بتك زاتها عارفه نفسها عملت شنو م محتاجه يحرشوها هي محتاجه اليسترها واريتك تعرف تسترها،كلام كتير قالتو دة بس موجز بسيط انا اختصرتو ليك وكان كلو استفزاز لي ابوك هي كانت عارفه نفسها بتعمل في شنو ي شهد وعملت كدة علشان تستفز ابوك مع سبق الاصرار ردات الفعل المتوقعه كانت واحد من الاتنين ي اما ابوك دة ارتكب جريمه في حسام ومشى ارتكب فيك جريمه انتي وطبعاً دي هي م حسبت حسابها علشان مرة غبيهه،ي اما حيعقد لي حسام غصب عنو ودة فعلاً الحصل زواج في لحظه انفعال بالإستفزاز واي راجل يسمع كلام زي دة في وضع زي دة اي شي بطلع منو م مؤاخذ عليه خصوصاً في وضع ابوك دة ي شهد،قلته ليها بصوت عالي بس دة كذب ي فاطمه كذب انتي عارفهه انو انا م حصل دخلته بيت الناس دي غير مرة واحدة وكانت مع امي؟حصل شوفتيني ي فاطمه؟😭😭😭😭قالت لي شهد انتي هبله؟انا واثقهه من الحته دي الصالون الهي كانت بتتكلم عنو دة ولدها فعلاً كان بجيب فيهو البناات وهي بتمهد ليهو لي كدة لا وكمان بتقول هو راجل وهن براهن البجوهو في مكانو بدون خجله او استحاء بتبرر لي ولدها كدة انا واثقهه انو انتي عمرك م عملتي كدة ولا هوبتي ناحيه بيتنا وانا اصلاً الاشكال البجيبها معروفه عندي؟قلته ليها طيب لييييهه كذبت كدة؟لييييهه عملت فيني كدة حسبي الله ونعم الوكيل فيها انا انا انا حسام دة حتى لما طلب مني اعمل معاه كدة انفصلتهه منو وم رجعته ليه ابداً الا فترة العقد دي والله العظيم م حصل خليتو يقرب من ضفري حتى 😭😭😭😭😭😭😭😭💔انهرت وبقيت ابكي بصوت عالي حتى الممرضين جو داخلين وبقيت اقول "الله ينعلكم ي حسام وامك الله ينعلكم ي كلاب ي عديمين الرحمه 😭💔الدكاترة قالو ليهم في شنو؟فاطمه ومناسك بقو يهدو فيني،قالو ليهم اطلعو برة لو سمحتو ،برة ي جماعه خلونا نشوف شغلنا ونعرف نتعامل مع البيشن،بعد م طلعوهم ركبو لي درب،انا في اللحظه ديك احساس انو الدنيا بقت دايرة بي والاحداث من البدايه كلها بقت شريط ماري لحظتها بالذات اللحظه بتاعه بابا جا داخل البيت متعصب ورمى كل حجاتي في الارض وبقى يفتش و...ي ريت لو الحياة دي اتوقفت هناك في اللحظه ديك بالذات،ي ريت لو بابا فكرني يتأكد مني ،ي ريت لو بس صلى على النبي واستغفر ولقى عقاب انسب من كدة،ي ريت بس لو وثق في تربيتو شويهه بغض النظر عن تصرفاتي الطفوليه ،الغريبه انو ماف زول حكى لي او واجهني بالحاصل دة حتى،كلهم صدقو الكلام دة حتى امي المعتبراها اقرب زول لي وفاهماني طلعت ثقتها فيني صفر،صفر،حتى م فكرت تلقى حلول للموضوع حتى بعد م حصل الحصل اكتفت بالسكوت م جات اتأكدت مني م جات قالت لي لا انتي بتي م بتعملي كدة ولا حتى انتي تربيتي وم هتعملي كدة،اذا عذرتهه بابا ماما م بقدر اللقى ليها العذر انا كل الوقت بكون معاها وجمبها وهي اكتر انسانه كان بتخيل لي فاهماني عمري م فكرته ادس عليها شي ،وانا اللي عامله نفسي صابرة على دة كلو علشانهم وعلشان اذنبت في حقهم طلعت انا المظلومه وهم الأذنبو في حقي...💔بعد اخدته الدرب هديت بعد نص ساعه كدة جات مناسك ووراها فاطمه لقوني لسسسسه ببكي او دموعي هي الجاريه بشكل تلقائي م عارفه نفسي موجوعه ولا مصدومهه،مناسك قعدت جمبي وبقت تمسح لي في دموعي قالت لي شهد هدي شوفي الحمدلله ربنا كشفهم وجات على كدة،وكلو لي غير م تبكي كفى كفايه عليك الدموع البكيتيها دي ناس م تستاهل صدقيني والله العظيم م تستاهل ابداً،فاطمه قالت لي احمدي ربك انو نجاك منهم لكن انا انا خلاص قريت الفاتحه على روحي وإتطورتهه الله يقويني بس لكن انا زاتي عندي حد لو وصلتو الا يطيرو هي واولادها،مناسك قالت ليها والله العظيم تلاتهه انا لو مكانك المرة دي كل م تقل ادبه ادقها واسي انا صاراها ليها لو م دقيتها جوة بيتها م بخليها م بعرف مرة كبيرة ولا صغيرة اصلاً من يومي م طايقاها لا هي لا ولدها واسي اصبري بس خلينا لمن نرجع الا تطير ،فاطمه ضحكت قالت ليها كدة اسي خليهم يلقو ليهم زول يكفلهم ويطلعهم من السجن اول بعداك الدق هين،بقيت اعاين ليهم قلته ليهم كيف يعني يطلعوهم من السجن م فهمت؟؟؟مناسك قالت لي دايرة يسكتو ليهم بعد العملوه دة يعني؟لا طبعاً اكيد مستحيل ،قلته ليها الحصل شنوو؟فاطمه قالت لي الولد الجابنا هنا دة عاد م شوفتي قوم الدنيا وم قعدها كيف ناس المستشفى رفضو يستلموك قالو الا اورنيك8 تعالي شوفي الهيجه والفورة والشكل خلاهم يدخلوك ويعملو ليك اللازم غصب،بعداك اتصل على منذر اخوك جاهو في المستشفى هنا وجابو الضابط هنا في المستشفى استلمو الأورنيك في نفس اليوم داك اللي هو يوم الأربع اصبح الخميس وامر القبض طلعوهو يوم الخميس واستلموهم ولسؤ حظهم حسام واهلو ماف وكيل نيابه بكون قاعد يوم الخميس في اقسام الشرطه علشان يصدق ليهم ضمانه قفلوهم كلهم بي عمو حسن😂😂😂😂😂😂😂💔كانت بتقول كدة وبتضحكمناسك قالت ليها على فكرة هم اتعمدو يعملو كدة قاصدين يقفلوهم خميس وجمعه علشان يتأدبو في عفانه الحراصات وباعوضها اصلاً المرة الشوم دي م ينفع معاها الا كدة،فاطمه قالت ليها والله ريحوني في حناني غايتو حتى عدناني راجلي زعلته عليهو م دخل معاهم لانو بسكت على عمايل امو هو زاتو قرب يبقى ود امو لكن انا ضافراهو يحمد ربو انو جا معانا المستشفى والا كان زي الزمن دة جوة الجك مع الجماعه والعجب عمو حسن م عندو ذنب لكن اتقفل عشان يعرف يضفر مرتو يستاهلو😂😂😂💔والله قالو منذر ضرب ليك حسام ضرب قرب يموتو💔مناسك قالت يستاهل الموت الوسخ، المهم اسمعيني انتي حتمشي وين بعدين ؟المرة دي م حتريحكك وراجلك؟!قالت ليها اه ياخ بيت ابوي حدادي مداد انا كمان بخاف منهم؟كفايه سكته وصبرته السنين دي كُلها كان البجيني من وقفتي مع شهد الشافعه دي الطلاق خلي اليطلقوني سااااااي اصلاً الطلاق حق بنات الرجال💅❤مناسك قالت ليها اصيلهه يخخخخ انتي مبسوطهه منك شديد انا اولادك م عملو جوطه لي اهلك؟قلته ليها صح وين ريم ورامي ؟قالت لي ضربته لي اختي مشت شالهم بيتنا،لكن النصيحه ي شهد ود اهلك الضربتي ليهو دة كيفني عاااااد عمل جنس شي في الناس دي؟تلفونات بس ضاير ختهه المستشفى في فتيل الدكتور بقى يقول ليهو دي مرتك دي مرتك؟ههههههههههههههههمناسك قالت ليها علشان كدة اسي عاملين ليها الف حساب في تعاملهم سخنهم شديد شكلو😂😂😹💔قالت ليها ي بت اسكتي بس والعجب لما الدكتور قال ليهو نحن الهمجيهه معانا م بتنفع إييييييييييييككك يخخخخ هو ببقى ليكم شنو ود عمك ولا عمتك ولا خالك ولا شنوووو؟...فجاة ماما جات داخله قالت ليهم كيفكم ي شباب ،قالو ليها الحمدلله مالك جيتي سريع كدة؟قالت ليهم والله تقولو شنو بالي انشغل انتو زاتكم تكونو جوعتو جبته ليكم اكل وشاي وعصير وكدة ديل م جو؟قالو ليها منووو؟قالت ليهم منذر وماهر؟لما قالت كدة قلبي عمل شححح💔مناسك قالت ليها لا هم قالو جاين؟قالت ليها لا بس م منهم خبر ومنذر تلفونو مقفول عشان كدة💔فضلته ساكتهه كانت في بالي حاجه واحدة بابا،بابا حتى وانا في الحاله دي هنت عليهو وم جا حتى يشوفني رغم اني اتوقعته انو اول واحد افتح عيوني اللقاهو في راسي،ي ربي لو م كنت استنجدتهه بي ماهر ولجاته ليهو هو هل كان حيجيني؟وهم بتونسو جاتني غفوة نمت لما صحيت لقيتهم بتونسو شويهه كدة باب الغرفه دق،ماما مشت فتحت كان منذر،طبعاً احساس انو انا عندي سنه م شوفتو ،الزول الوحيد الما فكر يفتشني او يسأل علي حتى💔عاين لي مسافهه بعدها جا جمب سريري وقال لي بصوت مبحوح حمدلله على السلامه ي اختي،فضلته ساكته دموعي جات جاريه لفيت منو وشي قعد جمبي ومسك يدي مسأاااافه وقال لي شايفهه ي شهد؟في زول برمي نفسو الرميه دي ووسط ناس زي دي؟شايفه العناد وقوة الراس ممكن تودي لوين؟ماما قالت ليهو منذر م وقتوقال ليها وقتو ي امي وقتو لمتين حنقول م وقتو م وقتو لغايه م تقع المصيبهه في راسنا؟عارفه انها كان بينها وبين الموت شبر؟فاطمه قالت ليهو والله الدكاترة قالو لو قعدت للصباح كان م عاشت لأنو في بواقي في البطن لو م فكرت مجرد تفكير كنا زي الزمن دة بنشيل عليها الفاتحه؟بقيت ابكي بي صوتماما قالت ليهو مُنذر"بي صوت حاد"بقيت ببكي وهو ماسك يدي وبعاين لي وانا ببكي زي الطفله وماما وفاطمه ومناسك حتى هو دموعو جات جاريهه💔بعد مسافهه وقف على حيلو وقال ليهم جاهزين خلاص عشان نمشي؟بقيت اعاين ليهم كلهم،نمشي؟نمشي وين؟يعني ارجع بيتنا؟بيتنا الطلعته منو الطلعهه دييييييككك؟البي توب وبجامه؟بيتنا اللي فيهو بابا م كلف نفسو وجا يشوفني في المستشفى رغم الحاصل معي؟كيف امشي هناك تاني عادي كدة؟ماما قالت ليهو اي بس منتظرين الممرضه تجيب لينا المقعد المتحرك وين ماهر م تكون مخليهو واقف برة بس؟قال ليها لا مشينا القسم في اجراءات عملناها ومشى على البيت ،ماما قالت ليهو ي حليلو الله يديهو العافيه اليومين دي وقف فيها برجل واحدة في المستشفى تعب معانا والله الله يجزيه خير كل مرة بخجلنا برجالتو دي الولد دة💔هههه طبعاً هو م مشى علشان تعبان بس هو م عايز يشوف وشى والحمدلله انو عمل كدهه...💔منذر قال ليها خلاص انا بنتظركم برة طلعوها الوقت داك،بعد م طلع جات ماما قالت لي تعالي،مدت لي يدها بقيت اعاين ليها اليد الهسي ممدودة لي دي نفسها اليد الما اتمدت لي وانا في اسوأ لحظات حياتي💔مسكتني نزلتني ولبستني طرحه كبيرة لفتها حوالي،قالت لينا دقيقه انادي الدكتور،بعد م طلعت قلته لي مناسك مناسك ينفع امشي معاكم بيتكم؟مناسك وفاطمه بقو يعاينو لي،مناسك قالت لي اكيد م عندي مشكله بس ي شهد م تحاولي تعقدي الأمور،فاطمه قالت ليها صحح ي شهد اهدي شويه وخلي المواضيع تمشي زي م ربنا كاتبها م تفتحي موال عناد جديد امك واخوك ديل والله قلبهم مقطوع عليك وحالتهم حاله عشان امك م تحاولي تعملي موال !؟ماما جات داخله وراها الدكتور ،الدكتور قال لي زولتنا البكايه خلاص طالعه؟هزيت ليهو راسي،ماما قالت ليها اها ي دكتور ماف اي شي تاني وم حتجيها اي مضاعفات ولا شي؟الدكتور قال ليها ابشري ي حجه ماف شي هي تمام بس الادويه الصرفناها دي في مواعيدها م تخافي عليها صدقيني انتي بس بطلي تخافي واهدي شويه،قالت ليهو طيب،قال لي الف حمدلله على سلامتك ي بتنا وربنا يجعلو سلف إن شاءالله❤طلعنا من المستشفى واتحركنا على البيت،احساسي شنو؟إنهيار،إحباط،خوف،كسرة نفس،قرف من نفسي ومن حياتي اللي م ليها اي معنى،سدة نفس من كل شي💔دموعي م وقفت لغايهه م وصلنا البيت،اول م عيني وقعت على بيت ناس حسام مرة على بالي السناريو الحصل كلو ،عاينته للمسافه بين بيتنا وبيتهم وشوفت قدر شنو هي قصيرة بس الحاجز الحقيقي هو الكان بيني وبين اهلي وم خلاني اللجأ ليهم،حُسام كان بعمل فيني دة كلو وهو عارف اني م حأقدر ولا بالغلط استنجد بي اهلي كان بتعمد يهيني ويذلني مع سبق الاصرار علشان عارف انو م عندي ولي يقيف في راسي بالنسبه لي زوله اترمت ليهو رميهه الكلاب دي شي طبيعي يعمل فيها كل العايزو 💔💔💔منذر قال لينا م تنزلو،نزل فتح باب الشارع اول حاجه عيني وقعت عليها عربيهه بابا،بابا عربيتو كانت مبركنه جوة يعني هو موجود،ضربات قلبي بقت تتسارع لمن جفلت،حاسه نفسي رجعته كم شهر مضى واليوم دة كانو زيو زي اليوم داك😭💔منذر جا راجع ركب العربيه ودخلنا ،نزل فتح لينا الابواب كلهم نزلو وانا لسسسه بعاين لبيتنا،بيتنا العندي سنه م شوفتو،بقى غريب شديد غريب او.كئيب م قادرة اصنف،ماما قالت ليهو جيب كرسي،بعد مسااافه قلته ليها لا ماف داعي،نزلوني من العربيه وسندوني مع كل خطوة كنت بحس نفسي مهبطه كيف حيكون وضعي لو فجاة بابا وقف قدامي؟هل حاقدر اتعامل معاهو بشكل طبيعي؟بقيت م عارفه هل انا عتبانه على نفسي ولا على اهلي💔منذر مشى قدامنا فتح الابواب مع كل خطوة بعاين لنفسي في مرايات البيت وم بجي على بالي الا تفاصيل اليوم داك يعني بس لو كان في بينا عاقل م كنت هكون في الحاله دي اليوم💔دخلنا البيت وعلى طول غرفتي،كانت زي م هي او زي م خليتها بإختلاف انها مرتبهه بس،فاطمه رقدتني في السرير ماما قالت لي مناسك شغلي التكيف،احساس اني في بيتنا بس غريبه،احساس اني خايفه وحاسه بالرعب وهعيش تفاصيل اليوم داك تاني،بقى بيتخيل لي انو بابا حيجي داخل علينا الغرفه تحت اي لحظه وحيقع فيني ضرب، احساس انك تكون قاعد في نص بيتكم وم حاسي بالإطمئنان،فضلو قاعدين معي لغايه اخر الليل غصبوني على الاكل بالجلالهه،فاطمه مشت بيتهم ومناسك فضلت معي،صباح اليوم التاني صحيت على صوت ماما ومناسك برة ،مناسك قالت ليها عمو عبدالله اتحرك؟ماما قالت ليها ايوة طيارتو اتحركت من الساعه3صباحاً م بتأخرو بصلو بعد كدة،مناسك قالت ليها يصل بالسلامه ان شاءالله..من هنا استنتجت انو بابا مافي شكلو مسافر،جات مناسك قالت لي صباح الخير،كنت ببكي مسحته دموعي،قالت لي شهد والنبي بطلي،عمو عبدالله اليوم راجع على فكرة،بعد مسافه قلته ليها هو وين؟قالت لي م عارفه انو مشى عمرة السعوديهه؟هزيت ليها راسي،جا منذر وماما صبحو علي،تعاملهم معي كان بي اهتمام +بس انا م كنت قادرة ابداً حاسه بالإنهيار ورغبه في البكاء،حوالي الساعه 2ضهر كدة سمعنا اصوات في البيت،طبعاً زي م متوقع بابا وصل،ماما طلعت عليهم ومناسك فضلت معي ،بعد طلعت ماما في كسر من الثانيهه لقيت بابا واقف قدامي دخلتو الغرفه كانت دخلت زول ملهوف شديد،حصلت لحظه صمت غريبه وانا كان جواي هلع وخوف غريب لدرجه اني جفلت لما شوفتو ودموعي بقت جاريه عشرة عشرة وانا م قادرة ارفع راسي من المخدة حتى،ماما جات داخله وراهو ومنذر وفجأة حسام اخوي برضو جا داخل،قادرين تتخيلو شكل الغرفه اللحظه دي كان كيف؟بابا م قرب علي ابداً اكتفي بي انو يقيف على بعد خطوات عني ويعاين لي ،اكتفى بي انو يشوف دموعي ويبكي معي من بعيد م سألني عن حالي ولا فتح خشمو بي حرف بس وقف وهو منهار في مكانو وبعد اقل من دقيقتين طلع من الغرفه ،حسام اخوي جا قعد على رجولو جمبي ومنزل راسو وببكي،بقى يمسح لي في دموعي و يقول لي انتي كويسه ي اختي كويسه؟جو البيت اتكهرب تماماً وانا شبه انهرت ،اليوم دة كان صعب علينا شديد،صعب علينا كلنا بعدو م شوفته فيهو بابا تاني ابداً بس حسام ومنذر وماما كل الوقت واقفين في راسو وم كانو بجيبو لي لا سيرة حسام ولا سيرة اهلو ولا الحصل شنو شويه شويه بابا بقى يجي يصبح علي وبمسي علي وبسألني اذا كويسه او حاسه بي اي مضاعفات او كذاااا،شويه شويه ماما بقت تجبرني اطلع من الغرفه وحُسام اخوي نفس الشي بطلعوني هو ومناسك ،كنت حاسه بنفسي مخنوقه شديد بجبروني على اني مفروض اتعامل عادي بس انا م قادرة ابداً،دخلته مرحله اكتئاب بقيت م طايقه شي كل شي عشتو هو المتمكن مني،والأرق بقيت م بقدر انوم وبتخلع بالليل وبتجيني حمى لدرجه انو ماما وبابا بقو يساهرو واقفين في راسي،في يوم حسام ومناسك طلعوني من البيت بالعربيه ولحقنا منذر الكلام دة بعد شهرين من الحصل دة،لففوني الشوارع ومشينا مطعم و...المهم لما رجعنا لقينا لمه قدام بيتنا من بينهم رجال ،مناسك قالت لينا ي ساتر في شنو؟نزلو بسرعه وانا هبطتهه نزلته رجولي م شايلاني كل الكنت شايفاه و سامعاه صوت بابا وهو بقول"والله العظيم تلاتهه لو عايزيني ارصصهم كلهم واحد فيهم يفكر يعتب عتبه باب بيتي دي تاني م بعرف اي صلح م بعرف اي حاجه اسمها جوديه ولا كلام فارغ م تجو تتوسطو لي ليهم ابداً القانون ياخد مجراه وخليهم يبقو رجال يقيفو قدام القانون ماف زول يجي يشفع ليهم عندي هنا نهائي وانا بصل معاهم الحد م يجو يتجارو لي زي الكلاب هنا ،واحد منهم قال ليهو ي حاج عبدالله حق الجيرةبابا قال ليهو م جيراني نهائي وجيرة زي دي الله لا بارك فيها،وصلو ليهم كلامي دة لو عايزين يموتو كلهم واحد فيهم يجي باب بيتي دة تاني ولا بالغلط م اشوفهم حايمين بشارعي دة..حسام قال ليهو ي ابوي خير؟بابا قال ليهو الخير يجي من وين طالما العفن ديل مقاصدننابابا كان بتكلم لمن برجف،حسام مسك منو السلاح وقال ليهو تعال ي ابوي،ماما قالت ليهو دخل ابوك دة جوة عليك الله ي حسام،فضلته واقفه وانا برجف عمري م شفته بابا كدة وكمان شايل سلاح بابا شايل سلاح؟مناسك دخلتني البيت ،بابا كان لسسسه هايج وبقول عليك الله شوف الدنيئين ديل؟ماما جرت جابت ليهو كبايه مويه،حسام قال ليهو اهدأ ي ابوي ،امي كدة جيبي مقياس الضغط،جابتو قاس ليهو الضغط قال ليهو مرتفع ي ابوي رغم اني منعتك من الانفعال وقلته ليك الناس ديل م تشتبك معاهم خلي القانون ياخد مجراه،مشى جاب ليهو حبوب الضغط واداهو ليها ،قال ليهو يعني اتخيل الناس ديل اندال وعواليق لأي درجه؟مرسل ابوهو ومعاهو شويه رجال جايب لي القسيمه وبساوموني عشان انا اتنازل عن القضيه،والله العظيم ي دوب الوقفتع ليهم كويس،اتصلبته مكاني قدر شنو حسام واهلو ديل ناس قذرينحسام قال ليهو خايفين ي ابوي عارفين نفسهم حيندانو،ماما قالت ليهو والله كلمتو طلع شايل ليهم سلاح ولو م مسكوهو كان خلاص فرغ المسدس دة في واحد فيهم...💔دخلته غرفتي مناسك قالت لي انبسطي ي شهد قسيمتك جاتك منهم بدون لياقهه انتي متخيله؟ابتسمته ابتسمه خفيفهه وقلته ليها انبسط على شنووو؟دموعي جات جاريه،قلته ليها على حياتي الاتدمرت؟ولا على جامعتي الما كملتها؟ولا على وجودي في عداد المطلقات وانا في العمر دة؟ولا على شوفتي لي بابا الهو بنقذ حياة الناس شايل سلاح وعايز ياخد روح زول؟ولا على علاقتي بي اهلي العمرها م حترجع طبيعيه والحاجز.الاتبنى بينا عمرو م حيتهدم؟على شنو ي مناسك؟على شنوووو قولي لي بس؟؟؟قالت لي كل شي ي شهد بحصل معانا لي خير انتي م مؤمنه؟شوفي اول حاجه انا عايزاك تعمليها يمكن دة اول شي صح ممكن تعمليهو في مستنقع الاخطاء دي كلها انك توضحي لي ابوك سؤ التفاهم الحصل ،وريهو انك اتظلمتي،وانو ام حسام الباطل كذبت فيك وبهتتك،دي اول خطوة صح ي شهد علشان تكسري الحاجز الاتبنى بينك وبين ابوك صدقيني،فضلتهه ساكته،تعبته شديد وكل مرة ماشه اتأزم نفسياً،بقى وقتي كلو م بين المصلايه والسرير وكتاب القرءان،فضلته على الحاله دي فترة رغم محاولات امي واخواني معي بس بقى عندي وسواس قهري بقول لي انو هم شفقانين عليك بس م اكتر،حتى بابا تعاملو معي بقى بإستلطاف اكتر مرة مرة بناديني اقعد معاه ويطلب مني اقرا ليهو الجرايد في الحديقه وكدة،حُسام رجع السعوديه اقترح علينا انو بعد م يصل حيرسل لينا زيارة نجي نعمل عمرة عندو هناك انا وماما،في يوم بابا ناداني في غرفتو وقال لي اقري لي الجرايد الحاصل فيها شنو اليوم،وانا بقرا في الجريدة وعيني على المصحف وعيني على بابا،كل م اقرا ليهو عنوان هو كان بناقشني فيهو ،بعد م خلصته في لحظه كدة م عارفه الحصل لي شنو شلته المصحف فجأة ومشيت قعدته ليهو تحت رجولو وانا ببكي قلته ليهو بابا اقسم بالله اقسم.بالله تلاته كل الكلام القالتو عني ام حسام اليوم داك كذب،انا عمري م عملته كدة وعمري م مشيت ليهو في بيتهم ولا عمري خليتو يقرب مني اقسم بالله بهتتني ي بابا انا صح كنت بعرفو من الثانوي بس ياها عرفه اي بت لي ولد وعمري م خليتو يهبش ضفر مني المرة دي كذبت فيني والله العظيم انا م كدة ابداً😭😭😭😭💔بابا اتخلع طبعاً وانا ماسكه المصحف وواقعه تحت رجولو وبحلف وببكي دخلته في حاله هستيريه عديل،شال مني المصح وقومني من الارض وبقى يقول لي مالك اسي انتي في شنو؟بقيت اقول ليهو الناس دي كذبت فيني وانت صدقتها من غير م ترجع تسألني او تتأكد مني ي بابا اقسم بالله كُل القالوهو فيني كذب كذب ي بابا انا م كنت عارفه انهم قالو ليك كدة الا لما دخلته المستشفى وانت م حاولته تتأكد مني حتى ودي اكار حاجه تاعباني ومخلياني ميته من جوة انو انت صدقتهم ي بابا لو م واثق فيني م عندك ثقه في تربيتك؟حتى ماما م اتعاملت مع الموضوع على انو صح ظلمتوني ي بابا والله انا مظلومه واسي انا كل يوم بموت الف مرة في اليوم تعبته تعبتهه بجد ي بابا م قادرة اتعامل مع الموضوع بشكل عادي ابداً😭😭😭💔ضماني عليهو وهو ساكت بقيت ابكي بصوت عالي،ماما جات جاريه بخلعه قالت لينا في شنو ؟مالكم؟بقيت ابكي حرقه وإنهيار لدرجه انو دخلته في حاله تانيه واغمى علي عديل..الحصل دة م كان الا نتاج اوڤرثينكينح على مدى الأيام المضت ،بعد الحصل دة بابا م اتكلم معي ابداٌ في الموضوع دة بس كل تصرف كان بطلع منو كأنو كان بقول لي اعفي لي ي بتي،كانو بعملو كل البطلع بيدهم علشان ينسوني الحصل،كنا داخلين على رمضان سافرنا السعوديه صمنا هناك مع حُسام ،وجونا مؤيد ومجتبى،يعني بدل م.نتلم في السودان اتلمينا في السعوديه عمرنا هناك وسافرنا الإمارات عيدنا مع ناس حبوبه،ماف زول فيهم حسسني بي شي ابداً غير جدو وحبوبه الاتكلمو معي في الموضوع اما البقيه كانو كلهم بحاولو على قدر م يقدرو انهم يخلوني اتجاوز الموضوع ،بعد م رجعنا السودان بابا خلاني ارجع اتابع مع طبيب نفسي هو اقترح علي الموضوع وانا وافقته،قال لي الجامعه نحن جمدنا ليك السنه راجعته المسجل قال لسه السنه الجديدة م بدت لما تبدأ حيديني خبر والسنه زاتها لما تبدأ م حأتنزلي الا بعد السمستر التاني يبدأ إن شاءالله انا متابع مع المسجل💔بابا كان بحاول يبين لي قدر شنو هو مهتم لأمري ومتأسف وندمان وقدر شنو مهتم انو انا انسى ومفروض اتجاوز وارجع اكمل عادي ،كان بعمل كل البطلع بي يدو عشاني...بالنسبه لمحكمه حسام واهلو والقضيهه م كان عندي فيها مشكله لغايه م عرفته انو ماهر شاهد وانو هو حيستدعوهو لانو هو جا الساقني بحالتي ديك من البيت،بعدها بقيت مترددة في موضوعها حتى بقيت احاول افتح لي بابا موال اني عايزة اقفل القضيه بس بابا في الموضوع دة كان متعصب شديد حتى اغلب الوقت كان بتكلم مع المحامي عن القضيه،والجلسات الانا مفروض امشي احضرها م مشيت ولا جلسه كنت بتسيب دة كلو علشان بس م اشوف ماهر نهائي وم عايزة احتك بيهو ابداً لأي سبب💔عدت شهور وانا شبه بديت اتجاوز الموضوع وعلاقتي بي بابا واهلي بقت اقوى م بقدر انكر انو على قدر م اتظلمت على قدر م هم دعموني ووقفو على راسي وبقو قريبين علي اكتر يمكن حصل كدة لي خير ودة بقى لي درس وبقى ليهم هم كمان،يمكن ويمكن يمكنرجعته اتواصلته مع لُجين وطيف وخليتهم يجوني البيت وبعدها حكيت ليهم كل تفاصيل الحصل معي في البدايه افتكروني بهظر او سايقاهم بالخلا،قالو لي نحن مشينا المستشفى لي ابوك ولاقانا وقال لينا شهد دي سافرت الإمارات وجمدت السنه لظروف خاصه وقاهر واقنعنا بي انو انتي في الإمارات واتعامل مع الموضوع عادي ورجعنا ليهو ياما في المستشفى مرة واتنين وتلاته وكل مرة كان بقول لينا هي كويسه م عندها عوجه م عندها تلفون وبتعذر لينا لما نقول ليهو عايزين ليها رقم تواصل حتى لو رقم زول معاها هناك بس م كان بدينا ابداً💔حلفته ليهم م صدقو بس ماما اكدت ليهم الموضوع من القهر الدخل فيهم لُجين ضربتني كف حتى بقت تبكي عاتبوني ولاموني بالساعات حتى في الاخير لجين دي طلعت من البيت زعلانه وفصلتني فترة حتى رجعت تتعامل معي عادي...بابا بقى يعاملني بي حريهه اكتر بحاول يعزز ثقتي في نفسي وبقول لي اي شي انتي عايزه تعمليه سواء كان مستقبلي او غيرو قوليهو لي ، بديني العربيه احوم بيها انا ومناسك والبنات،لُجين زاتها جات قعدت معي في البيت فترة نسبه لي انو اهلها سافرو وهي مفروض تقعد داخليه ف بقت ماليه علي البيت بكدة وطيف كانت يومي بتجينا ومناسككانو خالقين لي جو ظريف،اصعب اللحظات الكانت بتعدي علي لما اكون طالعه مكان وعيني تقع على بقاله ناس حُسام وبيتهم،ماما اقترحت نرحل من المحل داك بس بابا رفض وقال ليها عشان بكرة يقولو رحلو خلو لينا الحي؟لا والله انا معاهم للأخير وبيتي دة انا م مشتريهو من حُر مالي عشان ارحل اخليهو الرهيفهه التنقد،في يوم بابا بالصدفه ضرب لي تلفون قال لي وين انتي؟قلته ليهو في البيت،قال لي طيب تعاليني المستشفى،قلتع ليهو خير انت كويس؟قال لي كويس تعالي بس،أجرتهه ترحال ومشيت ليهو،لما وصلته قال لي م عندنا قعدة طالعين طوالي،قلته ليهو وين؟قال لي لي مشوار بس،قلته ليهو م وين؟قال لي لو عايز اقولو ليك م قلته ليك مشوار،قلته ليهو طيب،اتحركنا شغل مصطفى سيد احمد وبقى يدندن معاهو،قلته ليهو بابا مالك وبقيت اضحك،قال لي مالي رايق ومبسوط،قلته ليهو الله يديمها بس برضو م فهمت لييييهه😂😂💔قال لي يعني الواحد م يتبسط؟قلته ليهو لا حقكك،فضلنا ماشين لغايه م وصلنا شارع اوماك فجأة وقف عربيتو ونزل،قال لي تعالي،نزلته كنا قدام معرض عربات،قال لي يلا ،قلته ليهو نحن جاين هنا لشنووو؟قال لي الزول بجي معرض عربات لشنووو؟قلته ليهو علشان يشتري عربيهه،قال لي طيب،دخلنا المعرض سلم على الموجودين في المعرض شكلو المدير كان بعرفو استقبلو بي حرارة وضيفونا وبقى يتونس مع بابا وونستهم جرت،حتى بعد مسااااااافهه بابا قال ليهو طبعاً دي بتي شهد زي م قولته ليك في التلفون ي عوض،قال ليهو اي صح ماشاءالله عليها كيفك ي بتي ان شاءالله طيب؟ قلته ليهو الحمدلله بخير،بابا قال ليهو اها في موديلات بناتيه كدة ممكن تنفع معاها ولاااا؟قال ليهو لا في اكيدبقيت اعاين لي بابا بخلعههالراجل قال ليهو شكلها ماااااا عندها علمبابا قال ليهو قلنا نعملها ليها مفاجأة غايتو😂💔قلته ليهو بابا انت عايز تشتري لي عربيهه؟؟؟قال لي البلد فيها ازمه مواصلات😁بجد ي بابا انت عايز تشتري لي عربيهه؟بقيت متنحهه فيهو،بقو يضحكو علي 😂💔طلعنا علشان نختار العربيه وانا زي الهبله او زي الشافعهه بضحك براي،خيروني بين كذا عربيه اخترتهه مورنينق عذبتهم عذاب في موضوع اللون في الاخير حتى رسيت على بر،رجعنا البيت وانا مااااا مصدقهه ابداً لما وصلنا لقينا البيت اظلم ،بابا قال لي الكهرباء شكلها قاطعه،اول م وصلنا الهول بقينا ننادي على ماما فجأة الأنوار نورت واسمعهم بقولو لي سبراااايزززز هابي بيرث دااااي تو يو،مناسك ،ماما،منذر،لجين ،طيف،عيد ميلادي ومزينين البيت وعاملين كيك و...م عارفه اذا انا صح او غلط بس يمكن انا البت الممكن يطلقو عليها لقب التعيسهه المحظوظهه علشان بتستحقو...عدت الأيام على كدة،السنه الجديدة بدت وبابا مشى فك لي التجميد وسجل لي وقال لي على حسب اختيارك لو عايزة تنزلي مع الناس من سمستر 3اوكيه بس انتي سلفاً ممتحناه يعني م ضروري،لو عايزة تنزلي سمستر4 برضو راحتك،م كنت جاهزة انزل الجامعه ابداً نفسياً كنت بتضايق لما افكر في الموضوع،رجعته لموالات الميك اب بتاعتي عملته لي قناة في اليوتيوب وبقيت انزل فيها ڤيديوهاتي ،انا ولجين ومناسك عادي بننزل ڤيديوهاتنا بس طيف لأ لأنو اهلها صعبين شويهه💔بقيت ماسكه زمن بنفسي كدة،في يوم ماما جهزت الغداء وطلعت وبابا ي دوب جا من الشغل جهزته ليهو الأكل والمويه وكدة،بعدها قال لي تعبان داير اخد لي نومه،قلته ليهو طيب،بعد م دخل غرفتو جهزته ليهو الجبنه وديتها ليهو شربها وقعدنا نتونس قال لي عصري لي رجولي حاسي بيهم تقال،قلته ليهو دة من الشغل ي بابا انت بعد كدة اتقاعد.يخخخخخ كفايه ،ضحك قال البختار مهنه الطب عمرو م حيفكر في التقاعد ي بتي،قلته ليهو بالجد انتو الدكاترة تعبانين 24ساعه واقفين يخخخ حق الله حقكم💔،عصرتهم ليهو واهو اخد ليهو نومه ،طلعته قعدته برة في الحديقه براي مركبه سماعاتي وبتكلم مع لُجين واتسب،المغرب كدة شفته بابا واقف في باب الهول شبه بتكلم معي وانا م سامعاه،طلعته سماعاتي لقيتو بقول لي بصوت مبحوح تعالي،قمته مشيت عليهو قال لي داير ادخل الحمام كدة اسنديني،قلته ليهو بابا مالك فيك شنووو؟قال لي رجولي دي فيها خدر بسيط بس دخليني الحمام،قلته ليهو طيب ،وصلتو الحمام قلته ليهو اقيف معاك؟قال لي لا خلاص،م اتحركته خطوتين من جمبو سمعتو صوتو وهو واقع في الحمام،جريت عليهو وانا بصرخ بابا،م جرة لا رجل لا يد بس صوت شخصير طالع من صدرو وانا بحاول اني اسندو واطلعو من الحمام بكل قوتي ،لما لقيت نفسي م قادرة جريت طلعته الشارع بالجلباب وانا بصرخ وبقول للناس اللحقو ابوي،اللحقو ابوي ،جو جارين وراي شباب شالوهو معي وعلى عربيتي بسرعه ساقها ولد من الأولاد ،اقرب مستشفى دخلناهو ليها الدكاترة قالو لي مالو؟انا داخله في حاله هستيريه وبصرخ وبقول ليهم وقع فجأة وقع فجاة بابا،باباااااا ،مسكوني ودخلوهو غرفه كدة وخلو الناس برة يهدو فيني وفي مرة لبستني توب م عارفه جابتو من وين ،قلته ليهم تلفون ،عايزة تلفون،واحد ناولني تلفون ضربته لي ماما وانا ببكي قلته ليها ماما بابا وقع فجأة،فجأة وقع نحن في المستشفى ي ماما بابا م بحرك لا رجل لا يد ي ماما😭😭😭😭😭💔واحد شال مني التلفون وبقى يتكلم معاها،فضلته قاعدة في الأرض وببكي وكل الناس بقت بتقول لي ببقى كويس،وقعه بسيطه بتجي للناس الكبار ديل ،قومي صلي المغرب وادعي ليهو في مرة قومتني مشيت اتوضيت وجيت قعدته اصلي،خلصته صلاة قالت لي سبحي واستغفري ي بتي الصبر عند الشدائد اجرو عظيم،ماما ومنذر جو داخلين الاتنين مع بعض جارين جري بتذكر ماما توبها نصو في الارض،منذر قال لي في شنو ي شهد ابوي مالو؟قلهته ليهو م عارفه ي منذر فجأة وقع قال لي اسنديني للحمام سندتو وقع كان كويس اتغداء معي وشرب القهوة واتونس معي 😭😭😭😭💔 ماما قالت لي لا إله الا الله ،منذر قال بي وين هو اسي؟قلته ليهو مع الدكاترة جوة منعوني ادخل معاهو😭💔منذر حاول يدخل طلعوهو بقى يقول ليهم دة ابوي عايز اشوفو،قالو ليهو ممنوع ي شاب،بعد اكتر من نص ساعه نحن واقفين ماشين وجاين طلع دكتور من الغرفه ،تعابير وشو م كانت بتبشر بالخير ابداً،الجمله الوحيدة الانا متزكرة انو قالها " إنا لله وإنا إليه راجعون البركه فيكم ي جماعهه لله م اعطى ولله م اخذ "بتزكر اني ضحكته فجأة قلته ليهو بتهظر صح؟انت مجنون؟قصدك شنو بالكلام دة يعني؟زح من وشي ،ضربتو ولزيتو ودخلته الغرفه لقيت الدكاترة بغطو فيهو قلته ليهم زحو منو انتو بتعملو في شنو جريت الغطى وبقيت اقول بيهو بابا،بابا اصحى،بابا فتح عيونك انا شهد،جسمو كان بارد وانا بضرب فيهو وبقول ليهو بابا،مسكوني منو بقيت اتقالع معاهم وبتضارب ،جا منذر وقع جمبو وبقى يصرخ زي الطفل وماما نفس الشي...على مر الحجات السيئه الحصلت معي م بتقارن ذرة من وجعه ميته بابا،كانو حياتنا زاتها وقفت معاهو لحظتها،م عارفين رجعنا البيت كيف ولا بتزكر لحظه الجنازة كنت وين،كل المتزكراهو انو في زول ساقني دخلني ليه وكان بقول لي اطلبي العفو من ابوك واقري ليه قرءان بس منو ووين ومتين م بتذكر ابداً،كلنا على بعضنا كدة م كنا قادرين نقيف على طولنا،ماف زول قادر يعاين في وش التاني،ماف زول قادر يسند التاني،من اليومين الأوائل تعبتهه شديد كنت بقع على طولي من اقل وقفه اخدت في المستشفى قريب الإسبوعين كنت بفتح عيوني بلقى لجين ومناسك وطيف في راسي،م هم بس الكانو بكونو واقفين في راسي حتى ماهر كنت كل م افتح اللقاهو واقف ،كنت كل م اوعى بدخل في نوبه بكى وصراخ بتجبرو يدوني مهدىء لغايه م في يوم بتزكر منعهم يدوني مهدىء قال ليهم خلوها وبقى يتكلم معي ويقول لي شهد وانا بقول ليهو عايزة بابا،بابا م مات انا عايزاهو جيبو لي ي ماهر عايزاهو هو كويس كان كويس اتغدأ معي واتونس معي هو كان كويس م عندو شي قلته ليك،م حسيت بي شي غير بي كف في وشي قال لي م مؤمنه بالقضاء والقدر؟م مؤمنه بيوم الزول اذا تم الموت م محتاج انو يكون كويس او لا،بطلي البتعملي فيهو دة ي شهد وأوعي واستغفري وادعي ليهو امك في البيت حالتها حاله واظن هي في حوجه اكتر ليك ،بقيت ابكي وانا ساكتهه،جو الغرفه كلو اتحول لي صمت ،قال لي ماف زول حيديك مهدىء تاني ابداً والدكتور سلفاً كاتب ليك خروج وحتطلعي اليوم،بقيت ابكي وانا مغطيه وشي بي يدي زي الطفله،رجعته البيت وشوفت صيوان العزاء لسسه مرفوع والناس والعربات كميه قدام بيتنا رجعته استوعبته الحاصل وانو فعلاً بابا مات في لمح البصر كدة وبدون اي سبب معروف فقدتو كدة بس وخلاص زول كان كويس ووقع بطولو مات😭💔الفترة الأولى كانت من اسوأ الأيام المرت علينا كلنا ماف زول مستوعب،ماف زول مصدق،م كنت بطلع من غرفتي شبر ،لجين ومناسك وطيف قدر م يحاولو يأكلوني م كنت برضى حتى مويه م بشربها،اخواني كانو بأكلوني وبشربوني غصب جوة الغرفه وشغالين معي بالتناوب ،لجين ومناسك وطيف م فارقوني اصلاً م كنت واعيه للحاصل حوالي بس كائن وماشي بتجيهو حاله من الوعي لحظه بقعد يبكي ويصرخ وبرجع بدخل في حاله اغماء،لغايهه م عدة شهر وانا على نفس الحال ،لغايه م في يوم بعد المغرب لجين قالت لي شهد تعالي معي،قلته ليها وين؟قالت لي تعالي بس،رفضتهه اصرت علي وساقتني بالغصب،وصلتني جمب عربيه كدة و الشارع كان ضلام فجأة قالت الووو؟اي نحن جمب العربيه،تمام،فجاة باب العربيه فتح نزل منها زول،جا علينا اول م سمعته صوت السلام عليكم عرفت. ماهر،لجين قالت ليهو وعليكم السلام شوف ياها جبتها ليك عليك الله اتكلم معاها لأني حرفياً تعبتهه منها شديد وكويس انك قلته لي جيبيها لي،عايزة امشي مسكتني قالت لي لا انا حأمشي م انتي،قلته ليها ياخي،ماهر مسكني من يدي قال لي دقايق بس نتفاهم امشي انتي ي لُجين،لجين اتحركت ساقني ركبني العربيه وركب هو،فضلنا ساكتين مسافهه قال لي شوفي م اعتقد في اعظم من فقد الأب والحاجه دي انا عشتها ومريت بيها وعانيت منها ولسسسه بعاني انا فقدتو وانا صغير عشان كدة عارف الإحساس دة كويس شديد م محتاج شرح،بقيت ابكي،قال لي وانا ابداً م بمنعك تبكي عليهو لأنو دة م شي الزول بقدر يتحكم فيهو ،بس ي شهد م انتي براك المحتاجه يسندك امك محتاجه،اخوانك محتاجين،حبوبتك محتاجه،هم اسي ناسين نفسهم ووجعهم عشانك انتي ،فقدو م صعب عليك انتي بس انا من يوم وفاة ابوك ولغايه اللحظه دي م رجعته بيتنا غير مرتين شايف الوجع في اخوانك شايف البقعد كل يوم على جنب وبمسك تلفونو وببكي والبكون راقد وعامل نايم وهو دموعو جاريه،الوجعه م وجعتك انتي براك ي شهد كلهم كدة صدقيني بس متماسكين عشان انتي الاضعف بينهم،بقيت ابكي بصوت قلته ليهو ماهر هو كان كويس والله العظيم كان كويس😭💔قال لي عارف ي شهد كان كويس بس اليوم ي شهد اليوم،قلته ليهو م عندي غيرو انا بابا هو سندي الوحيد في الدنيا دي م عندي غيرو😭💔قال لي كيف م عندك غيرو ي شهد؟في امك ،في اخوانك ،في اهلك كلهم سكتت مسافه وقال لي وفي انا انا مشيت وين؟؟فضلته ساكته ،انتي عارفه انو انتي كدة بتعذبيهو اكتر؟عارفه انو بدل م تبكي ممكن تصلي وتدعي ليهو وتقري ليهو قرءان وتعملي ليهو صدقه جاريهه؟عدم اكلك وشرابك م بفيدو بي شي ي شهد ولا برجعو ليك صدقيني لو الحاجه دي بترجعهم كلنا عايزين نرجع اهلنا طيب💔فضلته ساكته وببكي لمن بتنهد قال لي م تبكي ي شهد الله يخليك م تبكي،قلته ليهو م بقدر ي ماهر دة بابا انت فاهم يعني يكون م موجود لا في حياتي ولا في البيت😭💔انا بقيت يتيمهه ي ماهر بقيت يتيمهه انا تاني حقول ي منو 😭😭😭💔في اللحظه دي مسك وشي بي يديهو وبقى يمسح لي في دموعي قال لي بصوت مبحوح م تقولي كدة م يتيمهه ي شهد انا مشيت وين؟من اللحظه دي انا ابوك واخوك واي شي من اللحظه دي يااا شهد اعتبريني ابوك وقولي ي ماهر....💔💔💔💔#إقتباسههغفر الله لي دموعي وعدم الرضا والنصيب الذي افقد "الحب "تفاصيله وملامحه💔اصبح دعائي ان يغفر لي ما افعله بروحي، فقدت اصبحت قاحله من كل شعور، لا احمل سوى زكرياتمؤلمه ،اصبحت قاحله لا احتوي حتى الحنين ،كان غيابهيذيقني مرارت الفقد "الف"، متى تستوعب انك ميزانحياتي وبدونك اختلت كل الحياة 🔐"ليعلم الله انى انتظرتك حتى اصبح دعائي في جوف كل الليله من اعماق قلبي الي سابع سماء" اسمك"Shiraz Osman
يتبع......
