غزل. شفنا حيدر ابن صديق بابا بس كله جان دم اني انصدمت لمن شفت هذا المنظر بس انفتح الباب وكع حيدر ع بابا رحنا اني وماما لان مجان اكو احد وياا حاولنا ندخله بس مكدرنا بابا كلي بسرعه اتصلي ع الاسعاف من خوفي حتى رقمهم نسيته بابا شنو رقمهم
سامي. موجود يمج بس اتصلي
غزل. ماشي اتصلت واجو بسرعه اخذو وراح بابا وياهم لحد هسه اني ممفتهمه هذا كله شنو الي صار ليش هيج معقوله متعارك او متعرضيله زين وين ابوه اهله
شفت غراضه كلها بالكاع ومن ضمنهم تلفونه ماما خلي نتصل ع اهله
جوان. منريد نقلقهم خلي نشوف ابوج شيگول بعدين نتصرف
غزل. بس ميصير يجوز هو هنانه وحده حتى اهله يجون يشوفو
جوان. معرف هسه اتصل ع ابوج واشوف شنو يكول
غزل. ماشي ماما اني طابع اعزل شويه بين متخبرين بابا
جوان. ماشي حبيبتي
غزل. صورته لمن وكع مدتروح من بالي ابد اجذب اذا كلت منكسر گلبي عليه خطيه كملت شغل وماما اتصلت ع بابا كالت كدمات واثار تعطيب وكتل الظاهر جانرمخطوف هذا الولد بعدهم ينتضرو يصحى لن اثار احدى الضربات ع راسه صاير عنده نزيف وبابا كال اتصلت ع اهله بس مردو حاولو انتو تتصلون عليهم بس كولولهم شويه تعبان حتى لا يظل بالهم خطيه وهم بعاد عليه اتصلنا هوايه بس هم ماكو رد شنو السالفه ماما شنو راح نسوي
جوان. ننتضرهم ماما شويه ونرجع ندك
غزل. ماشي اني طابه جوه ابدل وانتي شويه ودكي عليهم ماما
جوان. ماشي حبيبتي روحي
غزل. طلعت كلش انقهرت عليه خطيه زين اهله ليش مسألو عليه غسلت وبدلت وكلت خلي اقرأ شويه قبل لا تصير مصيبه ثانيه بلشت اقرأ بس كل شويه شارده.....
في مكان اخر ( البصره)
شهم. رجعت للبيت بعد مطلع الضو طبيت جانو كلهم نايمين طلعت لغرفتي طبيت سبحت وتوضيت وصليت اجيت انام اندك الباب منووو
ام شهم. اني يمه
شهم. طبي يمه
ام شهم. ها يمه كاعد
شهم. يي يمه كاعد تعالي
ام شهم. وين رحت وليدي البارحه نا غمضتلي عين شبيك يا يمه مو ع بعضك هالجم يوم شصاير بيك
شهم. اوووف يايمه مابيه شي لا يظل بالج شويه تعب من الدوام مو اكثر
ام شهم. لا تعب نفسك وليدي جا اني منو الي غيركم انت واخوانك بالهدنيا انتبه لنفسك يايمه
شهم. الله كريم يمه بست راسها لا يظل بالج يالغاليه
ام شهم. الله يحفظك يايمه ويبعد عنك كل مكروه اني رايحه يمه ارتاح انت
أنت تقرأ
غزل _لشهم
Romanceقصه حقيقيه تتحدث عن الضابط شهم وابنة عمه غزل التي تتحره بشخصيه قويه وشكل بريء الذي سيوقع حب الضابط بيها
