انا ممكن العالم كلو يجمع على إنو انا ولد عاق صح بس العالم دة م بقدر يشوف الاسباب الوصلتني لمرحله إني ابقى ولد عاق ابداً ي شهد💔
حبيبي انت م عاق ابداً بدليل إنو ابوك كان عكس كدة معاك انا م بقدر احكم لأني م عارفه اسباب امك الخلتها تتعامل معاكم كدة شنو ،
ماف اسباب بتخلي أم تكون قاسيه على اولادها كدة ي شهد مهما بلغت الأسباب م حتصل مرحله إنها تكون بالقسوة دي
بتحصل ي ماهر عندك انا مثلاً لما بابا الله يرحمه زعل وعقد لي على حسام لحظي وطلعني من البيت امي م رفه ليها جفن حتى ،ما فتشتني،لنفترض انو تصرف بابا كان إنفعالي ومتهور واتصرف كدة في لحظه عدم وعي وشيطانو سيطر عليه وعماهو طيب وماما؟م فكرت تلحقني م فكرت تفتشني الا بعد عديت كم شهر حتى ضميرها أنبها علشان كدة قلته عادي بتحصل ي ماهر💔
كنت بتكلم وببكي،رفع راسو وبقى يعاين لي مسح لي دموعي وقال لي"شوفي هنا في سبب يمكن هي زاتها كانت غضبانه عليك اكتر ومصدومة من ابوك عارفه ليه؟لأنك بتها الوحيدة وكانت ملازماك ومعظم وقتها معاك وانتي دسيتي منها حاجه زي دي ،اهلك عندهم سبب لتصرفهم ي شهد "بس نحن عكس نحن قمنا لقيناها كدة بالتعامل دة والقسوة دي،
حتى لو طبع فيها في اوقات الطبيعي فيها تلين شويه صح ي شهد؟
سكتت،
م شوفته ليه دمعه بس شوفته تغير لون عيونو بعد م حكى ،💔
قال لي بطلي بكى م حكيت ليك عشان اشوف دموعك خلينا نقفل الموضوع وننسى احسن وضماني عليه وهو ساكت❤
سكتت مساااافه حتى قلته ليهو ماهر؟!!
قال لي احكي ي بابا
قلته ليهوو اممممم خلاص انسى💔
بس خليك عارف إنو انا هنا دائماً وبحبك شديد ❤
شد علي وضماني اكتر وقال لي"وجودك دة سبب الطمأنينه والراحه الأنا فيها اسي... ❤
....
م قدرته افتي ليه في موضوع امو م عرفته اواسيه واطبطب عليه بالطريقه الصح واحتويه لأنو الموضوع حساس شديد م عندي سبب يخليني ابرر ليها ولا عندي حق في اني اشرع ليهو وازيد حِقدو وكُرهو تجاه امو اكتر💔على قدر زعلي على حالته وسكوتو وتحملو لي دة كلو على قدر ما ريحتني فكرة إنو ابتدا يحكي لي ويشيل الحاجز بينا علشان كدة انا حأقدر اخفف عليه وافهمة واقيف معاه خصوصاً انو شخصيه ماهر غامضه جداً وصعبه شديد تتفهم وانا متأكدة لو م كان في اسوأ حالاتو واثقه تماماً م كان حيحكي لي ابداً💔
بعد يومين ..
اليوم كان جمعه
ماهر
اي ي بابا❤
امممممم ممكن اليوم نمشي بيتنا؟ امس كنت بتكلم مع ماما وكانت بتكح وحسيت صوتها متغير قلقته عليها رغم انها قالت كويسه بس خايفه إرهاق العرس يكون أثر عليها وم عايزة تتكلم حابه اتطمن عليها 💔
رفع عينو وبقى يعاين لي مسافهه وهو ساكت
قلته ليهو لا؟؟
قفل اللابتوب بتاعه وقال لي تعالي،قربته عليه قعدني جمبو وعمل حركتو السخيفه ديك وجراني من انفي وقال لي حاجه بتتعلق بي أمك وناس بيتكم ابداً م تدخلي فيها "ممكن" دي،هنا انتي تأمري و تقولي "وصلني"وبس من غير م تاخدي راي لأني هنا م عندي رأي فهمتي ي بابا؟
بقيت اعاين ليه..
قال لي الساعه كم عايزة اوصلك؟عشان انا عندي مشوار لو متضارب مع الزمن ممكن نلغيه،قلته ليه حوالي الساعه4 كدة،
قال لي طيب تمام ،قلته ليه متضارب مع زمنك؟قال لي حتى لو كدة م اهم منك الحكايه اولويات صح❤🌻
بالفعل حوالي الساعه 3ونص كدة جهزته ملابسنا ،كان نايم،بعد م حس بحركتي وانا بجهز حتى صحى ،قال لي الزمن اتأخر؟
قلته ليهو لا م شديد،
قال لي ليه م صحيتيني ونزل ،كنت واقفه قدام التسريحه بفك في شعري كانت متشربك بقيت اقول"ياخي دة شنو الكريه دة "بي نرفزة كدة حضني من ورا وهو رامي بحيلو علي وبعاين لي في المرايه،قلته ليهو مالك؟😆قال لي ماف شي بس كدة ونكش لي شعري زيادة،قلته ليه ماهر يخخخ بطل من يومو هايش ومتشربك ومكوتي لقيتها بايظه😭💔
نكشو لي تاني
ضحكته وقلته ليه طيب طيب يلا اجهز عشان الزمن ملابسك جاهزة❤
لف يديهو حوالي بزيادة وقال لي على هوى م قريت انو الحب بيجمع مصطلحين مختلفين تمامآ امان وضعف ،انتي ال2،محطه امان ونقطه ضعفي في نفس الوقت خليك عارفه كدة دايماً+ النكشهه فيك حلوة 😂❤
م عرفته اضحك ولا ابكي غياظ وثغيل بس حتى ثغالتو حلوة وتتحب🙈❤
...
كنت مُجهزة ليه جلابيه"على الله"مُسطره بالكحلي الغامض🙈❤ وانا لابسه فستان مستردة ومعاه طقم بالأسود طرحه وشنطه وشبط❤
قال لي حألبس دي؟وبقى يعاين لي،قلته ليه اي مالها دي؟عندك إعتراض عليها؟😒😒
ضحك قال لي روقي ي بابا ابداً انا بس بسال 😂💔
قلته ليه تاني م تسأل طيب عشان الحاجه دي مسؤليتي،
جا نكش لي شعري وانا بصرخ ومسكني ووقف قدام المرايه واخد لينا صورة وهو ببشكير الحمام وباسني في راسي مسافه وقال لي انا كلي مسؤليتك نتفق على كدة طيب ي بابا ❤
إتمكيجته على خفيف وجهزنا وإتصورنا وإتعاورنا عوارة حتى طلعنا😂💔
لما وصلنا ماما الفتحت لينا الباب واول م فتحت صرخته وانا بترمي في حضنها وبقول ليها مشتاقه ليك ي سوسو مشتاقهه ليك ومتشعلقه في رقبتها ❤🌻
ماهر بضحك وهي بتقول ليهو مجنونه يشهدالله مجنونه ي بت انتي مرة كبيرة انزلي من رقبتي😂😂💔
وقعته فيها احضان وبوس،
بعداك خليتهم واقفين وجريت على البيت جوة وبنادي حبوبه،جدو ي منذر ي سجم بتسفهني انا في الواتس؟لاقيني وين انت؟
لاقيت حبوبه بتصلي طلعته في ضهرها وبقيت ابوس فيها في المصلايه وانا بقول ليها مشتاقين😂💔حبوبه خلصت وادتني قرصه في كتفي وهي بتضحك وضمتني وماهر وماما بضحكو علي 💔
ماف زول غيرهم كان في البيت،منذر وجدو طلعو قال، فضلنا ناخد وندي معاهم في الكلام،بعدها ماهر جاتو مكالمه استأذن وطلع بعدها جا قال لينا انا حأطلع مشوار عندي مواعيد مع ناس كدة حامشي واجي راجع إن شاءالله❤
ماما قالت ليهو ي ولدي متين جيتو م شربته العصير كويس💔قال ليها معليش ي خالتي مرة تانيه❤
قام طالع تبعتو لغايه الباب قلته ليهو م حتتأخر صح؟قال لي لا م بتأخر ❤قلته ليهو طيب خلي بالك من نفسك تمام؟❤قال لي حاضر وانتي عايز يتحرك رجع خطوة إتلفت علي باسني وطلع❤
........
الووو؟السلام عليكم
وعليكم السلام ي عمتي،
كيف الحال إن شاءالله تمام؟
الحمدلله
بتصل عليك عندي يومين تلفونك م بدخل
يمكن الشبكه بس خير إن شاءالله؟
لا خير إيليف دي قالت لي اخوي قال اقعد في داخليه وانا صراحه ي ولدي بدون كذب ولف ودوران انا بتي م بخليها تقعد في داخليه كلنا عارفين الداخليات وقصصهم الما بتخلص الداخليه بالنسبه لي ولبتي م ضمان نهااائي 💔
ي عمتي لا إله الا الله؟كدة صلي على النبي إيلين دي زي م هي بتك هي اختي ومصلحتها بتهمني اكتر منك
انت لو مصلحتها بتهمك م بتقعدها في داخليه بتقعدها معاك في بيت ابوها البطول والعرض دة
فكرة انها تقعد في البيت داك بعيدة ي عمتي افهمي لا هي حتكون مرتاحه ولا شي وانا لو م عايز مصلحتها م بقول ليك الكلام دة بكرة حندخل في موالات شكاوي م ليها اول ولا أخر،لو عايزة انا مأجر شقه لو هي حترضى وحتقدر تكون مرتاحه على طول تجي تقعد معي بس انا عارف إنو الخيار دة مرفوض حيكون..
م بتقعد معاك تقعد معاك ليه وبيت ابوها في؟انا م عندي بت بتقعد مع مرت ولد نهائي عشان تتذله وتتهان،وريني الما بخليها تكون مرتاحه في بيت ابوها شنو ؟مش عندها فيهو؟البمنعها شنو؟
انتي عايزاها تدرس ولا عايزة تدخليها في موالات زي دي؟اذا عايزاها تدرس انا حأوفر ليها كل وسائل الراحه لدراستها م تخافي عليها من الناحيه دي نهائي!!
كيف يعني م اخاف عليها؟انت ضامن قعدتها في الداخليه دي؟حتكون ملازمها؟حتعرفها دخلت متين وطلعت متين والحاصل عليها شنو؟
لو قعدت في البيت م حأكون عارف الحجات دي ي عمتي خليك من الداخليه،
خلاص كلامك دة معناه انت م قدر المسؤليه دي قدامك واحد من الحلين ي إما تقعدها في بيت ابوها واضمنها قاعدة معززة مكرمه فيهو او تأجر لينا بيت كويس في مكان كويس ومفروش جاهز عشان نجي نسكن معاها نحن واخوانها شوف المناسب معاك شنو وانت ادرى طبعاً غير كدة م بتفاهم نهاااائي سلام عليكم.
....
حنتك دي م قربت تطلع ي بت مالك م رجعتي اتحننتي اها دايرة تتخملي من اسي؟
حبوبه والله جايه وعارفاك حتقولي كدة😂😂😂💔اوعى تقعدي غبشه ي بت ها حنتك ودخانك وجيتهك ديل م تفارقيهن نهاااائي انا وريتك اسمعي الكلام❤
حاضر ي حبوبه م بفارقهم ابشر ي جميل ي منعنع ي ابو شعرات كبديه انت 😂❤
قليله ادب❤✅✅💣
ماما دقيقه اجي اساعدك بتعملي في شنو في المطبخ انتي،
ي سلام والله اشتقته لمطبخنا دة❤
بجهز في الغداء ،
انا م جعانه غايتو م تتعبي نفسك🌸
م عشانك انتي ها نحن زاتنا م اتغدينا 💔
طيب ي قاسيهه😭😂😂😂😂💔
اها ماهر كيف معاك؟إن شاءالله بس معاملتو معاك كويسه وماف شي كدة ولا كدة؟؟
لا تمام الحمدلله والله ي امي معاملتو اكتر من كويسه كمان م منقص مني شي ابداً❤
عوض الله دة ما سمح ي بتي إن شاءالله دايماً كدة ي رب اصلاً هو ولد هدي ورضي الله يبارك فيه والله شايل اخلاق ابوه رحمه الله عليه في خلقته وفي احترامه وادبه وذوقه م خلا ليهو شي الله يرحمه ويبارك فيهو دايماً ي رب ❤
سكتت مسافهه بعد م جابت سيرة ابو ماهر حتى قلته ليها ماما بمناسبه ابو ماهر هو مات كيف م حصل حكيتي لي؟؟
قالت لي م حصل جات مناسبه بس عشان كدة والله ابوهو دة كان مات ميته كعبه خلاص اظن جوهو حراميه في العمارة حقتو ،هو طلع يصلي الصبح وخلا باب الشقه فاتح لما جا راجع اظن لقى الحراميه جوة البيت واظن لقاهم بسرقو وقاومهم وقتلوهو قتله شينه شديد م خلو مكان في جسمو م قطعوهو بالسواطير الراس دة قسموهو نصين عديل كدة،
قلته ليها وااااااااي لكن وهو قاعد براه م معاهو زول؟قالت لي اصلاً العمارة دي حقتو لكن م ساكن فيها مأجرها للناس ومخلي ليهو فيها شقه مرة مرة بمشي يقعد فيها اها المرة دي اراد الله يحصل ليه الحصل فيها وعدة يوم كامل مرمي الرميه دي اليوم التاني حتى الناس عرفت بالفاجعه دي اظنو كان عايش وفضل غرقان في دمو لغايه م روحو طلعت💔
وااااي ي ماما وااااااي حسبي الله ونعم الوكيل واااااي م قادرة اتخيل وجعني شديد وم اتقبضو الحراميه ديل؟
م اتقبضو والله ولا اتعرف ليهم اثر ناس ابوك الله يرحمه كانو جارين ورا الموضوع وموكلين محامين لكن القضيه زاتها اخوهو الكبير قفلها و بيني وبينك الكلام دة م اتقال لي زول ولا طلع نهائي لكن ابوك قال لي تحت تحت الضباط المحققين في القضيه قالو ليهم القاتل دة م بعيد منكم وفيكم عشان كدة قفلوها وسكتو على كدة اظنهم خافو الفضيحه الله يرحمه ويجعل الفردوس الأعلى مأواه راح ضحى ساااي💔💔
بقيت واقفه مصدومه وانا بعاين لماما...💔
....
ونحن قاعدين وبناخد وبندي في الكلام فجاة الجرس ضرب ،ماما قالت لي اكيد دة منذر،قلته ليها دقيقه اخلعو وجريت على الباب اول م فتحتو عايزة اصرخ لقيتو ماهر،قلته ليهو م اتأخرته،قال لي مالك عامله كدة؟قلته ليهو امممم افتكرتك منذر لكن جد جيت سريع افتكرتك حتتأخر،قرب مني وقال لي براحه"إشتقته ليك "وم قدرت امنع نفسي من اني اوزع الشغل واجي❤
بقيت اعاين ليه وانا بضحك بعدين سرحته فيه وانا بقول لنفسي"والله الملامح دي م ملامح معاناة ووجع ابداً"...💔
......
طلعنا منهم وهو كان مستعجلني ،بعد م وصلنا نص المسافه قال لي عندي اهلي بجاي حنمشي نزورهم بعداك نمشي البيت تمام؟
قلت ليهو اهلك؟
قال لي ايوة عندك مانع؟
قلته ليهو لا بس هم منووو!؟
قال لي اهل ابوي وكدة طولته منهم ومتلوم معاهم عشان كدة قلت اصلهم بالمرة واعرفهم عليك❤
قلته ليهو طيب ❤
فضلنا ماشين لغايه م وصلنا ي دوب الساعه كانت 6،لما وصلنا قبل م ننزل عمل مكالمه وقال"الوو؟ايوة وصلنا ،طيب تمام❤
نزلنا من العربيه قال لي يلا دخلنا عمارة كدة لما وصلنا الطابق ال3 لقينا واحدة واقفه سمحه سماحه مبالغه لابسه جلبابه استقبال وفاكه شعرها وجادعه طرحه في نص راسها بس،واتفاجأت بي انها بتسلم علينا بقيت اعاين لي ماهر،قالت ليهو دي المدام؟
قال ليها ايوة
قالت ليهو ي سلام ماشاءالله عليها ربنا يحفظها نورتي ي السمحه❤
ابتسمته ليها وانا بعاين لي ماهر، ماهر فجأة جاتو مكالمه فتح الخط وقال الوو؟
المرة قالت لي إتفضلي ،عاينته لي ماهر،م ركز معي،وم حبيت احرجها دخلته معاها،حسيت المكان غريب وفعلاً صدق احساسي لما فجأة عيني وقعت على ريسيبشن مع المدخل ووراه مكتوب على الحيطه"إبتسمي انتي في مركز...😊❤"
بقيت اعاين للبت فجأة ضحكت ،واحدة من الفي الريسيبشن قالت ليها ياها؟
ضحكو مع بعض وانا م فاهمه شي،قالت لي طبعاً انتي واضح عليك متوترة بس عايزة اقول ليك ي بختتتكك ي بختتكك ي بتي إتفضلي،سلمتني ظرف كدة شكلو حلووو باللون الأسود❤
فتحته الظرف لقيت عليهو"بطاقه بكج خدمات متكامله بالمركز"بإسم "شهد"
وبعدها في ورقه مكتوب عليها"اسف ي بابا لأني خليت اعظم ايامك تكون باهته وم منها اي نكهه ...❤"
على طول فتحته شنطتي شلته التلفون واتصلته عليه اول م فتح الخط قال لي"بحبك من غير نقاش"
قلته ليه ماه...
قاطعني وقال لي دي ابسط الحجات المفروض كل راجل يقدمها لمرتو بشكل شهري ،عدينا شهر مع بعض وعارفك إتحملتي كل مزاجيتي وتقلباتي وتقصيري في حقك من غير اي تعقيب يبقى ي بابا اي شي هعملو هو قليل من كتير انتي بتستحقيهو❤يلا ي بابا م تأخري الناس عشان حيكونو منتظرنك❤🌻
م عرفت اقول ليه شنو يعني رغم كل حاصل في حياتو م بنسى انو يحاول يسعدني،بتعامل مع الموضوع دة كأنو مسؤليه😭❤
الخدمات كانت عبارهه عن"فيشل+حمام زيت،حمام مغربي،+جلسه مساج+بدكير+ حواجب+واخيراً حِنه"
كنت كل م اتنقل من حاجه لحاجه بتصل عليه ڤيديو وبرسل ليه صورة ،طبعاً المركز براه كان يحكي قصه م عارفه هم الطبيعي بتاعهم كدة ولا لأ دة غير كميه اللطافه الكانو بتعاملو بيها معي ،لغايه م خلصته إتصلته عليه جا بعد نص ساعه كدة،طبعاً سرحو لي شعري، في التسريح صاحبه المركز قالت لي واحدة انتظري نطلع مع بعض اصلاً شبه خلصنا بوصلك بالعربيه❤
قالت ليها الزمن اتأخر،
قالت ليها م مشكله بالعربيه بوصلك سرعه
المركز اساساً كان فاضي قلته ليها الزمن اتأخر شديد عليهم شكلو في العادي بتطلعو كم؟
قالت لي اليوم اساساً شغلنا كان نص دوام لأنو الجمعه وكدة في العادي حدنا الساعه 12،ف راجلك اتصل علي وطلب مني احجز ليك ف فكرة انو راجل يتصل ويحجز لي مرتو دي كانت في حد زاتها حاجه حلوة شديد انا بحب الحجات الزي طبعاً رغم انها نادرة بس حلوة شديد تحسسك بحب الراجل لمرتو واهتمامو بتفاصيلها ،قلته ليه طيب اتفقنا على كدة،بعدين تاني اتصل علي واعتذر على انكم حتتأخرو وكدة،حبيت تعاملو شديد وذوقو علشان كدة إستثنيتك وطلبته من الموظفات يقعدو ولو لاحظتي انو المركز فاضي علشان كدة قلته ليك ي بختتك وصراحه ي بختتك بيهو وم تعتبريهو إنبراش بس الحجات دي بقت تكون مُبهرة في مجتمعنا علشان مفقودة رغم انو دة المفروض يكون طبيعي يعني بس رجالنا واي بس الحمدلله جايبين لينا الجفاف😭😂❤قلته ليها اعفو لينا اخدنا زنبكم ياخي💔💔+على فكرة كل راجل بعبر عن حبو لمرتو بطريقتو الخاصه في النهايه المهم يكون الحب موجود❤🙈قالت لي بس الطريقهه اللطيفهه حبابها زي راجلك دة مثلاً اخخخخخخخخ بس🙈❤🌻
م اتمكيجته نهائي طلعته ليه كدة،المكان كان فاضي اول م شوفتو قدامي حضنتو قال لي ي مجنونهه😂💔قلته ليهو بحبك بحبك شديد ي ماهر🙈❤
قال لي طيب حنتفاهم في الموضوع دة بس م هنا 😂❤نزلنا من العمارة اول م ركبنا العربيه ماهر جاتو مكالمه رد وقال الووو؟خير ان شاءالله؟طيب
قال لي صاحبه المركز دي قالت ننتظر م عارف مالها،نزلنا من العربيه فجأة جات طالعه من المركز شايله كيس في يدها،قالت لينا اسفه ي شباب وقفتكم اعفو لي،ماهر قال ليها العفووو،قالت ليهو اول راجل يجينا ويطلب مننا نعمل ليه مفاجأة لمرتو في المركز بتاعنا مبسوطين شديد بالحاجه دي ي ريت كل الرجال بركزو مع التفاصيل الصغيرة دي لأنها معبرة اكتر من اي شي تاني ممكن يتعمل عشان كدة قلته ليك ي بختك ي السمحه 😂عموماً واتمنى تكوني انبسطتي معانا و
اتفضلي ي جميله دي مجموعه عنايه بالبشرة مقدمه ليك من المركز وكمان اتفضلي دي بطاقه اشتراك شهري لخدمات متكامله ومجانيه مقدمه ليك من المركز تجي تعمليها كل شهر وقت م انتي عايزة❤
بقيت اعاين لماهر❤بعد م اتحركنا قلته ليهو ماهر انا عايزة اقول ليك حاجه مهمة❤
قال لي احكي ي بابا❤
قلته ليهو خلاص انسى،
قال لي جعانه صح؟
قلته ليهو لا بالعكس،اول مرة يلاقيني مركز يقدم خدمات زي دي عارف جابو لي مويه وبيبسي وشوكلاته وشبس وعملو لي قهوة وجابو لي معاها مُكسرات يعني جد حبيتهم شديد كيوتين يخخخ ❤
ضحك،قلته ليهو وبعدين انت عملته كدة كيف دقيقه وعرفته المكان دة كيف رغم انهم م عندهم لافته واضحه او كذااا
قال لي إجتهادات فرديهه😆
قلته ليهو يعني؟
قال لي اهاااااا حنبدأ تحقيق ونكد؟😂❤
ضحكته قلته ليه لأ بس انا بسأل،
قال لي ماف مرة بتسأل ساي😂😂😂💔
وصلنا البيت فتح الباب الورا نزل اكياس قال لي جبته معي عشاء جاهز في حال جوعنا وكدة❤اول م دخلنا البيت هو شال الاكياس ومشى بيها على المطبخ على طول وانا رميت شنطتي وطرحتي في اقرب مقعد ومشيت وراه لقيتو بشرب في مويه حضنتو حتى المويه اتكشحت فيهو،
قال لي ي مجنونه دقيقه خته الكُبايه على جنب وحضني اكتر ،قلته ليهو ماهر انت فاهم انو انا بحبك شديييد شديييد وكل مرة بي تصرف واحد بس بتنجح في انو تضاعف حبي ليك دة ❤قال لي المهم انتي مبسوطه ي بابا❤قلته ليهو ايوة انا مبسوطه ومبسوطه شديد بس الحاجه دي م مربوطه بي شي معين انت بتعملو انا مبسوطه علشان انت معي والحاجه دي كفايه شديد بالنسبه لي الحاجه العايزاك تفهمها انو وانا معاك ماف شي ناقصني وم محتاجه شي ابداً علشان يكون سبب في سعادتي ولو يوم شفته ملامحي دي بقت باهته اعرف انو السبب في كدة إني حسيت إنو حُبك لي نقص بس❤
باسني في راسي وقال لي"واثق تماماً انو حياتي دي حتكون ماشه صح طول موجودة فيها ابشري م حيكون في نقص في مشاعري تجاهك ابداً عارفه ليه؟عشان انا بستكترها و ببخل بيها على الناس وبحتكرها ليك انتِ وبس دايماً كنتي مستثنى بالنسبه لي والحاجه دي من لحظه م عرفتك ايوهه بس كانت غايبهه علي فكرة اني احدد انتي شنو بالظبط بالنسبه لي،يمكن قلبي كان معمي... ❤🌸
#إقتباس
كانت صدفه من حب قيدني بها وثاق من الله ،وافعال منعمه بعافيه لروحي، اللهم عمري معقود بعمره، وعمر لا بفوتني معه بخيره وشره، علي قدر الحب جعل ربي الوصل بيننا؛ بعد كل هذا كان الوقوف علي منعطفات الحياة ونكساراتها علي قدر تألوف الروح دون اعذار و مبررات بكثير من الصلوات الدعوات ❤
"وما الطمأنينه والقوى التي تجتاحنا في في وجود من اذانا الا حب لتسكين"
#شيراز_عثمان
💭💜
Shiraz Osman
يتبع.....
