صحيت الصباح على حركتو وهو بجر في مناخر بأصابعو،قال لي صح النوم،
بقيت اغمض وافتح،ضحك،وقرب مني ولصق انفو مع انفي وقال لي والله العظيم ي شافعه لو عرفتي انتي قدر شنو قالبه حياتي فوقاني تحتاني حتحني علي للأبد،ضربتو في كتفو وقلته ليه شافعه في عينك ارجع ازعل منك؟
قال لي طيب وريني كدة حتزعلي وتطلعي من البيت كيف؟والحيخليك منو؟
قلته ليه حأمشي بيتنا حتقدر تمنعني منو كمان؟جراني ورقدني في حضنو ولف يديهو حوالي وقال لي كدة اقدري اطلعي من هنا اول خليك من مشي بيتكم😆✅💔
حكيت ليه بفاطمه وكل القالتو لي واقنعتو بي انو يخلي موضوع البلاغ دة ،رغم انو اتضايق واتعصب وزعل بس في الأخير اقتنع✅
..............
عايزة تعملي شنوو؟
عايزة أعيد السنه ي ماهر وارجع امتحن تاني شاسفه كدة أحسن بالنسبه لي اساساً انا جبته 59بس وفكرة دراسه الطب دي كانت فكرة امي انا م في بالي ابداً الطب دة،
بس كدة حتكوني ضيعتي عليك سنتين ي إيليڤ،م إشكال ي ماهر ،حأمتحن مع ازاد وحأشد حيلي شويه وان شاءالله اجيب نتيجه حلوة،
حتمتحني علمي؟
لا عايزة امتحن ادبي وحأشيل دراسات،عايزة اقرا إعلام،اصلاً دي كانت رغبتي وانا لاقيه نفسي فيهو امي كانت عايزة تقريني طب بس عشان تتبوبر بي م اكتر💔
طيب تمام بشوف الموضوع دة ،محتاجه حاجه؟لا،
طيب انتو مرتاحين؟انتي وازاد وراكان مرتاحين ؟م تكذبي وتدسي علي شي ي إيليڤ انا اخوك الكبير،
لا والله م ناقصنا شي ي ماهر الحمدلله مرتاحين واحسن بكتير من زمان،
لو م مرتاحين اسوقكم عندي هناك انا بس خايف امك تعمل ليكم مشاكل عندي هناك م زي لما تكونو هنا،
بالعكس والله مرتاحين وعمتو بتعاملنا حلو شديد م مقصرة معانا ابداً وصح كلامك ماما هناك حتعمل موال م زي هنا💔✅
...........
ماهر!!اها قالت ليك شنووو؟
قالت حتعيد السنه وحتمتحن تاني م عايزة تقرا جامعه في المجال الشالو فيها دة✅💔
قالت لي تعيد عديل؟
قلته ليها كدة احسن ليها دي رغبتها م عايز اجبرها على شي ،هي شايفه الاعادة في مصلحتها ودي حاجه كويسه شديد❤🌻
طيب تمام خلاص انا بفتش ليها مدرسه طوالي عشان م يفوتوها ،
تمام انا زاتي بشوف ام شهد لانو عندها مدرسه وممكن تكون قريبه منها لكن طبعاً المسافه بعيدة م عارف غايتو لكن احسن نشوف ليها المناسب ،شهد مدرسه امها مستواها كويس شديد
خلاص تمام خلي انا بكلمها وبشوف الموضوع دة❤🌻
طيب ي امي ،
انت شغلك ماشي كيف؟
الحمدلله بخير ،يلا انا ماشي
تمام سلم على شهد وجيبها لينا الاسبوع الجاي تمام؟
خلاص تمام
إيليڤ،يلا انا طلعته،
طيب ي ماهر بيناتنا الشبكه،
خلاص تمام
راكان ،أزاد يلا هوووي انا طالع،
ماهر،ماهر استنى،
ايوة ي ازاد؟!
انت م قلته لينا بسجلكم في النادي؟
ااااخ نسيت ياخ خلاص ظابط بس مشغول الفترة دي لكن اول م افضى حأمشي اسجلكم تمام؟
والتلفون م غيرتو لي💔
عندي صحبي جاي من برة قريب كلمتو يجيب ليك واحد والله بس اتأخر حبتين لكن اول م يصل التلفون يكون عندك✅
خلاص تمام،م تنشغل بالتلفون كتير ،شد حيلك واقرا وم تبعب بليستيشن كل الوقت،
خلاص تمام حاضر...❤✅
.............
حبيبي ❤
ايوة ،لقيت ناس بيتكم كيف؟
كويسين الحمدلله ،امي نادتني عشان موضوع إيليڤ ودراستها،قالت لي م قادرة افاتحها في الموضوع عشان م تتحسس شوفها انت،ناقشتها في الموضوع لقيت انها مقررة م تدرس طب ،عايزة تقدم استقالتها من الجامعه وترجع تمتحن شهادة سودانيه تاني ،قالت عايزة تدرس اعلام،
جد؟طيب حلو دي خطوة عقلانيه منها
م عارف والله ي شهد💔
حبيبي والله دي خطوة كويسه ومحسوبه صح انا معاها فيها غايتو،وانا حأساعدها وماما حتساعدها ،فكرة برضو ممكن تدرس في مدرسه ماما،صدقني م عليها الا تشد حيلها حتتوفق ،مفروض تنبسط لانو هي كدة صح❤🌻✅
طيب خليك منها ،عايزك تمشي معي السوق عايز اشتري ليها شويه ملابس وحاجات،
طيب متين؟
بكرة حلوو؟طيب ظريف
بالفعل مشيت معاه السوق ،قال لي اختاري ليها على زوقك ،كنت كل م اجي اختار حاجه بقول لي لا دي م مقاسها اختاري مقاس اصغر،بقول ليه هي صحتها كويسه بقول لي لا اختاري على اصغر هي ضعفت،اشترينا حجات كتيرة منها فساتين ومن اسكيرتات وغيرو،
رجعته البيت تعبانه على طول دخلته الحمام ،لما جيت طالعه لقيت الحجات ماف في السرير،قلته ليه م كان تلمهم كان تخليني اجي ارتبهم ليها علشان توصلهم ليها بصورة حلوة تعجبها وحأغلفهم ليها
قال لي خليك منها هي وانتي؟
قلته ليه انا ااااا؟انا مالي؟
جا مسكني وبكى يمسح لي المويه من وشي وهو بعاين لي وقال لي :
على فكرة زياد كلمني انو هو طلب منك ترجعي تشتغلي معاهم في الشركه وانتي رفضتي💔
ليييه رفضتي؟؟
امممممممممم
ما اممممممممم جاوبي،
حبيبي م عايزة اشتغل فيها وخلاص،
لا ماف حاجه اسمها م عايز اشتغل فيها وخلاص،
مسك يدي وباس كفتها مسافه وقال لي ي شهد،ي حبيبي انا ابداً م عايزك تتقيدي بي انا ،انا الشركه دي لما خليتهاخليتها لأسباب خاصه نفسي طلعت منها وم عايز ارجعها تاني شايف نفسي ماشه كويس في شغل الاسبيرات دة وبإذن الله حأكون مورد معتمد ووكيل لشركه ما في يوم من الايام هنا في السودان دة حيكون شغلي،اما انتي ف شغل الشركه دة مجالك وانتي قبل فترة كنتي بتفتشي على شغل صح؟شهد م تربطي حياتك الخاصه بي انا،شغلك دة حاجه خاصه بيك عندك خيار انك توافقي وعندك خيار انك لا بس الحاجه دي اربطيها بأسبابك انتي م عشان زول ولا حتى انا،وبعدين زياد في الشركه دي حيبدأ من الصفر عشان كدة محتاجك ومحتاجني ومحتاج كل الناس الكانت زمان جزء من الشركه عشان يقدرو يستعيدو ثقه العملاء،انا م بقدر ارجع بس حأساعدو اذا احتاجني في اي شي لأنو م قصر ووقف معي وقفه اخوان في اسوأ الظروف❤🌻
عموماً القرار قرارك اذا حابه تشتغلي في الشركه مع زياد تمام واذا لا وعايزة تشتغلي في اي شركه تانيه انا م عندي مانع انتي م قريتي واتخرجتي عشان تتحبسي بين 4حيطان وبين المطبخ والحلل ولا انا حأقيدك ابداً فهمتي؟اذا حابه تشتغلي حتلقيني داعم ليك تحت اي لحظه❤🌻
حضنتو وقلته ليهو بحبك،بحبك يخخخخخ،قال لي امممممممممممممممم تعالي،فتح الدولاب ولف يديهو حوالين رقبتي وقال لي كان في واحدة اسمها شهد بتشبه الحاجات دي شديد ،
قلته ليه دي مش حاجات إيليڤ؟
قال لي لا دي حاجات واحدة اسمها شهد لو م اتغشت كدة م حتقتنع وتمشي تختار،
سكتت مسافه واتلفته عليه،بقى مبتسم وبعاين لي،
قلته ليه المعنى؟يعني دي حاجاتي؟
هززة لي راسو،وقال لي اكيد لو وافقتي وقررتي تنزلي الشركه حتكوني محتاجه ملابس وحاجات جديدة ف انا قلته اختصر على نفسي الموال من اسي😆❤قلته ليها ماااااه..
قبل م اتمها باسني وقال لي هشششش بدون تعقيب او زننننن اتفقنا؟حضنتو وقلته ليه انا كنت مبسوطه اني مرتك بس حالياً انا فخورة اني مرت الزيني،بحبك ي ماهر ،بحبك ياخي ❤🌻
بالفعل وافقته انزل الشغل مع زياد،علشان بس هو محتاج مساعدتنا في الشغل خصوصاً انو مصر على انو يرجع يرمم الشركه ويشغلها ويرجع ليها اسمها حتى لو ماهر م عايز كدة،تعب شديد عشان يقدر يرجع الشركه دي ودفع قروش حتى ،كان محتاج دعم مننا اكتر من ناس تشتغل وخلاص،منذر مسك ليه الحسابات وانا ولجين نزلنا معاه شغل
وجزء من الناس الزمان...
اول
عدت الايام،والشهور وحياتنا مشت بشكل طبيعي والحمدلله ماهر اتوفق في شغل الاسبيرات وبدل المحل أجر الدكان الجمبو وضافو للمحل علشان المحل يكبر لغايه م جات علي فترة كدة بقيت بتعب شديد واحياناً بكون مرهقه ف بتم شغلي من البيت...
............
اتوفقته في شغل الاسبيرات الحمدلله،والعمارة رجعته رممتها ودخلتها الإيجارات مرة تانيه علشان العائد بتاعها وبتاع إيجار المزرعه يتوزع على اخواني وبكدة الحمل حقهم خف علي وبقى دة حق ابوهم الفعلي،واتفرغته انا لمسؤلياتي
الوو؟؟ي مهند،
ماهر برسل ليك في الواتساب م بترد مالك؟
مشغول ياخ مشغول خير ان شاءالله؟
عايزك في موضوع ضروري،
طيب تعال لي البيت ولا اجيك؟
لالا انا بجي عليك ،
خلاص تمام اتفقنا
طبعاً مهند رجع قعد مع ناس امي في البيت ودة طبعاً من احساسة بالمسؤليه،✅❤
.......
حبيبي مساء الخير كيفك اليوم؟
تمام احسن،
لسه جسمك سخن؟كدة ،جسمك دافي ي شهد مش انا قلته ليك لما تحسي بأي شي اتصلي علي؟
م قدرته اتصل
كيف يعني م قدرتي تتصلي؟
م قدرته وخلاص ي ماهر عليك الله،
شهد في شنو مالك انتي متنرفزة؟
ماف شي وم متنرفزة
لا متنفرزة وشديد كمان وليك فترة كدة💔
ياخ خلاص
لا م خلاص ،اجهزي خلينا نمشي المستشفى
م ماشه
شهد اجهزي خلينا نمشي المستشفى بدون عناد وركوب راس عشان انتي عارفه انا ممكن اسوقك غصب،يلا اجهزي
فتح الدولاب طلع لي ملابس وختاهم لي جمبي،
جهزته مشينا المستشفى عملنا الفحوصات ،بعدها هو جاتو مكالمة طلع ،الفحوصات طلعت اخدتها ومن الزهج والاستعجال دخلته بيها الدكتور قبل م هو يجي،جا دق الباب لاقيتو في الباب،قال لي لما الفحوصات طلعت ليه م كلمتيني؟
قلته ليه علشان كنت بتتكلم بالتلفون وكدة،
قال لي التلفون اهم منك؟
قلته ليه خلاص م إشكال،
قال لي الدكتور قال شنو؟
قلته ليه مضاعافات عاديه قال،
قال لي بالحاله قاعد اوصيك وازكرك عشان تهتمي بنفسك ي شهد لكن م بتسمعي الكلام ي شهد،
قلته ليه خلينا نمشي البيت احسن❤
بعد يومين...
مهند حكى لي عن فكرة مشروع عايزة يعملها ظريفه
المكتبه قصدك؟
ايوة حكى ليك؟
ايوة حكو لي هو وسمر والفكرة ظاااابطه شديد حبيتها لأنها مختلفه
حلوة بس عايزة دعم وقروش،
قلته ليهو ايوة صح بس ان شاءالله يتوفق،قال عايز يشيل قرض من البنك وينفذها،
قلته ليه لقى الموقع والمبنى؟
ايوة لقاه تقريباً حتى اتفق مع صاحب المبنى
اهاااا طيب حيشتغلو هو وسمر طبعاً حاسه بيهم حيتوفقو جداً جداً جداً😍❤
نتمنى ذلك في الحالتين حندعمو لغايه م ينجح اكيد لأنو حاسي بيهو متحمس إضافه لي انو قال بدأ يكتب كتاب ف نجاحو في الموضوع دة حيبقى ليه محفز❤🌻
دخل الغرفه وانا برة في الهول ماسكه لابتوبي،قلته ليه حبيبي❤🌻
قال لي ايوة
قلته ليه مرسله ليك شغل في الإيميل افتحو عايزاك تساعدني فيه ضروري
قال لي شغل؟شهد انا طالع الكورة ،
قلته ليه كورة كورة كورة ياخي ساعدني بلييييز ي ماهر بلييييز ساعدني م قادرة عليهو والله ولازم اخلصو😭💔
قال لي طيب دقيقة اللابتوب م شاحن ،
قلته لا استنى بس 5دقايق ماشي؟
قال لي في شنو؟قلته ليه بس دقايق لما اناديك تعال،
قال لي طيب،شلته لابتوبي ومشيت بيه على اتجاه البلكونه ،بعدها جيت شلته اللابتوب بتاعو والوصله وهو بعاين لي،بعدها قلته ليه حبيبي،
جا وقف وعاين لي مسااافه قال لي شهههد😍❤
قلته ليه رايك شنووو؟قرب مني وجراني عليه وباسني وقال لي احلى جلسه شاي مسائي في الدنيا دي مع اعظم مرة في الدنيا❤🌻
ضحكته ،،قال لي عارفه محتاج القعدة دي وماف اظبط من كدة🌻❤
قلته ليه اقعد طيب،كنت عامله جلسه على الارض مفرش ومساند وحركات🙈❤مشيت وجيت راجعه شايله كيكه شوكلاته ،قال لي البحبها؟❤
قلته ليهو ايوااان🙈❤
كنت عامله قعدة شاي مسائي على جو خاص كدة وعليه حركات 🙈❤
اخد مني الكيكه وقعدني وقعد جمبي ووصل اللابتوب وانا بعاين ليه وهو منتبه في اللابتوب قمت بوستو في خدو ورقدته في كتفو وبقيت اعاين ليه ووشي ملصق في وشو او ملامس لحيتو بمعنى ادق 🙈،عاين لي وضحك وقال لي الراوتر هنا ضعيف❤🌻
قلته ليه حأمشي اجيب مويه واجي
قال لي طيب
دخلته المطبخ وفضلته واقفه بعد مسافه قال لي شهد
قلته ليه ايوة
قال لي م فهمته دة شنووو؟
قلته ليه كيف؟
قال لي دة شنو الشغل دة قلته ليك؟؟
فضلته ساكته وهو ساكت،ناديت عليه و
قلته ليه ماهر؟؟
قال لي بصوت مغيوظ ياااخ مقالبك السخيفه دي م بتخليها نهائي انا ماشي يلا ي زوله،
طلع قبل م اطلع اللحقو او اتكلم معاه ،طلعته وقغته في البلكونه انتظرتو يظهر تحت م ظهر،
بعد 5دقايق سمعته بحركه في الباب،قبل م يدخل كويس نده علي وقال لي شهد،
قلته ليه نعم مالك؟؟،جا من غير اي مقدمات شال اللابتوب وبقى يعاين فيه مسافه،بعدها رجع يعاين لي وقام على حيلو وجا قرب مني قال لي دقيقه كدة قومي قومي مسكني من يدي وقومني،قال لي مالك انتي؟
قلته ليه مالي؟
قال لي المرسلاه في الإيميل دة بجد؟
بقيت اعاين ليه،
قال لي لا بجد ي شهد الصور دي حقيقة؟انا م كنت فاهم او م كنت غبي مستوعب
بقيت اضحك
شهد انتي ؟
ضحكته،قال لي ياااااااخ وشالني ،وبقى يضحك،يعني حقيقه؟وانا م غبي ودة م مقلب صح ي شهد؟بقيت اضحك فيهو ،انتي حامل ي شهد،حامل ،
قلته ليه ماهر فضحتنا نحن في البلكونه،كان حيطير من الفرح وهو شايلني .
.......
. يعني تخيل بعد حياة مليانه شوك ووجع ومأساة وقحل وجفاف يكون حصادك ورد،حمل شهد كان تاني اعظم حاجه حصلت في حياتي بعد زواجي منها❤❤م كنت مصدق او م كنت مستوعب الموضوع اخد مني نزول سلالم العمارة كلها وطلوعها حتى قدرته استوعب الكان في صور الموجات الصوتيه الهي مرسلاها لي..
..........
فترة حملي يمكن كانت اجمل وسوأ فترة عدت على ماهر،حقيقة يعني انا اسوأ من يحمل،نكد وبكى ونرفزة ونفسنه وزهج ومرض وزعل،حرفياً لو م كان راجل بحبك وبالو طويل م حيستحملك،كان بساهر معي الليل،ولما خلاص ازعل عليه وعلى حالو واحن ليه بقيت اقول وديني بيت امي وارتاح،
كان بقول لي انا راحتي معاك انت اياً كان الانتي عليه وعايشاه ف انا ماف شي حيتعبني اكتر من بعدك،بياخدني وبرقدني في رجولو وبقعد يلعب لي في شعري،احياناً بسرح لي شعري،مرة طالعين ماشين على اهلو وهو مستعجلني وانا بجهز قلته ليه عندي منكير بضرب فيهو يا ماهر ياخي!؟ لما شافني متنرفزة وصارة جا شال مني المنكير وقال لي مش دة؟دقيقة انا بعملو ليك،
قلته ليه مااااهر؟!
قال لي مالك مش مرتي و ام ولدي؟
قلته ليه وليه م قلت ام بتك؟
ضحك قال لي مش منم انتي؟البجي من الله كلو سمح😂🌻❤
الشهور الأخيرة اتجرسته شديد وهو م كان راضي يوديني ناس امي،قال لي انا قادر اخلي بالي منك ❤🌻كان بعمل كل شي هو،اتفرغ فراغ تام لي انا وخلا كل شي بقصادي❤🌻قدر م اتكلمت معاهو ماما وعمتو عبير علشان يقتنع ويوديني بيت ناس امي رفض،وصراحه انا كان عاجبني اهتمامو وخوفو علي شديد وم كنت عايزة ابعد منو لأنو البعملو فيهو دة ماف زول حيستحملني غيرو🙈❤ماهر عوضني عن كل اللحظات السيئه العشتها مع حسام ،وفي فترة الحمل دي حبو لي زاد شديد لدرجه انو بقى مهوس على عكس فترة حملي من حسام،حقيقةً يعني فترة الحمل بتاعتي كانت من اعظم الفترات الممكن تعيشها مرة راجلها بحبها وحنين وم عندو سقف لحاجه اسمها صبر او طاقه وقوة تحمل💔لما كنا بنمشي المقابله مان بقول للدكتورة عايني هي حتتعب في الولادة؟هل وضعها بيسمح ليها انها تلد طبيعي وم حيأثر عليها؟ي دكتورة عايزة اقول ليك بس شهد دي قبل كم سنه حصل ليها كذا وكذا وكذا"حكى ليها العملو فيني مهند اخوه"هل دة شي ممكن يأثر على وضعها في الولادة؟_
الدكتورة كانت بتعاين ليه وبتبتسم،قالت ليه انت خايف عليها كأنها اول واحدة تولد لييه؟😂💔طيب ي سيدي عندك اوبشن الولادة القيصريه طالما انت خايف الخوف دة كلو😂💔
لما دخلته التاسع بقيت اوڤر صراحه،يعني بقيت اطلع ليه مواضيع هايفه واتشاكل معاه فيها،يوم اتناقشته معاه قال لي ياخ خلاص ي شهد،مع ياخ خلاص دي فرته وبقيت اجوط فيه واقول ليه انت طالما م قادر تستحمل وديني بيت اهلي ،م تتزهج فيني لأنو انا الشايله في بطني م انت،جا ضماني وقال لي اسف حقك علي فترة وحتعدي ودة منو القال ليك انا م قادر استحمل دة؟انا وراي شنو غير اني استحملك انتي؟
قلته ليه ماهر ممكن سؤال؟
قال لي اتفضلي
قلته ليه امممممممم لو تولين كانت مكاني حتعاملها بنفس الطريقه دي وحتستحملها زي م بتستحملني؟؟
بقى يعاين لي،
قلته ليه كنت حتعاملها كدة؟دموعي جات جاريه مسحها لي وقال لي شهد تعالي ضماني وقال لي المكان دة اي واحدة ممكن تكون فيه بس مكانه الزول في القلب بتختلف،وانا م قاعد اتكلف واعمل شي فوق طاقتي م حاسي بكدة ابداً انا م مستحملك انا عايش معاك اللحظات دي وعارف انو كلها فترة وحتعدي ،انا عمري م مليت من حاجه عملتها وممكن تتعمل عشانك❤🌻
.ٌ...............
الووو لجين؟
اي ي ماهر كيفك؟
تمام الحمدلله انتي كيفك؟
الحمدلله تمام م عندي عوجه شهد والحمل كيف معاها؟
الحمدلله ماشي حالها،
متعباك قالو ومطلعه عينك😂💔
لا والله هههههه المهم عايزك في خدمه ياخ،
اتفضل...
................
في يوم جاتني لجين قالت لي شهد ارح سايقاك مشوار،
قلته ليها مشوار؟
قالت لي قريب م بعيد عليك الله
ارح
قلته ليها ماهر م برضى اطلع من البيت بدونو💔
قالت لي استأذنتو كيف ليك اها؟
استغربته طبعاً انو هو وافق ليها،بس طلعته معاها ،لما وصلنا لقيت انو نحن جاين كوافير،قلته ليها م جادة ياخ م عندي اخلاق للمعط دة،
قالت لي بطلي ياخ،دخلنا قالت ليها عندنا حجز بإسم شهد عبدالله ولجين،
قالت ليها ايوة ايوة اتفضلي،
قلته ليها لجين...
قالت لي اسكتي ولا كلمة حتعملي معي الحاجات دي من سكات وحنطلع فهمتي؟م عايزة نقاش✅💔
دخلنا عملنا مساج،وحمام زيت،وبدكير،وفيشل،واتحننته حتى طلعنا،لما وصلنا البيت لجين قالت لي اعترف ليك اعتراف صغير والله ماهر هو الطلب يعملو ليك الحاجات دي م انا واحيييييييه بس والله شهاني الحمل لو كل ابرجال بعملو كدة لنسوانهم🙈💔م دخلت معي اتصلت على ماهر قالت ليهو تعال استلم مرتك ي معلم،جا نازل سلم عليها وبعاين لي،
قلته ليه نتفاهم فوق،
لجين قالت ليه سجمك😂✅💔
لما طلعنا قبل م افتح خشمي قال لي عايزك في كلمتين قبل م نتفاهم،
قلته ليه شنووو؟
قال لي تعالي ساقني وغمض لي عيوني،
قلته ليه ماااااهر ماشي بي وين؟
قال لي تعالي،ساقني لغايه م وصلنا غرفه من الغرف وفتحها ورفع يدو ،فتحته عيوني لقيتو مجهز غرفه البيبي بشكل كامل لمن فارشها،
اتلفته عليه قلته ليه ماهر؟!
قال لي م صح نظبط الأم وننسى البيبي عايزة يقول على ابوه شنووو؟
ياخ كان مرتبها وعاملها بطريقه كدة خرافيه،حضنتو وقلته ليه ي بختو بيك،ي بختو بأبوه والله😭❤
قال لي الحنه حتاكل من امو حته ف شنو ي بختو بيها هو الحيشاركني في حاجه حقتي ❤🌻بقيه الحاجات الخاصه بيك انتي واي شي تاني حننزل نشتريه مع بعض اتفقنا حبيبي؟اما حالياً انتي نصيبك لسه في الغرفه علشان م نبدأ في امور الغيرة بتاعه الامهات من اسي،تعالي دخلته الغرفه ولقيتو جايب لي بوكس بتاع عنايه بالبشرة كاااامل فيه كل شي انا ممكن احتاجو لبشرتي،قبل م اتلفت عليه حضني من ورا وقال لي يبهدلك الحمل والبيبي واهتم بيك انا ابوه ولا تزعلي نفسك ابداً❤🌻
وعدت الايام لغايه م جا يوم الولادة الاتوجعته فيهو،احسن م احكي عنو انا لأنو ماهر هو المتزكر تفاصيل اليوم دة😂💔
....................
صحيت الصباح بصوتها بتبكي،مالك ي زوله؟قالت لي ضهري واجعني،
قلته ليها نمشي الدكتور؟عاندت وركبت راس وقالت لا،شويه شويه الجرسه زادت ،اخدتها وطلعنا المستشفى،كانت متماسكه لغايه م الدكتورة قالت ولادة ،اها من هنا بدت الدراما والبكى والجرسه الجدجد،كنت خايف،متوتر ومستاء شديد وهي ولادتها اتعسرت يعني يوم كامل بقولو لينا مشوها،لسه لسه لغايه م جات لحظه دخولها لغرفه الولادة.
..............
البكى البكاهو ماهر معي ما اعتقد في راجل بكاهو مع مرتو لو لمرتو حتى وهي ميته،ماهر مع كل صرخه مني وبكيه كانت دموعو بتجري،وتقريباً هو كان متجرس اكتر مني رغم انو كان بحاول يهدي فيني بس بس هو نفسو م كان قادر يمسك نفسو حتى.
...........
اللحظه الدخلوها غرفه الولادة حسيت الدنيا دي واقفه فعلياً وكل شويه بسأل لسه؟معقوله ياخ اصلو شني هي ولادة ولا شي تاني؟زياد ومنذر اخدو راحتهم في الضحك علي في اليوم دة وم خلو وضع انا فيهو م صوروني ليه،لما قالو ولدت اول سؤال لي كان هي بخير؟
الدكتورة قالت لي بقولو المولود بخير؟
كنت على اعصابي قلته ليها لا هي بخير؟
قالت لي بإستغراب ايوة بخير هم ال2 ،مبروك عليكم البنوته،تخيل تبقى ابو لبتين؟او لطفلتين ،تخيل يكون عندك مؤنسات 2في حياتك عايز شنو تاني؟
شهد كان بنطبق عليها لفظ"البيبي الشايله العندها بيبي حرفياً"😂❤🌻✅
.................
ماهر عاش معاناة لما وانا حامل وعاش معاناة بعد م ولدته لأنو جوان حضرة سيادتها كانت بكايه ،ايوة سميناها جوان🙈❤🌻غايتو عذبت ابوها دة عذاب م كانت بتغمض ليهو عين😂💔
بعد 3شهور من الولادة كنت بشكي لي ماهر من شعري دايماً وانو بقى تالف ،ومتقصف و...الخالحمل دة
في يوم فجأة جاتني مكالمة،
الو السلام عليكم؟
وعليكم السلام والرحمه
شهد عبدالله؟
ايوة اتفضلي
معاك مركز كلينكا ،عندك حجز بتاع جلسات بلازما علاجيه للشعر بإسمك ،ي ريت تزورينا في اقرب وقت علشان تبدي الجلسات ولو عندك اي استفسار بتقدري تتصلي علينا
امممممممممم اناااااا؟طيب الحجز دة ب...
سكتت قبل اكمل كلامي وقلته ليها شكراً،اول م ماهر جا شال بتي وبقى يلعب فيها قلته ليه ماهر انت بتحبني قدر شنو؟
بقى يعاين في السقف،
قلته ليه بتعاين لشنوو؟
قال لي بفتش في طريقه اشيل بيها السقف واوريك انو انا حبي ليك دة م عندو سقف ابداً،بقيت اعاين ليه وانا ساكته،قال لي نعسان ،رقد في السرير وبتو جمبو جيت رقدته في نصهم وختيت يدي في خدو وانا بعاين ليه ،لما شافني عملته الحركه دي ضحك،قلته ليه ماهر ،
قال لي روحو
قلته ليه بحبك❤
رجع تاني ضحك وهو مغمض عيونو
قلته ليه مالك؟قال لي لا ماف شي😂💔
............
حلبيه،
منذر!!هلا
كيفك؟
الحمدلله تمام،
عايز استشيرك في موضوع كدة،
اتفضل خير؟؟!
لو اتقدم ليك واحد على قدر حالو يعني م مجهز نفسو شديد وي دوب ببني في نفسو بس باقي عليك بتوافقي عليه؟
هههههههههههه دة سؤال في زمن صعب!!
يعني بتوافقي؟
انا ك لجين واحدة من الناس الما مادين ابداً يعني لو بحبو ليييه لا؟
يعني الا تكوني بتحبيه؟
المهم انا نظرتي م ماديه واكيد لازم اكون بحبو،
طيب اسي انا ك زول بحبك لو اتقدمته ليك وم جاهز جهاز بقولو عليه بتوافقي؟؟؟يعني ي دوب انا ببنيىفي نفسي وكدة
منذر؟
مش قلتِ نظرتك م ماديه؟
ايوة،
طيب حار حار كدة انا بحبك وباقي عليك وم جاهز داير ابني نفسي براي بعيد عن اهلي واخواني ووضعهم ،عايز اتعب واجهز لي اي شي بخصني بنفسي بس برضو م عايز غيرك ، تتزوجيني ي بت الناس ولا يفتح الله؟؟؟
منذر؟؟!
اها بس من الاخر كدة قولي لي حتوافقي تتزوجيني بوضعي الانا عليه؟؟
...........
تعلن الخطوط الجويه السودانيه عن بدء إقلاع الطائرة المتوجه إلى ماليزيا،الرجاء من السادة الركاب ربط احزمه الأمان مع تمنياتنا لكم برحله سعيدة...
حصل لاقوكم ناس بتمشي شهر العسل وهم بالبيبي بتاعهم؟نحن عملنا كدة😂🙈❤🌻كيف؟
ماهر يوم جا راجع من الشغل ولقى بتو بتبكي والكهرباء قاطعه والسخانه،وقفتنا على رجل واحدة وهو جاي مرهق بس م خلى شي م عملو ليها علشان تسكت ف قال لي مالها هي؟
قلته ليه زهجانه،
قال لي وانتي؟
قلته ليه وانا كمان💔بعدين اسبوع من الكلام دة لقيتو خاتي ظرف في التسريحه،طلع من الحمام شايل بتو كان بحمي فيها ووقف جمبي في التسريحه ،قال لي لاحظي انها بتسكت اول م المويه تنزل على جسمها،قلته ليه طالعه لأبوها 😂💔قال لي حر وسخانه وقرف افضل لينا نمشي نعمل شهر العسل حقنا في ماليزيا،
عاينته ليه ،مسكني قال لي مش عندنا شهر عسل مؤجل مفروض نقضيه؟شال الظرف وقال لي ماف شي بمنعنا وتزاكرنا جاهزة ...
سافرنا وقضينا ارهب رحله و شهر عسل في الدنيا حنخليه شي برايڤت م يتحكي🙈❤🌻
.............
منذر عقد على لجين وطبعاً دي كانت مفاجأة الحياة بالنسبه لينا،
مهند افتتح المكتبه بتاعتو بمشاركه سمر وطبعاً فتح مكتبه فخمة شديد و حتى الافكار فيها مبتكرة ونشر الكتاب بتاعو المؤلفو وهو كان بتكلم فيه عن التوحد ومعاناتو ولقى قبول شديد ماشاءالله وبقى صاحب محتوى وبدأ في كتابه روايتو الجديدة وطبعاً برضو بمساعدة سمر اللي هي بقت صحبتو و اقرب الأقربين بالنسبه ليه م بتعدي صغيرة وكبيرة في حياتي الا وهم مناقشنها مع بعض،حتى في نهايه كتابو كاتب خاطره بتقول"ما بس الهوى غلاب حتى ضحكتك ي سمرهه"
إيليڤ رجعت امتحنت شهادة سودانيه ونجحت ونزلت إعلام،وهي من الناس الاستفادو شديد من ثقافه مهند ف بقو اصحاب برضو وعلاقتهم حلوة شديد
ماهر الحمدلله ربنا فتحها عليه وقدر يشتري عربيه صغيرة هو زول بعرف يفكر ويشتغل ويحسبها صح وبعرف ينجح شغلو، كبر محلو وأجر ال4 دكاكين التحت العمارة وفتح فرع في محل تاني للإسبيرات برضو،وبفكر يعمل ورشه صيانه كبيرة للعربات وبدأ في موضوعها فعلاً✅
خالد ماهر م وقف منو ابداً بالعكس بمشي وبسأل منو وبرسل ليه مصروفو،وطبعاً ربت سنه💔وامو وخيلانو وعم ماهر كاف جديد يذكر عنهم وهم م رجعو اتعرضو لأي زول تاني تقريباً هم م مصدقين انو ماهر عفى عنهم وطلعهم من حبل المشنقه اساساً✅
مناسك حامل بتوأم،
وعلاقه ماهر بي امو زينه في حدود المعقول بس العلاقه الاقوى بقت بين مهند وامو واخوانو اولاد ابوه،خالتو عبير كانت بتعاملهم المعامله الما لقوها من امهم وكانت احن عليهم شديد ف للسبب دة اتعلقو بيها وإيليڤ بقت صحبتها وبتها واكتر ودة كان شي عظيم شديد من خالتو عبير انها قدرت تكسبهم وتحتويهم ووتعوضهم وتعمل الما قدرت تعملو امهم 💔
انا بقيت ام مربيه لفترة مؤقته نسبه لخوف السيد الزيني على بتو ف اقترح علي اقعد واشتغل في البيت لفترة لغايه م تكبر شويه بعدين هو حيوصلني الشغل وحيرجعني😂❤🌻
في شنطه حديد كدة خاصه بأبوي لقيناها في شقتو ونحن بننضف العمارة،فتحتها بالصدفه ولقيت عليها كميه ورق ورسايل كانت بترسلها ليه عمتي اميمة لما كان في الغربه،سبحان الله لسه كان محتفظ بيها ويمكن كل م لقى وقت فاضي برجع بقراها،
شهد جات داخله علي ولقتني ماسكهم قالت لي دة شنو؟
فضلته ساكت وبعاين ليهم،
ماهر؟جات شالتهم مني وقعدت تقرا
قلته ليها مستغرب بعد الكلام دة والحب دة كلو تعمل فيه كدة معقوله ي شهد؟الانسان ممكن يحب زول لدرجه انو يكرهو ويحقد عليه ويأزيه؟هل الحب ممكن يتحول180 درجه كدة؟
قالت لي لما يكون ملان عشم ممكن يحول بعض الناس لحيوانات ويموت قلوبهم وضميرهم💔
قلته ليها المعنى؟
سكتت وبقت تعاين لي وقالت لي م كل الناس قلوبها واحدة ربنا م واسى اصابع اليد الخمسه،في ناس جواهم جانب سيء جداً بيظهر مع صدماتهم وانكساراتهم ف بيتمكن منهم وبيتحولو💔
قلته ليها انتي اكيد م الناس دي صح ي شهد؟
قالت لي حتى الجانب السيء فيني بحبك وم بقدر يأذيك ي زيني❤🌻
............
العرس م انجاز الانجاز انك تعرسي راجل م يخليك عظيمه بس لأ يضاعف عظمتك في نظر نفسك ويخليك تبقى فخورة بنفسك وبإختياراتك وبيهو،يحسسك انك كملتي نص دينك صح وم يخيب ظنك فيه ابداٌ،يكملك فعلياٌ والكمال لله ،حقيقة م كل عرس بتسمى عرس،وما راجل راجل،في ذكر بشوهك وبكسرك وببهتك علشان يجي الراجل الارجل منو يرممك ويقومك ويلقى ليك وتد ويبهجك ف م تخافي ❤🌻
الانجاز انك تتزوجي واحد يقدر يقدم ليك الحنيه والطمأنينه وراحهه البال ❤🌻
الانجاز انك تتزوجي واحد يقدر يخليك فخورة بنفسك قدام نفسك وفخورة بإختيارك ليه
.
الحياة على قدر م بتاخد منك بتديك وبتبقى كريمة معاك شديد وهي بتديك بس بالصبر،والسعي ،واليقين،كل ابتلاء وليه عوض،كل كسر وليه جبر،كل فترة حتاخد وقتها وتعدي،م تيأس ❤🌻
#إقتباس
هي من فرضت نفسها داخلي بحب؛ طريقي الذي حاربت فيه، انتصاراتي، خطواتي الثابته حتى النهايه السعيده اصبحتي الفرح بكل تفاصيله، الختام الجميل لكل شي ختمتي علي الكون بملامحك، ضوئي وسط عتمت حياتي...
" اعوذ بالله من حياة لا تحتويك يا "دعوتي "بعد كل يارب " 💕
زيني 💜
قصه بها الف بدايه ، رغما كل البدايات الغير مألوفه والتي توهت بها، مشيت معك الطريق بطوله واثقه
من تلك النهايه التي تجمعنا، تحملت الحياة بثقلها بكل
كلمه منك تحتوي في ثنايها الفرح وكل منحنى فيها
ملئ بالامان منك وبك ؛ ملجئ الابدي الذي لم اشقى فيه ، لطف الله بي، استقامتي واتزاني محطتي الاولى والاخيره...
"اعوذ بالله من ضيق يخفي ابتسامتك و هم يخفي ملامحك التي عشقت"❤🔥
"ويخلق الله لنا شخص لا يمشي معنا الطريق خطوه بخطوه بل يحملنا بقلبه حتي اخر الطريق" 🌸💕
#شيراز_عثمان
💭💜
The end 💞
م تنسو تتابعو شيراز دي ي جماعه حرفياً كدة هي زوله مبدعه وبعيدة شديد ،م حصل اتكلمته معاها وحكيت ليها عن موضوع الحلقه هي كانت دايماً بتفاجئني الله يسعدها ي رب وموفقه يخخخخ انا مبسوطه بيها جداً الله يديم مداد حروفك ي رب❤🌻
الخلاصه؟
دة سؤال ممتاز
حقيقةً ماف خلاصه ي جماعه نحن خربشنا وونسناكم بس ونتمنى ونستنا تكون عجبتكم رغم الشحتفه😌😂❤🌻✅🙈
واسفهه يخخخخخ اذا اتكلمته مع واحدة فيكم بطريقه م حلوة في يوم بس والله م في القصد شي غير انو بحصل كدة بسبب الضغوطات بس م اكتر ،م جامعنا غير كيبورد وشاشه يعني اكيد الكلام الشين م حبابو الدنيا زايله العفو والعافيه 😍❤🌻
الله يسعدكم
وشوكران بالنون😂❤🌻
