طبعا والله كلش ضجت من كم تعليق شكد احاول اجاوز هالموضوع هذا واتغاضاه صارلي مده ماارد ع التعليقات بس ماكو فايده يعني كتلكم جهازي كسرته وضليت اكتب ع اللابتوب وفرق كلش جبير بالوقت عندي صار يعني اضل اكتب اكثر من نص ساعه واباوع ممجاوزه ال100كلمه شنو هدفي تعليقات لايكات من القصه شهالحجي الماصخ هذا لو هيج هدفي اني جان من زمان عايفتها مجرد تسليه الي والكم وقصه واقعيه حبيت اكتبها غير هذا لا واتمنى ماكو اي ازعاج الكم بتأخيري بس اني هم بشر وتصادفني ضروف ومشاكل تمنعني من هالشي واني اشكركم ع تعليقاتكم الحلوه وع تفاعلكم بس مو هذا مطلبي اني ما ذاكره هالشي مثل باقي الكاتبات لا كايله علقو ولا كايله انطو اعجاب مجرد انو دااروي القصه وهدفي الوحيد هو التسليه والحكمه منها وان شاء الله بأقرب وقت حختمها اذا كدرت لان اني هم مليت عفيه بشر متملون من هذا الانتقاد نوب خوش سالفه يعني بعد يكولون ع مود تنزلين البارت شهالاسلوب الطفولي- هذا حتى والله عيب هذا التصرف يبدر منكم مااقصد الكل اني البعض اكيد يلا اعذروني ع التأخير نرجع لقصتنا........
غزل ها
تبارك شهم كال حاخذكم للمزرعه
غزل اي اني مااكدر اجي اسفه
تبارك ليش
غزل تعبانه شويه هاي البنات صوتهم جوه
تبارك اي هسه هم يجون للمطبخ بس شبيج روحي ارتاحي تعبتي ويايه اليوم
غزل والله ازعل منج ليش شسويت اني
تبارك شنو شسويتي معفتيني ابد
غزل لا تحجين هيج بعد تبارك
تبارك يلا لعد طبي للغرفه وارتاحي وغير يوم نروح
غزل لا انتي روحي
تبارك ولو هي فرصه متتعوض ممسموحلنا نطلع للمزرعه الا ويانا احد لان بيها مزارعين
غزل شسالفتهم يوم عن يوم دااكتشف شي جديد اني بعد مصارلي كم يوم هنانه بس مو مشكله حبي غير مره روحي انتي والبنات اني راح اطب انام راسي ديوجعني
تبارك اخذي راحتج حبيبتي اذا تريدين شي اني موجوده
غزل تسلمين عمري دطلع واحوي البنات سلمت عليهم
ايه الحمدلله على سلامتج حبيبتي
غزل الله يسلمج
نور شلون صرتي
غزل زينه
تبارك مااحجيلكم جده شسويت بيها اليوم 😂😂 والله اني من يمي بطني كامت توجعني
غزل لا تذكريني فدوه 😂
منى شسوت ولكم
تبارك لازمه العوجيه مالتها وكلما غزل تريد تكوم تهددها بيها خلتها تكوم اخر وحده
أنت تقرأ
غزل _لشهم
Romanceقصه حقيقيه تتحدث عن الضابط شهم وابنة عمه غزل التي تتحره بشخصيه قويه وشكل بريء الذي سيوقع حب الضابط بيها
