الصدفه المدبره ❤️🕊

الـبارت الـ 29 ❤️

لا يحق لمن زرع الشوك، أن يطالب بنمو شجرة !!!

#الصدفه_المدبره
#البـارت_ألـ29

دنيا : شنو شنو شدتحجين مريم شنو اجاج فهمينة عدل شنو اجاج

فلاش باگ&&&

مريم : نزلت من الخط دخلت البيت هم دازلي هالولد طبعا طول هالفترة هوة لازكلي واني ماجاوبت ابد بالليل دك تلفوني رقم غريب ماجاوبت 10 مكالمات وراها وصلت رسالة لو تجاوبين لو ادخل للبيت هسة واسويلج مشكلة حكرته هاي سوالف زعاطيط دزلي صوره بيتنه اني فزيت راسا جاوبت

سيف : اله اهدد يعني

مريم : صوت مو غريب... منو انت وشرايد مني شلطشت شتريدد

سيف : اريدج

مريم : نعمم يمة

سيف : نزلي واكف كدام بيتكم

مريم : ولك انتة منو وانزلك منو انتةةة

سيف : اني سيف

مريم : يا سيف

سيف : اهووو صديق عمر اللي تعاركتي وياه وصلت

مريم : لا ياحقير هاي انتة شتريد مني مكافيك الراجدي الاخذتة

سيف : حتنكسر ايدج ع هالراجدي مناسيه حبيبتي نزلي يلا عندي حجي وياج

مريم : هههههههه لتضحكني منو انتة وانزلك شوف تروح عني هسة لا والله اكعد اخوتي يطيحون حضك انتة ماعندك خوات

سيف : شكد تحبين تحجين انتي وكعديهم ماتضرر اني انتي تضررين فـ نزلي بلا مشاكل لا ادخل اني وشوفي شحيصير اذا احد حس عليه

مريم : هه متكدر تدخل

سيف : اوك فتحت فيديو واني داطفر من الحايط

مريم : عزااا اطلع اطلع حطلعلك اطلعععع

سيف : اي من البداية خمس دقايق انتي يمي

مريم : جاية بس اطلع ليشوفك احد... كمت ع سريع واني الرعب متملكني لبست صاية طلعت على كيف وميتة خوف وصلت للباب لكيتة واكف ويدخن وهادئ صدك يحجي رحت وكلي عصبية واتلفت خاف اكو احد حجيت بصوت ناصي مليان اعصاب... شدسوييي هنا شذكرك بيههه شتريد منييي الله لا يوفقك شتريددد

سيف : اهدي العصبية مو زينة عليج شوفي مريوم باجر امي حتجي تخطبج ماريد اي اعتراض والا تشوفين شي ميعجبج

مريم : ههههه هههههه خربب ههههه صدك تحجي شتخطب بابا انتة شبيك لك اعرفك تعرفني شتخطب شبيك

سيف : والله دخلتي عقلي وعجبتيني وحبيتج وبلا لف ودوران اريدج وداز امي تخطبج شنو الغريب بالموضوع

مريم : لالا مخبل انتة والله مخبل انتة شبيك امي لك شاتزوج هوة لعب جهال شعرف عنك اضافتا اني اكرهكك كره العمة اشوف ابليس وماشوفك ولو انتوا واحد ومستحيل اوافق على واحد مثلك لك اني خبلة اخذ واحد مثلك راد يخطف وحدة وهالوحدة صديقتي واختي انته تريد تكسر خشمي مو لان وكفت بوجهك ؟؟؟