ام ناصر:ريم! ريم! يمة وينج عگبج الدار فلا تحلالي
علي: يمة اگعدي اشربي الدوة
عامر: امي ماصحت ?
علي:لا تهذي بأسم ريم
عامر:صارلهه اسبوع من راحت ريم وامي عالحال هذا
علي: الله لايوفقني ولا ينطيني ...(اختي صوتهه بالبيت يتراوالي صياحهه من جانت تنظرب هدوئهه من تنظف وتطبخ حنيتهه من تسمع كلامي واتداريني. اني خذلتهه وعفتهه لوبية خير ماطلعتهه فصلية)
.....
ريم: صار اسبوع يمهم والرجال الاخذني ماشايفتة ابد بس اسمع عمر اجة. لازم بسرعه اعوف البيدي واصعد والنقاب ماانزعه كبال الشيخ وابنة. الاهانة والغلط والضرب من اول يوم من غير الشغل اللي يكسر الضهر ...
شيماء:بعدج كاعدة كومي انزلي راح عمر
ريم: -صار
شيماء:- ريم! اسراء مرت عمر ديري بالج منهة شتكلج گليلهه حاضر ماشي ?
ريم:ماشي
الاء:ريم روحي كعدي مهند او وردة خل ياكلون لكمة
ريم :-صار
الاء:- اني اخت عمر الجبيرة ارملة وعندي ولد وبنية
صح الراح اخوية وكسر ضهرنة بس البنية مالهه ذنب
جنت ماارضى على الكتل اللي تكتلة امي ومرات اسراء تكفخهه وتغلط عليهه.
شيماء: اخذي المرگة خليهه بالسفرة واني راح اخذ التمن
اسراء:-عمة اني ماريد اكل
ام عمر: -ليش
اسراء:المرگة طابختهه الفصلية شمدريني ممخلية شي بيهه
ام عمر:انعل شيب الخلفوهه التضرج بشي! !لج فصلية (بصوت عالي)
ريم: ها عمة "
ام عمر: -عمة العماج اني لاعمتج ولاشي منو طابخ المرگة
ريم: -اني
ام عمر: -تعالي اكلي منهه
ريم: بنبرة خنكة وحزن ..شبيهه ?
ام عمر:اسممي منهه ولا تراددين
ريم: شربت منهه والنار الصدري نزلت
شهد: -كومي للمطبخ يالله!
-اني شهد اختهم الصغيرة عمري 18سنة وطالبة
ريم:-مشيت وياي الف ذلة بنظراتهن من قوانين البيت علية وجبة وحدة باليوم اكل. مرات شيماء تبوگ الية اليزود واكلة مرات اني واطبخ بحجة اضوگ اضل اكل ..
شيماء:اني اشتغل عدهم بالبيت من جنت شابة زغيرة اني يتيمة وجان ابوية صاحب فضل عالشيخ قبل لايموت وصا اضل عندة لان ماعندي احد .....
ولان اني ماقبلت اضل عالة شرطتت اشتغل وبراتب عدهم حتى اصرف على روحي وصارلي 20سنة يمهم.
......
بعد مرور شهر: -
شهد: -شبيج الاء گاعدة هنا كومي نامي
الاء:-شهد هالله هالله بالبنية لاتطبگين وية اسراء بالزغيرة والجبيرة
شهد:ها لعد اوگف وية كتالين اخوية على بنت عمي
-خل اروح انام احسن
......
ريم:برجفة اوووووف والله جاي اموت من البرد انوب حتى جرجف مابيهه يومية اتغطى بالعباية
اتذكرت .....😥
-نور انطتني موبايل واني من الضيم مملحگة ادگ عليهه ....
ريم: الو
نور: -الو ريم حبيبتي شلونج
ريم: ياضوة عيوني مشتاقتلكم شلونكم جدة شلونهه
نور:هاا!!!زينة الحمدالله احجيلي شكو شصار
ريم: الدموع ترست وجهي واشهگ نور مشتاقتلكم
علي شلونة
نور:-زينين كلنة بخير انتي شلونج شلونة وياج رجلج
ريم: احجيلج .........
بعد ساعة ....
ريم: اگلج اسمع صوت اجة بعدين نحجي ...
.....
نور: عزاا ريم ماخذة واحد عندة مرة والله ليطيح حظج هذا اوووف على حظج
....
ريم:ها عمة
ام عمر: كومي وياي انزلي للحديقة
ريم: نزلت الساعه 2بالليل والجو يكتل من البرد
ام عمر: - شايفة هاي الحديقة شكبرهه كلهه تنظفيهه
ريم: عمة هسة باردة ومطر والله ب5من اكعد انزل قبل كلشي انظفهه قبل لاتفتحين عينج
ام عمر:من عمت عينج الماطفت وغمضت عين ابني
يالله تنظفين ونوم ماكو
هذا عثمان راح يوگف يمج ...كملي ولي فوك
....
عمر:الو
اسراء: ها حبيبي
عمر:گلي ل عثمان خل يفتح الباب
اسراء:ماشي
عمر:اني براس الشارع
....
ريم: متت من البرد وارجف والمي ترس ملابسي وفوگ الضيم النقاب اللي اتنكع ..شدعي على منو
....
عمر: ادگ عليك وماتفتح خط
عثمان: اعذرني الموبايل جان بالغرفة واني واگف يم الفصلية
عمر:ليش شكو
عثمان: امك كالتلهه نضفي الحديقة هسة واني كلتلي اوكف يمهه
عمر:هسة بهذا الجو مطر ورعيد وتكتل من البرد وينهه ?
وفوك كلشي مطلعتهه ويمهه رجال غريب! !!!!!
...
ريم: سمعت واحد اجة ويصيح متت من الخوف
عمر:امشي فوتي جوة يالله (بصوت عالي وصياح)
ريم:
--- هاا!!!!منو! انت! !(بصدمة وكل المشاعر التمت بية
رجلية ماحس واكفه عليهن ..انت نفسك اي اي اي انت اي هوة هوة )
عمر: شبيج صافنة مثل الخبلة امشي اصعدي لا اسحلج والله امشي.
ريم: رحت اركض ابجي شايلة روحي كوة لزمت السوار اي هوة هوة هوة نفسهن ذيج العيون نفسهه ذيج الوكفه والشعر خليت ايدية على وجهي وگمت ابجي واضرب وجهي كمت الطم والطم وملخت شعري ...فقدت حيل
...
لا مو حلم هذا ولا چنك طيف
اليمر چان ابالي طولك. ،مرني
وشهگ رمشي قبل صوتي
البية كلشي انهزم مني
شجيلك مبتلي وماخوذ كوة
المن! !الك يالماسأل عني
وشحجيلك ..يالماشفت طولي
ولا دريت القدر يمك يضمني
اجيت بحسرة اعليك وانشغ الاه
واثاريني الك انزف
وموهذا اللي يقهرني ....
بوجهي ماشفت شلون اشتاگ
ماشفت لهفة مفارگ وعاذرني
انة الجنت وية الليل
اتسامر بطرواك
وانتة اثاريك ذاك المگابلني
وانة بكلشي بية ضاملك شوگ
بحزني ويتم حالي
وانتة اللي بكلشي بيك
كارهني.
أنت تقرأ
(گصيبة وعمر)
Romantizmأّذِأّ أّسِـتٌـفأّقُتٌـ جّـروٌحًيِّ وٌمًأّلَيِّ مًنِ دٍوٌأّء أسِـکْبً فُـيِّنِيِّ عٌشُـقُکْ لَعٌلَيِّ أشُـفُـى أّلَأّ يِّلَتٌـئمً ألَجّـرحً بًلَمًسِـة فُـيِّهّـأّ شُـفُـأّء ألَأّ يِّذِوٌبً مًعٌکْ أّلَأّلَمً لَوٌ کْنِتٌـ أقُوٌى أذأّ...
