧﻴﻪ ﻣﺘﺨﻠﻴﻨﻲ ﻗﻠﻘﺔ ﻋﻠﻴﻚ ﻭﺍﻧﺖ ﺩﺍﻳﺢ ﺑﺮﻩ ﻭﻳﻪ ﺟﻤﺎﻋﺘﻚ ﻭﺍﻧﻲ ﻗﻠﺒﻲ ﻋﻠﻴﻚ ﻋﺒﺎﻟﻲ ﺷﻮ ﺷﺼﺎﺭ ﺑﻴﻚ ﺑﺲ ﺍﻧﻲ ﺻﻮﺟﻲ ﺗﻌﺒﺖ ﻧﻔﺴﻲ ﻉ ﺍﻟﺨﺎﻟﻲ ﺑﻼﺵ ..
ﺍﺟﺎﻧﻪ ﺻﻮﺕ ﺍﺑﻮﻳﻪ ﻣﻦ ﺍﻟﻬﻮﻝ : ﺍﻱ ﻭﺍﻟﻠﻪ ﺻﻮﺟﺞ ﺻﺎﺭﻟﺞ ﺳﺎﻋﺔ ﺗﺘﺤﻠﻄﻤﻴﻦ ﻭﺿﻐﻄﺞ ﺍﺭﺗﻔﻊ ﻣﻦ ﺍﻟﻘﻠﻖ ﻭﻧﺎﺳﻴﺔ ﺍﻟﻌﺎﺭ ﻣﻴﺼﻴﺮ ﻋﻠﻴﻪ ﺷﻲ ..
ﻛﺘﻔﺖ ﺍﻳﺪﻳﻪ ﻭﻛﻔﺖ ﺑﺎﺣﺘﺠﺎﺝ ﺣﺎﺟﻴﺘﻬﻢ : ﻫﺎ ﺍﻧﻮﺏ ﺍﺛﻨﻴﻨﻜﻢ ﻋﻠﻴﻪ ﺍﻧﻲ ﺍﻃﻠﻊ ﺍﺷﻮﻓﻠﻲ ﺍﻫﻞ ﻏﻴﺮﻛﻢ ﺍﺣﺴﻠﻲ .. ﺍﺻﻼ ﺍﻧﻲ ﻛﻠﺒﻲ ﺣﺎﺱ ﺍﻧﻮ ﺗﻮﺍ ﻣﻮ ﺍﻫﻠﻲ ﻭﻻﻛﻴﻨﻲ ﺍﺑﺎﺏ ﺍﻟﺠﺎﻣﻊ ﻭﻣﺮﺑﻴﻨﻲ ..
ﻛﺎﻝ ﺍﺑﻮﻳﻪ ﻻ ﺣﺘﻰ ﻳﻢ ﺍﻟﺠﺎﻣﻊ ﻫﻢ ﻣﺎﺷﺎﻣﺮﻳﻚ ﺍﺻﻼ ﻟﻜﻴﻨﺎﻙ ﺑﺎﻟﺰﺑﺎﻟﺔ ..
_ ﻫﻠﻮ ﻫﻠﻮ ﻟﻌﺪ ﺧﻮﺵ ﻛﻴﻔﻜﻢ ﻟﺘﺤﺠﻮﻥ ﺍﻧﻲ ﺍﺭﺟﻊ ﺍﺣﺴﻠﻲ ﻭﺍﻧﺘﻮﺍ ﺍﻧﺴﻮﺍ ﻋﺪﻛﻢ ﺍﺑﻦ ..
ﺍﻣﻲ ﻛﺎﻟﺖ ﻭﻳﻦ ﻣﻮﻟﻲ ﺑﻌﺪ ؟
ﺍﺑﻮﻳﻪ : ﻟﻠﺰﺑﺎﻟﺔ ﺗﻠﻔﻲ .. ﺩﻳﻠﻠﻪ ﻻﺗﺼﻴﺮ ﻋﻮﺩ ﺯﻋﻄﻮﻁ ﻓﺪ ﻧﻮﺏ ﺣﻀﺮ ﻧﻔﺴﻚ ﺍﻟﺠﻤﺎﻋﺔ ﺩﺯﻭﻟﻨﻪ ﺧﺒﺮ ﻣﻮﺍﻓﻘﺘﻬﻢ ..
ﻭﺑﺎﺟﺮ ﺭﻭﺡ ﺍﺳﺘﺄﺫﻥ ﻣﻦ ﻋﻤﻚ ﺗﺤﺴﻴﻦ ﺍﺗﺼﻞ ﺑﻌﻤﺎﻣﻚ ﻭﺍﺧﺒﺮﻫﻢ ..
ﺣﺴﻴﺖ ﺍﻟﻔﺮﺣﺔ ﻣﺎﺳﺎﻳﻌﺘﻨﻲ ﻭﺍﺧﻴﺮﺍ ﺣﺼﻠﺖ ﺍﻻﺭﻳﺪﻩ
ﻣﻬﺎ ﺍﻫﻢ ﻭﺍﺣﻠﻰ ﺣﻠﻢ ﺑﺤﻴﺎﺗﻲ .. ﺗﻌﺒﺖ ﻭﻫﻴﻪ ﺑﻌﻴﺪﺓ ﻋﻨﻲ .. ﻣﻤﺼﺪﻙ ﺑﻮﺳﺖ ﺍﻣﻲ ﻣﻦ ﺍﻳﺪﻳﻬﻪ ﻭﺭﺍﺳﻬﺎ ﻭﺭﺣﺖ ﻻﺑﻮﻳﻪ ﺑﻮﺳﺖ ﺭﺍﺳﻪ ..
ﺻﻌﺪﺕ ﻓﻮﻙ ﻟﻐﺮﻓﺘﻲ ﻟﺰﻣﺖ ﺗﻠﻴﻔﻮﻧﻲ ﻭﺍﺑﺘﺴﺎﻣﺘﻲ ﻣﺎﻛﺪﺭ ﺍﺧﻔﻴﻬﺎ ﺣﺴﻴﺖ ﻧﻔﺴﻲ ﻣﺤﺘﺎﺝ ﺍﺗﺼﻞ ﺑﻴﻬﺎ ، ﻃﻠﻌﺖ ﺍﻟﺮﻗﻢ ﻭﻇﻠﻴﺖ ﺍﺑﺎﻭﻋﻠﻪ ﻣﺘﺮﺩﺩ ، ﺑﻌﺪﻳﻦ ﺗﺮﺍﺟﻌﺖ ، ﺃﺧﺎﻑ ﻋﻠﻴﻬﺎ ﺍﻟﺼﺒﺮ ﺣﻠﻮ ﺧﻠﻲ ﺍﺻﺒﺮ ﻭﻫﻴﻪ ﻛﻢ ﻳﻮﻡ ﻭﺗﺼﻴﺮ ﺣﻼﻟﻲ ..
ﻧﻤﺖ ﻭﺍﻧﻲ ﻃﺎﻳﺮ ﻣﻦ ﺍﻟﻔﺮﺡ ﻭﺍﺣﺲ ﻧﻔﺴﻲ ﻣﺤﻠﻖ ﻓﻮﻙ ﺍﻟﻐﻴﻢ ﻳﻮﻡ ﺛﺎﻧﻲ ﻛﻌﺪﺕ ﻣﻦ ﺍﻟﺼﺒﺢ ﻭﻛﺒﻞ ﻟﺒﻴﺖ ﻋﻤﻲ ﺗﺤﺴﻴﻦ ﺍﻟﺤﻚ ﻋﻠﻴﻪ ﻗﺒﻞ ﻳﻄﻠﻊ ﻟﺪﻭﺍﻣﻪ ..
ﻭﺻﻠﺖ ﻟﺒﻴﺘﻬﻢ ﺷﻔﺘﻪ ﺩﻳﺮﻭﺡ ﻟﺪﻭﺍﻣﻪ ..
ﺍﺳﺘﻮﻩ ﻃﺎﻟﻊ ﻣﻦ ﺑﺎﺏ ﺍﻟﺒﻴﺖ .. ﺳﻠﻤﺖ ﻋﻠﻴﻪ ﻭﻫﻮ ﺷﺎﻓﻨﻲ ﻣﺒﺘﺴﻢ .. ﺣﺲ ﺑﻴﻪ ﻫﻢ ﺿﺤﻚ
ﻛﺎﻝ ﻫﺎ ﺍﻛﻴﺪ ﻋﻠﻰ ﻣﻮﺿﻮﻉ ﻣﻮﺍﻓﻘﺔ ﺍﻟﺠﻤﺎﻋﺔ ﺍﺑﻮﻙ ﺧﺎﺑﺮﻧﻲ ﺍﻟﺒﺎﺭﺣﺔ ..
_ ﺍﻱ ﻭﺍﻟﻠﻪ ﻋﻤﻲ ﺟﻴﺖ ﺍﺳﺘﺄﺫﻥ ﻣﻨﻚ ..
ﺧﻠﻪ ﺍﻳﺪﻩ ﻋﻠﻰ ﻛﺘﻔﻲ .. ﺍﻟﻠﻪ ﻳﻮﻓﻘﻚ ﺍﺑﻨﻲ ﺷﺎﻳﻒ ﻛﻞ ﺍﻟﺨﻴﺮ ﺍﻥ ﺷﺎﺀﺍﻟﻠﻪ ..
_ ﺗﺴﻠﻢ ﻋﻤﻲ .
_ ﻳﻠﻠﻪ ﺍﻧﻲ ﺭﺍﻳﺢ ﻣﻤﺤﺘﺎﺝ ﺷﻲ ؟
_ ﻻ ﻋﻤﻲ ﺳﻼﻣﺘﻚ ﺍﻟﻠﻪ ﻭﻳﺎﻙ ﺍﻧﻲ ﻓﺎﻳﺖ ﺍﺳﻠﻢ ﻋﻠﻰ ﻋﻤﺘﻲ ﻭﺍﻟﺒﻨﺎﺕ ..
_ ﺍﻱ ﺗﻔﻀﻞ ﺟﻮﻩ ..
ﺭﺍﺡ ﻋﻤﻲ ﻭﺍﻧﻲ ﻓﺘﺖ ﺟﻮﻩ ﺳﻠﻤﺖ ﻋﻠﻰ ﻋﻤﺘﻲ ﻭﻃﻠﻌﺖ ﻣﺮﻳﻢ ﻫﻢ ﺳﻠﻤﺖ ﺳﺄﻟﺘﻬﺎ ﻋﻦ ﻋﺒﻴﺮ ﻛﺎﻟﺖ ﻫﺴﻪ ﺍﺷﻮﻓﻬﻊ ﻓﺎﺗﺖ ﺟﻮﻩ ﻭﻃﻠﻌﺖ ﻛﺎﻟﺖ ﻋﺒﻴﺮ ﻧﺎﻳﻤﺔ ..
_ ﻳﻠﻠﻪ ﺑﺮﺍﺣﺘﻬﺎ ..
ﺭﺟﻌﺖ ﻟﺒﻴﺘﻨﻪ ﺍﻻﻳﺎﻡ ﺍﻟﻲ ﺑﻌﺪﻫﺎ ﺣﺎﻭﻟﺖ ﺍﺗﻮﺍﺻﻞ ﻭﻳﺎ ﻋﺒﻴﺮ
ﺍﺗﺼﻠﺖ ﺑﻴﻬﺎ ﺍﻛﺜﺮ ﻣﻦ ﻣﺮﺓ ﻣﺎﺗﻠﻘﻴﺖ ﻣﻨﻬﺎ ﺍﻱ ﺟﻮﺍﺏ .. ﺍﺗﺼﻞ ﻭﻣﺎﺗﺮﺩ ، ﺗﺮﺩﺩﺕ ﻋﻠﻰ ﺑﻴﺘﻬﻢ ﺍﻛﺜﺮ ﻣﻦ ﻣﺮﺓ ﺍﺷﻮﻑ ﺍﻟﻜﻞ ﻭﻣﺎ ﺍﺷﻮﻓﻬﺎ ، ﻣﻠﻴﺖ ﻭﺍﻧﻲ ﺍﺳﺄﻝ ﻋﻨﻬﺎ .. ﻳﺤﺎﻭﺑﻮﻧﻲ ﻳﺎﻃﺎﻟﻌﺔ ﻭﻳﻪ ﻋﻤﻲ ﺍﻭ ﺍﺑﻴﺖ ﺧﺎﻟﺘﻬﺎ .. ﻭﺑﻜﻞ ﺍﻻﺣﻮﺍﻝ ﻣﺠﺎﻧﺖ ﺗﻄﻠﻊ ﺍﺷﻮﻓﻬﺎ ﺍﺑﺪ ..
ﻓﻜﺮﺕ ﻳﻤﻜﻦ ﻫﻲ ﻣﺘﺮﻳﺪ ﺗﺤﺠﻲ ﻭﻳﺎﻳﻪ ﺑﺲ ﺍﻧﻲ ﻣﺼﺮ ﻻﺯﻡ ﺍﻋﺮﻑ ﺷﺒﻴﻬﺎ ﻣﺎﺍﺭﻳﺪ ﺍﻓﻜﺮ ﻏﻴﺮ ﺗﻔﻜﻴﺮ ﻭﺍﻇﻠﻤﻬﺎ ..
ﻭﺭﺍﻫﺎ ﺑﺄﻳﺎﻡ ﻧﺰﻟﺖ ﻣﻦ ﺍﻟﺪﺭﺝ ﺑﻄﺮﻳﻘﺘﻲ ﺍﻟﻤﻌﺘﺎﺩﺓ
ﺗﺴﺮﺳﺤﺖ ﻣﻦ ﻓﻮﻙ ﺍﻟﻤﺠﺮ ﻟﻴﺠﻮﺓ
ﺻﺎﺭﺕ ﻛﺒﺎﻟﻲ ﺍﻣﻲ ﻇﻠﺖ ﺗﻔﺮ ﺑﺪﻳﻬﺎ ﻣﻌﺎﺟﺒﻬﺎ ﻫﻴﺞ ﺍﻧﺰﻝ ..
ﻛﺎﻟﺖ ﻣﻮ ﺭﺍﺡ ﺗﺼﻴﺮ ﺭﺟﺎﻝ ؟
ﺟﺎﻭﺑﺘﻬﺎ ﻟﻌﺪ ﺍﻧﻲ ﺷﻨﻮ ﻛﺪﺍﻣﺞ ﻫﺴﻪ ؟ ﺻﺪﻙ ﺟﺬﺏ ﺷﻮﻓﻲ ﻟﺤﻴﺘﻲ ﺑﺎﻋﻲ ﺷﻮﺍﺭﺑﻲ ﻭﻇﻠﻴﺖ ﺍﻟﺰﻡ ﻟﺤﻴﺘﻲ ﻭﺷﻮﺭﺑﻲ ..
_ ﻻ ﻫﺴﻪ ﺍﻧﺘﻪ ﻭﻟﺪ ﻣﻦ ﺗﺘﺰﻭﺝ ﺗﺼﻴﺮ ﺭﺟﺎﻝ ..
ﺿﺤﻜﺖ : ﺍﻱ ﻳﻮﻡ ﺷﻮﻛﺖ ﺍﻟﻤﺸﻴﺔ ﺧﺎﺑﺮﺗﻴﻬﻢ ﺍﺗﻔﻘﺘﻲ ﻭﻳﺎﻫﻢ ؟ ﻟﻮ ﺍﻟﻪ ﺍﺣﺠﻲ ﺍﻧﻲ ﻣﺤﺪ ﻣﻬﺘﻢ ﺍﻟﻲ ﻋﺒﺎﻟﻚ ﻣﻮ ﺍﺑﻦ ....
ﻗﺎﻃﻌﺘﻨﻲ : ﻻ ﺗﻈﻞ ﺗﻠﻐﻲ ﺣﺎﺟﻴﺘﻬﻢ ﻭﺍﺗﻔﻘﺖ ﻭﻳﺎﻫﻢ ﺑﺲ ﺑﺎﻗﻲ ﺗﻄﻠﻊ ﺍﻟﺴﺒﻌﺔ ﻣﺎﻟﺔ ﺻﻔﺎﺀ ..
_ ﻟﻴﺶ ﺑﻠﻠﻪ ..
_ ﻣﻴﺼﻴﺮ ﻳﻮﻡ ﻣﺤﺠﻮﺯ ﺗﺘﻀﺮﺭﻭﻥ ﺍﻧﺘﻮﺍ ﻭﻧﺴﻮﺍﻧﻜﻢ ..
_ ﺷﻬﺎﻟﺴﻮﺍﻟﻒ ﻫﺎﻱ ﻣﺎﻟﺔ ﺍﻟﻌﺠﺎﻳﺰ ﻳﻮﻡ ﺍﻧﻲ ﻣﺎ ﺍﻋﺘﺮﻑ ﺑﻴﻬﺎ ..
_ ﻣﺤﺪ ﻛﺎﻟﻚ ﺍﻋﺘﺮﻑ ﺑﻴﻬﺎ ﺍﺣﻨﻪ ﻧﻄﺒﻘﻬﻪ ..
ﺣﺠﺖ ﻫﻴﺞ ﻭﻋﺎﻓﺘﻨﻲ ﻭﺭﺍﺣﺖ ..
ﺣﺴﻴﺖ ﻃﻜﺖ ﺭﻭﺣﻲ ﻃﻠﻌﺖ ﺗﻠﻴﻔﻮﻧﻲ ﻭﺧﺎﺑﺮﺕ
ﺟﺎﻭﺑﻨﻲ ﺍﻟﻌﻴﻨﺘﻴﻦ ﺻﻔﺎﺀ ، ﻳﻤﻜﻦ ﺟﺎﻥ ﻧﺎﻳﻢ ﻻﻥ ﺣﺠﻪ ﻭﺻﻮﺗﻪ ﻣﺎﻝ ﻭﺍﺣﺪ ﻣﻄﻔﻲ
ﺳﻠﻤﺖ ﻋﻠﻴﻪ ﻫﻮ ﻇﻞ ﻳﻌﻠﺲ ﻫﺬﺍ ﻣﻦ ﻳﻜﻌﺪ ﻣﻦ ﺍﻟﻨﻮﻡ
ﻋﻘﻠﻪ ﻣﻀﺮﻭﺏ ﺟﻼﻕ ﺑﺎﻟﻜﻮﺓ ﻳﻤﻴﺰ ﻋﻄﺖ ﺑﻲ
_ ﺃﻛﻮﻟﻚ ﺍﻧﺖ ﺷﻮﻛﺖ ﺗﻄﻠﻊ ﺍﻟﺴﺒﻌﻪ ﻣﺎﻟﺘﻚ
_ ﻋﻜﺐ ﺑﺎﺟﺮ ﺷﻜﻮ ﺗﺴﺄﻝ
_ ﺍﺑﻦ ﺍﻟﻤﻄﻲ ﻣﻦ ﻭﺭﺍﻙ ﻣﺸﺘﻮﻝ ﺍﻻ ﺍﻧﺖ ﺗﺠﻲ ﻭﻳﺎﻧﻪ
ﻟﻠﺨﻄﻮﺑﻪ ﻋﻠﻰ ﺣﻮﺭﻙ ﺍﻧﺖ ﺍﺻﻼ ﻟﺘﺠﻲ ﺷﻨﻮ ﺍﻟﻤﺘﺤﺠﻲ
ﻣﺎﻟﺘﻨﺎ ﺍﻧﺖ ﻭﺍﻧﻲ ﻣﺎﺍﺩﺭﻱ
ﺻﻔﺎﺀ : ﻫﺎ ﻟﻚ ﺷﻔﺖ ﺷﻠﻮﻥ ﺍﻣﻮﺭﻙ ﻣﺘﻮﻗﻔﻪ
ﻋﻠﻴﻪ ﺗﺮﻯ ﻭﻋﻠﻲ ﺍﺫﺍ ﺗﻈﻞ ﺑﻠﺴﺎﻧﻚ ﺍﻟﺰﻓﺮ ﻫﺬﺍ ﺍﺳﻮﻳﻠﻲ
ﻣﻜﺴﻮﺭﺓ ﺑﻴﻚ ﻭﺍﺧﻠﻲ ﺧﻄﻮﺑﺘﻚ ﺗﻄﻮﻝ ﺑﻌﺪ ﺷﻬﺮ
ﺳﺪ ﺣﻠﻜﻚ ﻭﺍﻧﻠﺼﻢ ﺑﻼ ﻟﻐﻮﺓ
ﺍﺟﻪ ﻳﻔﺸﺮ ﻋﻠﻴﻪ ﻭﺍﻧﻲ ﺍﻋﺮﻑ ﻟﺴﺎﻧﻪ ﻣﻦ ﻳﻐﺮﺩ ﻭﺯﻫﺮﺍﺀ
ﻳﻤﻲ ﻣﺎﺭﻳﺪ ﺍﻓﺸﺮ ﻛﺪﺍﻣﻬﺎ ﺯﺣﻤﻪ ، ﺳﺪﻳﺘﻪ ﺑﻮﺟﻬﻪ ..
ﺭﻓﻌﺖ ﺟﺴﻤﻲ ﺑﺎﻭﻋﺖ ﺯﻫﺮﺍﺀ ﻣﺎﻛﻮ !!
ﺻﺤﺖ ﻋﻠﻴﻬﺎ ﺍﻛﺜﺮ ﻣﻦ ﻣﺮﺓ .. ﻣﺎﻛﻮ ﻣﺘﺠﺎﻭﺏ
ﺑﻘﻴﺖ ﺍﺗﺴﺎﺀﻝ ﻫﺎﻱ ﻭﻳﻦ ﺭﺍﺣﺖ ..
ﺑﺎﻭﻋﺖ ﻋﻠﻰ ﻣﻮﺑﺎﻳﻠﻬﺎ ﻳﻤﻲ ﻣﻌﻨﺎﻫﺎ ﺑﺎﻟﺒﻴﺖ
ﻟﻌﺪ ﻟﻴﺶ ﻣﺘﺠﺎﻭﺏ ؟ ..
ﺍﻧﺘﺒﻬﺖ ﻋﻠﻰ ﻣﻮﺑﺎﻳﻠﻬﺎ ﺩﻳﺪﻙ ، ﻣﺨﻠﻴﺘﻪ ﺻﺎﻣﺖ ﺑﺲ ﻳﻀﻮﻱ .. ﺑﻬﺎﻻﺛﻨﺎﺀ ﺍﻧﻔﺘﺤﺖ ﺍﻟﺒﺎﺏ ﻭ ﺩﺧﻠﺖ ﻟﻠﻐﺮﻓﻪ
ﺍﻧﺘﺒﻬﺖ ﻉ ﻣﻮﺑﺎﻳﻠﻬﺎ ﻭ ﺭﺍﺣﺖ ﻋﻠﻴﻪ ﺗﺮﻛﺾ ﻟﺰﻣﺘﻪ ﺑﻴﺪﻫﺎ ﻭﻇﻠﺖ ﺗﺒﺎﻭﻉ ﻟﻠﺸﺎﺷﺔ ﻭﻭﺟﻬﻪ ﻇﻞ ﻳﻀﺮﺏ ﺍﻟﻮﺍﻥ
ﻭﻧﻈﺮﺍﺗﻬﺎ ﻋﻠﻰ ﺷﺎﺷﺔ ﺍﻟﻔﻮﻥ ﻛﻠﻬﺎ ﺧﻮﻑ ﺍﺳﺘﻐﺮﺑﺖ ﺷﺒﻴﻬﺎ ؟ ..
ﺑﻘﻴﺖ ﺍﺑﺎﻭﻉ ﻋﻠﻴﻬﺎ ﻣﺮﺗﺒﻜﺔ ﻭﺍﺩﻳﻬﺎ ﺗﺮﺟﻒ ﺭﺟﻔﺔ ﺧﻔﻴﻔﺔ .. ﻫﻲ ﺍﻧﺘﺒﻬﺘﻠﻲ ﺑﺎﻭﻋﺖ ﻋﻠﻴﻪ ﺛﻮﺍﻧﻲ ﻭ ﺍﺟﺖ ﺗﻤﺸﻲ ﺑﺎﺗﺠﺎﻫﻲ ﻋﻠﻰ ﻛﻴﻒ ، ﺗﻨﻬﺪﺕ ﻭ ﻛﻌﺪﺕ ﻳﻤﻲ ﻋﻠﻰ ﺍﻟﺠﺮﺑﺎﻳﻪ ..
ﺩﻧﻜﺖ ﺗﺒﺎﻭﻉ ﻟﺘﻠﻴﻔﻮﻧﻬﺎ ﺛﻮﺍﻧﻲ ﻭﺍﻧﻲ ﺍﻧﺘﻈﺮ ﺗﻄﻠﻊ ﻣﻨﻬﺎ ﻛﻠﻤﺔ ، ﺭﻓﻌﺖ ﺭﺃﺳﻬﺎ ﺑﺎﻭﻋﺘﻠﻲ ﻣﺸﻔﺖ ﺑﻌﻴﻮﻧﻬﺎ
ﻧﻔﺲ ﺫﻳﺞ ﺍﻟﻨﻈﺮﺍﺕ ﺍﻟﻤﺮﺗﺒﻜﻪ ﻭﺍﻟﺨﺎﻳﻔﻪ ﺷﻔﺖ ﻏﻴﺮ
ﺯﻫﺮﺍﺀ ﻇﻠﺖ ﺻﺎﻓﻨﻪ ﺑﻮﺟﻬﻲ ﻟﺤﻈﺔ ..
ﻣﺎﺑﻴﻨﺖ ﺍﻱ ﺭﺩ ﻓﻌﻞ ﻭﺗﺼﺮﻓﺖ ﻃﺒﻴﻌﻲ ﺍﺭﻳﺪ ﺍﻋﺮﻑ ﺷﻨﻮ ﻋﺪﻫﺎ ، ﺧﺎﻑ ﺍﻛﻮﻟﻠﻬﺎ ﺷﻲ ﻭﺗﺨﺎﻑ ﻭﻣﺘﺤﺠﻲ .. ﻟﺬﻟﻚ ﺑﻘﻴﺖ ﻋﻠﻰ ﻃﺒﻴﻌﺘﻲ ..
ﻭﺍﺧﻴﺮﺍ ﺣﺠﺖ : ﺃﻛﻮﻟﻚ ﺻﻔﺎﺀ ﺍﻟﺒﺎﺭﺣﻪ ﺑﺎﻟﻠﻴﻞ ﺃﺗﺼﻞ ﺑﻴﻪ ﺭﻗﻢ ﻏﺮﻳﺐ ..
ﺣﺠﻴﺖ ﺑﻠﻬﻔﺔ : ﺃﻱ ﻛﻤﻠﻲ ..
_ ﺍﻧﻄﻴﻨﻲ ﻣﺠﺎﻝ ﻟﺘﻘﺎﻃﻌﻨﻲ
ﺃﺑﺘﺴﻤﺖ ﻻﻥ ﺩﺗﺤﺠﻲ ﻭﻳﺎﻳﻪ ﻧﺘﺮ ﻭﻣﻮ ﻋﺎﺟﺒﻬﺎ ﺃﺻﻼً
ﺗﺤﺠﻲ ﻭﻳﺎﻳﻪ .. ﺭﻓﻌﺖ ﺣﺎﺟﺒﻲ ﺍﻟﻬﺎ ﻭﺍﻧﻲ ﺳﺎﻛﺖ ..
ﻟﺰﻣﺖ ﻣﻮﺑﺎﻳﻠﻬﺎ ﻓﺘﺤﺖ ﺍﻟﺮﻣﺰ ﻭﻗﺪﻣﺘﻪ
ﺍﻟﻴﻪ ﺧﻠﺘﻪ ﺑﻴﺪﻱ ﻭﺣﺠﺖ : ﺃﺷﻮ ﻫﺬﺍ ﻋﺒﺎﻟﻚ ﻳﻌﺮﻓﻨﻲ ﺣﺘﻰ
ﻳﻌﺮﻑ ﺃﺳﻢ ﻣﺎﻣﺎ ﻭﺃﺧﻮﺍﺗﻲ ..
ﺃﺧﺬﺕ ﺍﻟﻤﻮﺑﺎﻳﻞ ﻣﻦ ﺃﻳﺪﻫﺎ : ﺍﺷﻮﻭ ﺟﻴﺒﻲ ﺑﻠﻠﻪ ﺍﺷﻮﻑ
ﺑﺎﻭﻋﺖ ﻟﻠﺘﻠﻴﻔﻮﻥ ﻭﻗﺮﻳﺖ ﺍﻟﺮﺳﺎﺋﻞ .. ﺍﺳﺘﻐﺮﺑﺖ ﺑﺎﻟﻔﻌﻞ ﺍﻟﻜﻼﻡ ﻣﺎﻝ ﻭﺍﺣﺪ ﻳﻌﺮﻓﻬﺎ ﻛﻼﻣﻪ ﺟﺎﻥ ﻋﺒﺎﺭﺓ ﻋﻦ ﺣﺐ ﻭﻭﺍﺣﺪ ﺧﺴﺮﺍﻥ ﺣﺒﻴﺒﻪ ، ﺃﺳﺘﻐﺮﺑﺖ ﺃﻧﻲ ﻟﻮ ﻣﺎﺍﻋﺮﻑ ﺯﻫﺮﺍﺀ ﺷﻨﻮ ﻣﻌﺪﻧﻬﺎ ﺟﺎﻥ ﻛﻠﺖ ﻋﺪﻫﺎ ﺣﺒﻴﺐ ﻭﺿﺮﺑﺘﻪ ﺑﻮﺭﻱ ..
ﺑﺲ ﺃﻋﺮﻑ ﻛﻮﻟﺶ ﺯﻳﻦ ﻫﻲ ﻓﺘﺤﺖ ﻋﻴﻮﻧﻬﺎ ﻋﻠﻴﻪ
ﺭﻓﻌﺖ ﺭﺍﺳﻲ ﻋﻠﻴﻬﺎ ﻟﻜﻴﺘﻬﺎ ﺩﺗﻨﺘﻈﺮ ﺭﺩﺓ ﻓﻌﻠﻲ
ﺭﻓﻌﺖ ﺣﻮﺍﺟﺒﻬﺎ : ﻫﺎ ﺷﺒﻴﻚ ﺷﻮ ﺻﻔﻨﺖ ﺗﺘﻮﻗﻊ ﻣﻨﻮ ﻫﺬﺍ؟
_ ﻣﺎ ﺍﺩﺭﻱ ﻭﻣﺎﺍﺭﻳﺪ ﺃﻇﻠﻢ ﺃﺣﺪ ﺑﺲ ﺳﻬﻠﻪ ﻫﺴﻪ ﺃﺧﺎﺑﺮ
ﺻﺪﻳﻘﻲ ﺍﺧﻮﻩ ﺿﺎﺑﻂ ﻭﺍﺧﻠﻲ ﻳﺸﻮﻑ ﺍﻟﺮﻗﻢ ﻣﺎﻝ ﻣﻨﻮ
ﻭﺭﻓﻌﺖ ﺗﻚ ﺣﺎﺟﺒﻲ
ﻫﻲ ﻛﺎﻣﺖ ﻣﻦ ﻳﻤﻲ : ﺃﻱ ﺯﻳﻦ ﻋﻮﺩ ﺭﺟﻌﻠﻲ ﺧﺒﺮ ﺩﻧﺸﻮﻑ ﻣﻨﻮ ﻫﺬﺍ ..
ﺗﺮﻛﺘﻨﻲ ﻭﺗﺮﻛﺖ ﻣﻮﺑﺎﻳﻠﻬﺎ ﻳﻤﻲ ﻭﻧﺰﻟﺖ
ﺍﺧﺬﺕ ﺗﻠﻴﻔﻮﻧﻲ ﻭﺧﺎﺑﺮﺕ ﺩﻛﺘﻮﺭ ﻭﻳﺎﻳﻪ ﻭﺍﻧﻄﻴﺘﻪ
ﺍﻟﺮﻗﻢ ﺍﻟﻐﺮﻳﺐ ..
ﻛﺎﻝ ﺳﻬﻠﺔ ﺗﺪﻟﻞ ..
ﺗﺸﻜﺮﺕ ﻣﻨﻪ .. ﻭﺑﻘﻴﺖ ﺍﻧﺘﻈﺮ ﻣﻨﻪ ﺧﺒﺮ ..
ﺑﻌﺪ ﺗﻘﺮﻳﺐ ٣ ﺳﺎﻋﺎﺕ ﺃﺗﺼﻞ ﺑﻴﻪ
ﺟﺎﻭﺑﺘﻪ ﺑﺴﺮﻋﺔ ﺍﺟﺎﻧﻲ ﺻﻮﺗﻪ ؛ ﺍﻟﺮﻗﻢ ﻣﺎ ﻣﺴﺠﻞ ﺑﺲ ﺣﺪﺩﻧﺎ ﻋﻨﻮﺍﻧﻪ ..
_ ﺗﻤﺎﻡ ..
ﺃﺧﺬﺕ ﺍﻟﻌﻨﻮﺍﻥ ﻣﻦ ﻋﻨﺪﻩ ﺻﻔﻨﺖ ﺣﺘﻰ ﻣﺎﻋﺪﻧﺎ ﺍﺣﺪ ﺑﻬﻴﺞ ﻣﻨﻄﻘﻪ ﻃﻠﻌﺖ ﺍﻟﺴﻴﻢ ﻛﺎﺭﺕ ﻛﺴﺮﺗﻪ ﻭﺷﻤﺮﺗﻪ ﺑﺎﻟﺰﺑﺎﻟﺔ ﻭﻧﺰﻟﺖ ﺟﻮﺓ ..
ﺩﻭﺭﺕ ﺯﻫﺮﺍﺀ ﻟﻜﻴﺘﻬﺎ ﺯﻫﺮﺍﺀ ﻣﺘﻤﺪﺩﻩ ﻉ ﺍﻟﻘﻨﻔﻪ ﺩﺗﺘﻔﺮﺝ ﻓﻠﻢ ﻟﻌﺒﺪ ﺍﻟﺤﻠﻴﻢ ، ﺑﺲ ﺣﺴﺖ ﺑﻴﻪ ﻗﺮﻳﺐ ﻣﻨﻬﺎ ، ﺑﺎﻭﻋﺘﻠﻲ ﻭﺭﺟﻌﺖ ﺗﺒﺎﻭﻉ ﻉ ﺍﻟﻔﻠﻢ ﻭﺗﺠﺎﻫﻠﺘﻨﻲ ..
ﺗﻘﺮﺑﺖ ﻋﻠﻴﻬﺎ ﻭﻭﻛﻔﺖ ﻳﻢ ﺍﻟﻘﻨﻔﺔ ، ﺭﺟﻌﺖ ﺑﺎﻭﻋﺘﻠﻲ
ﻭ ﺍﻓﺘﻬﻤﺖ ﺃﺭﻳﺪ ﺍﻛﻌﺪ ﻳﻤﻬﺎ .. ﻛﻌﺪﺕ ﻭﺗﻌﺪﻟﺖ ..
ﻛﻌﺪﺕ ﻳﻤﻬﺎ ﺍﺑﺎﻭﻉ ﻋﻠﻴﻬﺎ ﻭﻫﻲ ﺗﻨﺘﻈﺮ ﻣﻨﻲ ﺍﺣﺠﻲ ..
ﻛﺘﻠﻬﺎ : ﺯﻫﺮﺍﺀ ﻫﺬﺍ ﺍﻟﺮﻗﻢ ﻣﻤﻌﺮﻭﻑ ﻣﺎﻝ ﻣﻨﻮ ﺑﺲ ﻛﺪﺭﺕ
ﺃﻋﺮﻑ ﺍﻟﻌﻨﻮﺍﻥ ..
ﺑﺎﻭﻋﺘﻠﻲ ﻭﻣﻼﻣﺤﻬﺎ ﻛﻠﻬﺎ ﺷﻚ ﻋﺮﻓﺖ ﺗﺮﻳﺪ ﺗﺤﺠﻲ ﺷﻲ ﺑﺲ ﻣﺘﺮﺩﺩﺓ ﺍﻟﻲ ﺍﺟﻪ ﺍﺑﺎﻟﻲ ﺗﺮﻳﺪ ﺗﻜﻮﻟﻲ ﺃﺧﺘﻚ ﻟﻮ ﺯﻭﺟﻬﺎ
ﺩﺍﺭﺕ ﻭﺟﻬﻪ ﺣﺴﻴﺘﻬﺎ ﺩﺗﻔﻜﺮ ﺑﻌﺪﻳﻦ ﻛﺎﻟﺖ
: ﺍﻳﻴﻴﻲ ﻭﺷﻄﻠﻊ ؟ﻋﺮﻓﺘﻬﻢ ﻣﻨﻮ ؟
ﺟﺎﻭﺑﺘﻬﺎ : ﻣﺎﻃﻠﻊ ﺷﻲ ﺍﻟﺮﻗﻢ ﻛﺴﺮﺗﻪ ﻭﺷﻤﺮﺗﻪ ﻳﻮﻟﻲ
ﻭﻋﻮﺩ ﺍﺟﻴﺒﻠﺞ ﺧﻂ ﺟﺪﻳﺪ ﺍﻟﻴﻮﻡ ..
ﻛﺎﻣﺖ ﻋﻠﻰ ﺣﻴﻠﻬﺎ ﻣﻌﺼﺒﺔ ﻭﻇﻠﺖ ﺗﺤﺠﻲ ﺑﻨﺘﺮ ﻭﺻﻴﺎﺡ
_ ﺷﻨﻮ ﺧﻂ ﺟﺪﻳﻴﻴﻴﻴﺪ ؟؟ﻭﺍﺭﻗﺎﻣﻲ ؟؟ﺍﻧﺖ ﺷﻠﻮﻥ ﺗﻜﺴﺮ
ﺧﻄﻲ ﺑﺪﻭﻥ ﻣﺘﺤﺠﻲ؟؟ ﻣﻨﻮ ﺳﻤﺤﻠﻚ ؟؟ﻭﺍﺫﺍ ﺯﻭﺟﻲ
ﺷﺸﺎﻳﻒ ﻧﻔﺴﻚ ﺍﻧﺖ؟ ﻫﺎ ﺷﺸﺎﻳﻒ ﻧﻔﺴﻚ؟؟ ﺛﻢ ﻣﻨﻮ
ﻳﻜﻮﻝ ﻣﻮ ﺃﺣﺪ ﺍﻧﺖ ﺗﻌﺮﻓﻪ ﻭﻃﻤﻄﻤﺖ ﺍﻟﺴﺎﻟﻔﻪ ﺣﺘﻰ
ﻣﺎﺍﻋﺮﻑ ﺃﻧﻲ .. ﻳﻠﻪ ﺍﻋﺘﺮﻑ ﺍﺣﺠﻲ ؟؟
ﻳﺘﺒﻊ ..
ﻫﻼ ...😻 ﻃﺒﻌﺎ ﺟﻴﺖ ﺍﺧﻠﻲ ﺍﻟﺒﺎﺭﺕ ﻟﻠﺠﻤﻌﺔ ﺑﺲ ﺷﻔﺘﻜﻢ ﺗﻄﺎﻟﺒﻮﻥ ﻣﻜﺪﺭﺕ ﺍﺑﺪ ﻣﺎﺍﻧﺰﻟﻪ ﺍﻟﻴﻮﻡ ﺍﺣﺒﻜﻢ ﻣﻮ ﺑﻴﺪﻱ ﺭﻏﻢ ﺗﺤﺠﻮﻥ ﻋﻠﻴﻪ 😒ﺑﺲ ﺍﺣﺒﻜﻢ 😻
ﺍﻟﺨﺎﻃﺮﺓ ﺍﻟﻲ ﺑﺎﻟﺒﺪﺍﻳﺔ ﺩﺯﺍﻫﺎ ﺍﻟﺪﻛﺘﻮﺭ ﺻﻔﺎﺀ ﻟﻠﺒﺎﺭﺕ 🌹🌹
ﻭﺷﻮﻳﻪ ﺍﻋﺼﺎﺑﻜﻢ ﻏﻠﻂ ﻋﻠﻰ ﺍﻻﻫﻞ ﻣﺎﺭﻳﺪ ﺍﺑﺪ ﺍﺑﺪ ﺭﺟﺎﺀً ﺭﺟﺎﺀً 🌹
