الحلقه الرابعه💞
ريفال جهزت روحها للمدرسه وواقفه ع المرايه :ايوا ريفال مانبوش نضعفوا خليك هكي قويه زي ما يعرفوك ايمن في الاخير بكل ماعنده مايدير وكلامي يلي قلته ماغلطتش فيه هو يلي واقف ويتسمع اعليا مش اني مشيتله وقلتله الكلام هو ولو زاد وتخطي حدوده اني منقول لي بوي ويلي بيصير يصير
وبعدين ضحكت واك مانحساب بيجي يوم ونمشي في واني خايفه ومرعوبه من المجهول يلي يستني فيا مع ايمن
نور ادق ع الباب
سعاد ايوا هي لحظه وفتحت الباب
نور:صباح الخير عمتي كيف حالك وحال عمي
سعاد:صباح الورد بنيتي بخير الحمد الله كيف حال امك والعيله كلهم
نور:بخير وصحه سلمك نشاده
سعاد ضحكت:سلمك هي خشي بنتي
نور:لا والله ياعمتي وقت ترا ضبحيلي اعلي ريفال
سعاد تضحك:خشيلها يابنتي ماك برانيه عارفتيها ساعه باش تجهز
نور :ههه معاك حق والله بالها واسع
سعاد تسكر في الباب:اي طالعه لي بوها 😂
نور تنحي في السبيدرو:هههه اي
ريفال طلعت:ياصباح الفل والياسمين
نور رقت راسها تشوفلها:ان شاء الله ديما رايقه
ريفال تضحك:وخيرني ياحنه مانروق
نور مركزه علي عيونها:هيا ريفال وقت مافيا ماحول السبيدرو ونزلت تربط في
ريفال خدت شنطتها :هيا اهو جايه هي باي ماما
نور طلعت معاها :بسلامه عميمه
ريفال سكرت الباب وتنهدت
نور مركزه ع عيونها :شنجوك
ريفال بضحكه صفره:عال العال
نور بتركيز :متأكده ؟
ريفال:خيرك وقت هيا قلنا باهي شن تبي نرقصلك باش تصدقي ان جو تمام
نور :دوم مش يوم
وعم السكوت كل وحده تتكلم بينها وبين نفسها
ريفال في نفسها :انتي قويه ريفال كملي تمتيلك ماتخلي حد يشفق اعليك
نور في نفسها :لو كدبتي ع الناس كلهم اعليا مش ح تكدبي ياريفال بس هالقناع خير ماتبيني ضعفك ويتشمتو فيك ويستغلو نهنيك فعلا
،،،،،،،،
تالين وتماره ماشيات للمدرسه
تماره:تالين حي اعلينا تعرفي اكيد واخدين دروس هلبا ضاعو اعلينا يومين غياب
تالين مركزه في جيهة من الطريق وساكته
تماره تشبحلها:نكلم فيك شن انطرشتي
تالين متكيه راسها ع المرش وماتسمعش فيها
