عمر: صار شهر من ازوجت ماحس بروحي عريس رغم العرس فخم وفرحو بي بس مالي فرحة جانت
مابي لاطعم ولالون مرتي اتقربتلهه بس ليلة العرس
مالي نفس بيهه ...
اسراء:-انتة ليش گاعد هنا بالحديقة كوم اصعد
عمر: عوفيني هنا اصعدي انتي
اسراء:عمر انتة شنو مارايدني
عمر:من البداية تدرين ليش وافقتي
اسراء:ماكو رجال يتقرب لمرتة مرة وحدة ويعوفهه
عمر: بكيفي! شنو تجبريني
اسراء:شنو ماتكدر! !گول لاتستحي اني مرتك
عمر: خزرتهه وگفت وجريتهه من ايدهه اسمعي لج لا انتي ولا غيرج اتجيب رجولتي بالطاري ادفنهه ومحمد بمكانهه امشي اصعدي لا اسحلج لاهلج
يالله! !!!!
......
علي:ريم راح اطلع وية زياد بالسيارة
ريم: ماشي
علي: مقهور على اختي والكتل اللي اكلتة من عمامي كلت اطلع اغير جو
زياد:علي لاتسوق سريع اعرف مقهور وحقك بس شسوي هذا طبعهم
علي: -اختي موخدامة اخواتكم وصلن على حسابهه وماكو رحمة بس اغيب عنهه ارجع الكاهه مدماية مو حجي هذا
زياد:-علي ديربالك هذا رجال! !!!!!!!!!!!!!!!!..
.............
عامر: اسمع علي الولد مات واهلة يردون الدم بالدم
ام ناصر:سودة بوجهي حفيدي ماانطي. انطي روحي وماانطي يمة علاوي
ثامر:شنو ماتنطي. تدرين مسلحين العشيرة وحتى موهمة الكعدو دازين طرف ثالث احنة نريد حل ماريد ابني يضيع من ورة الارعن هذا
عامر: كلتلهم ننطيكم فصلية! وبلكت يقتنعون
ثامر:واذا وافقو منو ننطي
عامر:ريم! هية تصحح غلط اخوهه قابل ننطي بناتنة
علي: اختي ماتطلع فصلية: اني انطيهم روحي
ثامر: شوف هاي السوالف المابيهه خير اسمع لك هاي ناس واصلة اذا مو دم سجن ويمردونة بالگاع ولو ما هاي العشاير الدخلناهه طلقة براسك ودفنوك مثل الجلب.
مر3ايام /
ريم:البيت مكلوب كلاب ناس تروح وناس تجي وعشيرتنة والعشاير الباقية ناس تهدد وناس تترجى
متت من الخوف على اخوية ..دعم الرجال موبقصد
(دخيلك ياربي احفظ اخوية واستر علية)
-مرت عمي عامر:ريم! !البسي يردوج بالديوان
ريم: ليش
مرت عمي عامر:راح يعقدون عليج لرجال وتصيرين فصليتة
ريم:- لا! بصوت عالي وصياح وقهر وألم،
ام ناصر:لا لا لا بنتي ماتطلع بنتي مانطيهه الهم لا والف لا! لج ريومة يذلوج لج يأذوج ويهينوج لج اذا مرة باليوم تنضربين هناك الف لا اموت وراج اموت وراج
ريم: جدة وگعت وجلبت برجلي كعدت وحظنتهه واشهگ وابجي كمت شمرت روحي جوة رجلين مرت عمي عامر
-الله يخليج لا تخليهم ياخذوني والله اصير خدامة جوة رجليج والله مانام وماعارض على شي اخدمكم بعيني لا تطلعوني بذلة.
مرت عمي عامر;نزلت وكعدت وحظنتهه وبجيت مريومة حبيبتي انتي تحبين اخوج
ريم: اي
مرت عمي عامر:- ترضين يموت
ريم: لا
مرت عمي عامر:انتي عقدولج الوكيل عمج والولد دز وكيل عنة وصرتي متزوجة. العشيرة اللي اجتي قنعوهم بيج وكوة علينة الغلط راح تصححي انتي
روحي وعيشي هناك قسمتج وصيري قوية ولاتخليهم يذلوج. كومي بنيتي
ريم: لا ريم لا حظنتهه وابجي ريم انتي روحي
ريم: البنات حظنني ويبجن حتى هيام وكعت يمي وتشهگ
هيام: سامحيني ريم سامحيني اذيتج. احنة مارحمناج بس اهلج نضل. ذل الغرب ماينحمل
مرت عمي ثامر :كومي ريم وياي
ريم: - جرتني حيل للغرفة واخذتني وياهه
مرت عمي ثامر:هاي الملابس مالت هيام اخذيهن كلهن وهاي دشاديش جدد مالاتي مانريد نطلعج مبهذلة
مرت عمي عامر:هاي الفلوس خليهن يمج شتحتاجين اصرفي صمدتهن للعازة
نور:-هاج ريم هذا موبايل خلي بصدرج نتواصل وياج
لاتكوليلهم علية
عامر:فتت للبيت شفت البنات وامهاتهم عيونهن حمر وحاظنات ريم. انصدمت من المنظر شفت جنازة
راح تطلع مو بنية
...
تعالي باباتي ...
ريم:عمي
عمي عامر:شكد اذيناج وذليناج وضربتج وهنتج اني ابوج الماطلعتي من ضهرة حتى لوقسيت واتناسيتج وحرمناج مستقبلج احنة اهلج ...الذل اللي راح تشوفي موهين راح تشوفين شغلات اسوء من شغلاتنة مثل مااتحملتينة اتحمليهم وسامحينة
ريم: الله يسامحكم
عمي عامر:جهزنهه وشتحتاج خل تاخذ يالله بسرعه
ريم: ديربالك على علي
عمي عامر:اني عمكم اذيتكم بس لازم من تنكسرون انكسر ومن تنذلون انذل ...
-اخذنة علي وحبسناه بغرفة مايدري شيصير ميصير
ريم: اريد اشوف اخوية
عمي ثامر:لا ميدري
ريم: اريد اشوفة حقي بعد ماشوفه وانحرم منة
-اخذوني ل علي
ياروح اختك لا ادنگ راسك ولاتبجي روحي فدوة الك بس ضل سالم
علي: ماراح ياخذوج ريم خل يطلعوني منا (بصوت عالي)
ريم:اني عايشة وقوية لاتخاف علية اني تحملت الضرب والاهانة هنا هناك مايختلف شي
علي: هناك غرب هنا اهلج! ريم هنا اهلج!اني اوكف الج هناك منو يوكفلج! ريم!هناك ماعندج علي
ماعندج علي! الماعدهه اخ يوكفلهه تضيع! !ريم اتضيعين!
....
-لا الهوة وبية واهس اتنفسة
ولا يسوة النظر للشايل عيون
صغت بروحتي الدرب الماس
اونس عبرتي واغوي الشايل ضنون
وأنة ادري اليتلگاني شايل دم
واليكود بأيدي ماخذني بلاية لون
لا عرس وجنت بزفة احلم
لا هية جنازة وعلى متون اليشيعون
وبين نار الملگة وجمر اليعزون
وبين شبابي الضاع وضحكة اليبجون
أنت تقرأ
(گصيبة وعمر)
Romanceأّذِأّ أّسِـتٌـفأّقُتٌـ جّـروٌحًيِّ وٌمًأّلَيِّ مًنِ دٍوٌأّء أسِـکْبً فُـيِّنِيِّ عٌشُـقُکْ لَعٌلَيِّ أشُـفُـى أّلَأّ يِّلَتٌـئمً ألَجّـرحً بًلَمًسِـة فُـيِّهّـأّ شُـفُـأّء ألَأّ يِّذِوٌبً مًعٌکْ أّلَأّلَمً لَوٌ کْنِتٌـ أقُوٌى أذأّ...
