قال لي وقلقته وجيت عشان اتطمن عليك،سكتتهه مسافهه وانا على وشي علامات الاستغراب قلته ليهو شنو شنو كدة عيد القُلتو دة تاني؟قال لي قلقتهه ورجولي ساقتني وجابتني ليك مالك مستغربه؟قربته منو ووقفته على امشاط رجولي وختيت يدي في جبهتو قلته ليهو انت محموم؟زح مني خطوتين لي ورا وقال لي طيب مع السلامهه🙂 اتبفت على عربيتو مسكتو قلته ليهو بهظر ي اهبل😹😹😹😹😹😹شي طبيعي اني استغرب وماهر الزيني المنفسن بحالو بقول كدة يعني اكيد شي غريب وغريب جداً بقيت بتحس كمان ي سلام ياخ😹😹😹😹مسح وشو بي يدو وقال لي دة مدح بما يشبه الذم صح ولا العكس؟قلته ليهو اعتبرو ضرب تحت الحزام🙆🏃قعد يضحك وقال لي ع فكرة والله صدفهه بس لقيت نفسي عندي شغل قريب من هنا قلته اعدي عليك قبل م امشي عليهو وكدة دي كل الحكايهه،قلته ليهو يعني م جاي علشاني؟احزنني،احزنني جداً ي زيني💔قال لي بلا احزنني معاك اجي عشانك لشنو ي بت م كفايه وجع الراس العاملاه لي في حياتنا لمن اجي افتشك كمان ي بت انتي هبلهه؟😹💔قلته ليهو وااااو انا عامله ليك وجع راس في حياتك وجاي تقول لي الكلام دة في اول يوم لي في الجامعه؟شكراً ي باشا،ربعته ليهو يدي وكرفسته وشي وانا ساكته،وهو بضحك،قال لي زعلتي؟ هي ي غبيهه،قلته ليهو م تتكلم معي يلا،عفصني في رجلي بي جزمتو وقال لي كدة ارفعي راسك دة وريني زعلتي كيف؟اول م عمل كدة صرخته في وشو وقلته ليهو الجزمه الجزمه ي ثقيل وطلعته برجولي في جزمتو،قال لي خلاص انتي بكدة ضيعتي علي اُم المشوار،قلته ليهو انت البديت😒قال لي طيب اها احكي لي كدهه،قلاه ليهو شنوووو؟قال لي الجو جوة كيف،قلته ليهو م عارفهه😔قال لي كيف؟قلته ليهو يخخخخ م فاهمة شي اسأل منو خايفه يعملو معي حركاتهم البايخه البعملوها في الطلبه ديك💔قال لي خايفه يبرلموك😹😹😹قلته ليهو ااااي😔💔قال لي والله ي شهد جا اليوم الشفتك فيهو كدة يعني البشوف شفتنتك في المدرسه م يشوفك هنا😹😹😹😹💔قلته ليهو ماهر انقلع من وشي💅💔قال لي طيب طيب اصلاً انا ماشي وم فاضي اساساً ،وعلى فكرة ،قلته ليهو خلي افكارك لنفسك،قال لي غمضي عيونك دقيقه،قلته ليهو نووووو،قال لي يلا غمضي عيونك م حتخسري شي يلا😒💔قلته ليهو طيب اها،سمعته صوت باب العربيه بتفتح وهو بقول لي م تفتحي عيونك ي سجم،شايفه بقيت اقول ي سجم زيك والله انتي ي شهد م بتعلمي زول شي نافع نهائي💔قلته ليهو يخخخ م ترقي وتصرف عربي كتير انجز،شويه كدة قال لي افتحي عيونك ،فتحتهم لقيتو جايب سلهه اكل كامله مكملهه تفتح النفس وبعلي ،دخل يديهو في جيوبو وقال لي وانا في الطريق خطر على بالي اني ماشي لي كائن بحب الشاورما والاقاشي وبحب البيبسي وعصير الفراوله وفي نفس الوقت منفسن وعندو انفصام في الشخصيهه م بقدر اضمن مزاجو حيقع على اي واحد فيهم وعلى العليهو برلوم ف شنو اختصرته على نفسي عناء التفكير وجبتهم ليهو كلهم😁قلته ليهو زي الكأنو بتتكلم عن نفسك صح🤔 قال لي عارفك غبيهه بس م اتوقعته تكوني بالدرجه اللي تخليك م عارفه وصف نفسك🌚 قلته ليهو خليك من دة كلو حنتفاهم فيهو بعدين اسي انا حأكل وين ؟قال لي قصدك نحن نحن ي شهد من باب الزوق كدة وضر اللوم ساي مفروض تكون نحن م انا😒🔫،قلته ليهو م فرقت اها؟قال لي جوة العربيه طبعاً،قلته ليهو حتشيل الاكل دة كلو في رجولك؟قال لي حأشيلو اوزعو في الشارع ي شهد من الاخر اصلاً انا زمني خلاص جا مفروض اقطع وشي منك،قلته ليهو خلاص دقيقه انا عندي فكرة،شلته مناديل من العربيه وجيت مسحته مقدمه العربيه بالمناديل نضيف حتى جيت حاولته اطلع ،م قدرته قلته ليهو جيب يدك،قال لي بتسوي في شنو انتي؟قلته ليهو جيب يدك بس،قال لي وربي انتي مجنونهه رسمي ساعدني في اني اركب فوق العربيه والناس بتعاين لينا وهو متحسس😹💔قال لي بتدخلينا في حتات ضيقهه كدة ليه الدنيا صباح؟ قلته ليهو مالنا بنعمل في شي غلط؟اسمع جيب الأكل خلينا ناكل يخخخخ علشان نتخارج،قال لي البسمعك بقول منتظراك محاضرات جوة يخ انتي القاعه م عرفتي شارعها بوين ها😹قلته ليهو جيب الاكل🙂الاكل🙂قال لي طيب اجيب ليك الشاورما ولا الاقاشي؟قلته ليهو امممم جيب الشاورما،لا جيب الاقاشي،لا جيب الشاورما،حمر لي عيونو ،قلته ليهو خلاص جيبهم الاتنين🙆😹💔قال لي والله البسمعك بقول برميل متحرك وانتي حاجه حتهه كدة😹💔قلته ليهو حيوان😒جاب الاكل ختاهو فوق للعربيه جمبي قلته ليهو والعصير والبيبسي والعصير والبيبسي خلاص جيبهم هم كمان ال2😔💔قال لي لا م هو انا م حاجيبهم وانتي بتقلي ادبك كدة لو عايزاهم انزلي جيبيهم براك ،قلته ليهو يخخ قعدتي سمحه م حأقدر اطلع التاني والناس حتعاين لينا اكتر ناولني ليهم بس،😢💔جابهم من العربيه وجا فتحته الاكل قلته ليهو ي سلاااااام اخخخخ ريحه الشاورما تفتح النفس دقيقهه ال 2...قاطعني وقال لي فراخ ال2اي💅قلته ليهو انت منتاز انت امتز زول يلا😹شلته قطعه فطيرة دخلتها في خشمي قلاه ليهو ي سلاااام يخخخخخ كدة ي دوب الواحد نفسو اتفتحت للجامعه اسمع في طريقهه تعمل كدة كل يوم؟قال لي يعني اصطبح بوشك كل يوم؟رفعته ليهو راسي وقلته ليهو ومالو وشي عيبو لي في سطر؟😒شلته الكاتشب عايزة افتحو طار ليهو في قميصو🤭 فضلته ساكته وبعاين ليهو الحمدلله هو م انتبه ليهو وانا عملته رايحهه لو نبهتو حيموتني 😹💔هو م اكل كتير بالكتير قطعتين فطيرة شاورما ووقف واكتفى بعلبهه البيبسي بتاعتو،اما انا موال يفتح موال وباكل،شويه كدة جو اطفال فاقدي السند البغسلو العربات ديل وكدة،قلته ليهم ي حلوين تعالو،واحد قال لي نحن؟قلته ليهم اي جو جارين فاكريني بناديهم يغسلو العربيه وكدة،قلته ليهم اتفضلو السله دي فيها فطور شيلوها واقعدو على جنب واكلو طيب؟قالو لي طيب مديتها ليهم ،قلته ليهم والعصير برضو شيلوه معاكم بس جيبو دي وشلته علبه البيبسي،قالو لي شكراً،قلته ليهم العفوو ي حلوين😍انتبهته لقيت ماهر بعاين لي،قلته ليهو مالك اصدمني وقول لي جعان؟عمل نفسو بعاين في ساعتو وقال لي لا يلا انزلي عشان تظخلي الجامعه انا ماشي،قلته ليهو والله لو م شربتهه بيبسيني م نازلهه😒قال لي يعني وقفت على البيبيسي م انا منتظرك عندك ساعه اشربيهو جوة،قلته ليهو نووووووووو،قال ي ربي ي إلهي انا كان مالي ومال الهبل دهه؟طيب استعجلي اشربي بسرعه،فتحته البيبسي واخدته ننو رشفه وعملته ليهو حركات بي وشي قلته ليهو عارف ي ماهر البيبسي دة م بنزل في المعدة بنزل في القلب،غمض عيونو بي ضيق وقال لي شهد انجزي،قلته ليهو انجز يعني اشربو بمناخري ؟😒طبق لي يدينو ووشو عليهو علامات الغيظ قال لي اوكيه اخدي راحتك.بس اكتر من 5دقايق حاركب العربيه واسوقها وبرميك في اقرب مكان وهطلع بفوق ليك🙂قلته ليهو خُفتهه خُفتهه وانا بضحكك😂💔جراني نزلني وقال لي يلا انا زاتي غلطان وال5دقايق زاتها كتيرة عليك ،قلته ليهو تاني لو حتزلني م تجيني🙂قال لي اصلاً منو الحيجيك تاني؟م شافعهه طلعهه نهائي،قلته ليهو شفاعهه الما تلم فيها نننننننننننننننننننننننننننننننننننننن😒قال لي طيب دقيقهه،رجع دخل جوة العربيهه وجا طالع مدة لي حاجهه كدة باللون الأسود حجمها بحجم اللابتوب او اقل زي الفايل بس بتاع قماش وفيها تسطيرات كدة كتيرة من كذا لون بس ارضيتو سواء قال لي اتفضلي،قلته ليهو دة شنوووو؟قال لي الزول لما يقولو ليه اتفضل بتفضل م بسال،شلتو منو لقيتو بالفعل فايل بتاع قماش فيهو سوسته فتحها لقيت جواهو دفتر لونو اسود كبيييير بلمع كدهه مربوطهه عليهو قطع 3شوكلاتهه بي فيونكهه وربطهه بتاعه اقلام برضو مربوطهه بي فيونكهه ومحفظهه باللون الزهري شكلها رهييييييييب خرافي عديل ،قلته ليهو ديل حقاتي؟😳قال لي لا والله ي شهد م حقاتك جوك بالغلط عايز يشيلهم زحيت منو قلته ليهو بحماس بجد حقاتي؟😍😍😍😍😍😍😍😍😍واااااي ي الزيني اريتك ولادة النسوان كلها😍لما قلته كدة قعد يضحك قال لي قلبتي حبوبه خلاص؟قلته ليهو م قادرة اصدق😍😍😍😍😍😍😍😂💔حبوبهه في عينك ي سجم😂💔بعد مسااافهه قال لي اهااا نسيت رجع للعربيه تاني وجا طالع شايل باتلز بتاع مويهه في يدو برضو باللون الاسود قال لي دي تابعهه ليك،قلته ليهو لا دقيقهه اصدق!؟انت ماهر ولا خيالو ولا شيطان متنكر علىبقى ساكت وبعاين لي،قلته ليهو بهظر بجد م عارفه اقول ليك شنو حرفياٌ دي اظبط سبرايز ممكن تحصل مع برلوم في يوم زي دة😢💔قال لي رغم جنونك وهبالتك دة م ينفي انك زوله تستاهلي وبس يعني💛قلته ليهو اكذب عليك م كنت متوقعه حاجه زي دي على وجه التحديد منك انت🙈🙆قال لي اي اي م تتعودي اساساً🙂قلته ليهو طيب اصلاً عارفاك سجم ساي😂😂😂😂😂💔قال لي يلا على الجامعه قلته ليهو هئهه،قال لي شنو هو الهئهه؟قلته ليهو ارح معي،قال بي اناااااااااااا؟قلته ليهو م ممكن تعمل دة كلو وتخليني ادخل براي ويبرلموني م انت شفت وقريت جامعه قبل كدة وعارف الفيها😔💔قال لي ي زوله م تكتلي لي حيلك وتعملي لي حركاتك دي م بدخل معاك انا اصلاً م عارف الجابني ليك شنو كنت مشيت مشواري ورجعته شغلي قبيل،قعدته احنس قيهو واتلايق وحلفته م اتحرك لو م مشى معي لغايه م خلاص زهج وجاتنو مكالمات حتى اقتنع قال لي قدامي يلا بسرعه،مشيت قدامو قلته بيهو امسك الباتلز دي اصلح طرحتي،مسكها لما وصلنا مدخل الجامعه طلعته ليهم الإيصال قالو لي ادخلي ماهر عايز يرجع قلته ليهو هي انت ماشي وين مخليني ادخل براي؟بقى يعاين لي والامن يعاينو لينا،ماهر قال لي مش قلتي يوصلوك ووصلتك تاني عايزة شنو؟قلته بيهو بس انا م عايزة توصلني هنا انا عايزاك تدخل معي جوة 😭💔قال لي شهد بطلي هبل،واحد ة من الفي الامن قالت ليهو انت طالب هنا؟قال ليها لا،واحد راجل سألو قال ليهو دي اختك؟ماهر عاين لي و قال ليهو اي،المرة قالت ليهو برلومه صح؟اسي ابوك وصلها،ماهر قال ليها اي بس متجرسهه وعامله لينا جوطهه، المرة قالت لي مجالك شنو انتي؟قلته ليها هندسه اتصالات،قالت لي طيب المخوفك شنو قبل كدة م قريتي مدرسه؟هزيت ليها راسي بمعنى ايوا،قالت لي بس ماف شي بخوف ادخلي وشوفي قسمك بي وين وادخلي قاعتك بدون حركات بنات يلا ممنوع منعاٌ باتاً زول يدخل الجامعه وهو م بقرا فيها ف م حنقدر ندخل معاك اخوك وبعدين اكيد هم كل يوم م حيجيبوك ويدخلوك الجامعه لازم تتعودي تعتمدي على نفسك انتي زوله كبيرة،ماهر عاين لي ورفع لي حاجبو وانا بعاين ليه بكسرة خاطر كدة،قال لي يلا ادخلي وانا لسسه بعاين ليه بزعل كدة وبؤس،الراجل قال ليهو شكلها اختك عنيدة والخوف متملكها،ماهر قال بيهو طيب ممكن تخليني ادخل معاها 10دقايق بس؟سكتو وبقو يعاينو لبعض،قال ليهو م بتأخر وعشان أأكد ليك اتفضل هاك دة مفتاح عربيتي خليهو معاك ك ضمان ،المرة قالت والله برالمه اخر زمن البنعرفهم كانو بجو بكل الحماس الفي الدنيا دي لكن شكلو دة اصدار جديد من البرالمهه،واحد كان متابع بصمت الحاصل دة قال بي ماهر طيب جيب المفتاح نحن حنخليك تدخل بس م حنديك اكتر من 10دقايق توصلها وتجي راجع ،ماهر قال ليهو تمام ابشر،اداهو المفتاح وقال ليهو طيب معليش ممكن اعرف قسم هندسه الاتصالات دة بوين؟واحد منهم قال بيهو تعال لانو لو وصفنا ليك م هتعرف بالفعل مشى قدامنا ونحن وراهو وماهر زهجان بالجد عاينته ليهو قلته ليهو شايفها كبيرة كيف الجامعه؟قال لي شهد ولا حرف م اسمعو لغايه م نصل،وصلنا مكان كدة الراجل قال لينا شوفتو السلم دة؟اطلعو الطابق التاني واسالو عن القاعه رقم...طلعنا بالفعل والجامعه كانت جوطه وصلنا وماهر سأل طبعاً انا ساكته وصفوها لينا مشينا عليها لما وصلنا لقينا فيها ناس او ملانه نوعاً ما بس ماف دكتور فيها قال لي يلا ادخلي،قلته ليهو حتمشي؟قال لي لا ادخل ادرسكم يعني؟م تدخلي ي شهد وبطلي حركات خليني اتخارج،قلته ليهو طيب باي قال لي يلا سلام،وجاتو مكالمه على طول رد وقال اي ي حبيب قريب عليك قريب هههههه واتحرك وانا فضلته واقفه بعاين ليهو لغاااايهه م اختفى،دخلته القاعه واقرب بينش لقيتو قعدتهه فيهو وختيت حجاتي جمبي ومسكته تلفوني بعد 15دقيقهه كدة رجعتهه اتصلته عليهو بعد مسافهه حتى رد قال لي بنفاذ صبر لي ي شهد خير،قلته ليهو اتحركتهه؟قال لي ايوة،قلته ليهو طيب عايزة اعترف ليك بحاجهه،قال لي قولي،قلته ليهو امممممممممم،قال لي سايق انا انجزي،قلته ليهو قبيل وانا بفتح في الكاتشب جزء منو طار في قميصك لو ماشي مقابلهه مهما حاول راجع قميصك و...قبل م اتم كلامي لقيتو قفل الخط في وشي.........اكتر خطوة حسيت نفسي عملتها بطريقه إنفعاليهه هي مشيتي لي شهد في اول يوم ليها في الجامعه،لقيت انو لازم امشي ليها لأنها كانت نيرفز شديد رغم اني م عارف كيف انا عملته كدة بس فجاة من بالليل لقيت نفسي بفكر شنو الشي المختلف الممكن اعملو ليها يخفف عنها التوتر والخوف الداخله فيهو دة؟بعد قعدة مع نفسي واستعانه بكذا نفر من شويه الناس البعرفهم وبعد طعمجه وتشغيلات ادوني مقترحات لحجات ممكن تساعدها طبعاً انا ك زول م لي في حجات البنات ولا افكارهم ولا الحجات البميلو ليها كان لازم استعين بي فيمنست او زول من اصحابي خبير في امور البنات ف كان الخيار الاول هو زياد صحبي ف هو صراحه يعني طلع خبرهه خبره وم خيب ظني ابداً،بعد م طلعت منها حسيت بنفسي بقيت ميال لعاطفتي شديد يعني حاسي بنفسي م انا يعني انا كائن حتى امو م حصل يوم رفع سماعه التلفون وهناها في مناسبه او غيرو ف كيف شهد قدرت تاخد المكانه دي عندي وتخليني افكر فيها واراعي ليها من غير اي ابجديات واضحهه،يعني هل انا ماشي اكون انسان مختلف عن الكائن الانا بعرفو ؟ولا هي وجودها في حياتي مختلف عن الباقين؟ولا الحاصل شنو بالظبط؟.....حقيقةً م بقدر احساسي بالعملو ماهر اليوم ،هو حرفياً Make my dayرغم كل التوتر والخوف الانا كنت فيهو قدر بطريقه ما وغير مباشرة انو يمتص الحاجه دي ويغير لي مجرى يومي كلو ف بقى اكسبتبول نوعاً ما ،عديت اليوم في القاعه اخدنا محاضرة واحدة واصلاً كانت عبارة عن تعارف وكائن كدة بتظارف قدامنا،بعد م خلصنا على طول اتصلته على بابا علشان يجي ياخدني قال لي طيب بعد اكتر من نص ساعه رجع اتصل علي قال لي اطلبي ترحال جيتي ليك صعبه،قلته ليهو بدينا من اسي ي بابا؟قال لي كدة اطلبي ترحال خلي يرجعك البيت لما ارجع بحاول اظبط ليك موضوع ترحيل،قلته ليهو مستحيل اركب ترحيل انا زوله في الجامعه تعملو لي ترحيل زي الشافعهه😭💔قال لي كدة ارجعي البيت لما اجي نتفاهم ولما يجيك وتتحركو اتصلي علي تمام؟قلته ليهو طيب،بالفعل طلبتو وجا ،اتصلته على بابا قلته ليهو خلاص انا متحركه،قال لي تمام،وصلته البيت ماما اظنها كانت منتظراني،خلتني ارتاح شويه وجهزت لي عصير واكل وكدة وشبكتني اها كيف يومك و...حكيت ليها كل تفاصيل اليوم حتى جيه ماهر والعملو والحجات الجابها لي و..م خليت ليها شي م حكيتو ليها،قالت لي ايوااااا ماااااااهر،يعني عايزة تقنعيني انو م مخططين لي كدة انتو الاتنين؟قلته ليها ماما هي سبرايز كيف انا هكون على علم بيها؟قالت لي خلاص طيب لكن عاد ماهر دة كان اتقدم ليك عرسي ي بتي دة راجل المنى😂💛قلته ليها منى ولا سعاد ها ها ها ماما تاني م تتظارفي معي كدة انا وماهر مجرد اصحاب ا ص ح ا ب وبس وبس وبس والبتفكري فيهو عمرو م حيحصل ،قالت لي اها نستنا ونشوف الزمن بورينا العمرو م حيحصل دة حيحصل كيف؟قلته ليها جري معاك الباب ي ماما ،قالت لي بكرة عندك جامعه؟قلته ليها م عارفهه والله💔 نومتي دي م صحيت الا اليوم التاني،عدة الايام ورفضته موضوع الترحيل نهائي ف شنو بقو متداولين فيني مرة بابا يوصلني،مرة ماما،ومرة منذر وطبعاً منذر بكون اسوا يوم علشان بنتشاكل على طول في الشارع،يوم قررتهه إني ارجع بالمواصلات وطبعاً علاقتي مع الدفعهه زيرو، م داخله في اي زول ولا بتكلم مع زول وحتى لو اتكلمت م بكتر من كلمتين او تلاتهه،معظم الوقت بكون ماسكه تلفوني ي اما بتكلم مع ماهر بقى حافظني عديل وبقول بيهو خليك فاتح الشبكه طول اليوم علشان امسك بيك زمن ،اها اليوم دة بعد م طلعته م عارفه اركب مواصلات شنو طبعاً وانا زوله م لي في المواصلات يعني م قاعدة اركبها عديل م بتزكر اني ركبتها مرة، مشيت على الزلط لقيت ناس واقفين وقفته معاهم وبعد اكتر من نص ساعه جات عربيه الناس ركبته معاهم بعد م ركبته في مرة راكبه جمبي وشكلها اخلاقها في مناخرها بعد تردد قلته ليها ي خالتو العربيه دي ماشه وين؟قالت لي العربي،شويه كدة الزول البيخلص القروش طقطق ،طلعته ليهو القروش فجأة واحد قال ليهو الراكب بكم؟قال ليهو ب10جنيه ،قال ليهو ليييه عشرة ي حبيب من هنا للعربي راكب حافله ولا طيارة انا؟الزول البيخلص القروش قال ليهو لو م عاجبك انزل اركب ليك طيرة وم تكتر،ومن هنا النقاش والشكلهه دورت والناس تمسك الكمساري يشتبك الزول والزول المعاهو وهكذا لغايه م في لحظهه الكمساري جدع القروش في وش الزول،اها زولنا داك طبعاً اصلاً هو قاعد على الهبشهه ومن هنا الشكله رجعت وقوم اقلع جزمتك واخبط بيها الكمساري في وشو ومن هناك دخلو في دوامهه بتاعهه ضرب ومصارعه والسواق ماشي دة كلو والناس تجوط وتهدي ولسسه بتضاربو لغايه م السواق العربيه وي دوب نزلو تحت و بدو يتضاربو كويس وبقدرة قادر قدرو يحجزوهم فجأة الزول دة قال م لقى تلفونو وبقى يفتش في جيوبو وقال للكمساري انت بس سرقتو وم بعرف العربيه دي تمشي القسم زول ينزل منها ماف،بعد جوطهه قالو يمشو القسم وانا من سماع كلمه القسم دي خلاص جاني هبوط فجاة بصوت مبحوح قلته ليهو"هييي اقيف لي لو سمحت انا نازله ،السواق قال لي نازله وين؟قلته ليهو نازله ،قال لي ماف نزول العربيه دي كلها تمشي القسم،قلته ليهو قسم شنو وانا البوديني القسم شنو؟م ماشه القسم انا ي زول نزلني،قال بي م بنزلك ي بتنا مش انتي حاضرة الشكله دي وشاهدة ولا انتي احسن من الناس القاعدة دي؟م ياهم ديل اعمامك كبار وعندهم اشغال اهم من اشغالك ماشين القسم،قلته ليهو وانا عيوني ملانه دموع انا م شاهدة وم شفته شي وم ماشه قسم حتدخلني قسم غصب؟جزء قالو ليهو نزلها وهو حلف كان ينزلني قال العربيه دي تصل كامله مكمله القسم وانا اتفقعتهه بكى،اتصلته على ماما م بترد،واتصلته على بابا تلفونو مقفول،اتصلته على منذر منذر م برد كذا مكالمه م برد😭😭😭😭💔خالتو الجمبي بتهدي فيني وبتقول لي ي بتي كلنا ماشين معاك يعني م بعملو ليك حاجه والقسم دة م مكان كعب؟!قلته ليها هئهه انا م ماشه ليييه يسوقني بالغصب لييييه يجبرني وانا م عامله شي،قالت لي كلنا م عاملين شي بس شاهدين على الحصل كلو💔قلته ليها انا م شاهدة وم شُفته شي يتشاكلو هم ونحن نتجرجر في القسم ذنبنا شنو؟😭💔رجعته مسكته تلفوني اتصلته على بابا لسسه تلفونو مقفول تاني م خطر على بالي الا ماهر،اتصلته عليه والحمدلله على طول فتح الخط،قلته ليهو ماهر وانا صوتي مبحوح،قال لي شهد عبدالله،قلته ليهو ماهر اللحقني😭😭😭💔قال لي بسم الله في شنو مالك؟قلته ليهو سايقني القسم غصب ي ماهر😭😭😭😭💔 قال لي قسم؟لشنو في شنو ؟وين انتي؟قلته ليهو ماشين على القسم،قال لي الحاصل شنو فهميني واي قسم؟قلته ليهو انا اليوم ركبته مواصلات،قال لي اها؟قلته ليهو وحصلت مشكله في المواصلات الراجل البخلص القروش ومعاهو واحد من الركاب اتضاربو واسي السواق قال مودينا القسم😭😭😭😭😭😭💔قال شنو قال نحن شاهدين على الحصل غصب عننا،اتصلته على بابا تلفونو مقفول وماما م بترد ومنذر م برد😭💔قال لي طيب روقي انتو ماشين اي قسم بالظبط؟قلته ليهو م عارفه،قال لي ادي التلفون دة لي اقرب زول جمبك اتفاهم معاه،قلت ليهو طيب،اديت التلفون لي خالتو الجمبي مسكتو التلفون قالت الوو؟اهلاً ي ولدي ،اي،والله نحن قريبين من العربي ف شكلو هو ماشي قسم الشرطه بتاع السوق العربي،تمام ي ولدي ماف شي بخوف ابداً هو سؤال ورد غطاه بس هي خايفهه ساي والله،ربنا يهون اتفضل هاك،ادتني التلفون قلته ليهو الوو؟قال لي شهد،قلته ليهو ايوة،قال لي انا جاي عليك م بتأخر ماف شي بخوف تمام؟م حيعملو ليك شي لانو انتي م عندك دخل في الموضوع ف م تخافي تمام؟قلته ليهو بس ي ماهر،قال لي م بس ي شهد انتي بس م تتجادلي مع زولةحتى لو وصلتي انا طريق السكه بكون معاك واصلاً ماف شي الموضوع بسيط تمام؟سكتت،قال لي تماااام؟قلته ليهو حاضر،قال لي وبطلي بكى،قلته ليهو طيب، قال لي ادعي بس م يكون في زحمه في الشوارع،قلاه ليهو يعني حتتأخر؟قال لي لا م بتأخر م بتأخر ي شهد خليك رايقهه،بالفعل وصلنا العربي والسواق برضو قال لينا م تنزلو،هنا انا اتوترته كيف م ننزل؟بقيت اجوط فيهو ليه م ننزل وانت فاكر نفسك شنو وانت وانت و...قلته ليهو انا بنزل وابقى راجل امنعني،وانا نازله جا عسكري قال لينا مالكم في شنو الحافله دي مالها كمان الجوطه شنو؟السواق قال ليهو ي جنابو حصل كدة وكدة وكدة واسي نحن ....والبت دي م دايرة تفهم،العسكري قال لي ي بتنا تعالي كدة عايز يمسكني من يدي زحيت منو بخلعه وقلته ليهو م تقرب مني اوعى تمد يدك علي ودموعي جات جاريه عشرة عشرة حتى هم اتخلعو،العسكري قال لي مالك انتي اسي ي بتنا المبكيك شنو في زول سألك؟قلته ليهو الزول دة جايبنا غصب ونحن م عاملين شي ليه يجيبني القسم غصب؟بتكلم وببكي لمن بتنهد قلاه ليهو نحن ذنبنا شنو في شكلتهم؟م يسوق الاتشاكلو يدخلهم القسم ولا غيرو نحن مالنا؟😭💔قال لي طيب م تبكي ماف زول بسألك او بعمل ليك شي يضرك،قلته ليهو جيبتي للقسم دة براها فيها ضرر لي😭💔فجأة تلفوني ضرب فتحته الخط من غير م اعاين للرقم ،فجاة سمت صوت ماهر ةهو بقول لي شهد،قلته ليهو ماهر انت وين😭قال لي وين انتي؟وصلتو القسم؟قلته ليهو ايوة نحن قدام القسم وين انت؟قال لي قريب خليك معي في الخط ،بعد مساااافه قال لي وين وين م شايفك،قلته ليهو الحافله القصاد القسم دي،قال لي ايوااا طيب انا شفتو قبل م هو يشوفني ومشيت عليهو بسرعه، لما شاف حالتي الانا فيها قال لي ي زولهه دة كلو لشنو؟فضلته ببكي وانا واقفه قدامو وببكي زي الشافعهه لمن بتنهد ،دهو احتار يقول لي شهد بقى يقول لي شهد اهدي ماف شي عايني انا معاك يعني حيحصل ليك شنو مثلاً؟تعالي تعالي ابيت امشي معاهو هو مشى على بتاع العربيه والعسكري الجمبو سلم عليهم ووقف معاهم مسافه بتكلم بعد مسافه اتلفت علي واشر ليهم شويه كدة جاني راجع قال لي يلا،قلته ليهو وين القسم؟والله م داخلهه😭💔قال لي يلا البيت ي شهد م القسم،مشيت وراه فتح لي الباب ركبته واتحركنا وانا لسسسه ببكي ،قال لي شهد خلاص الموضوع انتهى يعني اسي انا م عارف انتي بتبكي مالك؟شهد،شاااااااهد؟!وانا ساكته وببكي،بقى يشيل ويناولني في المناديل،كل شويه يناولني منديل لغااااايه م في لحظه كدة شال كرتونه المناديل كلها وختاها قدامي وبعدها اتفقع ضحكك،بقى يضحك بطريقهه غياظهه بس حلوة 😹قال لي لا حول ولا قوة الا بالله انا عمري م شوفته لي زول لسانو طويل وقلبو كبير😹😹😹😹😹😹😹😹💔فضلته ساكته وم فتحته خشمي،وهو لسسسهه بضحك وميت من الضحك اول مرة اشوفو بضحك كدة،كل شويه يوقف ضحك وتاني يرجع يضحك لغايه م فجاة جاتني مكالمه كانت من ماما ،اول م فتحته الخط قالت لي ي بت شهد ،قلته ليها بصوت مبحوح اي ي امي،قالت لي وين انتي؟اتصلتي علي بس تلفوني كان في الشحن وكنت واقفه مع البت البتنضف فوق في السطوح،قلته ليها انا في الطريق،قالت لي وصوتك دة مالو كدة؟قلته ليها ماف شي،قالت لي كيف ماف شي صوتك دة م مريحني،قلته ليها بجي البيت بحكي ليك،قالت لي تجي البيت تحكي لي؟مالك في شنو الحاصل عليك شنو انتي كويسه؟قلته ليها كويسه ي امي انا قلته ليك،قالت لي طيب انتي وين اسي؟قلته ليها جايه على البيت ي امي م بعيدة قربته،قالت لي معاك ابوك؟قلته ليها لا بابا تلفونو مقفول،قالت لي اها جايه بترحال؟قلته ليها لا ي ماما م بترحال لما اجي بحكي ليك كل شي💔قالت لي سمح هممتيني غايتو تصلي بالسلامه،قلته ليها يلا سلام،بعد م قفلته الخط ماهر قال لي حاولي م تخوفيها لأنو الموضوع جد ي شهد م بستاهل تمام؟قال لي كدة وهو بعاين لي،اتلفته على القزاز وانا ساكته لغاااااايه م وصلنا البيت هو زاتو نزل معي،اول م ماما فتحت الباب قالت لي شهههد وبقت تعاين لي بإستغراب من شكل وشي وحالتي الانا فيها،على طول اترميت في حضنها وقعدته ابكي وماهر وراي،ماما قالت لي بخلعه بسم الله ي بت في شنو؟شهد؟ماهر ي ولدي في شنو؟قال ليها ماف شي ي خالتي ،شهد بطلي هبل،وماما مخلوعه طبعاً لمن جاتها رجفه،ماهر بقى يهدي فيها ويأكد ليها انو ماف شي وبهداوة كدة دخلنا البيت وبقى يحكي ليها الحصل وبعد م خلص قال ليها هي خوافهه بس يعني دة م شي يستاهل يعني وكمان هي م براها الحافلهه كلها معاها،ماما قالت ليهو لكن عاااد ي ولدي الدخلتها فيني م بتمرق البت ام قلب كبير دي💔انا قلته حاصلهه معاها مصيبهه كبيرهه،قال ليها انا زاتي لما اتصلت افتكرت كدة والله لكن الحمدلله،قالت ليهو اعفي لينا ي ولدي قطعت قلبك،قال ليها العفو ي خالتي يخخ م تقولي كدة،طبعاً ي دوب انتبهته ليهو جاي بي ترينك كورة طويله وفنيله وشبشب بيت اول مرة اشوفو كدة طبعاً،وقف قال ليها اها ي خالتي انا استأذن،قالت ليها م تقعد ي ولدي ،قال ليها والله على مشيهه ،قالت ليهو اتغدى معانا ،قال ليها لا والله بالهنا يديك العافيه ي خالتي،قالت ليهو طيب ي ولدي الله يرضى عليك معليش تاعباك معاها البت دي💔قال ليها م تقولي كدة ي خالتي ياخ ،قال لي يلا ي شهد،قلته ليهو اوكيهه تمام،طلع مشى وانا دخلته غرفتي جات ماما قالت لي م كان تتصلي على منذر مبهدله الولد معاك،قلته ليها منذر خلي يبقى زةل ويرد على مكالماتي اول،قالت لي خلاص اجهز لي اكل؟قلته ليها لا م عايزة،قالت لي خلاص بجيب ليك عصير وانتي زاتك البخليك تركبي مواصلات شنو؟من متين انتي بتركبي مواصلات؟من بكرة مافي نقاش تاني ابوك يوديك ويجيبك لغاايه م يتعمل ليك ترحيل ولو ابوك م جابك اضربي لي انا بجي بسوقك منذر دة اصلاً ولد كماله عدد مفروغ من امرو،قلعتهه ملابسي ورقدته في السرير وإتغطيت،نمته م جبته للدنيا خبر،صحيت طلعته برة لقيت الدنيا ليل وماما قاعدة جمب بابا في الهول بشاهدو في التلفزيون،بابا قال لي بتي،قلته ليهو بابا كيفكك مساء الخير،قال لي مساء النور تمام الحمدلله دة شنو الحصل الليلهه دهه؟قلته ليهو دة واحد حيوان ساي،قال لي كدة تعالي مدة لي يدو جيتو قعدني جمبي قال لي لو اتصلتي علي وانا م رديت اتصلي في رقم المستشفى واطلبيني ي بتي في حاجه زي دي م تتصرفي بغباوة،ومنذر دة خلي بس اليلهه لما يجي الحيوان دة اتصلتي وم رد عليك صح؟قلته ليهو اي،قال لي كويس، ماما قالت ليهو والله قطعت قلب ود الناس كان شوفتو جاي لابس ملابس البيت وشبشب البيت😂💔قال ليها معليش كلو فداها بهون تاني تخلو تلفوناتكم دي جمبكم تحت اي لحظه للحالات الزي دي م معروف الظروف،قلته ليهو دة المفروض يحصل بس م بفهمو ي بابا ماما م بترد ومنذر م برد وانت تلفونك قافل اتجبرته اتصل على ماهر ماف زول تاني غيرو فكرته فيهو،قال لي معليش تعالي رقدني جمبو ومسح على راسي بي يدو،قال لي هو زاتو سواق الحافله زولةحيوان ساي يعني معقوله تأخر حافله كامله عشان نفرين؟انا والله لو كان تلفوني فاتح وجيت لاحقك كنت بدخل القسم بسببو،قلته ليهو م تجيب لي سبرتو الغبي دة قدر م الناس حلفوه علشان يخليني انزل رفض وفي الاخير لما ماهر جا خلاني امشي بدون م ادخل القسم حتى💔قال لي ماهر قال ليهم شنو هو؟قلته ليهو م عارفه بس اتكلم معاهو ومع العسكري،قال لي الله يفتحها عليه ويجزيه خير الولد دة ياخي والله فيهو رجولهه تخجل صحي الرجوله مقياسها م بالعمر 💔بعد خلصته كلام مع بابا واكلته وساهرنا في التلفزيون رجعته غرفتي شلته تلفوني فتحته الواتسب رسلته لي ماهر Hiبعدها بدقايق رد ب اوووو شهد عبدالله اهلين،قلته ليهو مساء الخير،قال لي يسعد مساءك كيفك احسن ان شاءالله؟قلته ليهو الحمدلله،قال لي الحمدلله،قلاه ليهو الليلهه دة الله لا عادو،قال لي م تختي في بالك وحاولي اتجاوزي،قلته ليهو حاضر،فتحها الرساله وم رد علي تاني،قلتهه ليهو امممممم ممكن اقول حاجه؟قال لي على طول،قلته ليهو اسفهه لأنو في بعض الاحيان بزعجك وكدة وانت م بتكون فاضي او كذااا زي الليله كدى،قال لي ي هبله ي هبلهه بتقولي كدة لييييهه؟قلته ليهو كدهه،قال لي م بعض الاحيان دايماٌ بس ي زوله بقيتي روتين اليوم بقى م بعدي بدون شقاوتك😂ف شنو تاني م تقولي كدهه،قلته ليهو طيب ممكن اعترف ليك بحاجه!؟قال لي ممكن،قلته ليهو اممممممممم م عارفه بس انت بالجد بقيت منطقهه امان بالنسبهه لي م عارفهه اشرحها ليك كيف بس دة الحاصل يعني امتز زول ممكن يخش حياة زول رغم انك بتحب تظهر جانبك السيء دايماً 💔،قال لي اممممممم ودي حاجهه كويسه ولا كعبه؟قلته ليهو انت شايف شنو؟قال لي انا شايف انو دي مكانه م بياخدها اي زول اي زول،قلته ليهو بس وعلى ذلك قِس+م ملاحظ انو في تعلق حاصل؟،قال لي اي اي ملاحظ زي البقيتي صحبتي وكدة😂💔قلته ليهو قصدك بقيت صحبي لو سمحت علشان انا بصاحب بمزاجي وكيفي 😌 قال لي طيب م فرقت😂💔قلته ليهو طبعا ماما اتنمرت عليك قالت اول مرة تشوفك بالحاله دي😂💔قال لي كيف؟😂💔قلته ليهو بملابس الكورة وكدة😂💔قال لي والله كنت طالع الخماسيات وحدس ما حدس😂💔قلته ليهو ع فكرة انا بحب الكورة وحبيت ملابسها عليك ف لو لقيتك تاني لابسهم م تلومني لو قلته ليك My crush ضحك وقال لي بناء على ذلك دقيقه اسألك شهد انتي حبيتيني ولا حاجهه؟قلته ليهو اناااااا؟يحبك برص ي وهمي حب شنو انا لما احب احبك انت ي منفسن بس بالجد انتو الأولاد ديل طير وعقلكم واحد يعني م ضروري انا اتعلقته بيك معناها بحبك ي وهم،قال لي طيب😂😂😂😂😂😂 المهم ي شهد اوعااااااك يجي يوم وتحبيني ي شهد ابداً ودي اعتبريها نصيحهه من صديق بحارب قرينو تمام؟ولو في يوم حسيتي انك بتحبيني وضعيفهه قدامي اعملي كل البطلع بيدك عشان تبعدي ي شهد فهمتي؟اعملي كل شي حتى ولو على حساب انك تجي على نفسك معليش اقسي عليها ...💔
يتبع......
