الصدفه المدبره ❤️🕊

الـبارت الـثامن ❤️

لا القلبُ ينسى حَبيباً كان يَعشقه ، ولا النجُوم عَن الأفلاكِ تَنفصل .

#الصدفه_المدبره
#البـارت_ألثامن

عمر : رحنة لمطعم تغدينة وطلبنة نراكيل وكعدنة نسولف واني حاير بـهالبنيه واللي سوتة بية ماعرف شنو بداخلي حب هوس جنون لو كلهن اني هيج يصير بية لسة مداستوعب تجي هالطفلة هيج تسوي بييه

سيف : يمعود صار ساعة احجي

عمر : ولك دايخ بهالبنية لك اني تاليتي وين

سيف : ها مو قبل شوية سويت روحك سوبر مان واخطفها

عمر : اذا اضطر الأمر اسويها والله سيف مو كلام عابر بس ماريد اسوي شي غصبا عنها اريدها تحبني سيف

سيف : شبيدي اسويلك والله خويي احب اكلك وكعت وكعة توب

عمر : تنهدت دك تلفوني دنيا رفضتة ورجعت دكيت

دنيا : ااا عمر تجينة كملنة

عمر : شو من وكت

دنيا : اي ماعدنة هواي بس محاضره

عمر : هسة قريب جايكم... يلا كوم

سيف : ها وين

عمر : البنات كملن خنروح طلبنة الحساب ودفعت ورحت للمعهد لكيتهن واكفات برة دكيتلهن هورن نزل سيف وهوة يغمزلي صعدن سلمن والطريق كلة يتناقشن على الدراسة وشحيقرن وشحيسون وحدة تجر طول وحدة عرض والله يضحكن بس حقهن السادس يعذب وهاي بعدهن بالبدايه

دنيا : كملنة وطلعنة شوية واجانة عمر صعدنة ونزل صديقة يمكن جانوا طالعين بس صديقة مو راحة ابد حسيتة ملعب ابو بنات اوي شعلية وضلينة نتناقش ع دراستنة وقررنة ناخذ ويانة كتب المدرسة نقرة بالمعهد وقت الاستراحة لان تطول وصلنة بست ماري ونزلت قريت شوية واكلنة اني وماما حضرت اشيائي ونمت كعدت ثاني يوم سويت روتيني الاعتيادي اجة عمر ورحنة لماري ذبيت ملابسي ورحنة للمدرسة وكذلك مر اليوم عادي مابيه احداث

تسريع احداث...

دنيا : مرت فترة تقريبا شهرين ماكو شي مهم بس بهالفترة كمت انتبه ع نضرات عمر ماعرف جنت اتوهم لو لا بس جنت احس دائما يباوع وماري هم انتبهت مانطيت الموضوع اهتمام كضينة هالشهرين كلة بين مدرسة ومعهد ومرات نطلع جنت اتعب بالدراسة بس ماما وخالة زينة واختي وزوجها واقاربنه وحتة عمر ينصحونة ويهونون علينة طبعا نقاشاتنة وية مريم مخلصت جانت دوم تسوي عركات ومرات جنة نتعارك بالمدرسة ماكدر الزم لساني علاقتنة بعمر قوت واكثر من مرة ماما ضيفتة حباب ومحبوب صح عندة نضرات مااكدر افسرها بس مجانت نضرات مخيفه او موزينه بس جان كلش محبوب ومرات يطلعلنة اغاني من يشوفنة ضايجات ودوم شقة وضحك ومرات يسالني بالتلفون محتاجة شي او مرات من ماعدنة محاضرات يحجي وياية شوية مرن الشهرين بسرعة وجانت امتحانات اخر السنة الحمدلله نجحنة ثنينة وبدرجات عالية والتهيت وية ماري بهالفترة...