الشيخ جمال: شصاير احجو
ام عمر: الفصلية لكفت عدهه موبايل وقفلت الغرفه عليهه
الشيخ جمال: بخزرة وغضب
الاء:يابة البنية اليوم جدتهه المربيتهه ماتت وصعدنه على صوت البجي
اسراء:عمي هية عدهه اتصال بأهلهه
الشيخ جمال: صيحوهه الي
شيماء:صار شيخ
-ريم الشيخ يريدج
ريم: ليش
-على حظي كلهه التمت اليوم لبست النقاب ونزلت
اجة عمر فات گعد يم ابو
عمر: - شكو شبيكم
الشيخ جمال: الفصلية لاگفين عدهه موبايل
-شبيك لونك مخطوف وجهك اصفر
عمر:يابة دوام وسهر
الشيخ جمال: تعالي!!!!
ريم: نزلت شفتهم كاعدين اباوع على عمر روحي فرفحت علية هيج بنفسي اركض احظنة وابجي حيل اطلع كل قهري بي ....بس هوة مدنگ مايباوعلي
الشيخ جمال: من شوكت التلفون عندج
ريم: اني من اجيت هوة وياي انطتنياه بنت عمي
عمر:احجي الصدگ ترى اذا اتجذبين مارحمج
ريم: اني اخذته منهه حتى اطمأن على جدة وبس والله شاهد علية افتحو شوفو بس رقمهه
-اليوم خابرتهه وكلتلي ماتت.!!!!!!!
عمر:جان المفروض اتكولين الكدامج مو زغار زايده ناقصة تحجيهه النة افتهمتي لولا
ريم: وكعت على رجلية وخليت ايدي على وجهي وگمت ابجي حيل! !شيخ اني يتيمة ام واب وماعندي بس اخ من الطفولة ربتني جدة كمت انشغ وابجي .....
عمر:لاحول ولا قوة الا بالله شنو ذنبهه هاي
-اخذت التلفون واتأكدت منة ...
شيماء;اخذيهه خل تصعد
ريم: مليت من الغرفه هاي سجن والبرودة البيهه تكتل جاي اتعذب واموت يوم عن الثاني
......
بعد مرور شهرين
اسراء:عمة اريد اروح للدكتورة
ام عمر: ماشي اخذج
اسراء:عمة اني اريد اكلج شي بس ماريد عمر يدري
ام عمر: شنو احجي
اسراء:عمر مايتقربلي بالاسبوع لو مرة لو ماكو
عمر بي شي ?
ام عمر: ابني رجال غصبا عالكل اني افتهم السالفه
......
ام عمر:الاء
الاء:ها يمة
ام عمر:اكلج اريدج بسالفة.....
.....
الاء:عمر كوم للحديقة خل نكعد نسولف
عمر:روحي جايج هسة
الاء: شبيك عمر من يوم اخذت اسراء وانتة متغير
عمر:الاء مالي نفس بيهه انجبرت عليهه
الاء:لهذا السبب ماتتقربلهه
عمر:شمدريج
الاء:احنة نسوان ونفهم وحدة عالثانية
عمر:اني مالي واهس يمهه
الاء:لعد يم منو اكو وحدة ابالك
عمر:تذكرين من حجيتلج عالبنية ام گصيبة
الاء:الداوت جرحك
عمر:اي هية تمنيتهه الاء روحي تمنتهه
الاء: اتزوجهه خوية لاتخليهه بنفسك
عمر:انطوهه فصلية
الاء:والسوار
عمر: ضل عدهه
الاء:عمر سكت حلگ مرتك باجر لو طلعت الحجاية يم اهلهه ايعيبوك ..حتى لو مالك نفس بيهه
عمر:الله كريم
-رفعت راسي ضوة مشتعل غرفه ريم ..
الاء
الاء:ها عمر
عمر:هاي شنو ذنبهه مثل الحيوان ربطناهه للشغل والاهانة شنو ذنب شبابهه اخوهه عايش ومرتاح وهية تدفع ثمن غلطتة ....
.....
عمر:صعدت للغرفة گوة علية اتقربتلهه احس روحي تطلع ..
اسراء: ترى هذا موضع اني اريد اكعد وياك افتهم منك
-تاخذ الاتريدة وتدير وجهك صارلك شهور
عمر:-شوفي ارجع من الدوام ضايگ المر لاتزوديهه علية
اسراء:لا مااسكت كافي اني موفصلية عندك تفتهم لولا
عمر:ضربتهه راشدي اذا حجاية زايدة تطلع احلف عليج يمين الطلاگ افتهمتي لولا
-عفتهه وطلعت نزلت ادخن جوة ....
ريم:اني كتلني الجوع ونزلت للثلاجة اكل مادام نايمين مماكلة شي صارلي يومين
عمر: سمعت صوت بالمطبخ اهلي نايمين والضوة طافي شكو
ريم: اي همزين هاي خيار وبتيتة زايدات مادة راسي بالثلاجة واكل
عمر: منو هنا
ريم: عزاا العزااني هذا عمر ..عفية لاتشغل الضوة لاتشغل الضوة
عمر:ريم! شسوين بالضلمة
ريم: جنت اشرب مي
عمر:مي وحلگج مليان اكل اخذي اكل واصعدي فوك
ريم: لا عمتي متقبل اصعد اكل الله يخليك لاتحجي
عمر:ماشي
ريم: هذا كعد بالهول شلون راح اصعد وماريدة يشوف شعري اوووف
عمر:احس صوتهه موغريب علية عبالك سامعه قبل
مادري والله.
ريم:ضليت واكفه بالضلمة اباوع علية من بعيد مشتاقتله حيل وگلبي يدگ يدگ صفنت علية على وجهه ومركزة بتفاصيلة ..هم يذكرني هم اجي على بالة ...
---أرجف بس مايرجفني غير الشوگ
يالگصيبة شعرج تخنگ ايامي
انة اعثر بس عثرت شلون
وگعت وشفتج شمس گدامي
اتخايل بخصرج تفتر العيون
وابتسم غصبا لو تمرين باحلامي
اتمنيت اشم شعرج ويغطيني
وشكثر مرات تتخايل اوهامي
واصفن بيج واروح بعيد
واوصل لاول مكان يجيبج صوابي
ضميتج بروحي يالشوفتج تكسر عتابي
شيجيبج الي ...يالكلج الي
يا عزتي وفرحتي وسلوة عذابي
شيجيبج الي ..يالكلج الي
يا اول ضحكتي واخر اسبابي
أنت تقرأ
(گصيبة وعمر)
Romanceأّذِأّ أّسِـتٌـفأّقُتٌـ جّـروٌحًيِّ وٌمًأّلَيِّ مًنِ دٍوٌأّء أسِـکْبً فُـيِّنِيِّ عٌشُـقُکْ لَعٌلَيِّ أشُـفُـى أّلَأّ يِّلَتٌـئمً ألَجّـرحً بًلَمًسِـة فُـيِّهّـأّ شُـفُـأّء ألَأّ يِّذِوٌبً مًعٌکْ أّلَأّلَمً لَوٌ کْنِتٌـ أقُوٌى أذأّ...
