كان كلما رآها بدلًا مِن أن يُلقي التحية ، يتنهد 🥺❤️
#الصدفه_المدبره
#البـارت_ألخامس
عمر : مرت فترة واني تفكيري كلة بيها بشغلي باكلي ماكدر انام الا اشوف صورتها ماعرف حب هوس جنون مداعرف شديصيريلي اعد الايام اريد بس اشوفها دكت امها عليه طلع تريدني اخذهن من المدرسة همين ارتاحيت حمدت ربي اشوفها اكثر واخيرا اجة اليوم اللي حشوفها قفلت المكتب ورحت ضليت منتضر علما يطلعون بس طلعوا نزلت ورتجيت ع سيارتي واني منتضرها لحد مطلعت اخذت نفس قوي تباوع منا ومنا مشافتني رحتلها... دنيا مو؟؟
دنيا : اي وحضرتك عمر
عمر : اي ميار ؟
ميار : ممم
عمر : تفضلوا ذيج السيارة مشيت كدامهم
ميار : طاحضج كدام عينج وماشفتيه عمة
دنيا : نننن... صعدنة السيارة والبنات كلهن يباعن عليه شكله جذاب جانت سيارة حديثه ومرتبة صعدنة ثنينة لورة... ااا بس حبيت اشكرك مرة لخ ع تلفون لو غيرك جان هسة اني بمشكلة
عمر : لا عادي واجبي هاذة بس انتي مرة لخ انتبهي اكثر
دنيا : ابتسمتلة بالمراية وجهي صار احمر من الخجل من غبائي حسيت فشلني ميار تباوعلي وخربانة ضحك... شبيج بنتي
ميار : الولد كلش حلو لو ادري جان اني ضيعت هم فوني
دنيا : گبررر
عمر : وين بيتكم
ميار : بهالفرع وامشي كبل اي هاذ بيتنة دندون حنزل ابدل وححمي الاكل بينما تجوني اجيبلج وياية شوية
دنيا : شمسويين
ميار : ورق عنب
دنيا : اكيييد جيبي هاذ هم سؤال
ميار : ههه تمام باي
دنيا : ااا انتة حتنتضر بالباب خاف اطول اني بالتبديل
عمر : لا عادي بالسيارة ماعندي شي
دنيا : متشتغل؟؟
عمر : لا عندي مكتب محاماه
دنيا : ممم تمام... وصلت للبيت نزلت غسلت وبدلت ع سريع فتحت شعري وحطيت مكياج خفيف دزيت لميار تجيب ماعون للولد هم لبست مناضري الطبيه واخذت جنطة صغيرة دفترين وقلم وعطر وتلفوني وطلعت لكيتة كاعد بالسيارة يلعب بتلفونة... اسفة تاخرت شوية
عمر : ورا ما وصلتها كعدت اكلب بتلفوني حجيت وية سيف وهية ماكو وين رايحة عرس طلعت اباوع عليها شكد حلوة يالله ... لا لا عادي هسة نمر على ميار
دنيا : ممم يلا رحنة على ميار شويه و طلعت شايلة حافضتين وحدة صغيرة ووحدة جبيرة و 3 قواطي ببسي
ميار : سلام عليكم
عمر ودنيا : هلا
ميار : تفضل
عمر : ليش تعبتي نفسج
ميار : لا عادي بالعافية
دنيا : مشة بالسيارة واني جوعانة... افتحي جوعانة مماكلة شي بس لفة الصبح
ميار : اني هم متغديت كلت نتغدة سوة بس مو بالسيارة من نوصل بالكافتريا
عمر : سمعتهن يحجن ودنيا جوعانة ضحكت عليها عيناً طفلة... ليش مدتاكلون الطريق طويل هواي علما نوصل
ميار : لا خاف تبقة ريحة بالسيارة لو تتوسخ
عمر : لا يمعودة عادي اكلوا
دنيا : كعدنة ناكل واني اعشق اكل خالة زينة وبذات ورق العنب ومنا جوعانة اكلت كومة
ميار : شبيج حتختنكين
دنيا : جوعانة
ميار : اويي خدود اكليي وكرصتها بخدودها
دنيا : كملت اكل وميار جايبة كلينكس مرطب مسحنة ايدنا رشيت عطر
عمر : تصرفاتها رغم رزنة وثكيلة بس عيونها عفويتها مال اطفال من رشت عطر سديت الشبابيك اريد يبقة بالسيارة ورة مانزلو انتضرت لحد ما دخلن المعهد ومشيت واني اريد املة ريتي بريحتها اااوف وين تاليتك عمر محامي شكبرك شايف اشكال بنات حبيت بنيه عمرها 18 سنه وصرت مهووس بيها بنضرة منها اذا ضليتو فترة طويلة يومية تشوفها شحيصير بيك واذا محبتك طردت هالفكرة من بالي لا هية تصيرلي غصبا عليها ماعوفها تنهدت وبراسي الف فكرة ماعرف وين اروح دكيت على سيف
سيف : خير يول
عمر : وينك حجيك ضايج
سيف : يول عندي شغلة باوعت للبنية اللي بحضني ونداريت همست لك يمي وحده
عمر : يمعود دبطل عاد والله هاي الشقة راح احركها على راسك كوم يلا
سيف : انعل اليوم اللي اجة بيه سيف كايم نشوف تاليتك روح للكوفي جاي وراكك
للحكايا بقايا...
أنت تقرأ
الصدفه المدبره ❤️🕊
Lãng mạnتتكلم الـقصه عن لقاء وحب من اول نضره ... فـ ماذا سـيتغير في اقدار تلك الفتاه ومن حولها حينما يدبر ذلك الشاب صُدفه من اجل ان يكون قريب منهـا ...؟ 🥺❤️
