الحلقه التالثه💞
علاء مصدوم وبينه وبين نفسه :تالين ولا تماره معقوله وحده منهم هادي الله يبارك ع هالجمال والزين 😍 باهي ليش لابسه خمار زعما مخطوبه واني مانندريش لاكن والله خدت العقل بزينها 😍 علاء شن تقول انت البنت من غير حجاب😵 وطا عيونه واستغفر ربه جي بيتنحنح عشان تستر روحها شاف ان بيحط روحه وهيا في موقف محرج وكانه متعمد مرتين بااصدفه كانها متقصده شوي وخشت تالين داخل وهو تنهد بالقوه وخدا نفس وطلع
تالين جت خاشه لمحت مراءه كبيره تشوفلها ومركزه عليها في نفسها:واك خيرها هادي لين عقدتني ونزلت عيونها ومشت للبنات
تماره:خيرك مكشره ماتقوليش شفتي حد
تالين :لاءه ماشفت حد اصلا ماطولتش بسرعه خشيت
سمر جت جايه :تالين خشيتي امتي ؟
تالين مستغربه:من شوي
سمر ضحكت وغمزتلها :ماشفتي حد برا😉
تالين قلبها يدق:لاه مش مافيش حد
سمر تضحك:خيرك خفتي علاء بس بيخش تو كان يكلم في ماما اكيد خش بعد لا جيتي
تالين في عقلها ووه كان ماشافني :اه لا الحمد الله ماشفتاش
روان وسمر ضحكو
تماره تحرك في حواجبها :علاء هو مش مرتبط صح
سمر ضحكتلها:مش وسمعت امها اتضبح اعليها ناضت تو نرجعلكم
تالين :تمام
،،،،،،،،،
ايمن قاعد متكي ع سرير ومركز عيونه للسقف ويفكر :انت من امتي هكي ياايمن معقوله تتقاوا علي بنت وتهددها لالا تستاهل باش معاش تتكلم وتفتح فمها مره تانيه بس هيا ماجتكش انت وقتلك هالكلام بينها وبين صاحبتها وانت علاش حاشر روحك بينهم ومدخل راسك في كل طبيخه اففف ريفال ريفال وبعدين مع هالبنت شن دارتلي الهم الاحرف فوتها فوتها طلعها من راسك خلاص ايمن فيق علي روحك انت حتي يلي يلسنولك ماخدوش من وقتك دقيقه تجي تو وحده نعتاتك با ابشع صفات تفركسلك ايامك وتقعد الا تفكر فيها تنهد وغمض عيونه وحط المخده ع راسه ورقد
ريفال تبكي : لا لا فكيني اكيد ناوي ع شي مانيش ماشيه غدوا
نور بتعصيب:خيرك انتي من امتي هكي ريفال القويه تخاف من ولد ومن ايمن يخليك خايفه وحتي المدرسه مش قادره تمشيلها
ريفال:احني في مجتمع معاق لو يشوفوه نفس موقف امس والله مانسلم من لسناتهم
نور :وانتي من امتي يهمك كلام الناس مش طول عمرك اديري في يلي يريحك
ريفال سكتت
نور حستها بدت تقتنع كملت :ريفال صاحبة الشخصيه القويه والمعروفه بالجراءه يخوفها ايمن !!تبيهم هكي يقولو تبي ايمن يفرح ويعرف ان قدر يخوفك وتهديده خلاك تغيبي ع مدرستك قولي تبيه
يشوف ضعفك ويستغله ؟؟
