بعد مرور 4أشهر ....
ريم: اگولج نور راح اروح للبستان اقرة مثل كل مرة اليسألج كليلهم راحت تحش ...
نور: روحي ومعليج وركزي بالاحرف ومن تتهجين واكتبي هواي اكلج اكعدي بالسگيفة موتطلعين
ريم: -ليش شكو
نور: -صايرة اشتباكات اكو ثنين ارهابيين مهزومين بالبساتين ويدورون عليهم
ريم: ماكو شي ان شاء الله مااتاخر
...
-رحت للبستان بي شلون الحظيرة متروكة اقرة بيهه بعيدة عن البيت.
-هاي شنو اسمع صوت طلق وهوسة. خفت حيل والوكت بلش غروب ..طلعت مديت راسي ماكو شي
صوت بعيد ..واني بنص البستان والزرع والنخل عالي.
-زاد صوت الطلق (الرصاص).عزا العزاج ريم اليوم مشنقتج تتعلك ..منو هذا الجاي ...
ختلت وخفت حيل شفت احد اجة ...يبوو عزاا هذا متقرب للسگيفة ..
--لاتخافين مني بس فوتيني جوة وروحي
ريم: - منو انتة! شبيهه رجلك انتة مصوب ""ارتبكت حيل ....
عمر:-شسوين هنا بنص البستان روحي لاهلج اختي اطلعي منا ...
ريم: اني ملثمة وبس عيوني مطلعتهن ..شفتة لابس عسكري وجه اصفر وينزف ...
عمر :- صارت اشتباكات اكو ارهابيين هنا اطلعي روحي ....
ريم: - اكدر اساعدك بشي
عمر انطيني وصلة شي الف رجلي بيهه وروحي انتي صار ليل ..
-البنية ملثمة وماشفت شي منهه بس عيونهه
ريم: -بشنو الف رجلك. لحظة ...دورت ماكو شي وماگدر اشگ من ثوبي ...
عمر: -باوعت للبنية مدت ايدهه على شعرهه من جوة الحجاب ونزلت وصلة وچان توگع گصيبتهه ياسبحان الله ماكو هيج گصيبة طويلة ومتينة وشعر اسود فحم ...
ريم:شديت رجلة واني مرتبكة وخايفة صار الليل واريد بس ارجع الف رجلة وادي ترجف ....
عمر: سمير اني ب.....
سمير: قريبين يمك احنة اجيناك ..
عمر: يبنية هذا صوت سمير الخابرتة طلعي صيحي وروحي
ريم: مديت راسي صحتلة جانو عسكريين هواي متت من الخوف ..
عمر:الحكلي سمير رجلي خدرت وبيهه برودة ..
ريم:-لميت اوراقي واقلامي باوعت علية قبل لا اطلع
ورحت اركض.
عمر: - طلعت تركض مبين عليهه خايفة ومرتبكة
.....
ريم: -رجعت للبيت لكيت البيت مگلوب گلاب علية وتلگاني عمي راشديات
ثامر: - طايحة الحظ اشتباكات ودنية محترگة وين جنتي دايحة لو شايفينج ماكسرو عينه بيج الله ياخذج واخلص
ريم: -عمي والله ماعيدهه والله كافي لاتضرب
ثامر: شنو هاي الاوراق البيدج
نور: -هاي اوراقي راحت اجيبهن
ثامر: -امشي اخذيهه منا لاابتلي بيهه وادفنهه
ريم: لاول مرة يجيني شعور غريب شبية دخت برجال شفتة كم دقيقة اوووف هههههه
نور: -شبيج صافنة ومبتسمة مكيفة بالراشديات الماخذتهن
ريم: ي شلون راشديات تخبل 😍😍
نور: -شبيج ريم 🤔
ريم: -ها ماكو شي 😊
.....
عمر: - اني اسمي عمر ابن الشيخ جمال عمري 29سنة ظابط .. حالتنة المادية جيدة وچان ابوية معروف عندي اخ واحد وثنين خوات.
الشيخ جمال: - هسة اتذبحون الذبايح وطلي جوة رجل عمر
ام عمر: -ابني الحمدالله على سلامتك
الشيخ جمال: فوتو على كيفكم ديربالكم علية
عثمان وزع الطليان على الناس والباقيات غدة
ام عمر: فرشتلك بالديوان حتى اليجي يشوفك تضل مدد
عمر: يمة لاتعبين نفسج
سمير: -اي محمد ماگلك عمر منو الشاد رجلة
محمد: -منو الشد رجلك خوية
عمر: سمير شوكت اتجوز من سوالفك هاي
محمد: دحجي شبيك
عمر: السالفة .....
....
ريم ;رحت بنفس المكان اقرة واكتب ..
الف ..باء...تاء ..شين.وجيم ...شج..وراء..شجر ..وتاء مربوطة شجرة ...هههه عرفتهه شجرة
عمر: -احم احم
ريم: هذا انتة! شجابك هنا هذا بستان عمامي ولد عمي واخوية هنا لاتسويلي مشكلة ..
عمر: اجيت قبل يومين مالگيتج انتظرت ورحت
ريم: شتريد مني ?
عمر :اجيت اشكرج
ريم: -ماسويتلك شي
عمر: -البنية ملثمة ماشفت منهه شي بس عيونهه عيونهه كبار سود ومكحلات ...اتقربت عليهه
ريم: -رجعت ليورة ..شششتريد 😡
عمر: -هاچ هذا شي الج ...هذا يعبر عن شكري وامتناني ..
ريم: شنو هذا
عمر: سوار ذهب
ريم: -اني مااخذ شي من احد
عمر: -خلي بايدج لان اذا مااخذتي راح اجي يومية اقنعج بي
ريم: السوار شكلة مميز ناعم وبي طير
-مايحتاج الشكر كافي ترى مايحتاج ذهب
عمر: -جريت ايدهه ولبستهه الهه ..
ريم:جمدت بمكاني لا اخذ ولا انطي كل المشاعر تكورت بداخلي ..خوف قلق واكو احساس وياهن مايتفسر ...
-باوعت على وجه اكو قسوة وقوة عندة ...
اااااني لازم ارجع طلعت اركض صاح علية
عمر: ماعرفت اسمج
ريم: انداريت واكف يم الزرع وكت غروب وخيوط الشمس تلصف بشعرة وعيونة طويل وابيض وشعرة على شگار وشواربة نفس اللون ...رحت اركض لاگلتلة اسمي ولا عرفت اسمة ...
عمر: عيونهه وشعرهه ترسن بالي خوفهه وخجلهه
مادري شبية شحسيت من شفتهه احس بس اريد الم شعرهه بيدي هاي الگصيبة اريد اشمهه ....
.......
مدري منو عثر ابمنو والتمينة
حاشاه اليگول ابحسنك اثر لولة
يالطولك نخل شذوبيت الروح
انا الصرت بيك مشغولة
طشرتني الدنيا ويمك التميت
صرت افكر بيك سولة
وصرت احب من تجي عالبال
احجيلك حجايات مامگيولة
وارهمك علية يالماترهم شلون
يالصعب اجيك انة بسهولة
أنت تقرأ
(گصيبة وعمر)
Romanceأّذِأّ أّسِـتٌـفأّقُتٌـ جّـروٌحًيِّ وٌمًأّلَيِّ مًنِ دٍوٌأّء أسِـکْبً فُـيِّنِيِّ عٌشُـقُکْ لَعٌلَيِّ أشُـفُـى أّلَأّ يِّلَتٌـئمً ألَجّـرحً بًلَمًسِـة فُـيِّهّـأّ شُـفُـأّء ألَأّ يِّذِوٌبً مًعٌکْ أّلَأّلَمً لَوٌ کْنِتٌـ أقُوٌى أذأّ...
