شهم. وطبت تبارك
تبارك. شهم
شهم. اني مو موصي ذولي محد يطب لغرفتي اريد انام
تبارك. حتى اني
شهم. كمت تعدلت تعالي
تبارك. راح اطلع ميحتاج
شهم. دااكلج تعالي هنانه كعدي
تبارك. تامر
شهم. شبيج
تبارك. اني لو لنت الي شبيك
شهم. ليش شصاير انتي من رجعت من بغداد وجهج ماادري شبي كالبته اربع وعشرين ساعه ومطلعين من غرفتج
لمن رجعت من الدوام مااجيتي عليه ولا شفتيني
تبارك. مسألت نفسك ليش
شهم. اي وكلشي موصلني هيجي من حالج انتي تغيرتي
تبارك. شهم اليوم جان اخر امتحان الي واكيد ضغوطات عليه من الدرس بعدين انت من تمرض جدي وانت ولا تسأل عني ولا تحاجيني مثل قبل ولا طلعني
شهم. اي ادري يا حبيبتي انتي شفتي شي وره شي صار ومن رجعت من بغداد نزلت اني ملحكت اشوفج
تبارك . بس مو من حقك هيج تهملني بعدك مزوجت وهيج صرت تعاملني
شهم. اكيد واني اعتذر وحقج عليه اليوم نطلع ان شاء الله ماشي حبيبتي
تبارك. صدك ☺️☺️
شهم. يي
تبارك. حضنته اني راح اطلع وانت نام وارتاح بس صدك هاي ساره، سألتني عنك تريد تحاجيك
شهم. اذا شفت خلقتها ماتعرفين شنو اسوي
تبارك. تأمر اني طالعه
شهم. يي راحت تبارك وهاي شتريد شعدها مصيبه جديده بعدها تمددت وضليت افكر بغزل اوووف شكثر مشتاگلها شوكت راح تخلص السنه ظليت افكر بيها شلون راح اسال عنها كلت خلي اخبر عمي واسأله عنهم اتصلت عليه بس مجاوب اتصلت مره ثانيه هم مجاوب احتمال مشغول بس ضل بالي كلش كلت شويه واتصل عليه مره ثانيه
في مكان اخر ( بغداد)
غزل. اليوم اخر يوم امتحان جان الحمد لله جاوبت بكلهم كلش زين بس شنو تعبت كلش النهار كله ٤ ساعات بس انام والباقي درس بعد مخلص الامتحان ودعت صديقاتي واجا بابا اخذني بس جان مو ع بعضه كلش حسيته كلش
سامي. ها بابا بشري شلون جاوبتي
غزل. كلش زين بابا الحمد لله
سامي. الحمد لله عفيه بحبيبتي اني ابد مخايف عليج اعرفج كدها
غزل. طالعه عليك حبيبي
سامي. ههههههه يلا هسه الحلوه شنو تريد
غزل. مخده وفراش
أنت تقرأ
غزل _لشهم
Romanceقصه حقيقيه تتحدث عن الضابط شهم وابنة عمه غزل التي تتحره بشخصيه قويه وشكل بريء الذي سيوقع حب الضابط بيها
