لتكُن لي وحديّ......

Part 1

* لِـتَكُن لـي وَحديّ *
* لـِ سَمَا العُبَيدي *
* الـبارت الأول *

*حَتى بَعد أن يُأخَذ العُمرُ نَصيبهِ مِنَ المُرورِ بَينَنا ،
سَـأُشير إليَكَ دَومَاً بَأنَكِ قُصَتي*

*________________*

ليل ومطر والجو يجنن كمت من مكاني متسلل للشباك فتحته وضحكت اريد اطلع اركض بهذا المطر احس بشعور حلو باوعت والدي يشتغل بالـصوبه النفطيه وامي بالـمطبخ تحضر عشاء لبست جاكيت وفتحت الباب بدون صوت وطلعت اركض للـشارع باوعت على البيت ماكو احد حس عليه ضحكت بصوت وركضت جوه المطر اكمز وفرحان حيل بسببه

مر الوقت ماعرف شكد التهيت واني العب لحد ما سمعت صوت من بيتنا ركضت ناحيه الباب بـترقب
_ كم مره كتلك لا تخلي يطلع للشارع هسه بلاعيمه تلتهب شلون انا بيكم تعبتوني

جاوب ابويه بهدوء عكسها هي
_ما صار شيء عيوني هسه انا اصيحه ويدخل للبيت

اجه بابا عليه مبتسم توقعت غير ذلك
_ليش بابا طلعت بالمطر وتعرف انت مريض وامك تخاف عليك
_حبيت العب حالي حال الاولاد مو من حقي
_ هههههه فوت ولك ابو الحقوق الظاهر مستقبلك محامي
_ لا اريد اصير مهندس

ابتسمت على هذه الذكرى والتفتت على صوت الباب دخلت السكرتيره وكالت
_ استاذ حَسن الوفد الي جاي من الشركه وصل ونقلتهم على قاعه المؤتمرات
_ تمام رتبي الاوراق وانا لاحكج

كمت من الكرسي رتبت الستره وكفت مقابيل المرآة عدلت شعري ورشيت عطر عقمت ايدي وطلعت من المكتب متوجه لـقاعه المؤتمرات

دخلت وقف الوفد باحترام تقدمت تسالمت وياهم ورحبوا بيه وكُل شيء سار على اتم وجه ومثل ما اتمنى

نزلت وياهم رافقتهم للـباب مُديرهم قدم ايده وكال
_ مُمتن منك استاذ حسن ومتأكد المشروع الجديد راح يكسر الدنيا
_ ان شاء الله ما يوم حطيت شيء بالي وما تم باحسن صوره
_ هذه هي شخصيه المهندس المفروض تُدرس
_ هههههههه الحمد لله على نعمه رب العالمين

ودعتهم ورجعت للمكتب شفت الموبايل على وضع الطيران فتحته واصلتني مكالمات ورسائل دخلت على حسابها واتصلت جليت صوتي بعد ما فتحت الاتصال واجاني صوتها
_ الو حسن وينك كومه دكيت عليك وانت ماكو
_ خير ان شاء الله جان عندي اجتماع صاير شيء بيج شيء
_ لازم هسه تجي على البيت لازم اني تعبت ما اتحمل بعد اكثر
_ شكو شبيج مرام
_ امك وخواتك لعبن نفسييي