غزل. اني من سمعت صوتها لا ارادي حللت كلشي بعقلي اكيد مات الولد غسلت بسرعه ونزلت شفت بابا شكو
سامي. حبيبتي ماكو شي لا تخافين
غزل. يا مااخاف غير ماضل دم بيه شكو بابا احجي
سامي. خبرو من المستشفى وكالو تعالو ودعو ابنكم والاب متخربط لذلك هم اتصلو وهسه رايحين احنا
غزل. انصدمت معقوله خطيه بعده صغير كلشي مجاف من حياته ان شاء الله ماكو شي ويكوم بالسلامه ويرجع لاهله سالم
سامي. اني رايح انتبهي لامج
غزل. ماشي بابا روح لايضل بالك انت اني هنانه يم ماما
سامي. خوش بنيتي
غزل. طلعو بس كلش انقهرت ع امه
خطيه رحت لماما لكيتها دتبجي ماما شبيج ليش دتبجين
جوان. خطيه يا ماما الولد بعده شاب بعمر الورد خطيه لو تشوفين امه حترك كلبي عليها
غزل. إن شاء الله ماكو شي ماما لا تبجين مو زين عليج شبيدنا احنا غير بس ندعيله
جوان. الله يكومه بالسلامه لخاطر امه خطيه
غزل. إن شاء الله ماما اكلتي
جوان. لا ماما مااشتهي
غزل. شنو لا ماما ميصير هسه راح اسويلج اكل وتاكلين
جوان. ماما والله مااريد كلشي لاتسوين بعدين من شوكت انتي كمتي تعرفين تسوين اكل
غزل. من هسه يلا هسه انتي طبي وارتاحي واني راح اسوي الاكل واجيج
جوان. لج ماما لاتسوين مااريد اني من اشتهي اكلج
غزل. واني ماانتضرج تكوليلي راح اسوي هيه واجي يلا يلا للغرفه بسرررعه يا حلوه
جوان. ههههههه رايحه يا حلوه
غزل. حبيت اغير جو شويه ع ماما مو طبيت للمطبخ وكمت اركع حيطان هسه اني شسوي بله نوب عبالك طابه لمطبخ جيرانا كلشي مااندل بي 😂😂ظليت ساعتين افترر علما اندليت وكل شويه كامزه لماما وارجع ركض مو اكله طلعت عاد لو راح تطلع طيبه المهم بعد عناء طويل وتفكيرر عميق وبحث عن الكنز اربع ساعات وكفت اشغل الطباخ اشعل ادكمه واشرد ساعين اني اشغل بي يربي مو ريوك طلع هذا انتبهت ع الدكمه مال طبخ طافييه صفنت ع نفسي تدرين غزل انتي حالج حال هاي الدكمه طافيه من ناحية الطبخ هسه شنو هي وليه متكولوليلي سويت اومليت بتعليمات ماما سوي هيج وهيج ونص التعليمات بعدني ماواصله المطبخ انساها 😂😂😂المهم صارت بل ١٢ ونص يلا كمل الريوك خطيه لو واحد غير امي جان ركع الطاوه بوجهي ع التأخير وديته واني متأكده مطيب راح يطلع بس اهم شي المشاركه 😂😂وديته واني كلي امل وطاقه ايجابيه لكيت امي نايمه ولج طبعا تنام مو صار غده هذا مو ريوك كعدتها ولمن كعدت ذكرت انو اني ممسويه جاي لا اله الا الله ولج خرب بعقلج ماما هسه بسرعه اسوي جاي واجي
أنت تقرأ
غزل _لشهم
Romanceقصه حقيقيه تتحدث عن الضابط شهم وابنة عمه غزل التي تتحره بشخصيه قويه وشكل بريء الذي سيوقع حب الضابط بيها
