الحلقه الثامنه ،،
اتصل بااخته يلي كانت معاه في الجماعه :الو تعالي توا جنب المكتبه تلقيني نستني فيك وسكر الخط
رانيا :شن في الو تي خيره هدا
سلسبيل صاحبتها :خيرك ؟
رانيا :غير نوضي مافهمت شي
سلسبيل:تي وين بنوض فهميني 😐
رانيا:المكتبه بسرعه
،،
،،
كان خايف اعليها ومش عارفه شن يديرلها مايقدرش يقربها ولا يقدر يديرلها شي كل يلي قدر يديره قام التليفون والشنطه والشيتات متاعها
رانيا داهشه :خيرك شن في
.......:في بنت طاحت هني شوفاها خيرها 😬
رانيا تلفتت للجهة التانيه وشهقت:اهيييي خيرها تعالي سلسبيل
سلسبيل كانت واقفه بعيد سمعتها اضبح اعليها قربت: ها شنو
رانيا شدتها مع يدها وجبدتها :تعالي نشوفو البنت خيرها
حاولو يقيموها ماقدروش
....... مشي جري للكافي جابلها ميه وخدي كرسي من قدام القسم وجاهم لقاها قعدا ع حالها كح :رانيا تعالي
رانيا جاته:ماتفيقيش هادي شكلها مريضه ولا خيرها
......:مدلها الميه :هاك بخيلها وجها تو تفيق
رانيا مشت لسمر وتضرب فاها علي خدها بالشوي وتبخ فيها بالميه
سمر بدت تفيق
رانيا :سلسبيل ترا شدي من غادي وشافت لي خوها قربلنا الكرسي هني بنحطوها اعليه
..... :قرب الكرسي وحط جنبه التليفون والشيتات والشنطه وكيف حطهم بوها يرن اعليها شاف لي التليفون القاه Dady 😍 وخر ورجع لمكانه ويراقب فيهم من الروشن
سمر فاقت ودوب ماتتكلم :خيرني اني شن صار 😭
رانيا :شكله هبوط لابدا فقدتي الوعي وتوا فقتي الا بالميه
سمر :تليفوني هدا
سلسبيل قاماته :اي هاه
سمر فتحت الخط :الو بابا وصلت ؟
بوها :اي يابنتي وينك من بكري وانا نحاول اعليك
سمر : مافيش تغطيه يابابا هاني طالعه 😪 وسكرت
حاولت توقف بالشوي وساعدوها البنات
رانيا وصلها مسج فتحاته :خودي رقمها باش تطمني اعليها رانيا تلخبطت :ماقلتليش شنو اسمك
سمر ابتسمت:سمر وبارك الله فيكم علي وقفتكم معاي وسلمت اعليهم
رانيا :ولو هدا واجبنا بس ممكن ناخد رقمك اطمنيني اعليك
سمر تحشمت :تمام هاتي نكتبهولك ورني اعليا حتي في الحوش ولا ابعتيلي مسج تو نزبطه غير بابا قاعد برا يستني فيا
رانيا مدتلها التليفون :تمام اكتبي
سمر كتباته بسرعه وخدت حاجاتها :بسلامه يابنات وتشرفت بيكم
رانيا وسلسبيل:سلمك ولا باس اعليك
سمر وهيا تمشي ابتسمتلهم:تسلمولي باي
......: اااه الحمد الله يلي شفتك حالك باهي ونزل وراها
سمر وهيا ماشيه تتكلم :اعليك فضيحه دايخه في نص الكليه واك باهي يلي موخر توا نصهم روحو ومافيش زحمه هلبا كيف صارلي هكي افف ووصلت البوابه والشخص قاعد يتبع فيها من بعيد لا بعيد من غير مايلفت انتباه ولا يحسسها بشي مامشاش الا وسيارة بوها متحركه
سمر:سلام كيف حالك بابا
بوها ضحكلها:الحمد الله بنيتي كيف حالك انتي
سمر ماتبيش تشغله وتقوله شن صار اكتفت بالحمد الله
تالين بعد ما فاقت وكلت فتحت نت جوها اشعارات هلبا :ووك لين بيستك التليفون حتي كان فيهم حد يسأل اعليا انقولو 😑وشافت القت طلب الصداقه من علاوي ورساله في الخاص اقبلي الطلب بدت تضحك :وواوو ماصدق شوره لا وواثق اقبلي الطلب مابرده هفففف توا شن مندير يملح مش قبلاته وخلاته معلق وبدت تتصفح عجبها بوست نزلاته اعلي صفحتها (لا تعطي اكتر مما تأخد ولا تعطي شخصا اكبر من حجمه 👌 مقصوده )
نشرتها وشوي بدو لايكات وكومنتات من صديقاتها
علاء فاتح وشوي خش اعلي صفحتها القاها منزله المنشور قعد يعاود في مره وتنين وعشره :شن قصدها هادي علي من تلقح خش ع التعليقات وكتبلها (المقصوده ابعتيها للمقصود طول مافيش داعي تزعجينا معاك 👍)
تالين قرتها وعصبت :تي شن يفترش هدا خشتله فب الخاص:شن تبي من سمحلك تعلق في منشوري ؟
علاء كنت متوقع وكتبلها :كيف ومن يلي سمحلك اديري لايك علي صورتي 😒
تالين زرتها الضحكه :ههههه من جدك انت
علاء: لا من جدتي 😁
تالين تضحك:وتنكت تاني امسح التعليق
علاء:نمسحه بشرط
تالين :وتتشرط اكيد مش ح نقبل بشرطك
علاء :هو اقبلي الطلب بس مش اكتر
تالين خلي نقبله توا باين اعليه مسكر راسه وبعدها نديرله
نديرله حظر كتبتله :ماشي وقبلت الطلب
علاء عيط :شدت وخش ع التعليقات حدف التعليق متاعه وبعتلها ع الماسنجر
تالين ضحكت بهزوه :اياه هدا استانس سكرت الواي فاي وناضت تحوس ع الحوش
تماره ارتاحت بعد كلام تالين وقعزت تراجع فيما فاتها من دروس
،،
،،
ريفال مضايقه من رد ايمن وحست روحها تسرعت وماكانش لازم انها تكلمه
،،
،،
ايمن حس روحه حكي ببرود معاها بس لما يتدكر كلامها يقعد يضحك
،،
،،
نور تبي تعرف شن صار مع ريفال لانها مابتش تحكيلها وماتردش ع التليفون
،،
،،
مسره ومحمد كملو وقتهم يحكو مع بعض ومحمد عاجباته مسره في كل شي يشوف فيها قمه في الذوق والاخلاق
،،
،،
سمر بعد روحت الحوش وتريحت وناضت القت مكالمه ومسج شافت الاتنين مش من نفس الرقم
المسج مكتوب في (سلامتك )ومكالمه
فتحت نت ودارت الكاشف للرقمين وطلعولها اسمين
شافتهم وشهقت و ،،،،،،،،،،،،،،،،،،،،،،،،، يتبع
