لتكُن لي وحديّ......

Part 5

* لِـتَكُن لـي وَحديّ *
* لـِ سَمَا العُبَيدي *
* الـبارت الخامس *

* أَنـا أَرضُـكَ
‏كِتفُـكَ الثَـابِت
‏اليَـدُ الَـتي تَحضُنـكَ
‏ضَـوء القَمـر
‏وَ أَغُنيَتُـكَ الـمُفَضَلـة *

*________________*

نارين

دخلت على حساب حسن وبسرعه اتصلت بي جاوبني ورحب بيه بـحُبه وحنانه الي متعوده عليه بس اني جنت منهاره تماماً صرت ابجي من كُل گلبي وهو حسيته توتر او خاف من شيء هدأت وكتله
_من البدايه انت هواي اشياء ضامهن عليه وسكتت وما حققت وياك ووافقت اتزوجك ولحد الان انت ضام عني شيء ليش هذه الرساله توصلني بالـيوم الي امك تزورنا بي ليش كُل مره يصير بينا لقاء او كلام عن خطبتنا يوصلني هيج شيء

_ما اعرف نارين اكيد احد يريد يعكر عليج فرحتج
_منوووو وليش ما يكون احد من طرفك يريد يخرب علينا
_نارين انا ما عندي شيء ولو فعلاً عندي اجي اخطبج بـهذه السرعه ؟ فكري زين ولا تخليهم يوصلون لـهدفهم ويعكرون فرحتنا
_منوووو هم غير اعرفهم اول منوووو !
_مو مهم تعرفيهم بكد ما مهم تعرفين نواياهم كافي نارين شنو الي اسوي بعد حتى تثقين بيه

سكتت ما حجيت شيء كُل شويه ارجع اقرى الرساله " لا تصدكين حسن دخل حياتج لان يحبج هو خطبج بس لان عنده غايه "
قررت انطي بلوك للـي رسلها وما اهتم وما اخلي شيء يخرب فرحتي نطيت بلوك وحذفتها وهدأت نفسي

بالـيوم الثاني بدينا تحضيرات شفت بيج يسوي كوشات اعراس قررت اسوي الخطوبه بـحديقه بيتنا اتفقت وياهم على السعر وكُل شيء وانطيتهم اليوم الي اريد يشتغلون بي بعد ما اتفقت وياه حسن عليه

طلعت اني وماما اخذت فستان للـخطوبه وباقي التجهيزات والاشياء الي احتاجها بـهذا اليوم افتريت هواي ما خليت شيء ما اخذته رجعت البيت فرحانه الدنيا تضحكلي ومنتظره يوم خطوبتنا بـكُل حُب وحماس

مرت يومين رحت لـمركز ماما وجهزت نفسي من كُل شيء صبغ شعر تنظيف بشره حمام مغربي بدكير منكير ما خليت شيء ما سويته باجر خطوبتي اجت شركه التززيين قررت اسوي الحفله بالـحديقه رتبوا كُل شيء وصار ديكور يجنن فرحانه حيل ومتحمسه راسلت حسن بس ما جاوبني كلت اكيد مشغول غلقت موبايلي ونمت من وقت حتى من اكعد بشرتي مرتاحه

كعدت الصبح من وقت اتصلت على حسن ماكو جواب من عنده ضل بالي خفت فجأة الحلم يتحول لـكابوس اتصلت بـزينب هي هم ما جاوبت سحبت نفس هدأت نفسي وكلت يمكن اني متحمسه وكاعده من وقت اي اكيد والا ليش ما يجاوبون ثنينهم