الحلقه الثانيه 💞
ايمن يبتسم وقرب فتح الروشن وقال بغرور:تسحابي بننسهولك الكلام يلي قلتي تو منوريك الجكتره علي اصولها وعد مني حنخليك تكوبسي حنقعد كيف ضلك وين ماتمشي اني ح نكون وشلش بالقوه ومشي
ريفال وقفت :هدا خيره مريض ولاه مستحيل يكون طبيعي وبدت تبكي اني شن يلي قولته يبي يشوهلي سمعتي هدا ولا شن ووقفت معاش قدرت تمشي
نور بعصبيه:والله طلع حق يلي قلتي اعليه خزي والله مايتحشم حقير
ريفال تبكي:اني ماقلت شي من راسي وطز فيه اعلي مافي خيله يركبه
نور تهدي فيها :مادوريشي مريض هدا
معتز :تي لاه عليك ياراجل تي هيك ترعش فيهم خيرك انت شن جاك من امتي هكي ترضاها في اختك هكي حد يقولها وفي الشارع ويضرب في يده ع القجر متع السياره طيحه
ايمن ببرود:هدا درس ليها باش تعرف ع من تحكي
معتز بعصبيه:وعلي من تحكي ريحلي روحك ماديريش فيها عيل خليك راجل زي مانعرفك
ايمن عصب:راجل وغصبن عنك والبنت مش شورك بيها
وقف السياره بننزل وقف
ايمن وقفله ع اليمين :طريق ااسلامه
معتز يتصل بمحمد صاحبهم :ايوا وين انت ،،،تم تعالي تلقاني في طريق شارعنا
محمد ع التليفون :تم اهو قريب
،،،،،،،،،،،،،،،،،،،،،،،،،،،،،،،
تالين تلف في شعرها بالفير:افففف ياربي تعبت وراس تموره تعالي كمليلي معاش نطول في
تماره تركب في خراصاتها :قلنالك قصيه وريحينا كل مناسبه نفس القصه وقربت منها حولي يدك وبدت تلفلها في هاتي متبث
تالين :لا لا مش لازم بعدها ييبس ويبدالي يطيح
تماره :هكي مافيشي فايده راهو كانك مالفيتيشي
تالين :اففف باهي شوي ماتكتريش ومن بعيد وتحرك في راسها
تماره :باهي ياودي غير اتبتي
امهم:سقدي روحك انتي واياها خوكم في الطريق بيجي اني بنمشي مادخليش فيكم
تالين :باهي ياماما حاضر اهو واتيين تماره خفي يدك
تماره تبخ في متبث:خلاص هاه كملت لفي ترا
تالين تشوف للمرايه :شينه القصه ولاه
تماره :لا حلوه انتي ع طول شعرك ومقيومه حلوه
تالين :عيونك الحلوات تموره
تماره:ردي بالك تقوليلي هكا قدامهم والله نحشمك باهي
تالين طالعه وتضحك:غير هيا بنلبس اني وطلعت
