غزل. وسمعت يصيحني بأسمي ياا هذا شيريد مني انداريت جان شايل غراضي بيده
شهم. هاي غراضج جانو عندي بالسياره
غزل. شكراا اخذتهم انتبهت عليه مباوعلي لمن حجه ويايه كبر شهالتكبر هذا عود الي يسمعك يكول ميته ع نضرتك اخذت الغراض وطلعت لغرفتي وبلشت ادرس........
شهم. كمت من الغده رحت للسياره عندي شكم غرض بيها وشفت غراض لغزل اعتقد اخذتهم وشفتها جانت بالمطبخ رادت تروح وصحتها غزل اندارت هاج ذولي الغراض جانو عندي اتشكرتني بس مباوعتتلها ابد مااريدها تحس انو اني عندي شي تجاها طلعت مباشرة...
غزل. وره مطلعت لغرفتي اذكرت انو اني مكلت لبابا عن قراري ومااريد انزل هسه حتى مااشوفه اووووف كمت لفراشي حتى انام كلت باجر اكله لبابا....
شهم. جنت كاعد يم جدي وعمي جدي كال لغمي مااريد اروح واني مماخذ جواب منكم عالرجعه وليدي سامي
سامي. ها يابه
الجد. كوم شوف غزوله شنو كالت
سامي. هسه يابه
الجد. يي اني الصبح اتوكل ان شاء الله واريد اعرف شنو قررت
شهم. جدي لو ننطيها وكت للبنت تفكر
الجد. ادري وليدي بس اريد اعرف شنو قررت واذا ممقرره لا تضغط عليها ولدي
شهم. اجذب اذا كلت ما كمت افكر هوايه لان شفتنا رافضه الفكره كلش بس الشي الي ممكن يخليها تغير رأيها ابوها هي مترفضله طلب ضليت فكره تجيبني وفكره توديني راح عمي عليها واني ظليت منتضره...
غزل. مكدرت انام ضليت افكر هذا الشي هل قراري صح ان شاء الله مااتندم عليه ابد ضليت حايره وافكر مكدت انام اندك الباب ودخل بابا
سامي. ها حبيبتي منايمه
غزل. لا بابا
سامي. اكدر احجي وياج شويه
غزل. يي بابا واني هم اريد احجي وياك زين اجيت
سامي. خوش
غزل. تعال يمي اجه بابا كعد يمي وكتله اي بابا احجي
سامي. حبيبتي باجر جدج طالع للبصره
غزل. يي
سامي. وكلي يريد ياخذ الجواب منج مواقفه ترجعين للبصره
غزل. شوف بابا راح اسألك شي
سامي. يي حبيبتي
غزل. من حقي انو اظمن مستقبلي اني
سامي. اكيد
غزل. يي واني هذا الشي الي راح اسوي
سامي. يي
غزل. اني اريد اكمل سادس هنانه بغداد والكليه بالبصره عود لان مااكدر اكمل هناك السادس وبنفس الوكت خايفه لايصير شي يمنعني منها لذلذك اريد اكمل السادس هنانه هذا قراري بابا
أنت تقرأ
غزل _لشهم
Romanceقصه حقيقيه تتحدث عن الضابط شهم وابنة عمه غزل التي تتحره بشخصيه قويه وشكل بريء الذي سيوقع حب الضابط بيها
