# ﺷﺮﻳﻌﺔ ﺍﻟﻌﺸﻖ
ﺑﺎﺭﺕ ٣٤
ﻧﻮﺭﺍ ﻧﺎﺻﺮ
ﺃﻧﺴﺘﻲ ﺍﻟﻌَﺰﻳﺰﺓ ﻳﺎ ﺫﺍﺕ ﺍﻟﻌُﻴﻮﻥ ﺍﻟﺴَﺮﻣﺪﻳﺔ ﻛُﺘِﺐَ ﻋﻠﻲّ ﺍﻟﻌﺬﺍﺏ ﺑِﺠﻤﺎﻝ ﻋﻴﻨﻴﻚِ ﻛﻤﺎ ﻛُﺘِﺐ ﺍﻟﺤُﺰﻥ ﻋﻠﻰ ﻛُﻞِّ ﻋﺮﺍﻗﻲ .
؛
ﻣﺎ ﺍﻥ ﺍﺧﺘﺮﻕ ﺻﻮﺗﻬﺎ ﺍﺳﻤﺎﻋﻲ ، ﺣﺴﻴﺖ ﺑﻘﻠﺒﻲ ﻳﻌﻠﻦ ﻋﻦ ﺍﻧﻘﺒﺎﺿﺔ ﻗﺎﺳﻴﺔ ، ﺍﻻﺩﺑﺴﺰ ﻭﻳﻪ ﺯﻭﺟﻬﺎ ﻭﺗﺤﺠﻲ ﻫﺎﻟﺤﺠﻲ !!
ﻭﺧﺮﺕ ﻋﻨﻲ ﻇﻠﻴﺖ ﺍﺑﺎﻭﻉ ﻋﻠﻴﻬﺎ ﺑﺤﻘﺪ ﺯﺍﺩ ﻣﻌﻴﺎﺭﻩ ﺍﻛﺜﺮ ﻭﺍﻛﺜﺮ ﻣﻦ ﺍﻟﺴﺎﺑﻖ ، ﺻﺪﻣﺘﻨﻲ ﻭﻗﺎﺣﺘﻬﺎ ..
ﻭﻫﻲ ﻟﻤﻦ ﺷﺎﻓﺖ ﻧﻈﺮﺍﺗﻲ ﻇﻠﺖ ﺗﺒﺎﻭﻋﻠﻲ ﻭﻧﻈﺮﺓ ﺍﻧﺘﺼﺎﺭ ﻋﻠﻰ ﻣﺤﻴﺎﻫﻪ ، ﻛﺪﺭﺕ ﺗﺴﺘﻔﺰﻧﻲ ، ﺧﺰﺭﺗﻬﺎ ﻭﻛﻮﺭﺕ ﻗﺒﻀﺔ ﺍﻳﺪﻱ ﺑﻘﻮﻭﺓ ..
ﺻﻔﺎﺀ ﺣﺲ ﺍﻛﻮ ﺷﻲ ﻣﻦ ﺧﺰﺭﺗﻲ ﺍﻟﻬﺎ ﺑﺴﺮﻋﻪ ﺍﺗﺮﺧﺺ ﻣﻨﻬﻢ ﻭﺳﺤﺒﻨﻲ ﻣﺸﻴﻨﺎ ﻣﺴﺎﻓﺔ ﻋﻨﻬﻢ ، ﺍﻟﺘﻔﺘﻠﻲ
ﺑﺼﻮﺕ ﻣﺼﺮﻭﺭ ﺳﺄﻟﻨﻲ : ﺷﻜﺎﻟﺘﻠﺞ؟
ﺟﻨﺖ ﺻﺎﻓﻨﻪ ﺍﻓﻜﺮ ﺑﻜﻼﻣﻬﺎ ﻣﺎﻃﻠﻌﺖ ﻣﻨﻲ ﻏﻴﺮ : ﻣﻨﻮ ؟
ﺟﺎﻭﺑﻨﻲ ﺑﻨﺒﺮﺓ ﻣﻠﻘﻨﺔ ؛ ﻳﻌﻨﻲ ﻣﻨﻮ ﺍﺳﺮﺍﺀ ﻃﺒﻌﺎً ..
ﺑﻠﺤﻈﺘﻬﺎ ﻛﻞ ﺣﻮﺍﺳﻲ ﺍﺣﺘﺸﺪﺕ ﻟﺤﺘﻰ ﺍﻛﺪﺭ ﺍﻓﺴﺮ ﻟﺴﺎﻧﻪ ﺷﻮﻥ ﻧﻄﻖ ﺍﺳﻤﻬﺎ !!
ﺭﻓﻌﺖ ﺗﻚ ﺣﺎﺟﺒﻲ ﻭﺣﺠﻴﺖ ﺍﻟﻜﻼﻡ ﺍﻟﻲ ﻛﺎﻟﺘﻪ ﺍﻟﻲ ﺑﺎﻟﺤﺮﻑ ﺍﻟﻮﺍﺣﺪ : ﺗﻜﻮﻝ ﺩﻳﺮﻱ ﺑﺎﻟﺞ ﻋﻠﻴﻪ ﺑﺲ ﻣﺘﺄﻛﺪﺓ ﻣﺘﻨﺴﻌﺪﻳﻦ ﻭﻳﺎﻩ ﻻﻥ ﻧﻔﺴﻬﺎ ﺑﻴﻚ
ﻛﻠﺖ ﺍﺧﻴﺮ ﻛﻠﻤﻪ ﻭﻋﻮﺟﺖ ﺣﻠﻜﻲ ﺍﻟﻐﻀﺐ ﻳﺨﻨﻚ ﺍﻧﻔﺎﺳﻲ ، ﻇﻞ ﻳﺒﺎﻭﻉ ﺑﻮﺟﻬﻲ ﺛﺎﻧﻴﻪ ﻭﺣﺪﻩ ﺑﻌﺪﻫﺎ
ﻣﺪ ﺍﻳﺪﻩ ﻣﺴﺢ ﻭﺟﻬﻪ ﺑﺄﺛﻨﻴﻦ ﺍﺩﻳﻪ ﻭﻫﻤﺲ : ﺍﻣﺸﻲ ﻧﺮﻭﺡ
ﻧﺘﻌﺸﻰ
ﺑﺮﻓﺾ : ﻣﺎﺍﺭﻳﺪ .. ﺍﻧﺴﺪﺕ ﻧﻔﺴﻲ ﻭﺍﻟﻠﻪ ..
ﻛﺎﻝ ﺑﺈﺻﺮﺍﺭ : ﺯﻫﺮﺍﺀ ﻟﺘﻨﻜﺪﻳﻦ ﻋﻠﻴﻪ ﺑﺸﻲ ﻣﺠﺎﻥ ﺑﺎﻟﺤﺴﺒﺎﻥ ﺍﻣﺸﻲ ﻳﻼ .
ﺷﻔﺘﻪ ﺑﺪﺃ ﻳﻌﺼﺐ ﺳﻜﺘﺖ ﻣﺸﻴﺖ ﻭﻳﺎﻩ ﺑﺸﺮﻭﺩ ﻃﻮﻝ ﺍﻟﻮﻗﺖ ﺍﻓﻜﺮ ، ﺭﺣﻨﺎ ﺗﻌﺸﻴﻨﺎ ﺑﺲ ﺳﺎﻛﺘﻴﻦ ..
ﺑﻘﻴﺖ ﺻﺎﻓﻨﻪ ﺑﻮﺟﻬﻪ ﻭﻫﻮ ﻫﻢ ﻣﻮ ﻃﺒﻴﻌﻲ ﺑﺲ ﻳﺴﻮﻱ ﻧﻔﺴﻪ ﺍﻧﻮ ﻣﻤﻬﺘﻢ ..
ﺑﺎﻭﻋﻠﻲ ﻛﺎﻝ ﺷﺒﻴﺞ ؟
ﻣﺪﻳﺖ ﺍﻳﺪﻱ ﺩﻟﻜﺖ ﻣﻜﺎﻥ ﻗﻠﺒﻲ ، ﺍﺭﻳﺪ ﺍﻫﺪﺃ ﺍﻟﻨﺎﺭ ﺍﻟﻲ ﺷﺒﺖ ﺑﻲ ﻓﺠﺄﺓ ﻭﻣﺎ ﺩﺍ ﺗﻨﻄﻔﻲ ﺣﺘﻰ ﺑﻌﺪ ﻣﺎ ﺍﺧﺘﻔﺖ ﺍﺳﺮﺍﺀ ﻣﻦ ﻛﺪﺍﻣﻲ ﺑﻘﻴﺖ ﻟﻠﺤﻈﺔ ﺍﻓﻜﺮ ﺑﻜﻼﻣﻬﺎ ﻭﻛﻠﺴﺎﻉ ﺍﺗﺬﻛﺮ ﻧﻄﻖ ﺍﺳﻤﻬﺎ ﻋﻠﻰ ﻟﺴﺎﻧﻪ .
ﺑﻌﺪﻙ ﺗﺤﺒﻬﺎ ﺣﺠﻴﺖ ﻫﺎﻟﻜﻠﻤﺘﻴﻦ ﺑﻼ ﻭﻋﻲ ﻭﺑﺸﺮﻭﺩ .. ﻭﻧﻈﺮﺍﺗﻲ ﻫﺎﻳﻤﻪ ﻋﻠﻰ ﺍﻟﻲ ﻭﺭﺍﻩ .
ﻟﻴﺠﺎﻭﻟﻨﻲ ﻫﻮ ﺑﻐﻀﺐ ﻣﺴﻴﻄﺮ ﻋﻠﻴﻪ : ﺷﺠﺎﺝ ﺯﻫﺮﺍﺀ ﻋﻮﺩ ﺻﺪﻙ ﺗﺤﺠﻴﻦ ﺍﻧﺘﻲ ؟
ﻭﺟﻬﺖ ﻧﻈﺮﺍﺗﻲ ﺍﻟﻪ ﻫﺎﻟﻤﺮﺓ ﻭﺭﺩﻳﺖ ﻋﻠﻴﻪ ﺑﺈﺭﻫﺎﻕ ﻣﺘﻮﺳﻞ : ﺑﺲ ﺟﺎﻭﺑﻨﻲ ؟
ﻭﻛﻒ ﻋﻠﻰ ﺣﻴﻠﻪ ﻭﺟﺎﻭﺑﻨﻲ : ﻷ ﻣﺎﺍ ﺍﺟﺎﻭﺑﺞ ﺍﻧﺖ ﺍﻛﺘﺸﻔﻲ ﺍﻟﺠﻮﺍﺏ ﺑﻨﻔﺴﺞ ..
ﺍﺧﺬ ﺍﻟﺴﻮﻳﺞ ﻭﻣﻮﺑﺎﻳﻠﻪ ﻭﻛﻤﻞ ﻭﻣﺎﺗﺮﺩﻳﻦ ﺗﺎﻛﻠﻴﻦ ﻳﻠﻪ ﻛﻮﻣﻲ ﻧﺮﺟﻊ . ﻭﻣﻴﻞ ﺭﺍﺳﻪ ﺑﺎﺗﺠﺎﻩ ﺑﺎﺏ ﺍﻟﺨﺮﻭﺝ .
ﻛﻤﺖ ﺑﻬﺪﻭﺀ ﻭﺍﺣﺲ ﻋﻴﻮﻧﻲ ﻧﺘﺮﺳﺖ ﺩﻣﻮﻉ ﻋﻠﻰ ﺍﻭﺳﻌﻬﺎ
ﺷﺎﻓﻨﻲ ﻛﻤﺖ ﺭﺍﺡ ﺣﺎﺳﺐ ﻭﺍﻧﻲ ﺭﺣﺖ ﻏﺴﻠﺖ
ﻭﻃﻠﻌﺖ ﺷﻔﺘﻪ ﻳﻨﺘﻈﺮﻧﻲ ، ﻣﺸﻪ ﻭﻣﺸﻴﺖ ﻭﺭﺍﻩ ﺑﺨﻄﻮﺍﺕ ﺑﻄﻴﺌﺔ ﻭﻋﻴﻮﻧﻲ ﻉ ﺍﺍﻟﻜﺎﻉ ﻭﺍﺣﺲ ﻣﺨﻨﻮﻭﻭﻛﺔ .
ﻃﻮﻝ ﺍﻟﻄﺮﻳﻖ ﻟﻠﺒﻴﺖ ﺑﺲ ﺳﺎﻛﺘﻴﻦ ، ﻭﺍﻧﻲ ﺑﺲ ﺍﺗﺤﺴﺮ ﻭﻫﻮ ﺑﺲ ﻳﺴﻤﻊ ﺣﺴﺮﺍﺗﻲ ، ﻳﺸﺪ ﺑﻘﺒﻀﺘﻪ ﻋﻠﻰ ﺍﻟﺴﺘﻴﺮﻥ ﺍﻛﺜﺮ ﺑﺲ ﻣﻴﺤﺠﻲ ﻭﻫﺎﻟﺸﻲ ﻳﻌﺬﺑﻨﻲ .
ﺍﻭﻝ ﻣﻮﺻﻠﻨﺎ ﻟﻠﺒﻴﺖ ﻧﺰﻟﺖ ﺑﺴﺮﻋﺔ ﻣﻦ ﺍﻟﺴﻴﺎﺭﺓ
ﺣﺎﻭﻟﺖ ﻣﺎ ﺍﻟﻠﺘﻘﻲ ﺑﺄﺣﺪ ﻣﺎﺭﻳﺪ ﺍﺣﺪ ﻳﺸﻮﻑ ﺣﺎﻟﺘﻲ
ﻓﺘﺖ ﻣﻦ ﺑﺎﺏ ﺍﻟﻤﻄﺒﺦ ﺭﺣﺖ ﻧﺰﻋﺖ ﺍﻟﺤﺬﺍﺀ
ﻭﻏﺴﻠﺖ ﺭﺟﻠﻴﻪ ﻭﺻﻌﺪﺕ ، ﻧﺰﻋﺖ ﺍﻟﺤﺠﺎﺏ ﻭﺑﻤﻼﺑﺴﻲ
ﺩﺧﻠﺖ ﻟﻠﻔﺮﺍﺵ ..
ﺣﺘﻰ ﻣﺒﺪﻟﺖ ﻣﻼﺑﺴﻲ ﻭﺑﻘﻴﺖ ﺑﺎﻟﻤﻼﺑﺲ ﺍﻟﻲ ﺟﻨﺖ ﻃﺎﻟﻌﻪ ﺑﻴﻬﻢ ، ﺩﻗﺎﻳﻖ ﻇﻠﻴﺖ ﺍﺗﻜﻠﺐ ﺑﻔﺮﺍﺷﻲ ﻭﺑﺲ ﺍﻓﻜﺮ ﺑﻜﻼﻣﻬﺎ ﻋﺒﺎﻟﻚ ﺻﺪﻯ ﻭﻳﺘﻜﺮﺭ ﻛﻞ ﺛﺎﻧﻴﻪ ..
ﺍﻧﺘﺒﻬﺖ ﻋﻠﻰ ﺻﻔﺎﺀ ﻣﺎ ﺍﺟﻪ ﻟﻠﻐﺮﻓﻪ ، ﻫﻢ ﻇﻠﻴﺖ ﺍﻓﻜﺮ ﺑﻲ ﻭﺳﺎﻭﺱ ﻭﻫﻮﺍﺟﺲ ﻋﺼﻔﺖ ﺑﻴﻪ ﻭﺩﺗﻬﻤﺘﻨﻲ ، ﻟﻴﺶ ﻣﺎ ﺍﺟﻪ ، ﻣﻌﻘﻮﻟﺔ ﺍﺛﺮﺕ ﺑﻲ ﺷﻮﻓﺘﻬﺎ ، ﻭﻫﺴﻪ ﻣﺨﺘﻠﻲ ﺑﻨﻔﺴﻪ ﻭﺻﺎﻓﻦ ﻳﻔﻜﺮ ﺑﻴﻬﺎ !!
ﺣﺴﻴﺖ ﻧﻔﺴﻲ ﻣﺘﺒﻌﺜﺮﺓ ﺍﻟﺮﻭﺡ ﻭﻣﺸﺘﺘﺔ ﺍﻟﻔﻜﺮ ، ﺷﻠﻮﻥ ﺍﻟﻲ ﺣﻴﺼﻴﺮ ﺑﻌﺪ ﻳﺮﺑﻲ ، ﻭﺧﺮﺕ ﺍﻟﻐﻄﻰ ﻓﺮﻛﺖ ﻭﺟﻬﻲ ﺑﻴﺪﻳﻪ .
ﻛﻤﺖ ﺳﺒﺤﺖ ﻭﺭﺟﻌﺖ ﺗﻤﺪﺩﺕ ﻣﺎﺍﻋﺮﻑ
ﺷﻠﻮﻥ ﻧﻤﺖ ﻣﻦ ﻛﻌﺪﺕ ﺍﻟﺘﻔﺘﺖ ﺷﻔﺖ ﺻﻔﺎﺀ ﻧﺎﻳﻢ ﺑﺼﻔﻲ ﻋﻠﻰ ﺑﻄﻨﻪ ﻭﺑﺲ ﺑﺎﻟﺸﻮﺭﺕ ، ﺑﺴﺮﻋﻪ ﺟﺮﻳﺖ ﺍﻟﻐﻄﺎﺀ ﻭﻏﻄﻴﺖ ﺣﺘﻰ ﻭﺟﻬﻪ
ﻫﻮ ﺣﺲ ﺑﻴﻪ ﻓﺰ ﻭﻋﺎﻁ : ﺩﻭﺧﺮﺭﺭﺭﺭﺭﻱ ﻣﻨﻮ ﻛﺎﻳﻠﺞ
ﺗﻐﻄﻴﻨﻴﻴﻴﻲ ؟ ﻣﺘﺸﻮﻓﻴﻨﻲ ﻣﻄﻤﻮﺭ ﺷﻜﻮﻭﻭﻭ ﺗﻐﻄﻴﻨﻲ ؟
ﻫﻮ ﻣﻨﺎ ﻧﻮﻣﺘﻪ ﻋﺰﻳﺰﻩ ﻭﺍﻧﻮﺏ ﻓﺰ ﻣﺰﻋﻮﺝ ﻭﺍﺻﻼ ﻫﻮ
ﻣﻦ ﻳﻜﻌﺪ ﻣﺰﺍﺟﻪ ﻣﻜﻠﻮﺏ ١٨٠ ﺩﺭﺟﻪ ﻭﻳﻦ ﻳﻼ ﻳﻔﻚ
ﺗﺮﻛﺘﻪ ﺑﺪﻭﻥ ﻣﺎﺍﺟﺎﻭﺑﻪ ﻭﻧﺰﻟﺖ ﻣﻦ ﺍﻟﺴﺮﻳﺮ
ﺍﺗﺄﻓﺄﻑ ﻭﻫﻮ ﻇﻞ ﻳﺪﺭﺩﻡ .
ﻧﺰﻟﺖ ﺟﻮﺍ ﻏﺴﻠﺖ ﻭﺟﻬﻲ ، ﺣﻀﺮﺕ ﺍﻟﺮﻳﻮﻙ ﻭﺭﺟﻌﺖ ﺻﻌﺪﺕ ﻟﻠﻐﺮﻓﺔ ﺷﻔﺘﻪ ﻧﺎﻳﻢ ، ﺩﺍ ﺍﺣﻀﺮ ﻣﻼﺑﺴﻲ ﺍﺭﻳﺪ ﺍﺑﺪﻝ ﻟﺤﺘﻰ ﺍﺭﻭﺡ ﻟﻠﺠﺎﻣﻌﻪ .
ﻣﻦ ﺩﺍﺍﻓﺘﺢ ﺍﻟﻜﻨﺘﻮﺭ ﺻﺎﺭ ﺻﻮﺕ ﻭﺣﺮﻛﺔ ، ﻛﻌﺪ ﺻﻔﺎﺀ ﻋﺎﻁ ﺑﻴﻪ ﺷﻮﻭﻭﻥ ﻭﻳﺎﺍﺍﺝ ﺍﻧﺖ ﻣﺘﻜﻮﻟﻴﻦ ﻣﻄﻤﻮﺭ ﻧﺎﻳﻢ ﺧﺎﻣﺪ ﺷﺠﺎﺍﺝ ﻣﻦ ﺍﻟﺼﺒﺢ .
ﺷﻤﺮﺕ ﺍﻟﻤﻼﺑﺲ ﻣﻦ ﺍﻳﺪﻱ ﻭﻣﺎﺗﺤﻤﻠﺘﻪ ﻇﻠﻴﺖ ﺍﺻﻴﺢ ﺑﻌﺼﺒﻴﺔ ؛ ﻫﺎﻱ ﺷﺒﻴﻚ ﻳﻌﻨﻲ ﻭﻳﻦ ﺍﻭﻟﻲ ﻭﺭﺍﻳﻪ ﺩﻭﺍﻡ ﺍﺫﺍ ﺍﻧﺖ ﻧﻮﻣﺘﻚ ﻫﻴﺞ ﺧﻔﻴﻔﻪ ﻭﺗﺮﻳﺪﻟﻚ ﺟﻮ ﺧﺎﺹ ﺑﻴﻚ ﺷﻮﻓﻠﻚ ﻏﻴﺮ ﻣﻜﺎﻥ ﻧﺎﻡ ﺑﻲ ، ﻭﺍﻟﻠﻪ ﺣﻠﻮﺓ ﻫﺎﻱ ﻣﻦ
ﺍﻟﺼﺒﺢ ﻛﺎﻋﺪ ﺑﺲ ﻳﻌﺎﺭﻙ ﻭﻳﻪ ﺫﺑﺎﻥ ﺧﺸﻤﻪ ﺷﻠﻮﻥ ﺧﻠﻚ
ﺩﻓﺮ ﺍﻟﻠﺤﺎﻑ ﻭﻛﺎﻡ ﻳﺒﺎﻭﻋﻠﻲ ﺑﻨﻈﺮﺍﺕ ﻣﻬﺪﺩﺓ ، ﺩﺭﺕ ﻭﺟﻬﻲ ﻣﻨﻪ ﻣﺘﺘﺖ ﺧﻮﻭﻑ ﻭﺑﺲ ﺍﺳﻤﻊ ﺻﻮﺗﻪ ﻳﺴﺐ ﻭﻳﻠﻌﻦ : ﺍﻧﻌﻞ ﺍﺑﻮ ﻫﺎﻟﺤﻆ ﻻﺑﻮ ﺣﺘﻰ ﻫﺎﻟﻌﻴﺸﺔ ﺷﻮﻛﺖ ﺍﺭﺗﺎﺡ ﻣﺎﺍﺩﺭﻱ ﺣﺘﻰ ﺑﺨﻤﺪﺗﻲ ﻣﻤﺮﺗﺎﺡ ﻋﻴﺸﺔ ﻛﺸﺮﻩ ﻋﻠﻰ ﺭﺍﺳﻲ ...
ﻭﻛﻔﺖ ﺑﻮﺟﻬﻪ ﻻﺯﻡ ﻣﻌﺎﺟﺒﺘﻚ ﺍﻟﻌﻴﺸﺔ ﻭﻳﺎﻱ ﻫﺎ ؟ ﺗﺘﻤﻨﺎﻫﻪ ﻫﻴﻪ ﺑﺪﺍﻟﻲ ﻳﻤﻚ ﻣﻮﻭ ؟ ﻟﻮ ﻫﻴﻪ ﻳﻤﻚ ﺟﺎﻥ ﻣﺴﻮﻳﺖ ﻫﺎﻟﻤﻬﺮﺟﺎﻥ ﻣﻦ ﺍﻟﺼﺒﺢ ﻃﺒﻌﺎ ﻃﺒﻌﺎ ﺿﺮﺏ ﺍﻟﺤﺒﻴﺐ ﻣﺜﻞ ﺍﻛﻞ ﺍﻟﺰﺑﻴﺐ ﻣﻮﻭﻭ ؟
ﺻﺎﺍﺡ : ﺍﺳﻜﺘﻲ ﺯﻫﺮﺍﺀ ﻭﻭﺧﺮﻱ ﻣﻦ ﻛﺪﺍﻣﻲ ﻭﻻﺗﻈﻠﻴﻦ ﺗﺎﺍﻛﻠﻴﻦ ......
ﻣﻜﻤﻞ ﻛﻼﻣﻪ ﺑﺲ ﻋﻴﻮﻧﻪ ﺑﻌﺪ ﺷﻮﻳﻪ ﻳﻄﻠﻌﻦ ﻣﻦ ﻣﻜﺎﻧﻬﻦ
ﻣﺴﺢ ﻋﻠﻰ ﻭﺟﻬﻪ ﻭﻇﻞ ﻳﺴﺘﻐﻔﺮ ..
ﻋﺎﻓﻨﻲ ﻭﺩﺧﻞ ﻟﻠﺤﻤﺎﻡ ، ﻇﻠﻴﺖ ﺍﻓﺮ ﺑﻴﺪﻱ ﻭﺍﺗﺤﺴﺮ ﺩﻧﻜﺖ ﻋﻠﻰ ﺍﻟﻤﻼﺑﺲ ﺍﺧﺬﺗﻬﻦ ﻭﺷﻤﺮﺗﻬﻦ ﻉ ﺍﻟﺠﺮﺑﺎﻳﻪ ..
ﻭﻛﻔﺖ ﺑﻤﻜﺎﻧﻲ ﺍﻳﺪﻱ ﻋﻠﻰ ﻭﺟﻬﻲ ﻭﺍﺿﻐﻂ ﺑﺨﺪﻭﺩﻱ ﺑﺮﺍﺣﺔ ﻛﻔﻲ
ﺳﻤﻌﺘﻪ ﺻﺎﺣﻨﻲ : ﻣﻦ ﻳﻤﺞ ﺍﻧﻄﻴﻨﻲ ﺍﻟﺨﺎﻭﻟﻲ ﻧﺴﻴﺘﻪ ...
ﺗﺠﺎﻫﻠﺘﻪ ﺛﻮﺍﻧﻲ ، ﺍﺟﺎﻧﻲ ﺻﻮﺗﻪ ﻳﺮﻋﺪ ....
ﺩﺗﺴﻤﻌﻴﻴﻴﻴﻨﻲ ﻟﻮﻭﻭﻭ ﻻﺍﺍﺍ ﺟﻴﺒﻴﻠﻲ ﺍﺍﻟﻠﻞ *** ﺍﻟﺨﺎﻭﻭﻟﻲ
ﺍﻫﺘﺰﺕ ﻛﻞ ﺧﻠﻴﻪ ﺑﻴﻪ ﻭﺭﻛﻀﺖ ﺟﺮﻳﺖ ﺍﻟﺨﺎﻭﻟﻲ ﻣﻦ ﺍﻟﺰﺍﻭﻳﻪ ﻭ ﺭﺣﺖ ﺍﻧﻄﻴﺘﻪ ﺍﻟﻪ ، ﺑﺪﻟﺖ ﻣﻼﺑﺴﻲ ﻭﺩﺍﺧﻠﻲ ﻣﻜﻴﺎﺝ ﻫﻮ ﻃﻠﻊ ﻣﻦ ﺍﻟﺤﻤﺎﻡ ﻳﻨﺸﻒ ﺑﺸﻌﺮﻩ ﻭﺑﺲ ﻳﺘﺄﻓﺄﻑ ﻭﺗﻮﺟﻪ ﻟﻠﻜﻨﺘﻮﺭ ﻣﺎﻟﺘﻪ ﻓﺘﺤﻪ ﻭﺻﻔﻦ ﻋﻠﻴﻪ ، ﻣﺠﻨﺖ ﻣﺴﺘﻌﺪﺓ ﻟﻤﻮﺍﺟﻬﻪ ﺛﺎﻧﻴﻪ ﻧﺰﻟﺖ ﺑﺴﺮﻋﺔ ﻗﺒﻠﻪ
ﺍﻛﻠﺖ ﺷﻮﻳﻪ ﻭﻃﻠﻌﺖ ﻟﻠﺪﻭﺍﻡ ...
ﺻﻔﺎﺀ : ﺟﺎﻳﺒﻴﻦ ﺿﺤﺎﻳﺎ ﺍﻧﻔﺠﺎﺭ ﻟﻠﻤﺴﺘﺸﻔﻰ ، ﻧﺎﺱ ﻣﺤﺮﻭﻛﺔ ﻭﻣﺘﺄﻟﻤﺔ ، ﺍﻟﻤﺴﺘﺸﻔﻰ ﻛﻠﻬﺎ ﻭﻛﻔﺖ ﻋﻠﻰ ﺗﻚ ﺭﺟﻞ ﻇﻠﻴﻨﻪ ﻧﺸﺘﻐﻞ ﺑﺪﻳﻨﻪ ﻭﺭﺟﻠﻴﻨﺎ ﻭﻣﻤﻠﺤﻜﻴﻦ .
ﻭﻳﻦ ﻳﻠﻪ ﻛﺪﺭﺕ ﺍﺧﺬ ﺍﺳﺘﺮﺍﺣﻪ ﺩﻗﺎﻳﻖ ﺑﺲ ﻭﺍﺭﺟﻊ ﻟﺸﻐﻠﻲ ﺑﺲ ﺟﻨﺖ ﺗﻌﺒﺎﻥ ﻭﻣﺘﺄﻟﻢ ﺍﺭﻳﺪ ﺍﺟﺮ ﻧﻔﺲ ﻣﺎ ﺍﻛﺪﺭ ﻭﺧﺎﻳﻒ ﻻ ﻣﺮﻳﺾ ﻳﻤﻮﺕ ﻭﺍﻧﻲ ﺑﺎﺳﺘﺮﺍﺣﺘﻲ ﻫﺎﻱ ﻭﺣﺘﻰ ﺍﻛﻞ ﻣﺪﺍ ﺍﻛﺪﺭ ﺍﺣﻄﻪ ﺑﺤﻠﻜﻲ .
ﺑﻌﺪﺕ ﺍﻻﻛﻞ ﻣﻦ ﻛﺪﺍﻣﻲ ﻭﻛﻤﺖ ﻋﻠﻰ ﺣﻴﻠﻲ ﻣﻮ ﻣﺎﻝ ﺍﺳﺘﺮﺍﺣﺔ ﻫﺴﻪ ، ﺭﻥ ﻣﻮﺑﺎﻳﻠﻲ ﻗﺒﻞ ﻻ ﺍﻃﻠﻊ ﺷﻔﺘﻪ ﺭﻗﻢ ﻏﺮﻳﺐ ﻣﻮ ﻭﻛﺘﻪ ﻫﺴﻪ ﺩﺍ ﺍﺭﻓﺾ ﺍﻟﺨﻂ ﻭﺍﻧﺜﻮﻟﺖ ﻭﺟﺎﻭﺑﺖ ..
ﻭﺍﺟﺎﻧﻲ ﺻﻮﺕ ﺍﺳﺮﺍﺀ ، ﺍﻧﺘﻔﻀﺖ ﺍﻃﺮﺍﻓﻲ ﻭﺗﻮﺟﺲ ﻗﻠﺒﻲ
ﺣﺠﻴﺖ ﺑﻐﺼﻪ ﺍﻟﻮﻭ ﺧﻴﺮﺝ ﺍﺳﺮﺍﺀ ﺷﺘﺮﻳﺪﻳﻦ ؟
ﻫﻤﺴﺖ ﺑﺨﻔﻮﺕ ﻭﻣﺮﺍﺭﺓ : ﻣﺸﺘﺎﻗﺘﻠﻚ ﺻﻔﺎﺀ ..
_ ﺷﻨﻮ ﻫﺎﻟﺤﺠﻲ ﺍﺳﺮﺍﺀ ﻫﺴﻪ ﺍﻧﺖ ﻣﺘﺰﻭﺟﻪ ﺷﺠﺎﺝ ﺻﺪﻙ ﺟﺬﺏ ﻛﺎﻓﻲ ﺩﺧﻴﻠﺞ ﺑﻌﺪ ﻟﺘﺨﺎﺑﺮﻳﻨﻲ ﺍﺑﺪ ﻣﺎﻛﻮ ﺷﻲ ﻳﻨﺤﺠﻲ ﺑﻲ ﺑﻌﺪ .
ﺻﻔﺎﺀ ﻻﺗﺴﺪ ﺍﻟﻠﻪ ﻳﺨﻠﻴﻚ ﺣﺲ ﺑﻲ ﺩﺍﻣﻮﺕ ﺻﻔﺎﺀ ﺩﺍﺍﺍﻣﻮﺕ ﻳﻮﻣﻴﻪ ﺍﺩﻋﻲ ﻋﻠﻰ ﺍﻫﻠﻲ ﻭﺍﺧﻮﺗﻲ ﻳﻮﻭﻭﻣﻴﻪ ﻭﺍﻟﻠﻪ ..
ﺟﺮﻳﺖ ﻧﻔﺲ ﻭﺑﻌﺪﻧﻲ ﺍﺣﺲ ﻣﺨﺘﻨﻚ ..
ﻃﻠﻌﺖ ﻣﻦ ﺍﻟﺪﻭﺍﻡ ، ﻣﺤﺒﻴﺖ ﺍﺭﻭﺡ ﻟﻠﺒﻴﺖ ، ﻃﺎﻛﻪ ﺭﻭﺣﻲ ﻧﺰﻟﺖ ﻟﻠﺴﻮﻙ ﺍﺧﺬﺕ ﺷﻐﻼﺕ ﻭﺭﺣﺖ ﻟﺒﻴﺖ ﺣﺴﻴﻦ ﺍﺧﻮﻳﻪ ﺍﻟﺠﺒﻴﺮ ..
ﺗﻠﻜﺘﻨﻲ ﺯﻭﺟﺘﻪ ﻭﻫﻮ ﺟﺎﻥ ﻣﻤﻮﺟﻮﺩ ، ﻛﻌﺪﺕ ﺑﺎﻻﺳﺘﻘﺒﺎﻝ ﻇﻠﺖ ﺗﺴﺄﻝ ﺷﻮ ﻣﺘﺒﻴﻦ ﺍﺑﺪ ﻻ ﺗﻤﺮ ﻟﺘﺠﻲ ..
ﻭﺍﻟﻠﻪ ﺗﺪﺭﻳﻦ ﻳﺎ ﺍﻡ ﺣﻤﻮﺩﻱ ﻣﺸﺎﻏﻞ ..
ﺍﻱ ﺣﻘﻚ ﻋﻴﻨﻲ ﺩﻛﺘﻮﺭ ﺑﺲ ﻭﺍﻟﻠﻪ ﻧﺸﺘﺎﻗﻠﻚ ﻛﻠﻲ ﺷﻠﻮﻧﻚ ﻣﺮﺗﺎﺡ ﻭﻳﺎ ﺯﻫﺮﺍﺀ ؟
ﺗﻨﻬﺪﺕ ﻭﺟﺎﻭﺑﺘﻬﺎ : ﻋﺎﺩﻱ ﻭﺍﻟﻠﻪ ﻻ ﻣﺮﺗﺎﺡ ﻭﻻ ﺷﻲ ﻛﻮﻟﺸﻲ ﻋﺎﺩﻱ ، ﺣﺘﻰ ﻫﻲ ﺍﺣﺴﻬﺎ ﻫﻢ ﻣﺜﻠﻲ ﺑﺲ ﻣﻦ ﺍﺟﻲ ﻣﻦ ﺍﻟﺪﻭﺍﻡ ﻭﻫﻲ ﺟﺎﻳﻪ ﻗﺒﻠﻲ ﺍﺷﻮﻑ ﻟﻬﻔﺘﻬﺎ ﻣﻦ ﺗﺸﻮﻓﻨﻲ ﺍﻡ ﺍﺣﻤﺪ ﻋﻴﻮﻧﻬﺎ ﺗﺸﻊ ﺑﺎﻟﺤﺐ ﺍﺗﺠﺎﻫﻲ ﺑﺲ ﺍﻧﻲ ﺍﺍﺍﺥ ﺍﻧﻲ ﻣﺎ ﺍﻋﺮﻑ ﺷﻜﻮﻟﺞ .
ﺍﻡ ﺍﺣﻤﺪ : ﺍﻧﻲ ﻣﺘﺄﻛﺪﺓ ﺑﻌﺪﻳﻦ ﺗﻜﻮﻡ ﺗﻤﻮﺕ ﻋﻠﻴﻬﺎ ﺯﻫﻮﺭﻩ ﻫﺎﺩﺋﻪ ﻭﺗﻨﺤﺐ ﺑﺲ ﻳﺮﺍﺩﻟﻚ ﻭﻭﻗﺖ ...
_ ﺑﻌﺪ ﻣﺎﻛﻮ ﺣﺐ ﺍﻡ ﺍﺣﻤﺪ ﺟﺮﺑﺘﻪ ﻣﺮﺓ ﻭﻓﺸﻠﺖ ﺗﺒﻬﺬﻟﺖ ﻭﺑﻬﺬﻟﺖ ﻋﻤﺎﻣﻲ ﻭﻳﺎﻳﻪ ﻭﻣﺤﺼﻠﺖ ﺍﻻﺣﺒﻬﺎ ...
_ ﺷﻨﻮ ﻫﺎﻟﺤﺠﻲ ﺻﻔﺎﻭﻱ ﺍﻧﺘﻪ ﻣﻨﺎﻭﻱ ﺗﻨﺴﻰ ﻋﺎﺩ ﻛﺎﻓﻲ ..
_ ﺍﻧﺴﻰ !! ﺳﻨﻪ ﺳﻨﺘﻴﻦ ﺷﻨﺴﻰ ؟ ﻫﺴﻪ ﻣﻦ ﺍﺣﺠﻲ ﻛﻠﻬﺎ ﺗﻜﻮﻟﻲ ﻣﺎﻋﻨﺪﻙ ﻛﺮﺍﻣﻪ ﺑﺲ ﻫﺬﺍ ﮔﻠﺒﻲ ﺷﻴﻘﻨﻌﻪ ﺑﻬﺎﻟﺤﺠﻲ ﺗﺪﺭﻳﻦ ﻟﺤﺪ ﺍﻻﻥ ﺗﺨﺎﺑﺮﻧﻲ ﺗﺒﺠﻲ ﻭﺗﺘﻮﺳﻞ ﻭﺍﻧﻲ ﻣﻮ ﻧﺬﻝ ﻻ ﺍﻛﺪﺭ ﺍﺟﺎﻭﺑﻬﺎ ﻭﻻ ﺍﻛﺪﺭ ﻣﺎﺍﺭﺩ ﻫﺴﻪ ﻫﻲ ﺭﺍﺣﺖ ﻭﺗﺰﻭﺟﺖ
ﻏﻴﺮ ﺗﻠﺘﻬﻲ ﻛﻞ ﻓﺘﺮﺓ ﻭﺍﺗﺼﻠﺖ ﻭﺗﺒﻘﻰ ﺗﺒﺠﻲ ﻭﺗﺪﻋﻲ
ﻉ ﺍﻫﻠﻬﺎ ﻭﺍﻧﻲ ﺗﺮﺟﻌﻠﻲ ﺫﻛﺮﻳﺎﺗﻲ ﻭﻳﺎﻫﺎ ﻻ ﺍﺭﺍﺩﻳﺎ ﻭﺍﺗﻌﺬﺏ ﻭﺍﺗﺪﻣﺮ ﻛﻠﻤﺎ ﺍﺣﻈﺮﻫﺎ ﺗﺨﺎﺑﺮ ﻣﻦ ﻏﻴﺮ ﺭﻗﻢ .
_ ﻫﺎﻱ ﺷﻨﻮ ﺻﺪﻙ ﺗﺤﺠﻲ ﺷﻜﺪ ﺻﻠﻔﺔ ﻟﻌﺪ ﺗﺮﻭﺡ ﻓﺪﻭﺓ ﻟﺰﻫﺮﺍﺀ ﺣﺒﺎﺑﻪ ﻭﻣﺘﺮﺑﺎﻳﻪ ﺍﻟﻠﻪ ﻳﺤﺒﻚ ﺑﻌﺪﻫﻪ ﻋﻨﻚ ﺻﻔﺎﺀ
ﺑﺲ ﺧﻮ ﻣﺎﺯﻫﺮﺍﺀ ﺗﺪﺭﻱ ﺑﻴﻬﺎ ﺗﺨﺎﺑﺮﻙ ﺧﻄﻴﻪ ﻟﺘﻨﻘﻬﺮ
_ ﺍﺳﻤﻌﻲ ﻫﺎﻱ ﺍﻟﺒﺎﺭﺣﺔ ﻃﻠﻌﺖ ﻭﻳﺎ ﺯﻫﺮﺍﺀ ﺻﺪﻓﻪ ﺷﻐﻨﺎﻫﻢ
ﻭﻫﻢ ﻏﺜﺖ ﺯﻫﺮﺍﺀ ﺑﺤﺠﺎﻳﻪ ﻭﺍﻟﻠﻪ ﺣﺮﺕ ﻭﻳﺎ ﺍﻟﻜﻞ
_ ﺻﻔﺎﻭﻱ ﻳﻤﻪ ﺩﻳﺮﺑﺎﻟﻚ ﻣﻨﻬﺎ ﻫﺎﻱ ﺣﻴﺔ ﺻﻔﺮﺓ ﺗﺰﻭﺟﺖ ﻭﺑﻌﺪﻫﺎ ﺗﺨﺎﺑﺮﻙ ﺷﻨﻮ ﻫﺎﻟﺠﺴﺎﺭﻩ ﻫﺎﻱ ﻭﺍﻧﺖ
ﻭﻟﻚ ﺑﺲ ﻻ ﺗﺠﺎﻭﺑﻬﺎ .
_ ﺷﺠﺎﻭﺑﻬﺎ ﻭﺍﻟﻠﻪ ﺗﺘﺼﻞ ﻣﻦ ﺭﻗﻢ ﻏﺮﻳﺐ ..
_ ﺍﺩﺭﻱ ﻣﻮ ﻣﺘﺰﻭﺟﻪ ﺯﻭﺟﻬﺎ ﻣﻤﻜﻔﻴﻬﺎ ؟ ﻣﻮ ﺑﻌﻴﻨﻬﺎ ﻣﻮ ﺭﺟﺎﻝ ﻛﺪﺍﻣﻬﺎ ﺷﺘﺮﻳﺪ ﺗﺘﺼﻞ ؟
_ ﻇﻠﺖ ﺗﺒﺠﻲ ﻭﺗﺸﻜﻲ ﺗﺎﻟﻲ ﺳﺪﻳﺘﻪ ﺑﻮﺟﻬﻪ ﺍﻡ ﺍﺣﻤﺪ ﺍﻧﻲ ﻣﻮ ﻧﺬﻝ ﻭﺍﺣﺠﻲ ﻭﻳﺎ ﻋﺮﺽ ﻏﻴﺮﻱ ﺑﺎﺟﺮ ﺗﻄﻠﻊ ﺑﻌﺮﺿﻲ
_ ﺍﻱ ﺷﻮﻥ ﻣﺎﺍﻋﺮﻓﻚ ﺍﻧﻲ ﻗﺎﺑﻞ ، ﻧﻴﺎﻟﻬﺎ ﻟﺰﻫﺮﺍﺀ ﺍﻟﻠﻪ ﻳﺤﻔﻈﻚ ﺍﻟﻬﺎ ﻭﻳﺤﻔﻈﻬﺎ ﺍﻟﻚ ﺍﻥ ﺷﺎﺀﺍﻟﻠﻪ
_ ﻫﺎﻱ ﻫﻢ ﻣﻴﺘﻪ ﻋﻠﻴﻪ ﻣﺪﺭﻱ ﺷﺒﻴﻬﺎ ﻫﺴﻪ ﻫﻲ ﺯﻫﺮﺍﺀ
ﺍﻟﻤﺜﻠﻬﺎ ﻛﻮﻥ ﻣﺘﺒﺎﻭﻉ ﺑﻮﺟﻬﻲ ﻭﺍﻟﻠﻪ ﻫﻬﻬﻬﻬﻬﻬﻬﻬﻪ ﺷﻜﺪ
ﺭﺯﻟﺘﻬﺎ ﻭﺍﻧﻲ ﻣﻤﻨﻄﻴﻬﺎ ﻭﺟﻪ ﺍﺑﺪ ﺟﻨﺖ ﺑﺎﻟﻄﺎﺑﻪ ﻭﺍﻟﻄﺎﻟﻌﻪ ﺍﺭﺯﻝ ﺑﻴﻬﺎ ﻛﻠﺖ ﺑﻠﻜﺖ ﺗﻜﺮﻫﻨﻲ ﺍﻧﻮﺏ ﺍﻟﻔﻄﻴﺮﺓ ﺗﺰﻳﺪ ﻫﻬﻬﻬﻬﻬﻬﻬﻬﻬﻪ ﻭﻟﺤﺪ ﻫﺴﻪ ﻣﻦ ﺗﺸﻮﻓﻨﻲ ﺗﻈﻞ ﺻﺎﻓﻨﻪ ﺑﻮﺟﻬﻲ ﻭﺍﻧﻲ ﻫﻢ ﺍﻏﻠﺲ ﻣﺎﺍﺣﺮﺟﻬﺎ ﻫﻬﻬﻬﻬﻬﻪ
_ ﺷﺒﻴﻚ ﻭﻟﻚ ﻻﺯﻡ ﺗﻔﺮﺡ ﻭﻳﻦ ﻻﻛﻴﻬﺎ ﻫﻴﺞ ﺟﻤﺎﺭﻩ ﺗﺤﺒﻚ ﻭﺗﻤﻮﺕ ﻋﻠﻴﻚ
_ ﻫﻲ ﻣﺎﻝ ﺟﻤﺎﺭﻩ ﻓﻬﻲ ﺟﻤﺎﺭﻩ ﻭﻧﺺ ﺑﺲ ﺷﺨﺼﻴﺘﻬﺎ ﺿﻌﻴﻔﻪ ﻭﺑﺮﻳﺌﺔ ﺯﻳﺎﺩﺓ ﻋﻦ ﺍﻟﻠﺰﻭﻡ ﺗﺪﺭﻳﻦ ﻣﺮﺍﺕ ﻣﻦ ﺍﻋﻴﻂ ﺍﻧﺴﻰ ﻭﺟﻮﺩﻫﺎ ﺑﻌﺪﻳﻦ ﺍﻟﺘﻔﺘﺖ ﺍﺩﻭﺭﻫﺎ ﺍﺩﺭﻱ ﺑﻴﻬﺎ ﺗﺨﺎﻑ ﻣﻦ ﺍﻟﺼﻮﺕ ﺍﻟﻌﺎﻟﻲ ﻭﺗﺨﺎﻑ ﻣﻨﻲ ﻣﻦ ﺍﺻﻴﺮ ﻋﺼﺒﻲ ﺍﻟﻜﺎﻫﺎ ﻣﺪﻣﻌﻪ ﺣﻈﻲ ﺍﻻﻏﺒﺮ ﺍﻛﻄﻢ ﻋﺼﺒﻴﺘﻲ ﻉ ﺍﻟﻨﺺ ﻭﺍﺳﻜﺖ ﻫﻬﻬﻬﻬﻬﻬﻬﻪ ﺍﻧﻲ ﮔﻠﺒﻲ ﺧﻠﺼﺎﻥ ﻭﻣﺨﺒﻞ ﺷﻠﻮﻥ ﺍﻟﺰﻡ ﺭﻭﺣﻲ ﻣﺎﺍﺩﺭﻱ
ﺑﺎﻟﻠﻪ ﻋﻠﻴﺞ ﻣﺘﻜﻮﻟﻴﻠﻲ ﺷﻠﻮﻥ ﺭﺍﺡ ﺍﻛﻤﻞ ﺣﻴﺎﺗﻲ ﻭﻳﺎ
ﻫﻴﺞ ﺑﻨﻴﺔ ﺑﺲ ﺍﻧﻲ ﺣﺒﻲ ﻟﻌﻤﺘﻲ ﻭﻋﻤﻲ ﻣﺎﺍﺭﻳﺪ ﺍﺧﻴﺒﻬﻢ ﻭﺍﺍﺫﻱ ﺑﻨﺘﻬﻢ ﻭﺍﻋﺮﻑ ﻣﻦ ﺍﺍﺫﻳﻬﺎ ﻫﻢ ﻳﺘﺄﺫﻭﻥ
ﻳﺸﻬﺪ ﺍﻟﻠﻪ ﻋﻠﻴﻪ ﻋﻤﺘﻲ ﺍﻡ ﺯﻫﺮﺍﺀ ﺍﺣﺒﻬﺎ ﺍﻛﺜﺮ ﻣﻦ ﺍﻣﻲ
ﺍﻧﺘﻲ ﻣﺘﻌﺮﻓﻴﻦ ﻫﺎﻱ ﺍﻻﻧﺴﺎﻧﻪ ﺷﻜﺪ ﻭﻛﻔﻠﺘﻲ ﺑﻜﻞ ﻣﺸﺎﻛﻠﻲ ﻛﻞ ﻣﺸﻜﻠﻪ ﺍﺭﻛﺾ ﺍﻟﻬﺎ ﻭﺍﻟﻜﺎﻫﺎ ﺳﻨﺪ ﻭﻋﻮﻥ
ﺍﻟﻴﻪ ﻛﻼﻣﻬﺎ ﺍﻟﻬﺎﺩﺉ ﻭﻧﺒﺮﺗﻬﺎ ﺍﻟﻤﻠﻴﺎﻧﻪ ﺣﻨﻴﺔ ﺗﺤﺴﺴﻨﻲ
ﺑﺎﻻﻣﺎﻥ ﺍﻋﺰ ﻣﻦ ﺭﻭﺣﻲ ﻭﺣﻖ ﻣﺤﻤﺪ ﻭﻟﻬﺬﺍ ﺍﻟﺴﺒﺐ
ﻣﺮﺩﺕ ﺯﻫﺮﺍﺀ ﺍﺧﺎﻑ ﻣﻦ ﺍﻟﻤﺸﺎﻛﻞ ﻣﺎﺍﺭﻳﺪ ﺍﺧﺴﺮ ﺍﻣﻲ
ﺍﻟﺜﺎﻧﻴﻪ
_ ﻭﻟﻚ ﺷﺒﻴﻚ ﺗﻤﻮﺕ ﻋﻠﻴﻚ ﺑﺲ ﺩﻟﻠﻬﺎ ﻭﺷﻮﻑ ﺷﺘﻨﻄﻴﻚ ﻣﻦ ﺣﻨﺎﻥ ﺑﻨﺎﺕ ﺩﻛﺘﻮﺭ ﺗﺤﺴﻴﻦ ﺧﻮﺵ
ﺑﻨﺎﺕ ﻧﺪﺍﺭﺓ ﻭﻧﺰﺍﻛﻪ ﻭﻫﺪﻭﺀ ﺑﺲ ﺍﻧﺖ ﻣﺘﻌﺎﻓﻲ ﺗﺮﻳﺪ
ﻭﺣﺪﻩ ﻣﺸﻠﻮﺷﻪ ﻣﺜﻞ ﻓﻼﻧﻪ ﺷﻔﺎﻳﺘﻠﻲ ﻟﻮ ﺟﻨﺘﻲ ﻣﺜﻞ
ﺯﻫﻮﺭﻩ ﺟﻤﺎﻝ ﻭﻫﺪﻭﺀ ﻭﺗﺮﺗﻴﺐ
_ ﺍﻭﻭﻭﻭﻭﻑ ﺍﻧﺘﻲ ﻣﺸﺎﻳﻔﺘﻬﺎ ﻣﻦ ﺗﺤﺠﻲ ﺗﻤﻂ ﺍﻟﺤﺠﺎﻳﻪ ﺗﻤﻄﻂ ﻭﺍﻧﻲ ﻧﺎﺭ ﻭﻫﻲ ﺛﻠﺠﺠﺠﺞ ﺍﺑﻘﻰ ﺍﻧﺘﻈﺮ
ﺷﻮﻛﺖ ﺗﻜﻤﻞ ﻛﻼﻣﻬﺎ ﺍﻧﻲ ﻗﺎﺳﻲ ﻭﻫﻲ ﻣﻦ ﺗﻤﺸﻲ ﺧﻄﻮﺍﺗﻬﺎ ﺗﻨﺤﺴﺐ ﺣﺘﻰ ﺑﺎﻟﻤﺴﺘﺸﻔﻰ ﺍﻟﺪﻛﺎﺗﺮﻩ ﻣﻨﺘﺒﻬﻴﻠﻲ ﺩﺍﺋﻤﺎ ﻋﺎﻛﺪ ﺣﺎﺟﺒﻲ ﺍﻧﻲ ﻣﻮ ﺑﻴﺪﻱ ﻋﻨﺪﻱ ﻗﺴﺎﻭﺓ ﻣﻮ ﻃﺒﻴﻌﻴﻪ ﻭﻫﺎﻱ ﺯﻫﻮﺭﻩ ﺍﻧﻔﺦ ﻋﻠﻴﻬﺎ ﺗﻄﻴﺮ ..
ﺍﻡ ﺍﺣﻤﺪ ﻇﻠﺖ ﺗﻀﺤﻚ : ﻧﺰﻭﻭﻭﻝ ﻋﻠﻴﻚ ﺷﻨﻮﻭ ﻧﻔﺎﺧﻪ
_ ﺍﻱ ﻭﺍﻟﻠﻪ ﺍﻧﻮﺏ ﺿﻌﻴﻔﻪ ﺷﻜﺪﻭﺗﻬﺎ ﻣﺮﻳﻢ ﻣﺎﺧﺬﻩ ﻋﺎﻓﻴﺘﻬﺎ ﻫﻬﻬﻬﻬﻪ ﻫﺴﻪ ﻟﻮ ﺑﻴﻬﺎ ﺷﻮﻳﻪ ﻟﺤﻤﻪ ﻋﺎﺩ ﻣﺎﺍﺩﻳﺮ ﺑﺎﻝ
ﺧﺎﻑ ﺍﻛﻔﺨﻬﺎ ﺗﺘﻌﻮﻕ ﻟﻮ ﻳﺼﻴﺮ ﺑﻴﻬﺎ ﺷﻠﻞ
_ ﻫﺎﻱ ﻣﻨﻮ ﻛﻠﻚ ﻫﻲ ﺿﻌﻴﻔﻪ ﻭﻟﻚ ﺍﻧﺖ ﻏﻴﺮ ﻣﺸﻔﺘﻬﺎ
ﺑﺎﻟﺒﺪﻟﻪ ﺟﺴﻤﻬﺎ ﻳﺠﻨﻦ ﻣﺮﺻﻮﺻﻪ ﺭﺹ ﺑﺲ ﺍﻧﺖ ﺧﺒﻞ
ﻣﺪﺭﻱ ﺷﺒﻴﻚ ﺣﻼﻟﻚ ﻭﻳﻤﻚ ﻣﺘﺘﻘﺮﺑﻠﻬﺎ ﺩﺍﻓﺮ ﻧﻌﻤﺘﻚ
ﺑﺮﺟﻠﻚ
_ ﻣﻮ ﻣﻮﺩﻱ ﺍﺑﺪ ﺑﺲ ﺻﺎﺭﺕ ﺍﻟﻘﺴﻤﻪ ﺍﻧﻮﺏ ﺍﻣﻲ ﺗﺤﺒﻬﺎ
ﺍﻛﺜﺮ ﻣﻦ ﺑﻨﺖ ﺍﺧﺘﻬﺎ ﺷﺤﺪﻱ ﺍﺣﺠﻲ ﻋﻠﻴﻬﺎ ﻫﻬﻬﻬﻬﻪ
_ ﺣﻴﻞ ﺑﻴﻚ ﻭﺍﻟﻠﻪ ﺗﺴﺘﺎﻫﻞ ﻫﻬﻬﻪ ﺍﻧﻮﺏ ﻋﻤﺘﻲ ﺗﻨﺘﻈﺮ ﺣﻔﻴﺪ ﻣﻨﻜﻢ ﻣﺘﺪﺭﻱ ﺟﻨﺘﻬﺎ ﺑﻌﺪﻫﺎ ﺧﺎﻡ
_ ﻭﺍﻧﻲ ﻣﻨﺘﻈﺮ ﺍﺧﻮﻩ ﻟﻌﺪ
_ ﻳﺎﺍﺍﺍ ﻳﻠﻪ ﻋﺎﺩ ﻓﻀﻬﺎ ﻟﻮ ﺍﻛﻮﻭﻟﻚ ﺧﻠﻴﻬﺎ ﺗﻜﻤﻞ ﻛﻠﻴﻪ ﺍﺣﺴﻦ ..
ﻛﺎﻟﺖ ﻛﻼﻣﻬﺎ ﻭﺿﺤﻜﺖ ﻭﺍﻧﻲ ﻫﺰﻳﺖ ﺭﺍﺳﻲ ﻭﻫﻤﺴﺖ ﺍﻟﻠﻪ ﻛﺮﻳﻢ ..
ﺑﻘﻴﺖ ﻳﻤﻬﻢ ﻋﻠﻰ ﺍﻟﻌﺸﻰ ﺍﺟﻪ ﺍﺧﻮﻳﻪ ﻭﻭﻟﺪﻩ ﺗﻮﻧﺴﺖ ﻭﻳﺎﻫﻢ ﻭﻏﻴﺮﺕ ﺟﻮﻭ ﻭﺑﺎﻟﻠﻴﻞ ﺭﺟﻌﺖ ﻟﻠﺒﻴﺖ .
ﻛﺮﺍﺭ : ﻓﺘﺖ ﻟﻠﺒﻴﺖ ﺻﺎﺭ ﺍﺑﻮﻳﻪ ﻛﺒﺎﻟﻲ ﺳﻠﻤﺖ ﺍﺷﺮﻟﻲ ﺍﻛﻌﺪ ﻛﻌﺪﺕ ﻳﺎﺑﻪ ﻭﺍﻟﻨﺒﻲ ﺗﻌﺒﺎﻥ ﺍﺭﻳﺪ ﺍﺻﻌﺪ ﺍﺭﺗﺎﺡ ..
ﻗﺰ ﺍﻟﻘﺮﻁ ﺧﻞ ﺍﺣﺠﻲ ﺍﺑﻦ ﺍﻻﻭﺍﺩﻡ ..
ﺑﺨﻮﻑ ﻣﺼﻄﻨﻊ ﺟﺎﻭﺑﺘﻪ ﺗﻔﻀﻞ ﻳﺎﺑﻪ
ﻛﺎﻝ ﺑﻌﺪ ﺑﺎﺟﺮ ﺟﻤﻌﻪ ﺧﻠﻲ ﻧﻌﺰﻡ ﺑﻴﺖ ﻋﻤﻚ ﻋﻠﻰ ﻏﺪﻩ ﻋﻴﺐ ﻻﺯﻡ ﻧﻘﻮﻱ ﻋﻼﻗﺘﻨﺎ ﺑﻴﻬﻢ ..
ﺍﻱ ﻓﻌﻼ ﻳﺎﺑﻪ ﻛﻼﻣﻚ ﺻﺤﻴﺢ ﻭﺍﻟﻠﻪ ﻭﻟﻮ ﻣﺎ ﺍﻃﻴﻘﻬﻢ ﺑﺲ ﻓﻌﻼ ﻛﻼﻣﻚ ﺣﺠﻲ .
ﻣﺎﺗﺼﻴﺮﻟﻚ ﺟﺎﺭﺓ ﻛﻮﻭﻡ ﻭﻟﻲ ﻣﻦ ﻛﺪﺍﻣﻲ ﻭﻟﺘﻨﺴﻰ ﺍﻟﻌﺰﻳﻤﻪ ﻳﻮﻡ ﺍﻟﺠﻤﻌﻪ ..
ﻛﻤﺖ ﺻﻌﺪﺕ ﻓﻮﻙ ﺭﻳﺤﺖ ﺷﻮﻳﻪ ﻭﻧﺰﻟﺖ ﺗﻐﺪﻳﺖ ﻭﻇﻠﻴﻨﻪ ﻧﺤﺠﻲ ﺑﺎﻟﻌﺰﻳﻤﻪ ..
ﻭﺍﺟﻪ ﻳﻮﻡ ﺍﻟﺠﻤﻌﻪ ﻭﺟﻮﻱ ﺍﻫﻞ ﻣﻬﺎ ﻋﻠﻰ ﺍﻟﻐﺪﻩ
ﻫﻤﺰﻳﻦ ﺍﻟﻨﺴﻮﺍﻥ ﻭﺣﺪ ﻳﻜﻌﺪﻭﻥ ﻭﺍﻟﺰﻟﻢ ﻭﺣﺪ ﻣﻦ ﺟﻬﺘﻲ ﻫﺎﻱ ﺣﺘﻰ ﺍﺧﺘﻠﻲ ﺑﻤﻬﺎ ..
ﺭﺣﺖ ﺳﻠﻤﺖ ﻋﻠﻴﻬﻢ ﻭﺷﻔﺘﻬﺎ ﻳﺎ ﻳﺎﺑﻪ ﻣﻦ ﺍﺷﻮﻓﻬﺎ ﺗﺮﺩ
ﺭﻭﺣﻲ ﻭﺍﻟﻠﻪ ﻇﻠﻴﺖ ﺍﺑﺎﻭﻋﻠﻬﺎ ﻣﺒﺘﺴﻢ ، ﻭﻫﻲ . ﺍﺭﺗﺴﻤﺖ ﺍﻟﺴﻌﺎﺩﺓ ﺑﻨﻈﺮﺍﺗﻬﺎ .. ﻏﻤﺰﺕ ﺍﻟﻬﺎ ﻇﻠﺖ ﺗﺤﺬﺭﻧﻲ ﺑﻨﻈﺮﺍﺗﻬﺎ ﺑﻮﺟﻮﺩ ﺍﻫﻠﻬﺎ ﻭﺧﺪﻭﺩﻫﺎ ﺗﺤﻮﻟﺖ ﺣﻤﺮﺓ ﻣﻦ ﺍﻟﺨﺠﻞ .
ﻋﻔﺘﻬﻢ ﻭﺭﺣﺖ ﻛﻌﺪﺕ ﻳﻢ ﺍﻟﺰﻟﻢ ﺷﻮﻳﻪ ﻭﻛﻤﺖ ﻫﺬﺍ ﺍﺑﻮﻫﺎ ﻣﺮﺍﻗﺒﻨﻲ ﻋﺒﺎﻟﻚ ﻧﺎﻫﺐ ﺑﻨﺘﻪ ﺍﻣﺪﺍﻙ ﻭﺍﻣﺪﻩ ﺣﻈﻲ ﻭﻳﺎﻙ ..
ﻛﻤﺖ ﺭﺣﺖ ﻟﻠﻤﻄﺒﺦ ﻟﻜﻴﺖ ﺳﻤﺎﻫﺮ ﺩﺗﺴﺎﻋﺪ ﺍﻣﻲ ﺑﺎﻟﻤﻄﺒﺦ
ﺍﺷﺮﺗﻠﻬﺎ ﻭﺣﺠﻴﺖ ﺑﻨﺒﺮﺓ ﺍﻗﺮﺏ ﻟﻠﻬﻤﺲ ﺍﻛﻮﻟﺞ ﺍﻧﻲ ﺻﺎﻋﺪ ﻓﻮﻙ ﻭﺍﻧﺘﻲ ﺻﻴﺤﻲ ﻟﻤﻬﺎ ﻭﺻﻌﺪﻳﻬﺎ ﻟﻐﺮﻓﺘﻲ ..
ﺿﺮﺑﺘﻨﻲ ﻋﻠﻰ ﻛﺘﻔﻲ ﻫﺎﺍ ﻭﻟﻚ ﻋﻠﻴﻴﻴﻨﺎ ﺷﺘﺮﻳﺪ ﺗﺴﻮﻭﻱ ..
ﻫﺴﻪ ﺍﻧﺖ ﺷﻌﻠﻴﺞ ﺣﻄﻴﺘﻲ ﺭﻭﻭﺣﺞ ﺩﻳﻴﻠﻪ ﺭﻭﻭﺣﻲ ..
ﺻﺎﺭ ﻋﻴﻨﻲ ﺻﺎﺭ ..
ﺍﺭﻳﺪ ﺍﻃﻠﻊ ﺭﺟﻌﺖ ﻛﺘﻠﻬﺎ ﺑﺪﻭﻥ ﻣﺤﺪ ﻳﺤﺲ ﺗﻤﺎﻡ ؟
ﺯﻳﻦ ﺍﻧﻲ ﺣﻜﻮﻟﻠﻬﺎ ﺗﺴﺎﻋﺪﻧﻲ ﺑﺎﻟﻤﻄﺒﺦ ﻭﺍﻧﻮﺏ ﺍﺻﻌﺪﻫﺎ ﺍﻟﻚ ﺗﻬﺮﻳﺐ ﻣﻦ ﺍﻟﺼﺎﻟﺔ ..
ﺍﻱ ﻋﻔﻴﻪ ﻫﻴﺞ ﺍﺭﻳﺪﺝ .. ﺿﺤﻜﺖ ﻭﺍﻧﻲ ﺻﻌﺪﺕ ﻟﻠﻐﺮﻓﻪ
ﻭﻇﻠﻴﺖ ﺍﻧﺘﻈﺮ ﻣﻬﺎ ﺗﺠﻴﻨﻲ ﻋﻠﻰ ﻧﺎﺭ ، ﻛﻠﺴﺎﻉ ﺍﻓﺘﺢ ﺑﺎﺏ ﺍﻟﻐﺮﻓﺔ ﻭﺍﻃﻞ ﻭﺍﺭﻣﺶ ﻋﻠﻰ ﺗﻠﻴﻔﻮﻥ ﺳﻤﺎﻫﺮ ﻭﻫﻴﻪ ﺗﻜﻄﻌﻪ
ﻭﺭﺍ ﺷﻮﻳﻪ ﺍﻧﺪﻛﺖ ﺍﻟﺒﺎﺏ ﻓﺘﺤﺘﻪ ﻭﺻﺎﺭﺕ ﻛﺒﺎﻟﻲ ﻣﻬﺎ
ﺑﺲ ﺷﺎﻓﺘﻨﻲ ﺷﻬﻜﺖ : ﻛﺮﺍﺭ ﻫﺬﺍ ﺍﻧﺘﻪ ﺍﻧﻲ ﺭﺍﻳﺤﻪ
... ، ﺍﺟﺖ ﺩﺗﺮﻭﺡ ﺭﻛﻀﺖ ﻭﺭﺍﻫﺎ ﻟﺰﻣﺖ ﺍﻳﺪﻫﺎ : ﻭﻳﻦ ﻭﻳﻦ ﻭﻳﻦ ﺑﺎﻟﻤﻮﺕ ﻳﻼ ﺣﺼﻠﺖ ﻫﻴﺞ ﻟﻘﺎﺀ ﻭﺗﺮﻳﺪﻳﻦ ﺗﻔﻠﺘﻴﻦ ﻭﺍﻟﻠﻪ ﺑﺎﺣﻼﻣﺞ ﺍﺑﻮﺝ ﺍﺑﻮ ﻛﺮﺵ ﺧﺎﻧﻜﻨﻲ ﺑﺲ ﻳﺒﺎﻭﻉ ﻋﻠﻴﻪ ﻳﻤﻜﻦ ﺣﺲ ﺍﺭﻳﺪ ﺍﺑﻮﻛﻪ ﻫﻬﻬﻪ
ﺑﺨﺠﻞ ﻛﺎﻟﺖ : ﻋﻔﻴﻪ ﻛﺮﺍﺭ ﻋﻴﺐ ....
_ ﺍﻟﻌﻴﺐ ﺑﺎﻟﺠﻴﺐ ﺑﺎﺑﺎﺗﻲ ﺻﺎﺭ ﺳﻨﻪ ﻭﻧﺺ ﺧﺎﻃﺒﺞ ﻭﻋﺎﻗﺪﻳﻦ
ﺑﻮﺳﻪ ﻣﻤﺤﺼﻞ ﺑﺎﻟﻚ **** ﻣﺼﺎﻳﺮﻩ ﻫﺎﻱ ﺍﻟﻴﻮﻡ ﺍﺷﺒﻊ
ﺑﻮﺱ ﻭﺩﺍﺍﺷﻮﻑ ﻳﺎ ﻛﻠﺐ ﻳﻤﻨﻌﻨﻲ
_ ﻭﻟﻚ ﺩﻭﺧﺮ ﻣﺘﺴﺘﺤﻲ ﺍﻧﺖ
_ ﻟﺘﻜﻮﻟﻴﻦ ﻟﻚ ﻭﺧﺰﺭﺗﻬﺎ
_ ﺍﻭﻛﻲ ﺍﻭﻛﻲ ﺍﺳﻔﻪ ﺑﺲ ﺣﺒﺎﺏ ﻭﺧﺮ ﻓﺪﻭﺓ ﺍﺭﻭﺣﻠﻚ
ﻫﻲ ﺗﺤﺠﻲ ﻭﺗﺪﻓﻊ ﺑﻴﻪ ﻗﻴﺪﺗﻬﺎ ﺯﻳﻦ ، ﻭﺣﻄﻴﺖ ﺷﻔﺎﻳﻔﻲ ﻋﻠﻰ ﺷﻔﺎﻳﻔﻬﺎ ﻭﺳﻜﺘﺘﻬﺎ ، ﻇﻠﺖ ﺗﺪﻓﻊ ﺑﻴﻪ ﺟﺮﻳﺘﻬﺎ ﻟﺤﻀﻨﻲ ﺍﻛﺜﺮ ..
ﺍﺭﺗﻮﻳﺖ ﻣﻦ ﺷﻔﺎﻳﻔﻬﺎ ﻣﺜﻞ ﺻﺎﻳﻢ ﻭﺧﻠﻮﺍ ﻛﺪﺍﻣﻪ ﻣﻲ ﺑﻌﺪ ﺻﻴﺎﻡ ﻛﻮﻭﻣﻪ ﻭﻗﺖ ، ﺣﺴﻴﺖ ﺑﻨﺒﻀﺎﺗﻲ ﺗﺤﺎﻛﻲ ﻧﺒﻀﺎﺗﻬﺎ ﺍﻟﺜﺎﺋﺮﺓ ، ﻭﺑﺪﺍﺧﻠﻲ ﺍﺷﺘﻌﻠﺖ ﺭﻏﺒﺔ ، ﻋﻠﻰ ﺍﺛﺮﻫﺎ ﺗﻠﺨﺒﻂ ﻗﻠﺒﻲ ﻭﻧﺒﻀﺎﺗﻪ ..
ﺗﺮﻛﺘﻬﺎ ﻭﺑﺎﻭﻋﺖ ﻟﻌﻴﻮﻧﻬﺎ ﺷﻔﺘﻬﺎ ﻋﻠﻰ ﻭﺳﻌﻬﺎ ﻣﻠﻴﺎﻧﻪ ﺩﻣﻮﻉ ﻭﺍﻧﻄﻠﻘﺖ ﻣﻨﻬﺎ ﺷﻬﻜﺎﺕ ﺷﺒﻪ ﻣﺴﻤﻮﻋﺔ ، ﺟﺮﻳﺘﻬﺎ ﻟﺤﻀﻨﻲ : ﺣﺒﻴﺒﻲ ﻭﺍﻟﻠﻪ ﻣﺴﻮﻳﺖ ﺷﻲ ﻫﻲ ﺑﺲ ﺑﻮﺳﺎﺕ ﺗﺮﻯ ﺍﺳﻮﻱ ﺍﻻﻛﺒﺮ .
ﺑﺎﻭﻋﺘﻠﻲ ﺑﺮﻓﺾ ﻭﺩﻓﻌﺘﻨﻲ ﻭﺍﺟﺖ ﺩﺗﻨﺰﻝ ﻟﺰﻣﺘﻬﺎ ﻭﺳﺤﺒﺘﻬﺎ ﺑﺎﺗﺠﺎﻫﻲ : ﻭﻳﻦ ﻧﺎﺯﻟﻪ ﺍﻣﺸﻲ ﻋﺪﻟﻲ ﺣﺠﺎﺑﺞ ﻭﺣﻤﺮﺗﺞ ﻭﺟﻬﺞ ﺻﺎﺭ ﺍﺣﻤﺮ ﺗﺤﺴﺲ ﻣﻦ ﻟﺤﻴﺘﻲ ﻏﻤﺰﺗﻠﻬﺎ ..
ﻣﺪﺕ ﺍﻳﺪﻫﺎ ﻟﻮﺟﻬﻬﺎ ﺗﺘﺤﺴﺴﺴﻪ : ﺗﻜﺬﺏ ﻋﻠﻴﻪ ﻛﺮﺍﺭ ﺗﺮﻳﺪ ﺗﻨﻔﺮﺩ ﺑﻴﻪ ﻫﺎﺍ ؟
ﻟﺞ ﻻ ﺍﺧﺬﺕ ﺣﺼﺘﻲ ﻭﺍﺭﺗﻮﻳﺖ ﻣﻦ ﻫﺎﻟﻠﻔﺮﺍﻭﻟﺔ ﺑﺲ ﺍﻧﺖ ﺣﺘﻨﺰﻟﻴﻦ ﻭﻳﺸﻮﻓﻮﺝ ﻫﻴﺞ ﺷﺮﺍﺡ ﻳﻜﻮﻟﻮﻥ ؟
ﺑﺎﻭﻋﺘﻠﻲ ﺑﺘﻔﻜﻴﺮ ، ﺳﺤﺒﺘﻬﺎ ﻣﻦ ﺍﻳﺪﻫﺎ ﻭﺣﺠﻴﺖ ﻻﺗﻔﻜﺮﻳﻦ ﻗﺎﺑﻞ ﺷﺤﺴﻮﻳﻠﺞ ﻓﻮﻭﻭﺗﻲ ﻳﻠﻪ ﻭﺩﺧﻠﺘﻬﺎ ﻟﻐﺮﻓﺘﻲ
ﺭﺍﺣﺖ ﻟﻠﻤﺮﺍﻳﻪ ﻇﻠﺖ ﺗﻌﺪﻝ ﺑﻨﻔﺴﻬﺎ ﻭﺍﻧﻲ ﻛﺎﻋﺪ ﻋﻠﻰ ﺍﻟﺠﺮﺑﺎﻳﻪ ﺍﺗﺄﻣﻠﻬﺎ ﻭﺑﺪﺍﺧﻠﻲ ﻟﻬﻴﺐ ﻣﻦ ﺑﺮﺍﻛﻴﻦ ﻣﺸﺘﻌﻠﺔ ﺑﺴﺒﺐ ﺍﻟﺮﻏﺒﺔ ، ﺭﺣﺖ ﻳﻤﻬﺎ ﺣﻀﻨﺘﻬﺎ ﻣﻦ ﻇﻬﺮﻫﺎ ، ﺍﺭﺗﺠﻒ ﺟﺴﻤﻬﺎ ﺑﻴﻦ ﺍﺩﻳﻪ .
ﺗﻤﻨﻴﺖ ﺍﺿﻤﻬﺎ ﻭﺍﺣﺘﻮﻳﻬﺎ ﺑﻘﻔﺼﻲ ﺍﻟﺼﺪﺭﻱ ﺑﺲ ﺍﻫﺪﻳﻬﺎ ﻭﺑﻌﺪﻳﻦ ﺍﺗﺮﻛﻬﺎ ﻣﻦ ﺟﺪﻳﺪ
ﻗﺮﺑﺖ ﺣﻠﻜﻲ ﻣﻦ ﺍﺫﻧﻬﺎ ﻭﺍﻳﺪﻱ ﻣﻘﻴﺪﺗﻬﺎ ، ﻫﻤﺴﺘﻠﻬﺎ : ﺣﺒﻴﺒﻲ ﺷﻮﻛﺖ ﺗﻨﻮﺭﻳﻦ ﻏﺮﻓﺘﻲ ﻭﺍﻛﻌﺪ ﺍﻟﻜﺎﺝ ﻛﺒﺎﻟﻲ ﻭﻟﺞ ﻣﻮ ﺭﺍﺡ ﺍﻣﻮﺕ ﻭﺍﻟﻠﻪ..بيج قصص عراقيه حقيقيه من واقعنا.روعه الطائي
ﺍﻟﺘﻔﺘﺖ ﻋﻠﻴﻪ ، ﺣﻄﺖ ﺍﻳﺪﻫﺎ ﻉ ﺣﻠﻜﻲ : ﺍﺳﻢ ﺍﻟﻠﻪ ﻟﺘﺠﻴﺐ ﻃﺎﺭﻱ ﺍﻟﻤﻮﺕ ﻉ ﻟﺴﺎﻧﻚ ﻓﺪﻭﺓ ﻳﻮﻣﻲ ﻗﺒﻞ ﻳﻮﻣﻚ ﺍﻥ ﺷﺎﺀﺍﻟﻠﻪ
ﻣﺪﻳﺖ ﺍﻳﺪﻱ ﻭﺷﻠﺖ ﺍﻟﺸﺎﻝ ﻣﺎﻟﺘﻬﺎ ﺩﻓﻨﺖ ﻭﺟﻬﻲ ﻭﺑﻮﺳﺘﻬﺎ ﻋﻠﻰ ﺭﻛﺒﺘﻬﺎ ﻭﻃﻮﻟﺖ ، ﻣﺒﺘﻌﺪﺕ ﺍﻻ ﺳﻮﻳﺘﻠﻬﺎ ﺍﺛﺮ ، ﺑﺎﻭﻋﺖ ﻟﻌﻴﻮﻧﻬﺎ ﺫﺑﻼﻧﻪ ، ﺍﺑﺘﻌﺪﺕ ﻋﻨﻬﺎ ﻭﺭﻛﺰﺕ ﻉ ﺍﻻﺛﺮ ﺍﻟﻲ ﺻﺎﺭ ﻋﻠﻰ ﺭﻗﺒﺘﻬﺎ ، ﻋﻜﺪﺕ ﺣﻮﺍﺟﺒﻬﺎ ..
ﻭﺍﻟﺘﻔﺘﺖ ﻋﻠﻰ ﺍﻟﻤﺮﺍﻳﻪ ﺗﺘﻔﺤﺺ ﺭﻗﺒﺘﻬﺎ ، ﻣﻦ ﺷﺎﻓﺖ ﺍﻻﺛﺮ ﺗﺮﻛﺘﻬﺎ ﻭﻧﺰﻟﺖ ﻻﻥ ﺣﺘﻈﻞ ﺗﺤﺠﻲ ﻭﺗﻌﻜﺮ ﻣﺰﺍﺟﻲ ﻭﺍﻧﻲ ﻟﻬﺴﻪ ﺍﺣﺴﺎﺱ ﻗﺮﺑﻲ ﻣﻨﻬﺎ ﻣﺴﻴﻄﺮ ﻋﻠﻴﻪ .
ﺭﺣﺖ ﻳﻢ ﺍﻟﺰﻟﻢ ﻟﻜﻴﺘﻬﻢ ﻳﺤﺠﻮﻥ ﺑﻮﺿﻊ ﺍﺑﻮﻫﺎ ﺍﻟﺼﺤﻲ ﺑﺲ ﺍﻧﺘﺒﻪ ﻋﻠﻴﻪ ﻭﺷﺎﻓﻨﻲ ﺑﺴﺮﻋﻪ ﺳﺄﻟﻨﻲ : ﻭﻳﻦ ﺟﻨﺖ ﻋﻤﻲ ؟
ﺟﺎﻭﺑﺘﻪ ﻭﺍﺣﺎﻭﻝ ﺍﺳﻴﻄﺮ ﻋﻠﻰ ﻧﻔﺴﻲ : ﻫﻨﺎ ﺧﺎﺑﺮﻧﻲ ﻭﻟﺪ ﺻﺪﻳﻘﻲ
ﺑﺪﺍﺧﻠﻲ ﺣﺠﻴﺖ ﺟﻨﺖ ﺍﺗﻮﻧﺲ ﻭﻳﺎ ﺑﻨﺘﻚ ﻏﺼﺒﺎً ﻋﻠﻴﻚ ﻭﻉ ﻛﺮﺷﻚ ﺑﺴﺘﻬﺎ ﺍﺑﻮ ﺧﺸﻢ ﺑﺴﺘﻬﺎ ﻣﻦ ﻭﺭﺍﺍﻙ ﻭﺍﻛﻔﻠﻲ ﺳﺠﻴﻨﻪ
ﺧﺎﺻﺮﺓ
ﺳﻤﻌﺖ ﺍﺑﻮﻳﻪ ﻳﻮﺻﻔﻠﻪ ﺩﻛﺘﻮﺭ ﺑﺎﻟﺤﺎﺭﺛﻴﻪ ﻫﻮ ﺑﺎﻟﺤﻘﻴﻘﻪ ﺧﻮﺵ ﺩﻛﺘﻮﺭ ﺑﺲ ﺍﻧﻲ ﻋﺠﺒﻨﻲ ﺍﺧﺒﺚ
ﻛﻠﺘﻠﻪ ﻋﻤﻲ ﺍﻟﻠﻪ ﻭﻛﻴﻠﻚ ﺑﺲ ﺗﺮﻭﺣﻠﻪ ﻋﺪﻝ ﻭﻛﺒﻞ ﻳﻮﺩﻳﻚ ﻟﺜﻼﺟﺔ ﺍﻟﻤﻮﺗﻰ ﻭﻧﺼﻴﺖ ﺻﻮﺗﻲ ﺍﻥ ﺷﺎﺀﺍﻟﻠﻪ
ﺍﻭﺩﻳﻚ ﺑﻴﺪﻱ ﻟﺜﻼﺟﺔ ﺍﻟﻤﻮﺗﻰ ﻳﻤﻲ ﻋﺒﺪﺍﻟﻠﻪ ﺍﺧﻮﻳﻪ ﻛﺮﺻﻨﻲ
ﻫﻮ ﺍﻧﺠﺮ ﺑﻮﺷﻪ : ﻻﻻ ﺍﺑﻘﻰ ﻉ ﺍﻻﻋﺸﺎﺏ ﺍﺣﺴﻠﻲ
_ ﺍﻱ ﺻﺢ ﻫﻮ ﺍﻧﺖ ﺷﺒﻴﻚ ﺷﻮ ﺣﻴﻠﻚ ﺍﻗﻮﻯ ﻣﻨﻲ ﻫﺴﻪ ﺍﺫﺍ ﺗﻠﺰﻣﻨﻲ ﺗﻄﻠﻊ ﺭﻭﺣﻲ ﺑﻴﻚ ﺑﻌﺪ ﺗﻌﻴﺶ ﻓﺪ
١٠ ﺳﻨﻮﺍﺕ ﺗﺮﻯ ﻫﻮﺍﻱ ﻣﻮ ﺑﺎﻟﻠﻪ
ﺍﺑﺎﻭﻉ ﺍﺑﻮﻳﻪ ﺧﺎﺯﺭﻧﻲ ﺑﺲ ﺑﺎﻟﻜﻮﺓ ﻛﺎﺗﻢ ﺿﺤﻜﺘﻪ
ﻭﻫﻮ ﻋﻴﻮﻧﻪ ﺗﺮﻳﺪ ﺗﻄﻠﻊ ﻣﻦ ﻣﻜﺎﻧﻬﺎ
ﺗﺮﻛﺘﻬﻢ ﻭﻃﻠﻌﺖ ﻟﻠﻄﺮﻣﻪ ﺍﺿﺤﻚ ﺑﺼﻮﺕ ﻋﺎﻟﻲ ....
ﺯﻫﺮﺍﺀ : ﻛﺎﻋﺪﺓ ﻭﺣﺪﻱ ﺑﺤﺪﻳﻘﺔ ﺍﻟﻜﻠﻴﺔ ﻋﺪﻧﺎ ﺭﻳﺴﺖ ﻭﺍﻟﺒﻨﺎﺕ ﺭﺍﺣﻮﺍ ﻟﻠﺤﻤﺎﻣﺎﺕ ..
ﻣﻦ ﺑﻌﻴﺪ ﺷﻔﺖ ﺍﺳﺘﺎﺫ ﺭﺍﻓﺪ ﺟﺎﻱ ﺑﺎﺗﺠﺎﻫﻲ ، ﻭﺗﻘﺮﺏ ﻭﺻﺎﺭ ﻳﻤﻲ ﺑﻘﻴﺖ ﺍﺑﺎﻭﻋﻠﻪ ﺑﻌﺪﻡ ﻓﻬﻢ
ﻭﻫﻮ ﺑﻬﺪﻭﺀ ﻛﺎﻝ : ﺯﻫﺮﺍﺀ ﻣﻤﻜﻦ ﺍﺣﺠﻲ ﻭﻳﺎﺝ ..
ﺟﺎﻭﺑﺘﻪ : ﺑﻠﻲ ﺩﻛﺘﻮﺭ ﺗﻔﻀﻞ
ﺳﻌﻞ ﻳﺮﻳﺪ ﻳﺤﺠﻲ ، ﺍﺟﻮﺍ ﺍﻟﺒﻨﺎﺕ ..
ﻫﻮ ﺷﺎﻓﻬﻢ ﻛﺎﻝ ﺑﻌﺪﻳﻦ ﻧﺤﺠﻲ ﺳﻠﻤﻴﻠﻲ ﻉ ﺍﻻﻫﻞ ..
ﺑﻘﻴﺖ ﺑﺎﻫﺘﻪ ﻭﺗﻤﺘﻤﺖ : ﻳﻮﺻﻞ ﺩﻛﺘﻮﺭ ..
ﺭﺣﻨﺎ ﻟﻠﻨﺎﺩﻱ ﺩﺍﺍﻛﻞ ﺭﻥ ﻣﻮﺑﺎﻳﻠﻲ ﺑﺎﻭﻋﺘﻪ ﺭﺷﺎ ﺗﺘﺼﻞ ﺑﻴﻪ
ﺷﻌﺪﻫﺎ ﻫﺎﻱ !!!
ﺍﻭﻭﻭ ﺧﻠﻲ ﺍﺟﺎﻭﺑﻬﺎ ﻓﺘﺤﺖ ﺧﻂ ﻭ ﺑﻌﺪﻧﻲ ﻣﻜﺎﻳﻠﻪ ﺍﻟﻮﻭ
ﺍﻧﻬﺪﺕ ﺑﻴﻪ : ﺑﻨﺖ ﺍﺑﻮﺝ ﻭﺗﻌﺎﻟﻲ ﻟﻠﺒﻴﺖ
ﺍﻟﻴﻮﻡ ﺑﻨﺖ ﺍﻡ ﺍﻟﺴﺤﻮﻭﻭﻭﺭﻩ ﺍﻧﻲ ﺍﻋﻠﻤﺞ ﻫﺎﻱ ﺷﻤﺴﻮﻳﻪ ﻭﻟﺞ .. ؟؟
ﻳﺘﺒﻊ
