#ﺷﺮﻳﻌﺔ_ﺍﻟﻌﺸﻖ
ﻧﻮﺭﺍ ﻧﺎﺻﺮ
#ﺑﺎﺭﺕ٥٣
ﺍﻧﺪﻛﺖ ﺍﻟﺒﺎﺏ ﻃﻠﻌﺖ ﻓﺘﺤﺘﻬﺎ ﺻﺎﺭﺕ ﺍﻡ ﺍﺳﺮﺍﺀ ﻣﻘﺎﺑﻴﻠﻲ ﺗﻔﺎﺟﺌﺖ ﺑﺠﻴﺘﻬﺎ ﻓﻨﺤﺖ ﻋﻴﻮﻧﻲ ، ﻫﻴﻪ ﺣﺘﻰ ﻣﺎﺳﻠﻤﺖ ﺭﻓﻌﺘﻠﻲ ﺗﻚ ﺣﺎﺟﺒﻬﺎ ﻭﺍﻳﺪﻫﺎ ﻋﻠﻰ ﺧﺼﺮﻫﺎ ﻭﺣﺠﺖ ﺑﻨﺘﺮ
_ ﺷﻜﻮﻭ ﺷﺒﻴﺞ ﻋﻴﻨﻲ ﻟﻮ ﻣﺘﻘﺒﻠﻴﻦ ﺍﺟﻲ ﻳﻢ ﺍﺧﺘﻲ ﺍﺷﻮﻓﻬﺎ ؟؟
ﺑﻌﺪﻧﻲ ﺩﺍ ﺍﺟﺎﻭﺑﻬﺎ ﺻﺎﺣﺖ ﻋﻤﻪ ﻣﻦ ﺑﺎﺏ ﺍﻻﺳﺘﻘﺒﺎﻝ
؛ ﺯﻫﺮﺍﺀ ﻣﻨﻮ ﺑﺎﻟﺒﺎﺏ ..
ﺩﻓﻌﺖ ﺍﻟﺒﺎﺏ ﻭﻃﺒﺖ ﺍﻧﻲ ﻋﻴﻨﻲ ﺍﻧﻲ ﺍﻡ ﺻﻔﺎﺀ ﺟﻴﺖ ﺩﺍﺍﺷﻮﻓﺞ ..
ﺗﻠﻜﺘﻬﺎ ﻋﻤﻪ ؛ ﻫﻼ ﻭﻣﺮﺣﺒﺎ ﺗﻌﺎﻟﻲ ﺧﻴﺘﻲ ﻓﻮﺗﻲ ﻣﺸﺘﺎﻗﺘﻠﺞ ﺷﻜﻮ ﻭﺍﻛﻔﺔ ﺑﺎﻟﺒﺎﺏ ..
ﻭﺑﺎﻭﻋﺘﻠﻲ ﻋﻤﻪ ﻭﺧﺰﺭﺗﻨﻲ ..
ﺗﻔﺎﺟﺌﺖ ﻭﺍﻡ ﺍﺳﺮﺍﺀ ﺗﺘﻠﻔﺖ ﻋﻠﻴﻪ ﻭﺗﺨﺰﺭ ﺑﻴﻪ ﺳﻮﻭﻥ ﻋﻠﻴﻪ ﻭﻟﻴﻪ ﺑﺎﻟﺨﺰﺭﺍﺕ ..
ﻃﺒﺖ ﺟﻮﻩ ﻫﻴﻪ ﻭﻋﻤﻪ ﺍﻭﻝ ﻣﻜﻌﺪﺕ ﺳﻤﻌﺖ ﺻﻮﺕ ﻫﻤﺎﻡ ﻳﺒﺠﻲ ، ﺻﻌﺪﺕ ﺍﺭﻛﺾ ﻧﺰﻟﺘﻪ ..
ﻟﻜﻴﺖ ﻋﻤﻪ ﺑﺎﻟﻤﻄﺒﺦ ﺩﺗﺤﻀﺮ ﺿﻴﻔﻪ ﻻﺧﺘﻬﺎ ..
ﺧﻠﻴﺖ ﻫﻤﺎﻡ ﺑﺎﻟﻜﺎﻉ ﻭﻛﺘﻠﻬﺎ ؛ ﻋﻨﺞ ﻋﻤﻪ ﺍﻧﻲ ﺍﺣﻀﺮﻟﻬﺎ ﺭﻭﺣﻲ ﻛﻌﺪﻱ ﻳﻤﻬﺎ ..
ﺍﻟﺘﻔﺘﺖ ﻋﻠﻴﻪ ﻛﺎﻟﺖ ﺗﺮﺓ ﻋﻴﺐ ﺻﻌﺪﺗﻲ ﻓﻮﻙ ﻭﺧﻠﻴﺘﻴﻬﺎ ﺣﺘﻰ ﻛﻼﺹ ﻣﻲ ﻣﺨﻠﻴﺘﻲ ﺑﻴﺪﻫﺎ ﺍﻧﺖ ﺷﻨﻮ ﻣﺎﺗﻨﺴﻴﻦ ﺗﺮﺓ ﺻﻔﺎﺀ ﺗﺰﻭﺝ ﻭﺍﺳﺮﺍﺀ ﻣﺘﺰﻭﺟﺔ .
_ ﻋﻤﻪ ﻟﻴﺶ ﺗﻈﻠﻤﻴﻨﻲ ﻭﺗﺴﻴﺌﻴﻦ ﺍﻟﻈﻦ ﺑﻴﻪ ﺗﺮﺓ ﺍﻧﻲ ﺻﻌﺪﺕ ﻻﻥ ﻫﻤﺎﻡ ﻳﺒﺠﻲ ﻭﺭﺣﺖ ﻧﺰﻟﺘﻪ ﺟﻮﻩ .
ﺑﺎﻭﻋﺖ ﻟﻬﻤﺎﻡ ﻭﻃﻠﻌﺖ ﻣﻦ ﺍﻟﻤﻄﺒﺦ ﻭﺍﻧﻲ ﺣﻀﺮﺕ ﺍﻟﻀﻴﻔﺔ ﻭﺭﺣﺖ ﻗﺪﻣﺘﻬﺎ ﺍﻟﻬﺎ ، ﻇﻠﺖ ﺗﺒﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻭﺑﻠﺸﺖ ﺗﺤﺠﻲ ..
_ ﺍﺧﺦ ﻳﺎ ﺍﻡ ﺻﻔﺎﺀ ﺍﺧﺦ ﺷﺤﺠﻴﻠﺞ ﺑﻠﻠﻪ ﻫﺴﻪ ﻭﺍﻟﻠﻪ ﻫﺬﺍ ﺛﺎﻧﻲ ﻃﻔﻞ ﺗﻮﻛﻌﻪ ﺍﺳﺮﺍﺀ ﺛﺎﺍﺍﻧﻲ ﻃﻔﻞ ..
ﻟﻄﻤﺖ ﻋﻤﻪ ﻋﻠﻰ ﺭﺟﻠﻬﺎ ؛ ﻳﺎ ﻋﺰﺍﺍﺍ ﺷﻠﻮﻥ ﺗﻮﻛﻌﻪ ﺑﺎﻟﻬﻪ ﺷﻠﻮﻭﻥ ؟
_ ﻭﺍﻟﻠﻪ ﺗﺸﻴﻞ ﺭﻭﺣﻬﺎ ﻭﺗﺮﻛﻌﻬﺎ ﻟﻮ ﺗﻈﻞ ﺗﻜﻤﺰ ﻭﺗﻮﻛﻌﻪ ﻣﺘﺨﺒﻠﺔ ﻣﺎﺗﺮﻳﺪ ﻃﻔﻞ ﻣﻨﻪ ﺗﻜﻮﻝ ﻣﺎﺭﻳﺪ ﻣﻨﻪ ﻃﻔﻞ ..
ﺭﻏﻢ ﻫﻮ ﻭﺭﺩﺓ ﻭﺩﺭﺓ ﻣﺎﻝ ﺍﻟﻠﻪ ﻭﺍﻟﻠﻪ ﺑﺲ ﺷﺴﻮﻳﻠﻬﺎ ﺑﻌﺪﻫﺎ ﻣﺎﺗﻜﺪﺭ ﺗﻨﺴﻰ ﺻﻔﺎﺀ ﺍﻟﻠﻪ ﻻﻳﻨﻄﻲ ﺍﻟﻲ ﺟﺎﻥ ﺍﻟﺴﺒﺐ ..
ﻭﻇﻠﺖ ﺗﺒﺎﻭﻋﻠﻲ ﻭﺍﻧﻲ ﻭﺍﻛﻔﺔ ﺍﺑﺎﺏ ﺍﻻﺳﺘﻘﺒﺎﻝ ..
ﻣﺎﺗﺤﻤﻠﺖ ﻭﺟﺎﻭﺑﺘﻬﺎ : ﺑﻨﺘﺞ ﻣﺘﺰﻭﺟﻪ ﻭﺻﻔﺎﺀ ﻫﻢ ﺗﺰﻭﺝ ﻭﺻﺎﺭ ﺃﺏ ﻣﺎﺍﻋﺘﻘﺪ ﺍﻛﻮ ﺩﺍﻋﻲ ﺗﺤﺠﻴﻦ ﺑﺸﻲ ﻣﺎﻟﻪ ﻣﻌﻨﻰ ﺃﻧﺘﻲ ﺟﺎﻳﻪ ﺧﻄﺎﺭ ﻟﻮ ﺟﺎﻳﻪ ﺗﺴﻮﻳﻦ ﻣﺸﺎﻛﻞ
ﻇﻠﻦ ﺍﺛﻨﻴﻨﻬﻦ ﻳﺨﺰﺭﻥ ﺑﻴﻪ ﻛﺎﻣﺖ ﺍﻡ ﺍﺳﺮﺍﺀ ...
ﻧﻌﻢ ﺍﻟﻠﻪ ﻋﻠﻴﺞ ﺳﻮﻳﺘﻴﻨﻲ ﺟﺎﻳﻪ ﺍﺳﻮﻱ ﻣﺸﺎﻛﻞ ﻟﻌﺪ ﺍﻧﻲ ﺭﺍﻳﺤﺔ ﺑﺲ ﺧﻠﻲ ﻳﻜﻮﻥ ﻋﻨﺪﺝ ﻋﻠﻢ ﺗﺮﺓ ﺍﻧﻲ ﺟﺎﻱ ﺍﺷﻮﻑ ﺍﺧﺘﻲ ﻭﺍﺷﻜﻴﻠﻬﺎ ﻣﺠﺎﻳﻪ ﺍﺳﻮﻱ ﻣﺸﺎﻛﻞ ..
ﻋﻀﻴﺖ ﺷﻔﺘﻲ ﻭﻓﺘﺨﺖ ﻋﻴﻮﻧﻲ ...
ﻃﻠﻌﺖ ﻭﻋﻤﻪ ﻭﺭﺍﻫﺎ ﺗﺘﻮﺳﻞ ﺑﻴﻬﺎ ﺗﺮﺟﻊ ..
ﻛﺎﻟﺘﻠﻬﺎ ﺗﻌﺎﻟﻲ ﻳﻤﻌﻮﺩﺓ ﻣﻌﻠﻴﺞ ﻣﻦ ﺍﻟﺤﺠﻲ ﺷﺒﻴﺞ ؟
ﺍﻟﺘﻔﺘﺖ ﻋﻠﻴﻬﺎ ﺍﻡ ﺍﺳﺮﺍﺀ ﻻ ﺍﻧﻲ ﻃﺎﻟﻌﻪ ﻭﻫﺎ ﺧﻠﻴﺖ ﺫﻳﺞ ﺍﻟﻌﻼﻛﺔ ﺑﻴﻬﺎ ﻃﺮﺷﻲ ﺍﻟﻜﻢ ﺳﻮﻳﺖ ﻭﺗﻨﻘﺼﺘﻪ ﺍﻟﻜﻢ ..
ﺟﺎﻭﺑﺘﻬﺎ ؛ ﻟﻴﺶ ﺗﻌﺒﺘﻲ ﻧﻔﺴﺞ ﻭﺗﺪﺭﻳﻦ ﺑﻴﻨﻪ ﺍﻧﻲ ﻭﺍﺑﻮ ﺣﺴﻴﻦ ﻣﻨﺎﻛﻞ ﺍﻟﻄﺮﺷﻲ ﻗﻮﻟﻮﻥ ﻭﺍﻟﻤﻌﺪﺓ ﺟﺎﻥ ﺧﻠﻴﺘﻲ ﺍﻟﻜﻢ .
_ ﺍﻱ ﺍﺩﺭﻱ ﻣﺘﺎﻛﻠﻮﻥ ﺧﻠﻮﺍ ﻟﺼﻔﺎﺀ ﻳﺤﺐ ﺍﻟﻄﺮﺷﻲ ﻣﺎﻟﺘﻲ
ﺭﺍﺣﺖ ﻋﻤﻪ ﻭﺻﻠﺘﻬﺎ ﻟﻠﺒﺎﺏ ﻭﺭﺟﻌﺖ ﺭﺯﻟﺘﻨﻲ ﺭﺯﺍﻟﺔ ﻣﻌﺪﻟﺔ ﻭﺗﺤﻠﻔﺖ ﺑﻴﻪ ﺑﺲ ﻳﺠﻲ ﺻﻔﺎﺀ ﺗﺸﻜﻴﻨﻲ ﻭ ﺩﺧﻠﺖ ﻟﻐﺮﻓﺘﻬﺎ ﺯﻋﻼﻧﻪ ..
ﺿﺠﺖ ﻭﺭﺣﺘﻠﻬﺎ ﺣﺎﺟﻴﺘﻬﺎ ﻣﺎﻗﺒﻠﺖ ﻭﻇﻠﺖ ﻣﺼﺮﺓ ﻉ ﺃﻧﻮ ﺑﺲ ﻳﺠﻲ ﺃﺑﻨﻬﺎ ﺗﻜﻮﻟﻪ ..
ﺭﺣﺖ ﺭﻳﻜﺖ ﻫﻤﺎﻡ ﻭﺑﻠﺸﺖ ﺍﺭﻳﺪ ﺍﻧﻈﻒ ﻭﻫﻮ ﻣﺎﻳﻜﻌﺪ ﺣﺮﺭﻙ ﻛﻮﻟﺶ .
ﺭﺣﺖ ﻟﻌﻤﻪ ﻟﻐﺮﻓﺘﻬﺎ ﻃﻠﺒﺖ ﻣﻨﻬﺎ ﺗﺨﻠﻲ ﻫﻤﺎﻡ ﻳﻤﻬﺎ ﺑﻴﻦ ﻣﺎﺍﻧﻈﻒ
ﺟﺎﻭﺑﺘﻨﻲ : ﻻ ﺃﻟﻲ ﺩﺧﻞ ﺑﻴﺞ ﻭﻻ ﺃﺑﻨﺞ ...
ﻛﻤﻠﺖ ﺗﻨﻈﻴﻒ ﻭﻫﻤﺎﻡ ﻛﻠﺴﺎﻉ ﻳﺴﻮﻳﻠﻪ ﺷﻐﻠﺔ
ﺍﺧﺮ ﺷﻲ ﺣﺒﺴﺘﻪ ﺑﺎﻟﺤﺠﻠﺔ ..
ﺭﺣﺖ ﻟﻠﻤﻄﺒﺦ ﺩﺍ ﺍﺳﻮﻱ ﻛﺒﺔ ﻣﺎﻟﻜﻴﺖ ﺯﻳﺖ ﻣﺨﻠﺺ
ﻃﻠﻌﺖ ﺗﻨﻜﺔ ﺩﻫﻦ ﺍﺭﻳﺪ ﺍﻓﺘﺢ ﺍﻟﻘﺒﻖ ﻣﺎﺗﻨﻔﺘﺢ
ﺍﺧﺬﺕ ﺳﺠﻴﻨﺔ ﻭﻛﺴﺮﺗﻬﺎ ﻭﻃﻠﻌﺖ ﻣﻨﻬﺎ ﺍﻟﺪﻫﻦ ﻭﺧﻠﻴﺘﻬﺎ ﺑﺎﻟﻜﺎﻉ ﻭﺭﺣﺖ ﻉ ﺍﻟﻄﺒﺎﺥ ﺍﺣﻤﺲ ﺣﺸﻮ ﻟﻠﻜﺒﺔ ﺩﺍﺍﺣﺸﻴﻬﺎ ..
ﻭﺍﻧﻲ ﻣﻠﺘﻬﻴﺔ ﻭﺟﺎﻥ ﺍﺳﻤﻊ ﻫﻤﺎﻡ ﻳﺼﺮﺥ ﺍﻟﺘﻔﺘﺖ ﻋﻠﻴﻪ
ﺍﻳﺪﻩ ﻛﻠﻬﺎ ﺩﻡ ﻣﺘﺘﺘﺖ ﻧﺸﻔﻒ ﺩﻣﻲ ﺭﻛﻀﺖ ﻟﺰﻣﺘﻪ ﻭﺷﻠﺘﻪ
ﻇﻞ ﺍﻟﺪﻡ ﻳﺘﺪﻓﻖ ﺑﺸﻜﻞ ﻣﺮﻋﺐ ﺍﻳﺪﻱ ﺗﺮﺟﻒ ﻣﺎﺍﻋﺮﻑ ﺷﺴﻮﻱ ﺗﻮﺟﻬﺖ ﻟﻠﻤﻐﺴﻠﺔ ﻏﺴﻠﺖ ﺍﻳﺪﻩ ﺍﻧﺘﺮﺳﺖ ﺍﻟﻤﻐﺴﻠﺔ
ﺩﻡ ..
ﺧﻠﻴﺘﻪ ﺑﺎﻟﻜﺎﻉ ﻳﻔﺮﻓﺮ ﺍﺣﺲ ﺣﻴﻮﻛﻊ ﻣﻦ ﺍﻳﺪﻱ ﻭﺟﺴﻤﻲ ﻛﻠﻪ ﻳﺮﺟﻒ ﺩﻭﺭﺕ ﺗﻠﻴﻔﻮﻧﻲ ﻛﻮﺓ ﻟﻜﻴﺘﻪ ﺧﺎﺑﺮﺕ ﺻﻔﺎﺀ ﻣﺎﻳﺮﺩ ﻣﺎﺗﻌﺒﺖ ﻧﻔﺴﻲ ﻭﺩﻛﻴﺖ ﻣﺮﺓ ﺛﺎﻧﻴﺔ ، ﺧﺎﺑﺮﺕ ﺑﺎﺑﺎ ﻭﻛﺘﻠﻪ ﺍﻟﺤﻚ ﺍﺑﻨﻲ ﺣﻴﻤﻮﻭﻭﺕ ..
ﺑﻌﺪﻧﻲ ﺩﺍﺳﺪ ﺍﻟﻤﻮﺑﺎﻳﻞ ﻃﻠﻌﺖ ﻋﻤﻪ ﻣﻦ ﻏﺮﻓﺘﻬﺎ ﻣﺼﺪﻭﻣﺔ
_ ﻫﺎﻱ ﺷﻜﻮ ﺷﺒﻴﺞ ﺗﻌﻴﻄﻴﻦ ؟
ﺷﺎﻓﺖ ﻫﻤﺎﻡ ﻓﺘﺤﺖ ﺣﻠﻜﻬﺎ ﻭﻟﻄﻤﺖ ﻉ ﺻﺪﺭﻫﺎ ﺍﺟﺖ ﺍﺧﺬﺗﻪ ﻣﻦ ﺍﻟﻜﺎﻉ ﻭﻟﺰﻣﺖ ﺍﻳﺪﻩ ﺍﻟﻤﺠﺮﻭﺣﺔ ﻭﻇﻠﺖ ﺗﺒﺎﻭﻋﻠﻬﺎ
ﻭﺗﺴﺄﻝ ﺑﻴﻪ ﻫﺎﻱ ﺷﻠﻮﻥ ﺻﺎﺭ ﺑﻲ ﻫﻴﺞ ؟ ﻏﻴﺮ ﺗﺪﻳﺮﻳﻦ ﺑﺎﻟﺞ ؟
ﺑﺎﻭﻋﺘﻠﻬﺎ ﻭﺍﺧﺬﺗﻪ ﻣﻨﻬﺎ : ﻫﺴﻪ ﺗﺎﺧﺬﻱ ﻣﻨﻲ ﻣﻦ ﻃﻠﺒﺘﺘﺖ ﻣﻨﺞ ﺗﻠﺰﻣﻲ ﻣﺎﻗﺒﻠﺘﻲ ﻫﺴﻪ ﻫﻴﺞ ﺃﺣﺴﻦ ﺧﻠﻲ ﺃﺧﺘﺞ ﺗﻔﻴﺪﺝ ..
ﺍﺧﺬﺗﻪ ﻣﻨﻬﺎ ﺑﺪﻭﻥ ﻣﺎﺍﺳﻤﻊ ﺍﻱ ﻛﻠﻤﺔ ﻭﻃﺮﺭﺕ ﺑﻲ ﻟﻠﺤﺪﻳﻘﺔ ﻻﻥ ﺳﻤﻌﺖ ﺻﻮﺕ ﺍﻟﺒﺎﺏ ﺍﻛﻴﺪ ﺑﺎﺑﺎ ﺍﺟﻪ ﻭﻫﻲ ﻇﻠﺖ ﺗﺪﺭﺩﻡ ﻭﺭﺍﻳﻪ ..
ﺩﺧﻞ ﺑﺎﺑﺎ ﺧﻄﻴﺔ ﻭﺟﻬﻪ ﻣﺨﻄﻮﻑ ﻭﻣﺎﻣﺎ ﻭﺭﺍﻩ ﻭﺍﺧﻮﺍﺗﻲ
ﻣﺎﻣﺎ ﺗﻠﻬﺚ ﻣﻴﺘﺔ ﺧﻮﻑ ﻭﻭﺟﻬﻪ ﺷﺤﺐ ﻭﺍﻳﺪﻫﺎ ﻋﻠﻰ ﻗﻠﺒﻬﺎ ..
ﺍﺧﺬ ﺑﺎﺑﺎ ﻫﻤﺎﻡ ﻣﻦ ﺃﻳﺪﻱ ﺭﻛﻀﺖ ﻟﺒﺴﺖ ﺑﺴﺮﻋﺔ ﻭﻧﺰﻟﺖ
ﻭﺭﺍﻩ ﻭﺍﺧﺬﻧﺎﻩ ﺑﺎﻟﺴﻴﺎﺭﺓ ، ﺑﺎﻟﻄﺮﻳﻖ ﺧﺎﺑﺮﻧﺎ ﺻﻔﺎﺀ
ﻭﻫﻨﺎﻙ ﺟﺎﻥ ﻳﻨﺘﻈﺮﻧﺎ ﺑﺎﻟﻄﻮﺍﺭﺉ ﻣﺎﻝ ﻣﺪﻳﻨﺔ ﺍﻟﻄﺐ ..
ﺑﺲ ﻭﺻﻠﻨﻪ ﺍﺧﺬﻩ ﻣﻦ ﻋﻨﺪ ﺑﺎﺑﺎ ﻭﺭﻛﺾ ﺑﻴﻪ ﻭﻫﻮ ﺣﺒﻴﺒﻲ ﺑﺲ ﻳﺼﺮﺥ ﻓﺤﺼﻪ ﺃﺑﻮﻩ
ﺑﺎﻭﻋﻠﻲ : ﻟﺘﺨﺎﻓﻴﻦ ﻣﺎﺑﻲ ﺷﻲ ﺑﺲ ﺍﻳﺪﻩ ﻣﺤﺘﺎﺟﺔ ﺧﻴﺎﻁ ﻫﺴﻪ ﻳﺨﻴﻄﻮﺍ ﻭﻫﺎﻱ ﻫﻲ ﺗﻔﺾ ﺍﻫﺪﺋﻲ ﺃﺑﻮﻳﻪ ﺃﻧﺘﻲ ﺷﺒﻴﺞ ﻭﺟﻬﺞ ﺍﺻﻔﺮ ﻋﻤﺮﻱ .
ﺍﺳﺘﻤﺮﻳﺖ ﺍﺑﺠﻲ ﻭﻗﻠﺒﻲ ﺍﺣﺴﻪ ﺣﻴﻄﻠﻊ ﻣﻦ ﻣﻜﺎﻧﻪ
ﻃﻠﻌﻨﻲ ﺑﺮﺍ ﻭﺩﺧﻞ ﻫﻤﺎﻡ ﺣﺘﻰ ﻳﺨﻴﻄﻮﻥ ﻛﻒ ﺍﻳﺪﻩ ﻃﻠﻌﻨﻲ ﻻﻥ ﻣﻴﺮﻳﺪﻧﻲ ﺍﺳﻤﻊ ﺻﻮﺕ ﺍﻟﺒﺠﻲ ﻭﺃﻧﻲ ﺍﺻﻼً ﺍﻧﺘﻬﻴﺖ ﺭﺟﻠﻴﻪ ﻣﺎﺍﻛﺪﺭ ﺍﻭﻛﻒ ﻋﻠﻴﻬﺎ ﺑﻌﺪ ..
ﻋﻠﻰ ﻣﺎ ﻛﻤﻠﻮﺍ ﺃﺣﺲ ﺭﻭﺣﻲ ﻃﻠﻌﺖ ، ﺍﻧﻄﺎﻧﻴﺎ ﺣﺒﻴﺒﻲ ﻣﺴﻨﺢ ﻭﻳﺸﻬﻚ ﻣﻦ ﻛﺪ ﺍﻟﺒﺠﻲ ..
ﺍﺧﺬﺗﻪ ﺍﺑﺠﻲ ﻭﻳﺎﻩ ﻭﺍﺩﻳﻪ ﺗﺮﺟﻒ ، ﺍﺧﺬﻩ ﻣﻨﻲ ﺑﺎﺑﺎ ﻭ ﺭﺟﻌﻨﺎ ﻟﻠﺒﻴﺖ ..
ﻋﻤﻪ ﻭﺟﻬﻪ ﺛﻜﻴﻞ ﻋﻠﻴﻪ ﻣﺎﺣﺎﺟﻴﺘﻬﺎ ﺍﺧﺬﺕ ﺃﺑﻨﻲ ﻏﻴﺮﺕ ﻣﻼﺑﺴﻪ ﻭﺭﺿﻌﺘﻪ ..
ﺑﻘﻴﺖ ﻣﺨﻠﻴﺘﻪ ﺑﺤﻀﻨﻲ ﻭﻛﺎﻋﺪﺓ ﻭﺑﻌﺪﻫﺎ ﺍﻟﺨﻮﻓﺔ ﺑﻴﻪ
ﻫﻮ ﻧﺎﻡ ﻋﻠﻰ ﺭﺟﻠﻲ ﻭﺍﻧﻲ ﺑﻘﻴﺖ ﺍﺑﺎﻭﻋﻠﻪ ﻭﺑﻌﺪﻩ ﺩﻣﻌﻲ ﻣﺎﻧﺸﻒ ﻋﻠﻴﻪ ..
ﺳﻮﺩﺓ ﻋﻠﻴﻪ ﻣﺎﻣﺎ ﻛﻠﻬﺎ ﻣﻨﻲ ﺍﻧﻲ ﺍﻟﺴﺒﺐ ﺍﻧﻲ ﻣﻬﻤﻠﺔ ﻟﻮ ﺷﺎﻳﻠﺔ ﺍﻟﺘﻨﻜﺔ ﻗﻠﺒﻲ ﺍﻋﻤﻰ ﺍﻣﺪﺍﻧﻲ ..
ﺃﺣﺲ ﺣﻴﻠﻲ ﺍﻧﻬﺪ ﻣﻦ ﺷﻔﺘﻪ ﺑﻬﻴﺞ ﻭﺿﻊ ﺷﻮﻳﻪ ﻭﺩﺧﻞ ﺻﻔﺎﺀ ﺑﺎﻭﻋﺘﻠﻪ ﻭﻋﻴﻮﻧﻲ ﻛﻠﻬﺎ ﺩﻣﻮﻉ ﻭﻗﻬﺮ ، ﺷﻬﻜﺖ ، ﺍﺟﻪ ﺍﺧﺬﻩ ﻣﻦ ﺣﻀﻨﻲ ﻭﻧﻮﻣﻪ ﺑﺴﺮﻳﺮﻩ .
ﺣﺎﺟﻴﺘﻪ ﺑﻨﺒﺮﺓ ﻛﻠﻬﺎ ﺑﺠﻲ ﺧﻠﻲ ﻳﻤﻲ ﺍﻧﻮﻣﻪ ..
ﻛﺎﻝ ﺍﺷﺶ ﻋﻮﻓﻲ ﻧﺎﻳﻢ ﺗﺄﺫﻯ ﺍﻟﻴﻮﻡ ﻭﺍﻧﺖ ﻫﻢ ﻣﺘﺄﺫﻳﺔ ﻭﺑﺠﻴﺘﻲ ﻫﻮﺍﻳﻪ ﺗﻤﺪﺩﻱ ﻭﺍﺭﺗﺎﺣﻲ ﻭﺑﺴﺮﻳﺮﻩ ﺃﻣﻦ ﺍﻟﻪ ﻻ ﺗﻨﻠﺠﻢ ﺍﻳﺪﻩ ..
ﺑﻘﻴﺖ ﻛﺎﻋﺪﺓ ﺍﺟﻪ ﻣﺪﺩﻧﻲ ﻭﻣﺪﺩ ﺑﺼﻔﻲ ﻭ ﻇﻞ ﻳﻤﺴﺪ ﺑﺸﻌﺮﻱ ﻭﻳﻬﻤﺴﻠﻲ ﻛﻼﻡ ﺣﻠﻮ ﻳﻼﻣﺲ ﺷﻐﺎﻑ ﻗﻠﺒﻲ
ﻏﻔﻴﺖ ﻉ ﻫﻤﺴﺎﺗﻪ ﻭﺑﻮﺳﺎﺗﻪ ...
ﺑﺎﻟﻠﻴﻞ ﻛﻌﺪﺕ ﻣﺸﻔﺘﻪ ﻳﻤﻲ ﻭﻻ ﺣﺘﻰ ﻫﻤﺎﻡ ﺣﺒﻴﺒﻲ ..
ﺗﻤﻄﻄﺖ ﻭﻛﻤﺖ ﻣﻦ ﺍﻟﻔﺮﺍﺵ ﻭﻧﺰﻟﺖ ..
ﺳﻤﻌﺖ ﺻﻮﺗﻬﻢ ﺑﺎﻟﻤﻄﺒﺦ ، ﺭﺣﺖ ﺷﻔﺖ ﺻﻔﺎﺀ ﺩﻳﺴﻮﻱ ﻋﺸﻪ ﻭﻋﻤﻮ ﻻﺯﻡ ﻫﻤﺎﻡ ﻭﻛﺎﻋﺪ ﻭﻋﻤﻪ ﻣﺎﻛﻮ ﻳﻤﻬﻢ ..
ﻋﻤﻮ ﻛﺎﻝ ﺣﻤﺪﻟﻠﻪ ﻋﻠﻰ ﺳﻼﻣﺔ ﻫﻤﺎﻡ ﻭﺳﺄﻟﻨﻲ ﺷﻠﻮﻥ ﺍﻧﺠﺮﺣﺖ ﺍﻳﺪﻩ ﻭﺳﻮﻟﻔﺘﻠﻪ ﺍﻟﻲ ﺻﺎﺭ ﻛﻠﻪ ..
ﺑﺎﻭﻋﺖ ﺻﻔﺎﺀ ﺩﻳﺎﻛﻞ ﻣﻦ ﺍﻟﻄﺮﺷﻲ ﻃﺒﺖ ﻋﻤﻪ ﺳﺄﻟﻬﺎ ﻣﻨﻴﻦ ﻫﺬﺍ ﺍﻟﻄﺮﺷﻲ ﺷﻜﺪ ﻃﻴﺐ ﻳﺸﺒﻪ ﻃﺮﺷﻲ ﺧﺎﻟﺘﻲ ..
ﺑﺴﺮﻋﺔ ﺍﺧﺬﺕ ﻣﻦ ﺍﻳﺪﻩ ﺧﻴﺎﺭ ﺟﺎﻥ ﺩﻳﺎﻛﻞ ﺑﻴﻬﺎ
ﻛﺘﻠﻪ ﻟﺘﺎﻛﻞ ﺧﺎﺍﺍﺍﻑ ..
ﺑﻌﺪﻧﻲ ﻣﻤﻜﻤﻠﺔ ﻭﻋﻤﻪ ﺍﻧﻬﺪﺕ ﺑﻴﻪ ..
ﺷﺠﺎﺝ ﻣﺎﺗﻜﻮﻟﻴﻠﻲ ﺷﻨﻮ ﻫﺎﻟﺴﻢ ﺍﻟﻌﻨﺪﺝ ﻫﺎﻱ ﻋﻮﺩ ﻫﺴﺘﻮﺝ ﻃﺎﻟﻌﻪ ﻣﻦ ﺍﻟﻤﺴﺘﺸﻔﻰ ﺑﺎﺑﻨﺞ ﺍﺣﻤﺪﻱ ﺍﻟﻠﻪ ﻭﺷﻜﺮﻳﻪ ﻣﻮ ﺗﺬﺑﻴﻦ ﺳﻢ ﻉ ﺍﻟﻌﺎﻟﻢ ..
ﺑﻘﻴﺖ ﻓﺎﻛﻪ ﺣﻠﻜﻲ ﻭﻋﻤﻮ ﻇﻞ ﻳﺤﺠﻲ ﻋﻠﻴﻬﺎ ....
ﻭﺻﻔﺎﺀ ﻭﻻ ﺗﺎﺏ ﺍﺳﺘﻤﺮ ﻳﺎﻛﻞ ﻭﺑﻴﻮﻣﻬﺎ ﻫﻮ ﺍﻟﻮﺣﻴﺪ ﺍﻟﻲ ﺍﻛﻞ ﻛﻮﻣﻪ ﻣﻨﻪ ﻭﻋﺒﺎﻟﻚ ﻣﺴﻮﻩ ﻣﺨﺼﻮﺹ ﺑﺲ ﺍﻟﻪ
ﻗﻠﺒﻲ ﻇﻞ ﻳﻠﻌﺐ ﻭﻣﺎﺍﺭﺗﺎﺣﻴﺖ ..
ﻳﻮﻡ ﺛﺎﻧﻲ .. ﺭﺟﻌﺖ ﻣﻦ ﺍﻟﺪﻭﺍﻡ ﻭﺍﻧﻲ ﺍﺧﻠﻲ ﻫﻤﺎﻡ ﻳﻢ ﻣﺎﻣﺎ ﺍﺫﺍ ﻋﺼﺮﻱ ﻭﺍﺫﺍ ﻣﺎﻣﺎ ﺻﺒﺎﺣﻲ ﻳﻢ ﻋﻤﻪ ﻣﺮﺍﺕ ﺍﻟﻠﻪ ﻫﺎﺩﻳﻬﺎ ..
ﻫﺎﻟﺴﻨﺔ ﺍﺧﺮ ﻣﺮﺣﻠﺔ ﺍﻟﻲ ﺍﺗﻤﻨﻰ ﺍﺗﺨﺮﺝ ﻭﺍﺧﻠﺺ ﻻﻥ ﺗﻌﺒﺖ ﻫﻮﺍﻳﻪ ﻭﻫﻤﺎﻡ ﻳﺮﺍﺩ ﺍﻟﻪ ﻛﻮﻣﻪ ﻣﺴﺆﺅﻟﻴﺔ ﻭﺍﻧﻘﻬﺮ ﻟﻤﻦ ﺍﺧﻠﻲ ﻭﺍﺭﻭﺡ ﻟﻠﺠﺎﻣﻌﺔ ..
ﺭﺟﻌﺖ ﻟﻠﺒﻴﺖ ﻟﻤﺤﺖ ﺭﺷﺎ ﻃﻠﻌﺖ ﻣﻦ ﺍﻟﺒﻴﺖ ﻭﺻﻌﺪﺕ ﺑﺴﻴﺎﺭﺓ ﻭﺭﺍﺣﺖ ، ﺑﺎﻭﻋﺖ ﺷﻔﺖ ﻋﻤﻪ ﻭﺍﻛﻔﺔ ﺑﺒﺎﺏ ﺍﻟﺒﻴﺖ ..
ﺑﻴﻮﻣﻬﺎ ﺟﻨﺖ ﻣﺨﻠﻴﻪ ﻫﻤﺎﻡ ﻳﻢ ﻣﺎﻣﺎ ﻭﻣﺮﻳﻢ ﻭﻋﻨﺪﻱ ﺍﻣﺘﺤﺎﻥ ﻣﻜﺪﺭﺕ ﺍﻏﻴﺐ ﻋﻤﻮﺩ ﺍﻳﺪﻩ ..
ﺭﺣﺖ ﺍﺧﺬﺗﻪ ﻣﻦ ﺑﻴﺖ ﺍﻫﻠﻲ ﻭﺭﺟﻌﺖ ﻟﺒﻴﺘﻨﺎ ، ﺷﻔﺖ ﻋﻤﻪ ﻣﻨﺘﻈﺮﺗﻨﻲ ﺑﺎﻟﻜﺮﺍﺝ ﺑﺲ ﺷﺎﻓﺘﻨﻲ ﺗﻠﻜﺘﻨﻲ ﺍﺧﺬﺕ ﻫﻤﺎﻡ ﻣﻦ ﺍﻳﺪﻱ ﻭﻇﻠﺖ ﺗﺤﺎﺟﻲ ، ﺻﻔﻨﺖ ﻋﻠﻰ ﺗﻐﻴﻴﺮﻫﺎ ﺍﻟﺒﺎﺭﺣﺔ ﺟﺎﻧﺖ ﺗﺮﺯﻝ ﺑﻴﻪ ﻭﻣﺘﺸﺒﻊ ﻭﻫﺴﻪ ﻣﺪﺭﻱ ﺷﻮﻥ ﺍﻭﺻﻔﻬﺎ ﺻﺪﻣﺘﻨﻲ ..
ﺩﺧﻠﺖ ﻟﻠﺒﻴﺖ ﺟﻴﺖ ﺍﺧﺬ ﻫﻤﺎﻡ ﻣﻨﻬﺎ ﻛﺎﻟﺖ ﺻﻌﺪﻱ ﺑﺪﻟﻲ ﻭﺍﺭﺗﺎﺣﻲ ﺧﻠﻲ ﻳﻤﻲ ..
ﺻﻌﺪﺕ ﺑﺪﻟﺖ ﻭﻣﺼﺪﻭﻣﺔ ﻣﻨﻬﺎ ﺻﺎﺭ ﻫﻮﺍﻱ ﻣﻤﻌﺎﻣﻠﺘﻨﻲ ﻫﻴﺞ ﻣﻌﺎﻣﻠﺔ ﺍﺻﻼ ﺍﺷﺘﺎﻗﻴﺖ ﻟﺘﻌﺎﻣﻠﻬﺎ ﺍﻟﻘﺪﻳﻢ ﻭﻳﺎﻳﻪ
ﻣﺪﺭﻱ ﻟﻴﺶ ﺍﻟﺒﺸﺮ ﻳﺘﻐﻴﺮ ﻭﻣﺎﻳﺒﻘﻰ ﻋﻠﻰ ﺣﺎﻟﻪ ..
ﻧﺰﻟﺖ ﺩﺍﺍﺻﺐ ﻏﺪﻩ ﺍﺟﺖ ﻳﻤﻲ ﻭﺑﻴﺪﻫﺎ ﻫﻤﺎﻡ ..
ﻛﺎﻟﺖ ﺍﻛﻮﻟﺞ ﺷﻔﺘﻲ ﺭﺷﺎ ﻃﻠﻌﺖ ﻣﻨﺎ ﻣﻮﻭ ؟
ﻫﺰﻳﺖ ﺭﺍﺳﻲ ﻭﻛﻠﺖ ﺷﻌﻠﻴﻪ ﺑﻴﻬﺎ ..
ﻛﺎﻟﺖ ﺍﻱ ﺣﺒﺎﺑﺔ ﻋﻤﺞ ﻳﻜﻠﺐ ﺍﻟﺪﻧﻴﺎ ﺍﺫﺍ ﻋﺮﻑ ﻫﻴﻪ ﺟﺎﻧﺖ ﻫﻨﺎ ..
ﺍﻟﺘﻔﺘﺖ ﻋﻠﻴﻪ ﻧﺼﻒ ﺍﻟﻠﺘﻔﺎﺗﺔ ؛ ﻋﻤﻪ ﺍﻧﻲ ﻣﻮ ﻣﺜﻞ ﻣﺘﺘﺼﻮﺭﻳﻦ ﻭﺍﻟﻠﻪ ﻣﺎﺩﻭﺭ ﻣﺸﺎﻛﻞ ﻭﻻ ﺍﺣﺐ ﺍﻭﻛﻊ ﻧﻔﺴﻲ ﺑﻴﻬﺎ ﺩﻭﻡ ﻣﺒﺘﻌﺪﺓ ﻋﻨﻬﺎ ..
ﻫﺰﺕ ﺭﺍﺳﻬﺎ ﻭﺳﻜﺖ ﺗﺒﺎﻭﻉ ﻟﻬﻤﺎﻡ ﻭﺗﻀﺤﻜﻪ ..
ﻭﺭﺍﻫﺎ ﺑﻔﺘﺮﺓ ﺻﻔﺎﺀ ﻃﻠﺐ ﻳﻠﺒﺲ ﻗﻤﻴﺼﻪ ﺍﻟﻨﻴﻠﻲ
ﻛﺎﻝ ﺍﻛﻮﻟﺞ ﺍﺷﻮ ﻗﻤﻴﺼﻲ ﺍﻟﻨﻴﻠﻲ ﺻﺎﺭ ﺷﻜﺪ ﻣﺎﻻﺑﺴﻪ ﻭﻳﻨﻪ ﺑﺎﻟﻠﻪ ﻃﻠﻌﻲ ﺍﻟﻲ ..
ﺩﻭﺭﺕ ﺍﻟﻜﻨﺘﻮﺭ ﺧﺒﺼﺘﻪ ﺧﺒﺺ ﻣﻠﻜﻴﺘﺔ ..
ﻋﺒﻴﺮ : ﻗﺪﻣﺖ ﻛﻠﻴﺔ ﻭﺑﻌﺪ ﻓﺘﺮﺓ ﻃﻠﻌﺖ ﺍﻟﻘﺒﻮﻻﺕ ﻃﻠﻌﺘﻠﻲ ﻛﻠﻴﺔ ﻗﺎﻧﻮﻥ ﻭﻫﻢ ﻻﻥ ﺑﺎﺑﺎ ﺩﻛﺘﻮﺭ ﺑﻴﻬﺎ ﺭﺣﺖ ﻟﻠﻜﻠﻴﺔ ﻋﻠﻤﻮﺩ ﺍﻟﺘﺴﺠﻴﻞ ﺭﺣﺖ ﺃﻧﻲ ﻭﺑﺎﺑﺎ ﺳﺠﻠﺖ ﻭﺑﻌﺪﻫﺎ ﺭﺟﻌﺖ ﻟﻠﺒﻴﺖ ﻃﺒﻌﺎً ﺟﺎﻧﺖ ﺍﻫﻢ ﺷﺮﻭﻁ ﺍﻟﻮﺍﻟﺪ ﺃﻧﻮ ﻻﺯﻡ ﻣﺤﺪ ﻳﻌﺮﻑ ﺍﻧﻲ ﺑﻨﺘﻪ ﺣﺘﻰ ﺍﻟﻄﻼﺏ ﻣﻴﺴﻤﻌﻮﻧﻲ ﻛﻼﻡ ﻭﺍﻧﻮ ﻧﺠﺤﺖ ﺑﺰﻭﺩ ﺍﺑﻮﻫﺎ ﻭﺍﻻﺳﺌﻠﺔ ﻋﺪﻫﺎ ﻭﻣﻦ ﻫﺎﻟﻜﻼﻡ ..
ﻭﺭﻓﺾ ﺣﺘﻰ ﻳﻌﺮﻑ ﺍﻻﺳﺎﺗﺬﺓ ﻋﻠﻴﻪ ﺣﺘﻰ ﺧﺎﻑ ﺍﺭﺳﺐ ﻋﺪﻫﻢ ﻣﻴﺴﺎﻋﺪﻭﻧﻲ ﻋﻠﻤﻮﺩ ﺑﺎﺑﺎ
ﺑﻌﺪ ﺃﺳﺒﻮﻋﻴﻦ ﺩﺍﻭﻣﺖ ﺷﻌﺒﺘﻲ ﺟﺎﻧﺖ ﺃﻏﻠﺒﻬﺎ ﻭﻟﺪ ﻣﻦ ﺍﻟﺠﻨﻮﺏ ﻭﺍﻛﺜﺮ ﺷﻲ ﻣﻦ ﺍﻟﻨﺎﺻﺮﻳﺔ ﻭﺍﻟﺤﻠﺔ ﻭﺍﻻﻧﺒﺎﺭ ﺃﻧﻲ ﺟﻨﺖ ﺑﺎﻟﻤﺮﺣﻠﺔ ﺍﻻﻭﻟﻰ ﻣﻤﺤﺠﺒﺔ ﻭﻣﻘﺘﻨﻌﻪ ﺃﻧﻮ ﺍﻟﺤﺠﺎﺏ ﺣﺠﺎﺏ ﺍﻟﻨﻔﺲ ﻣﻮ ﺷﺮﻁ ﺃﻏﻄﻲ ﺷﻌﺮﻱ ﻭﺍﻧﻲ ﻛﻠﻲ ﻣﻌﺎﺻﻲ ﺍﻛﻮ ﻫﻮﺍﻱ ﻣﺤﺠﺒﺎﺕ ﻭﻫﻢ ﻻﻳﺼﻠﻮﻥ ﻭﻻ ﻋﺪﻫﻢ ﺍﻋﻤﺎﻝ ﺑﻴﻬﺎ ﺧﻴﺮ ﻭﻻ ﺳﻤﻌﺘﻬﻢ ﺯﻳﻨﻪ ﻭﺍﻟﻌﻜﺲ ﺻﺤﻴﺢ ..
ﻻﺣﻈﺖ ﺃﻛﻮ ﻭﻟﺪ ﻣﻦ ﺍﻟﻔﻠﻮﺟﻪ ﻫﻮ ﺃﺳﻤﺮ ﺣﻴﻞ ﺑﺲ ﺟﺴﻤﻪ ﻳﺠﻨﻦ ﻭﻋﻴﻮﻧﻪ ﺧﻀﺮ ﻫﺬﺍ ﻃﻮﻝ ﺍﻟﻤﺤﺎﺿﺮﺍﺕ ﻫﻮ ﺻﺎﻓﻦ ﺑﻮﺟﻬﻲ
ﺍﻟﺪﻛﺘﻮﺭ ﺍﻧﺘﺒﻪ ﻋﻠﻴﻪ
ﻭﻛﺎﻟﻪ : ﺃﺳﺎﻣﺔ ﺭﻛﺰ ﻭﻳﺎﻳﻪ
ﻭﻫﻮ ﻣﺎﺍﻫﺘﻢ ﻟﻠﺪﻛﺘﻮﺭ ﺍﻛﻮ ﻭﻟﺪ ﻛﺎﻋﺪ ﺑﺼﻔﻪ ﺃﺳﻤﻪ ﻣﻴﺜﺎﻕ ﻫﺬﺍ ﻳﻤﺸﻲ ﻭﻳﺤﺸﺶ ﺍﻧﺘﺒﻪ ﻉ ﻧﻈﺮﺓ ﺍﺳﺎﻣﺔ ﺍﻟﻲ ..
ﻫﻤﺴﻠﻪ ﺑﺼﻮﺕ ﻣﺴﻤﻮﻉ : ﻋﻴﻨﻚ ﻭﻳﻦ ﻉ ﺍﻟﺼﺒﻮﺭﺓ ﺃﻛﻌﺪ ﺯﻳﻦ ﻣﺜﻞ ﺍﻟﺼﻮﺭﺓ
ﺑﺎﻟﻨﻬﺎﻳﺔ ﺍﺛﻨﻴﻨﻬﻢ ﺍﻧﻄﺮﺩﻭﺍ ﻣﻦ ﺍﻟﻤﺤﺎﺿﺮﺓ ﻭﺍﻟﻜﻞ ﻇﻞ ﻳﻀﺤﻚ ﻋﻠﻴﻬﻢ ..
ﺃﺳﺎﻣﺔ ﺷﺎﺏ ﺛﺮﻱ ﻭﺍﻏﻠﺐ ﺑﻨﺎﺕ ﺍﻟﻜﻠﻴﺔ ﻳﺘﻤﻨﻮﻧﺎ ﺳﻴﺎﺭﺗﻪ ﺃﺧﺮ ﻣﻮﺩﻳﻞ ﻭﻟﺒﺴﻪ ﻛﺬﻟﻚ ﻭﻋﻄﺮ ﻳﺠﻴﺐ ﺍﻟﺘﺎﻳﻪ ﻭﻣﻊ ﺫﻟﻚ ﺟﻨﺖ ﻣﺎﺍﻫﺘﻢ ﺃﻟﻪ ﻭﻻ ﺍﺑﺎﻭﻋﻠﻪ ﺑﻨﻈﺮﺓ
ﻟﺒﺴﻲ ﺃﻧﻲ ﻫﻢ ﺟﺎﻥ ﺍﺭﻗﻰ ﺷﻲ ﺑﺒﻨﺎﺕ ﺍﻟﻘﺴﻢ ﻭﺍﻏﻠﺐ ﺍﻟﻮﻟﺪ ﺟﺎﻧﻮﺍ ﻳﺘﻤﻨﻮﻥ ﺃﺣﺠﻲ ﻭﻳﺎﻫﻢ ﺑﺲ ﺃﻧﻲ ﺟﺎﻧﺖ ﻋﻨﺪﻱ ﺻﺪﻳﻘﻪ ﻭﺣﺪﻩ ﺑﻴﺘﻬﻢ ﺑﺎﻟﻤﻨﺼﻮﺭ ﺃﺳﻤﻬﺎ ﺯﻣﻦ ﻫﺎﻱ ﻭﺣﻴﺪﺓ ﺃﻫﻠﻬﺎ ﻭﻋﻠﻴﻬﺎ ﻏﺮﻭﺭ ﻣﺎﺷﻴﻠﺘﻪ ﺑﻨﻴﺔ ﺑﺤﻴﺚ ﻣﻦ ﻧﻤﺸﻲ ﺳﻮﺍ ﺟﻨﺎ ﻧﺴﻤﻊ ﻛﻼﻡ ﺍﻟﻮﻟﺪ ﻭﺍﻟﺒﻨﺎﺕ
( ﺫﻧﻲ ﺷﻜﺪ ﻣﻐﺮﻭﺭﺍﺕ ﻭﺫﻧﻲ ﺷﻜﺪ ﻣﺘﻜﺒﺮﺍﺕ ﻭﺷﺎﻳﻔﺎﺕ ﻧﻔﺴﻬﻦ )
ﻫﺬﺍ ﺍﻟﻜﻼﻡ ﺗﻌﻮﺩﻧﺎ ﻧﺴﻤﻌﻨﺎ ﻳﻮﻣﻴﺔ ﻋﺒﺎﻟﻚ ﻣﺤﺎﺿﺮﺓ ﺍﺣﻨﻪ ﻣﻮ ﻣﻐﺮﻭﺭﺍﺕ ﺑﺲ ﻫﻢ ﻧﻄﺎﻗﻬﻢ ﺿﻴﻖ ﻋﺪﻫﻢ ﺍﻟﺒﻨﻴﺔ ﺍﺫﺍ ﻣﺸﺖ ﻭﻳﺎ ﻭﻟﺪ ﻣﻌﻨﺎﻫﺎ ﻛﺒﻞ ﺫﻭﻟﻪ
ﻃﻠﻌﺖ ﻣﻦ ﺍﻟﺪﻭﺍﻡ ﺑﺎﻭﻋﺖ ﺍﻟﺨﻂ ﺟﺎﻥ ﻣﻤﻮﺟﻮﺩ ﻇﻠﻴﺖ ﺍﻟﺘﻔﺖ ﻭﺟﺎﻥ ﺍﺷﻮﻑ ﻗﺴﻮﺭ ﺑﺎﻟﺒﺪﻟﺔ ﺍﻟﻌﺴﻜﺮﻳﺔ ﻭﻻﺑﺲ ﻧﻈﺎﺭﺍﺗﻪ ﻭﻣﻨﺘﺠﻲ ﻉ ﺑﻨﻴﺪ ﺍﻟﺴﻴﺎﺭﺓ ...
ﻣﻦ ﺷﺎﻓﻨﻲ ﻧﺰﻉ ﺍﻟﻨﻈﺎﺭﺍﺕ ﻭ ﺭﻓﻌﻠﻲ ﺣﺎﺟﺐ ﻭﺍﺑﺘﺴﻢ
ﻏﻠﺐ ﻋﻠﻰ ﻣﻼﻣﺤﻪ ﺍﻟﺸﻮﻕ ﻭﺍﻟﻠﻬﻔﺔ ...
ﻣﺎﺍﺑﺪﻳﺖ ﺍﻱ ﺭﺩ ﻓﻌﻞ ﺍﺑﺪ ، ﻭﻻ ﺣﺘﻰ ﺍﺑﺘﺴﻤﺖ ..
ﺍﺗﻤﺸﻴﺖ ﺍﻟﻪ ﺑﺒﺮﻭﺩ ﻭ ﻭﻛﻔﺖ ﻛﺒﺎﻟﻪ ﺳﻠﻤﺖ ﻋﻠﻴﻪ ﺍﺑﺎﻭﻋﻠﻪ ﺑﻨﻈﺮﺍﺕ ﺑﺎﺭﺩﺓ ..
ﻭﺭﻩ ﻣﺎﺳﻠﻤﻨﻪ ﻋﻠﻰ ﺑﻌﺾ ﺳﺄﻟﺘﻪ ؛ ﺷﺠﺎﺑﻚ ﻗﺴﻮﺭ ﻫﻨﺎﻧﻪ ؟
ﺿﺤﻜﻠﻲ ﻛﺎﻝ : ﺗﺮﻯ ﺍﻟﺨﻂ ﺃﻧﻲ ﺳﺮﺣﺘﻪ ﺑﺲ ﻭﺍﻟﻠﻪ ﻣﺰﻋﺞ ﺑﺎﻟﻜﻮﺓ ﻳﻼ ﺗﺪﻋﺒﻞ ﺍﺷﺘﻌﻠﻮﺍ ﺍﻫﻠﻪ
_ ﺍﻧﺖ ﻣﻨﻮ ﺳﻤﺤﻠﻚ ﺗﻄﺮﺩﻩ؟
_ ﺷﻮﻓﻲ ﻭﻟﺞ ﻻﺗﺒﻴﻌﻴﻬﻦ ﻋﻠﻴﻪ ﺍﺩﺭﻱ ﺑﻴﺞ ﻓﺮﺣﺘﻲ ﻣﻦ ﺷﻔﺘﻴﻨﻲ ﻳﻼ ﺃﺻﻌﺪﻱ ﺍﻭﺻﻠﺞ ﻋﻨﺪﻱ ﺣﺠﻲ ﻭﻳﺎﺝ
_ ﻳﺎﺍﺍ ﻛﻞ ﻋﻘﻠﻚ ﺃﺻﻌﺪ ﻭﻳﺎﻙ ﻫﺴﻪ ﺃﺍﺟﺮ ﺗﻜﺴﻲ ﻭﺍﺭﻭﺡ ﻟﻠﺒﻴﺖ ...
_ ﺃﻛﺴﺮ ﺭﺟﻠﻴﺞ ﻏﻴﺮ ؟؟ ( ﺣﺠﺎﻫﺎ ﻭﻫﻮ ﻳﻀﺤﻚ )
ﻛﻤﻞ ﻛﻼﻣﻪ ؛ ﺃﺻﻌﺪﻱ ﺑﺪﺍﻋﺔ ﺃﻣﺞ ﻭﺍﻟﻠﻪ ﻫﺴﻪ ﺍﺟﻴﺖ ﻣﻦ ﺍﻟﺪﻭﺍﻡ ﻭﺑﻮﺟﻬﻲ ﻋﻠﻴﺞ ﻭﺍﻟﻨﺒﻲ ﻣﺸﺘﺎﻗﻠﺞ ﻛﺪ ﺭﺣﻤﺔ ﺍﻟﻠﻪ ﻛﺪ ﺗﻌﺐ ﺍﻟﺒﻴﺔ ﻭﺍﻟﻠﻪ ..
ﺳﻜﺘﺖ ﻣﺠﺎﻭﺑﺘﻪ ﻭﺑﺲ ﻇﻠﻴﺖ ﺍﺑﺎﻭﻉ ﻉ ﺍﻟﺸﺎﺭﻉ
ﻣﺎﻛﻮ ﻭﻻﺳﻴﺎﺭﺓ ﻭﺍﻟﻄﻼﺏ ﺑﺪﻭﺃ ﻳﻘﻠﻮﻥ ﻻﻥ ﺑﺪﺃ ﺍﻟﺪﻭﺍﻡ ﺍﻟﻤﺴﺎﺋﻲ ...
ﺍﺿﻄﺮﻳﺖ ﺍﺻﻌﺪ ﻭﻳﺎﻩ ، ﺣﺮﻙ ﺍﻟﺴﻴﺎﺭﺓ ﺷﻮﻳﺔ ﻭﻭﻛﻒ ﻳﻢ
ﺳﻮﺑﺮ ﻣﺎﺭﻛﺖ ﻗﺮﻳﺐ ﻋﻠﻰ ﺍﻟﻜﻠﻴﺔ .
ﻧﺰﻝ ﻣﻦ ﺍﻟﺴﻴﺎﺭﺓ ﻭﺭﺟﻌﻮ ﺍﻧﻄﺎﻧﻲ ﻋﻼﻛﺔ ..
ﻓﺘﺤﺘﻬﺎ ﺑﻴﻬﺎ ﻧﺴﺘﻠﻪ ﻭﻋﺼﻴﺮ ...
ﻛﺘﻠﻪ ﺷﻨﻮ ﻫﺎﻱ ؟
ﻛﺎﻝ ﺃﻋﺮﻑ ﺑﻴﺞ ﺣﻘﻴﺮﺓ ﻭﻣﺎﺭﺍﺡ ﺗﻨﺰﻟﻴﻦ ﻭﻳﺎﻳﻪ ﻧﺘﻐﺪﺍ ﺟﺒﺘﻠﺞ ﺫﻧﻲ ﺧﺎﻑ ﻳﻨﺰﻝ ﺿﻐﻄﺞ ..
ﺭﻓﻌﺘﻠﻪ ﺗﻚ ﺣﺎﺟﺐ ﻭﻭﻳﺎﻫﻪ ﺍﺑﺘﺴﺎﻣﺔ ..
ﻃﻠﻌﺖ ﺗﻠﻴﻔﻮﻧﻲ ﺧﺎﺑﺮﺕ ﺑﺎﺑﺎ ﻭﻛﻠﺘﻠﻪ ﺣﺮﺟﻊ ﻭﻳﺎ ﻗﺴﻮﺭ ﻻﻥ ﺍﻟﺨﻂ ﻣﺎﺍﺟﻪ
ﺑﺎﻟﻄﺮﻳﻖ ﻭﻛﺎﻟﻌﺎﺩﺓ ﺍﺯﺩﺣﺎﻣﺎﺕ ﺑﻐﺪﺍﺩ ﻭﺧﺼﻮﺻﺎ ﻭﻗﺖ ﺍﻧﺘﻬﺎﺀ ﺍﻟﺪﻭﺍﻡ ﺷﻐﻠﻪ ﻣﻴﺘﺴﻮﻟﻒ ﺑﻴﻬﺎ ﺍﺻﻼً ﺍﻻﺯﺩﺣﺎﻡ ﺩﻣﺎﺍﺭ ﺃﻧﻲ ﺑﺪﻳﺖ ﺍﻋﺼﺐ ﻭﻫﻮ ﻭﻻ ﻣﻬﺘﻢ ﻳﺒﺎﻭﻋﻠﻲ ﻣﺒﺘﺴﻢ ﺑﺎﺳﺘﻤﺘﺎﻉ ..
ﺍﻟﺘﻔﺘﻠﻲ ﺑﺎﻭﻋﻠﻲ ﺩﺭﺕ ﻋﻠﻴﻪ ﺍﻟﺘﻘﺖ ﻧﻈﺮﺍﺗﻨﺎ ، ﻧﻈﺮﺍﺗﻪ ﺗﺸﻊ ﺣﺐ ﺍﻋﺠﺎﺏ ﻭﻟﻬﻔﺔ ..
ﻛﺎﻝ : ﺳﺎﻣﻌﺔ ﺍﻏﻨﻴﺔ ﻳﺎ ﻟﻴﻞ ﻃﻮﻝ ﺷﻮﻳﻪ
_ ﺍﻱ ﺳﺎﻣﻌﺘﻬﺎ ﺑﺲ ﻟﻴﺶ؟
_ ﻫﺴﻪ ﺃﻧﻲ ﺍﻛﻮﻝ ﻳﺎ ﺍﺯﺩﺣﺎﻡ ﻃﻮﻝ ﺷﻮﻳﻪ ﻉ ﺍﻟﺌﻌﺪﺓ ﺍﻟﺤﻠﻮﺓ ﺩﻳﻪ
ﺿﺤﻜﺖ : ﺍﻱ ﻣﻜﻠﺖ ﺷﺘﺮﻳﺪ ﻟﻴﺶ ﺍﺟﻴﺖ؟
_ ﻋﺒﻴﺮ ﻣﺎ ﻏﻴﺮﺗﻲ ﺭﺃﻳﺞ ﻭﻟﺞ ﺻﺎﺭ ﺳﻨﺔ ﻭﻛﺴﻮﺭ ﻟﺨﺎﻃﺮ ﺭﺑﺞ ﻟﻮ ﺣﺠﺮ ﻫﻢ ﺟﺎﻥ ﺣﻦ ﺣﺴﻲ ﺑﻴﻪ ﻭﻟﺞ ﻣﺎﺍﺷﻮﻑ ﻏﻴﺮﺝ ﻭﺍﻟﻘﺮﺃﻥ ﺣﺘﻰ ﺍﻟﺒﻴﺖ ﻫﺠﺮﺗﻪ ﻋﻠﻤﻮﺩﺝ ﺍﺭﺿﻲ ﺑﻴﻪ ﻭﻋﻠﻲ ﺍﻟﻜﺮﺍﺭ ﺍﻣﺸﻴﺞ ﻉ ﺍﻟﻮﺭﺩ ، ﻋﺒﻴﺮ ﺃﻧﺘﻲ ﻋﻨﺪﻱ ﺷﻲ ﻏﺎﻟﻲ ﻣﻴﺘﻘﺪﺭ ﻻﺑﺜﻤﻦ ﻭﻻ ﺑﺄﻱ ﺷﻲ ﺣﺒﺞ ﻳﺠﺮﻱ ﺑﺪﻣﻲ
ﻇﻠﻴﺖ ﺳﺎﻛﺘﻪ ﺭﻓﻌﺖ ﺍﻳﺪﻱ ﻟﻮﺟﻬﻲ ﺧﻠﻴﺖ ﺍﻳﺪﻱ ﺟﻮﻩ ﺧﺪﻱ ﻋﻴﻮﻧﻲ ﻟﻴﻜﺪﺍﻡ ﻭﺗﻨﻬﺪﺕ ﺑﻀﻴﻖ ﻣﺠﺎﻭﺑﺘﻪ ﻫﻮ ﺗﺤﺴﺮ : ﺯﻳﻦ ﺑﺲ ﻛﻮﻟﻴﻠﻲ ﻟﻴﺶ ﺷﺎﻳﻔﺘﻨﻲ ﻣﻮ ﺧﻮﺵ ﺍﺩﻣﻲ ﺍﺣﺠﻲ ﻛﻮﻟﻲ ﻭﺍﻟﻠﻪ ﻣﺎﺍﺿﻮﺝ ﻭﻟﺞ ﻭﺻﻠﺖ ﻟﻤﺮﺣﻠﺔ ﺣﺘﻰ ﺑﺼﻼﺗﻲ ﺍﺗﺬﻛﺮﺝ ﻭﺍﺧﺮﺑﻂ ﻭﺍﺭﺟﻊ ﺍﻋﻴﺪﻫﺎ ﺃﻧﻲ ﺍﻟﺠﻨﺖ ﺑﺎﻟﺼﻼﺓ ﺍﻏﻤﺾ ﺣﺘﻰ ﺍﺭﻛﺰ ﺑﻴﻪ
ﺗﺎﻟﻲ ﻫﻴﺞ ﻳﺼﻴﺮ ﻭﻳﺎﻳﻪ
ﺟﺎﻭﺑﺘﻪ ﺑﺄﺻﺮﺍﺭ ؛ ﻗﺴﻮﺭ ﻣﺎﻛﻮ ﻧﺼﻴﺐ ﺷﻨﻮ ﻫﻲ ﻛﻮﺓ ﺷﻮﻑ ﺣﻴﺎﺗﻚ ﻳﺎﺍﺧﻲ
ﻋﺎﻁ ﺑﻴﻪ : ﻟﺘﻜﻮﻭﻭﻭﻟﻴﻦ ﺍﺧﻲ ﻟﺠﺠﺠﺠﺞ ﻭﻣﺤﻤﺪ ﺗﺮﻯ ﺃﺑﺘﻠﻲ ﺑﻴﺞ ..
ﺑﺎﻭﻋﺘﻠﻪ ﺑﻐﻀﺐ ﻭﺧﺰﺭﺗﻪ ﻭﻫﻮ ﺩﺍﺭ ﻭﺟﻬﻪ ﻭﺍﻟﻄﺮﻳﻖ ﻛﻠﻪ ﻳﺪﻋﻲ ﻉ ﻧﻔﺴﻪ ﮔﻠﺒﻲ ﻭﺟﻌﻨﻲ ﻣﻦ ﺩﻋﺎﺋﻪ ﺑﺲ ﺍﻟﺘﺰﻣﺖ ﺍﻟﺴﻜﻮﺕ ..
ﻭﻧﺒﻀﺎﺕ ﻗﻠﺒﻲ ﺗﺘﺴﺎﺭﻉ ﺻﺎﺭ ﻣﺜﻞ ﺑﺮﻛﺎﻥ ﻋﻠﻰ ﻭﺷﻚ ﺍﻻﻧﻔﺠﺎﺭ ...
ﻣﺎﺗﺤﻤﻠﺘﻪ ﻋﻄﺖ ﺑﻲ ﻛﺎﺍﺍﻓﻲ ﻗﺴﻮﺭﺭﺭﺭ ﻛﺎﺍﻓﻲ ﻭﺍﺩﻳﻪ ﻋﻠﻰ ﺍﺫﺍﻧﻲ .. ﻭﻇﻠﻴﺖ ﺍﺑﺠﻲ ﺑﺤﺮﻛﺔ ﻭﺍﻧﻬﺎﺍﺭﻳﺖ ﺍﻋﻴﻂ .
ﻭﻛﻒ ﺍﻟﺴﻴﺎﺭﺓ ﺑﺴﺮﻋﺔ ﺭﻛﻨﻬﺎ ﻭﺩﺍﺭ ﻋﻠﻴﻪ ﻣﺼﺪﻭﻡ
ﻋﺒﻴﺮ ﻋﺒﻴﺮ ﺷﺒﻴﺞ ﻋﺒﻴﻴﻴﺮ ..
ﻇﻞ ﻳﺠﺮ ﺑﻴﻪ ﻣﻦ ﺯﻧﺪﻱ ، ﻧﻔﻀﺖ ﺍﻳﺪﻱ ﻣﻨﻪ ﻭﺍﻟﺘﻔﺘﺖ ﻋﻠﻴﻪ ﻣﻌﺼﺒﺔ ﻭﻋﻴﻮﻧﻲ ﺟﻤﺮ ؛ ﻭﺩﻳﻨﻲ ﻟﻠﺒﻴﺖ ﻭﻣﺎﺍﺭﻳﺪ ﺍﺳﻤﻊ ﺻﻮﺗﻚ ﻭﺍﺫﺍ ﺣﺠﻴﺖ ﺍﺷﻤﺮ ﻧﻔﺴﻲ ﻭﺍﻟﻠﻪ ﻟﻮ ﻫﺴﻪ ﺍﻧﺰﻝ ..
ﻛﺎﻝ ﺑﻬﺪﻭﺀ ﻣﺎﻳﻌﻜﺲ ﺩﻭﺍﺧﻠﻪ ؛ ﺻﺎﺭ ﺻﺎﺭ ﺑﺲ ﺍﻫﺪﻱ ..
ﺩﺭﺟﺖ ﻭﺟﻬﻲ ﻣﻨﻪ ﻭﻫﻮ ﺣﺮﻙ ﺍﻟﺴﻴﺎﺭﺓ .. ﻭﺻﻠﻨﻲ ﻟﻠﺒﻴﺖ ﺩﺍﺍﻧﺰﻝ ﺗﺮﺩﺩﺕ ﻭﺩﺭﺕ ﻋﻠﻴﻪ .. ﺣﺒﺎﺏ ﻗﺴﻮﺭ ﺑﻌﺪ ﻟﺘﻌﻴﺪﻫﺎ ؟
ﺷﻨﻮﻭ ﻣﺎﺍﻋﻴﺪﻫﺎ ﻣﺎﺍﺟﻲ ﻋﻠﻴﺞ ﻟﻠﻜﻠﻴﺔ ﻣﻮﻭ ؟
ﺟﺎﻥ ﻗﺼﺪﻱ ﻣﻴﺪﻋﻲ ﻋﻠﻰ ﻧﻔﺴﻪ ﺑﺲ ﺭﺩﺗﻪ ﻳﺄﻳﺲ ﻣﻨﻲ
ﻛﺘﻠﻪ ﺍﻳﻴﻴﻲ ﻭﻧﺰﻟﺖ ﺑﺴﺮﻋﺔ ﻣﻦ ﺳﻴﺎﺭﺗﻪ ..
ﺻﻌﺪﺕ ﺑﺪﻟﺖ ﻭﻧﺰﻟﺖ ﺍﻛﻠﺖ ﺭﺣﺖ ﺷﻔﺖ ﻣﺎﻣﺎ ﻻﻥ ﺧﺎﺑﺮﺗﻨﻲ ﺍﻟﺼﺒﺢ ﺟﺎﻥ ﺻﻮﺗﻬﺎ ﺗﻌﺒﺎﻥ ..
ﺩﺧﻠﺖ ﻟﻠﻐﺮﻓﻪ ﻃﺒﻌﺎً ﺑﺎﺑﺎ ﺑﺎﻟﺪﻭﺍﻡ ﻻﻥ ﻋﻨﺪﻩ ﻣﺤﺎﺿﺮﺗﻴﻦ ﺑﺎﻟﻤﺴﺎﺋﻲ ..
ﺷﻔﺘﻬﺎ ﺣﺒﻴﺒﺘﻲ ﻭﺟﻬﻪ ﺃﺻﻔﺮ ﻭﺗﻌﺒﺎﻧﻪ ﻭﻣﺮﻳﻢ ﻧﺎﻳﻤﺔ ﻳﻢ ﺭﺟﻠﻴﻬﺎ ﺍﻟﻈﺎﻫﺮ ﺟﺎﻧﺖ ﺗﻔﺮﻙ ﺑﺮﺟﻞ ﻣﺎﻣﺎ ﻭﻏﺎﻓﻴﺔ
ﻛﻌﺪﺗﻬﺎ ﺻﻌﺪﺕ ﻟﻐﺮﻓﺘﻬﺎ ﻭﺍﻧﻲ ﻛﻌﺪﺕ ﻳﻢ ﺃﻣﻲ ﻇﻠﻴﺖ ﺃﺗﻠﻤﺲ ﺑﻮﺟﻬﻪ ﺣﺴﺖ ﻋﻠﻴﻪ ﺃﺑﺘﺴﻤﺘﻠﻲ ﻭﺍﻧﻲ ﺩﺧﻠﺖ ﻭﻳﺎﻫﺎ ﺑﺎﻟﻔﺮﺍﺵ ﺣﻀﻨﺘﻬﺎ ﻭﻛﻤﺖ ﺃﺑﺠﻲ
ﻟﺰﻣﺖ ﻭﺟﻬﻲ ﺑﺄﺛﻨﻴﻦ ﺍﺩﻳﻬﺎ : ﺷﺒﻴﺞ ﺑﻨﺘﻲ ﻟﻴﺶ ﺗﺒﺠﻴﻦ
_ ﻣﺎﻣﺎ ﺃﻧﺘﻲ ﺗﻌﺒﺎﻧﻪ ﻓﺪﻭﻭﺓ ﻛﻮﻟﻴﻠﻲ ﺷﻨﻮ ﺃﺳﻮﻳﻠﺞ ﻭﻳﺮﻭﺡ ﺍﻟﺘﻌﺐ ﻭﺍﻟﻤﺮﺽ ﻣﻨﺞ ﻭﺍﻟﻠﻪ ﻟﻮ ﺑﻴﺪﻱ ﺃﺷﻴﻞ ﻣﺮﺿﺞ ﻭﺍﺧﻠﻴﻪ ﺑﻴﻪ ﻣﺘﺘﺼﻮﺭﻳﻦ ﺷﻜﺪ ﺃﺗﻌﺬﺏ ﻣﻦ ﺍﺷﻮﻓﺞ ﻫﻴﺞ
ﺑﺎﺳﺘﻨﻲ : ﺷﺒﻴﺞ ﻋﺒﻮﺭﺓ ﻗﺎﺑﻞ ﺟﺪﻳﺪﺓ ﻋﻠﻴﺞ ﺃﻧﻲ ﻫﺴﻪ ﺷﻮﻳﻪ ﻭﺃﺻﻴﺮ ﺯﻳﻨﻪ ﻟﻴﺶ ﺍﻟﺒﺠﻲ ﻣﻦ ﺷﻮﻛﺖ ﺃﻧﺘﻲ ﺃﻡ ﺩﻣﻴﻌﻪ ﻭﺍﻧﻲ ﺍﻛﻮﻝ ﻋﻠﻴﺞ ﻗﻮﻳﺔ
_ ﺍﻱ ﻳﻮﻡ ﺑﺲ ﺍﻟﻘﻮﺓ ﻣﻮ ﺑﻜﻞ ﻭﻗﺖ ﺍﻛﻮ ﺳﺎﻋﺎﺕ ﻧﻀﻌﻒ ﻛﺪﺍﻡ ﺍﻟﻲ ﻧﺤﺒﻬﻢ ﻭﺍﻧﻲ ﺿﻌﻴﻔﻪ ﻛﺪﺍﻣﺞ ﺃﻣﻲ ﺣﺒﺎﺑﻪ ﺻﻴﺮﻱ ﺯﻳﻨﻪ ﺃﺫﺍ ﺻﺎﺭ ﺷﻲ ﻋﻠﻴﺞ ﺍﻣﻮﻭﻭﻭﺕ ﻭﺍﻟﻠﻪ ﻣﺎﺍﺗﺤﻤﻞ
ﺣﻀﻨﺘﻨﻲ ﻭﺷﺪﺩﺕ ﺣﻀﻨﺘﻬﺎ ﻭﺑﺎﺳﺖ ﺭﺃﺳﻲ ﺻﺤﻴﻨﺎ ﻉ ﺻﻮﺕ ﺑﺎﺑﺎ ﻭﻫﻮ ﻳﻀﺤﻚ ﻭﻳﺤﺠﻲ : ﻫﺎﻱ ﺷﻨﻮ ﻋﻴﻮﻧﻲ ﺳﻮﺳﻦ ﺍﺷﻮ ﺣﺎﺿﻨﻪ ﻏﻴﺮﻱ ﺗﺮﻯ ﺍﻏﺎﺍﺍﺭ ﺃﻧﻲ ﻭﻣﻴﺔ ﻣﺮﺓ ﻛﺎﻳﻠﺞ ﺍﻏﺎﺭ ﻣﻦ ﺑﻨﺘﺞ
ﺑﺎﻭﻋﻠﻲ ﻭﺣﺠﻪ : ﻳﻼ ﻛﻮﻣﻲ ﻭﻟﺞ ﺷﻠﻮﻥ ﺻﻠﻔﻪ ﺣﺎﺿﻨﻪ ﺍﻣﻬﺎ ﻭﻧﺎﻳﻤﻪ ﻳﻼ ﺑﺮﺍ
ﻃﻠﻌﺖ ﻭﺍﻧﻲ ﺍﺿﺤﻚ ﻉ ﺑﺎﺑﺎ ﻛﻞ ﻋﻘﻠﻪ ﺻﺎﺭ ﻋﺼﺒﻲ .....
....
ﺯﻫﺮﺍﺀ .. ﺑﻨﻔﺲ ﺍﻻﺳﺒﻮﻉ ﻛﻌﺪﺕ ﻣﻦ ﺍﻟﻨﻮﻡ ﻭﺟﺎﻥ ﻳﻮﻡ ﺟﻤﻌﺔ ﺩﻭﺍﻡ ﻣﺎﻛﻮ ﺗﺄﺧﺮﺕ ﺑﻨﻮﻣﺘﻲ ﻛﻌﺪﺕ ﻋﻠﻰ ﺻﻮﺕ ﻋﻤﻪ ﻣﺨﺒﻮﺻﺔ ﻭﺗﺒﺠﻲ ﻧﺰﻟﺖ ﺍﺭﻛﺾ ﺷﻔﺖ ﺻﻔﺎﺀ ﻭﺍﻛﻒ ﻳﻤﻬﺎ ﻭﺍﻳﺪﻩ ﻋﻠﻰ ﺣﻠﻜﻪ ﻭﻣﺒﻴﻦ ﺿﺎﻳﺞ ..
ﺭﻛﻀﺖ ﻋﻠﻴﻬﻢ ﺳﺄﻟﺖ ﺑﻔﺰﺯﻉ ﺷﻜﻮ ﺷﺼﺎﻳﺮ ؟
ﺑﺎﻭﻋﺘﻠﻲ ﻋﻤﻪ ﻭﺟﺎﻭﺑﺘﻨﻲ ؛ ﺍﺳﺮﺍﺀ ﺑﻨﺖ ﺍﺧﺘﻲ ﺗﻌﺰﺕ ﻭﺗﻠﻄﻤﺖ ﺯﻭﺟﻬﺎ ﺟﺎﻱ ﻣﻦ ﻭﺣﺪﺗﻪ ﺑﺪﻳﺎﻟﻰ ، ﻏﺪﺭﻭﺍ ﺑﺎﻟﻄﺮﻳﻖ ﻭﻛﺘﻠﻮﺍ ﻫﻮ ﻭﺟﻤﺎﻋﺘﻪ ﺳﻮﺩﺓ ﻋﻠﻴﻪ ﻭﻫﺴﻪ ﺍﻧﻲ ﺭﺍﻳﺤﺔ ﻟﻠﻌﺰﺍﺀ ﻣﺎﻟﺘﻪ ..
ﺍﻧﺼﺪﻣﺖ ﺧﻠﻴﺖ ﺍﻳﺪ ﻋﻠﻰ ﺣﻠﻜﻲ ﻭﺍﻟﻠﺦ ﻋﻠﻰ ﺻﺪﺭﻱ ﻣﻔﺰﻭﻋﺔ ﻭﺟﻌﻨﻲ ﻗﻠﺒﻲ ﻋﺒﺎﻟﻚ ﺍﻧﻀﺮﺑﺖ ﺑﺴﺠﻴﻦ ، ﺭﻏﻢ ﻣﺎﺍ ﺍﻋﺮﻓﻪ ﻭﻣﻤﻌﺎﺷﺮﺗﻪ ﺑﺲ ﺍﻟﺨﺒﺮ ﺻﺪﻣﻨﻲ ﻭﻋﺒﺎﻟﻚ ﺍﺣﺴﺎﺳﻲ ﺍﻧﺒﺄﻧﻲ ﻣﻘﺪﻣﺎ ﺑﺄﻧﻪ ﺍﻛﺜﺮ ﻭﺣﺪﺓ ﺭﺍﺡ ﺗﺘﻀﺮﺭ ﻣﻦ ﻫﺬﺍ ﺍﻟﺤﺪﺙ ﻫﻴﻪ ﺃﻧﻲ ..
ﻳﺘﺒﻊ
