سر أمي ( روايات ليبية )

حلقة 1🔥

‎#سر_أمي😢

‎للكاتبة:-👑SoAb👑

‎نحاول نرقد مقدرتش نفس الكابوس يراود فيا كل يوم مفهمتش شن ندير وكان بنقول الحقيقة بيقتلني ياربي ساعدني خديت حبت المنوم يلي يساعد فيا نرقد خديت الحبه ورقدت معاش ندري علي روحي

‎وداد:يا منير بنتك ديرلها حل كل يوم في الليل تنوضلنا زي المصروعه تعيط وتبكي دبرلها ارفعها لي مصح نفسي ولا مستشفي مجانين متخلي الواحد يرقد

‎بابا: تشن بنديرلها ومش عارف خيرها درهتلي كبدي ومستحيل نرفعها لي مصح نفسي شن بيقولو عليا الناس توا نلقالها حل

‎وداد:دبر راسك الحال هدا معاش يمشي معاي هادي بنتك مش بنتي

‎      للكاتبة:-👑So Ab👑

‎وداد:نوضي ياكلبه الكلاب راقده لي توا مش وراك ضمان وغسل نوضي مرض يرفعك

‎اني:هيا ماشيه بنضم
‎وداد:شن هلحصله هادي وقربعت الباب

‎اني نضت متكسره وحالتي حاله غسلت وجهي وصليت و مشيت انضم

‎اني متعوده علي الإهانات علي الصبح والتهزيب والضرب
............................................................................................

‎        للكاتبة:-👑So Ab👑

‎اني ملاك مواليد 2001 نقري في الشهادة الثانوية حياتي مأساه ماما متوفيه واني عمري 6 سنين بابا تجوز بعد لاتوفت ماما بشهر مستناش حتي سنه وبابا يعامل فيا كأني مش بنته ومرات نحس ان مرته وداد ساحراته ولاترا شن مدايرتله يكرهني اني و وداد غير شن تبي بس حتي ماما مكانش يديرلها هكي وماما قبل لا تتوفي كانت هي وبابا مشاكل علي خاطر جابتني اني وبعدها معاش جابت وبابا يبي ولد وماما كانت حاسه ان بابا يخون فها واني  بعد لا كبرت تأكدت انه كان يخون فها مع وداد  وماما وفاتها مكانتش مجرد وفاه عاديه اني الوحيده يلي نعرف سر وفاتها رغم اني كنت صغيره يوم ماتوفت ماما لاكن الموقف قاعد بين عيوني وكل يوم نشوف في كابوس وفيه ماما وكان بنقول كيف توفت ماما بيقتلني ويهدد فيا معيشني في رعب ومن الكابوس يلي نحلم بيه نرقد الا بحبت المنوم ومرت بوي مدايرتني خدامه نغسل ونضم ونطيب وطلوع من الحوش مفيش المدرسة بس وحتي المدرسة قريب يبطلوني منها ديما تتبلا عليا وتكذب علي بابا في حاجات اني مدرتهاش باش يضربني وممنوع عليا نحط مكياج زي البنوت حتي اللبس لبس عادي وتليفون حتي هو لا والحمدلله ربي عطاني جمال طبيعي واني راضيه بشكلي بدون مكياج  نقشي رقيق بيضه شعري اسود عيوني بنيات  مش سمينه مش ضعيفه وقصيرة
‎وعايشه ومعيا سر حتي لو كان بنحكي محدش حيصدقني كنت صغيره وقتها ومعنديش دليل وهو ديما يهدد فيا باش منحكيش لي بابا يلي صار وكان حكيت بيقتلني................................................
‎        للكاتبة:-👑So Ab👑
____________________________